Sveitarstjórn Skagafjarðar

Málsnúmer 2601025FVakta málsnúmer

• 1.1 2601156 Uppbygging húsnæðis fyrir Háskólann á Hólum
  Byggðarráð Skagafjarðar - 178 Hólmfríður Sveinsdóttir rektor Háskólans á Hólum og Hjörvar Halldórsson sviðsstjóri veitu- og framkvæmdasviðs mættu til fundarins.
  
  Farið var yfir húsnæðismál Háskólans á Hólum. Fasteignir Háskólans á Hólum eru í eigu ríkisins ásamt öllu landi Hóla í Hjaltadal. Núverandi staða í húsnæðismálum háskólans er alvarleg. Fiskeldis- og fiskalíffræðideild er á hrakhólum og hefur litla sem enga kennsluaðstöðu í dag. Skrifstofum ferðamáladeildar var lokað 2021 vegna myglu í húsakynnum Háskólans á Hólum og nú síðast þurfti að rýma eina hæð til viðbótar vegna myglu í húsakynnunum sem leiðir af að taka þurfti á leigu húsnæði á Sauðárkróki undir hluta starfsemi Háskólans.
  
  Háskólinn á Hólum er sérhæfður háskóli sem gegnir lykilhlutverki í námsgreinum innan lagareldi, íslenska hestinum og ferðaþjónustu í dreifbýli. Áríðandi er að flýta fjárfestingu í húsnæði og innviðum Háskólans á Hólum til að bregðast við þessu ástandi í húsnæðismálum skólans. Slíkt er einnig forsenda þess að nýta þau tækifæri sem sérstaða Háskólans í námsframboði skapar og til að mæta vaxandi þörf atvinnulífsins fyrir sérfræðinga í þessum mikilvægu greinum.
  
  Uppbyggingin er jafnframt stórt byggðaþróunarverkefni sem getur haft veruleg jákvæð áhrif á menntun, atvinnu og samkeppnishæfni svæðisins, sérstaklega í ljósi þess að Norðurland vestra hefur setið eftir í íbúafjölgun á undanförnum árum.
  
  Bókun fundar Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 1.2 2510123 Húsnæðisáætlun 2026
  Byggðarráð Skagafjarðar - 178 Húsnæðisáætlun 2026 fyrir Skagafjörð lögð fram til afgreiðslu byggðarráðs.
  
  Byggðarráð samþykkir samhljóða að vísa áætluninni til afgreiðslu sveitarstjórnar. Bókun fundar Mál afgreitt á 45. fundi sveitarstjórnar þann 21. janúar 2026.
• 1.3 2601172 Samningur um reiðvegi 2026-2030
  Byggðarráð Skagafjarðar - 178 Einar E. Einarsson vék af fundi við afgreiðslu málsins.
  
  Lögð fram drög að samningi milli Skagafjarðar og Hestamannafélagsins Skagfirðings um áframhaldandi uppbyggingu reiðvega í sveitarfélaginu Skagafirði á næstu 5 árum, 2026 til 2030.
  
  Byggðarráð samþykkir með tveimur atkvæðum að fela sviðsstjóra stjórnsýslu- og fjármálasviðs gerð viðauka vegna málsins. Byggðarráð samþykkir jafnframt með tveimur atkvæðum að fela sveitarstjóra að undirrita samninginn fyrir hönd sveitarfélagsins. Bókun fundar Einar E. Einarsson vék af fundi við afgreiðslu þessa liðar.
  
  Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með átta atkvæðum.
• 1.4 2601140 Umsókn um styrk til greiðslu fasteignaskatts
  Byggðarráð Skagafjarðar - 178 Fært í trúnaðarbók. Bókun fundar Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 1.5 2601114 Umferðaröryggismat fyrir Húnavallaleið og Vindheimaleið - Beiðni til Vegagerðarinnar um svör - Skoðanakönnun - Beiðni um afstöðu Húnabyggðar og Skagafjarðar til vega umræddar leiðir
  Byggðarráð Skagafjarðar - 178 Lagður fram tölvupóstur frá Samgöngufélaginu dagsettur 12. janúar 2026. Í tölvupóstinum fer félagið þess á leit við sveitarfélagið að gerð verði grein fyrir afstöðu sveitarfélagsins til lagningu Vindheimaleiðar.
  
  Að teknu tilliti til umferðaröryggis, byggðaþróunar, skipulags, umhverfisáhrifa og fjárhags telur byggðarráð ekki forsendur til að mæla með framgangi verkefnisins.
  1. Umferðaröryggi á núverandi leið telst ekki óásættanlegt samkvæmt meðfylgjandi gögnum. Í umferðaröryggismati Verkís frá desember 2025 kemur fram að meðalslysatíðni á umræddum köflum hringvegar sé undir landsmeðaltali þjóðvega í dreifbýli. Einnig er bent á að engin slys hafi verið skráð á kaflanum í gegnum Varmahlíð á síðustu fimm árum. Að teknu tilliti til framangreinds er ekki tilefni til að telja núverandi leið óörugga umfram landsmeðaltal.
  2. Í skýrslunni er áætlað að stytting leiðarinnar um 6 km gæti fækkað slysum yfir 20 ára tímabil, en rökstuðningur byggir fyrst og fremst á styttingu ekinna km, fremur en því að núverandi vegur sé slysahættuvaldandi umfram viðmið. Á móti styttingu koma mikilvæg samfélags- og byggðaáhrif.
  3. Í erindi Samgöngufélagsins er viðurkennt að ný veglína gæti dregið úr umsvifum í Varmahlíð og á Blönduósi. Í ljósi þess að íbúafjölgun á Norðurlandi vestra hefur verið hægari en landsmeðaltal síðasta áratuginn telur byggðarráð að slíkar framkvæmdir geti aukið byggðaröskun og grafið undan þjónustu og atvinnu á svæðinu.
  4. Vísanir í áætlaðan kostnað Vindheimaleiðar byggja á eldri forsendum. Ekki liggur fyrir sjálfstæð, uppfærð arðsemisgreining sem sýnir með óyggjandi hætti að veggjöld mundi standa undir fjárfestingu miðað við áætlaða umferð og því telur byggðarráð fjárhagslegar forsendur ófullnægjandi.
  5. Tillagan kallar á nýja stórbrú yfir Héraðsvötn, minni brú yfir Svartá og varnargarða sem þrengja árfarveg, auk þjónustumannvirkja og vegar á nýjum slóðum um ræktuð landbúnaðarsvæði (m.a. Saurbæ, Vindheima og Víðivelli). Ekkert umhverfismat fylgir erindinu né áhrifamat á landbúnað eða aðra atvinnuvegi Skagafjarðar. Byggðarráð telur óásættanlegt að hefja ferli án heildstæðs mats.
  6. Í gögnum er tekið fram að hvorki drög að Aðalskipulagi Skagafjarðar 2025-2040 né Aðalskipulag Húnabyggðar geri ráð fyrir umræddri veglaggningu. Vegagerðin er umsagnaraðili í aðalskipulagsferli sveitarfélaganna og hefur í hvorugu tilvikinu sent inn umsögn með ábendingum um lagningu þessara vegstæða né hugmyndir um slíkt. Aðalskipulagsferli beggja sveitarfélaga fóru í gegnum viðamikil kynningaferli og öllum áhugasömum því í lófa lagið er senda inn ábendingar og athugasemdir.
  7. Byggðarráð telur raunhæfara að einbeita sér að markvissum öryggisúrbótum á núverandi þjóðvegi 1, á borð við úrbætur í beygjum, sjónlengdum, tengingum og aðgreiningu hægari umferðar í stað nýrrar veglínu með miklum fjárútlátum og óafturkræfum áhrifum. Slíkar úrbætur samræmast betur forgangsröðun um öryggi og viðhald í landsáætlunum.
  
  Að öllu framangreindu virtu er það afstaða byggðarráðs Skagafjarðar að ekki séu fyrir hendi fullnægjandi forsendur, hvorki umferðaröryggislegar, fjárhagslegar, skipulagslegar né umhverfislegar, til að gera ráð fyrir Vindheimaleið/Húnavallaleið í skipulagi eða samgönguáætlun á þessu stigi. Byggðarráð hvetur þess í stað til heildstæðra, uppfærðra greininga og forgangsröðunar hagkvæmra öryggisúrbóta innan núverandi vegaslóðar.
  
  Bókun fundar Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 1.6 2512176 Tilboð í íbúð 2. HV Skógargötu 2
  Byggðarráð Skagafjarðar - 178 Lagður fram tölvupóstur frá Moniku Hjálmtýsdóttur, fasteignasala hjá Landmark, dagsettur 20. janúar 2026. Í tölvupóstinum fer hún þess á leit við byggðarráð fyrir hönd tilboðsgjafa í íbúð 2. hæð til vinstri á Skógargötu 2 að framlengja fresti til að aflétta fyrirvara um sölu núverandi íbúðar til og með 20. febrúar 2026.
  
  Byggðarráð samþykkir samhljóða að framlengja frest til að aflétta fyrirvara um sölu núverandi íbúðar væntanlegs kaupanda til og með 20. febrúar 2026. Bókun fundar Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 1.7 2601110 Samráð;Drög að nýrri reglugerð um strandveiði
  Byggðarráð Skagafjarðar - 178 Innviðaráðuneytið kynnir til samráðs mál nr. 5/2026, "Drög að nýrri reglugerð um strandveiði".
  
  Umsagnarfrestur er til og með 23.01. 2026.
  
  Byggðarráð Skagafjarðar bendir á nauðsyn þess að breyta núverandi kerfi strandveiða þannig að veiðar verði tryggðar innan allra veiðisvæða þegar þær eru hagkvæmastar. Byggðarráð leggur jafnframt til að ígrunduð verði betur þau sjónarmið og rök sem skilyrða strandveiðileyfi við að sá sem þær stundar eigi 100% eignarhlut í báti og útgerð. Bókun fundar Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 1.8 2601165 Samráð; Breytingar á raforkulögum (verkefni Raforkueftirlitsins)
  Byggðarráð Skagafjarðar - 178 Umhverfis-, orku- og loftslagsráðuneytið kynnir til samráðs mál nr. 8/2026, "Breytingar á raforkulögum (verkefni Raforkueftirlitsins)".
  
  Umsagnarfrestur er til og með 29.01. 2026. Bókun fundar Afgreiðsla 178. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2601035FVakta málsnúmer

• 2.1 2601180 Ósk um fund um byggðakvóta
  Byggðarráð Skagafjarðar - 179 Magnús Jónsson, formaður Drangeyjar - smábátafélags Skagafjarðar sat fundinn undir þessum lið í gegnum fjarfundarbúnað. Einnig mættu til fundarins Þorvaldur Steingrímsson og Steindór Árnason.
  
  Magnús fór þess á leit við byggðarráð í tölvupósti dagsettum 19. janúar 2026 að koma inn á fund byggðarráðs til að ræða úthlutun byggðakvóta á yfirstandandi fiskveiðiári.
  
  Málefni byggðakvóta rædd. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.2 2412006 Trúnaðarbók byggðarráðs
  Byggðarráð Skagafjarðar - 179 Fært í trúnaðarbók. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.3 2601143 Víðimýri 10 - Sala íbúðar
  Byggðarráð Skagafjarðar - 179 Ívar Pálsson lögmaður sat fundinn undir þessum lið í gegnum fjarfundarbúnað.
  
  Víðimýri 10 var auglýst til sölu 6. nóvember sl. og fljótlega barst eitt tilboð í eignina. Áður en gengið var til kaupsamnings um eignina koma í ljós mistök af hálfu fasteignasala við undirbúning sölu íbúðarinnar sem leiddi til þess að ekki var hægt að ganga frá kaupsamningi.
  
  Sveitarfélaginu ásamt Landmark fasteignasölu barst kröfubréf, dagsett 12. janúar 2026, frá Jónasi Erni Jónassyni lögmanni hjá Reykvískum lögmönnum fyrir hönd bjóðenda í íbúðina.
  
  Ívar Pálsson fór yfir málið.
  
  Byggðarráð samþykkir samhljóða að fela Ívari að vinna málið áfram. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.4 2502106 Könnun á hæfi kjörins fulltrúa
  Byggðarráð Skagafjarðar - 179 Lagt fram álit siðanefndar Sambands íslenskra sveitarfélaga um meint brot á siðareglum kjörinna fulltrúa í Skagafirði. Í álitinu kemur fram að siðanefnd telur sig ekki hafa vald til að úrskurða um hvort brotið hafi verið gegn siðareglunum. Fram kemur jafnframt að siðanefnd fái ekki séð af gögnum málsins að umræddur fulltrúi hafi nýtt stöðu sína sem þáverandi formaður fræðslunefndar í þágu einkahagsmuna sinna eða fjölskyldu sinnar. Ákjósanlegra hefði þó verið að mati nefndarinnar ef aðrar leiðir hefðu verið farnar í umræddu máli.
  Einnig lagðar fram athugasemdir sveitarstjóra Skagafjarðar við álit siðanefndar þar sem fram kemur mat hans að siðanefnd hafi farið út fyrir starfssvið sitt með því að fjalla um framgöngu hins kjörna fulltrúa utan starfa hans fyrir sveitarfélagið. Með því sé verið að gefa fordæmi fyrir mörg sveitarfélög. Brýnt sé að stjórn Sambandsins tryggi að starfsemi siðanefndar sé innan þeirra marka sem lög og reglur setja, og að réttarstaða kjörinna fulltrúa sé tryggð. Jafnframt gerði sveitarstjóri athugasemdir við málshraðareglur enda erindið upphaflega sent til siðanefndar 12. febrúar 2025.
  Jafnframt lagður fram tölvupóstur frá yfirlögfræðingi Sambandsins, dags. 19. janúar 2026, þar sem fram kemur að álit siðanefndar frá 16. september 2025 sé endanlegt. Má þar nefna að þessi málsmeðferðatími er með öllu óeðlilegur og alvarlegt að Sambandið hafi ekki verið skýrt um það að álit frá 16. september væri endanlegt og ekki gefið svör um það fyrr en í seinni hluta janúar.
  Einnig tölvupóstur dags. 21. janúar 2026, þar sem fram kemur bókun frá fundi stjórnar Sambands íslenskra sveitarfélaga í málinu frá því í desember, m.a. áhersla stjórnar á að almenn réttindi kjörinna fulltrúa séu höfð til hliðsjónar við vinnslu erinda þeim tengdum eins og kostur er. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.5 2601284 Ósk um upplýsingar
  Byggðarráð Skagafjarðar - 179 Lögð fram fyrirspurn frá fulltrúa VG og óháðra, dags. 23. janúar 2025:
  
  Sem kjörinn fulltrúi í sveitarstjórn Skagafjarðar óska ég eftir nánari upplýsingum um stöðu þess máls sem samþykkt var samhljóða á sveitarstjórnarfundi í febrúar 2025, þar sem meirihluti sveitarstjórnar lagði til að aflað yrði álits siðanefndar Sambands íslenskra sveitarfélaga á því hvort þáverandi formaður fræðslunefndar hefði brotið gegn siðareglum kjörinna fulltrúa í Skagafirði og hæfisreglum stjórnsýslulaga.
  
  Undirrituð hefur nú fengið það svar frá lögfræðingi Sambands íslenskra sveitarfélaga að umrædd siðanefnd hafi þegar skilað áliti sínu vegna málsins til Sveitarfélagsins Skagafjarðar og því sé rétt sé að beina fyrirspurn um stöðu málsins til sveitarstjóra.
  
  Með vísan til þess er hér með óskað eftir upplýsingum um eftirfarandi á byggðaráðsfundi:
  
  Hvenær álit siðanefndar barst sveitarfélaginu?
  Hvernig og hvar málið hefur verið tekið til umfjöllunar innan stjórnsýslu sveitarfélagsins?
  Hvort og hvenær fyrirhugað er að kynna sveitarstjórn niðurstöðu siðanefndar og með hvaða hætti niðurstaðan verður gerð opinber?
  
  
  Svör sveitarstjóra eru eftirfarandi:
  
  Á 35. fundi sveitarstjórnar Skagafjarðar 12. febrúar 2025 var samhljóða samþykkt tillaga meirihluta sveitarstjórnar um að aflað yrði álits siðanefndar Sambands íslenskra sveitarfélaga á því hvort þáverandi formaður fræðslunefndar hafi brotið gegn siðareglum kjörinna fulltrúa í Skagafirði og hæfisreglum stjórnsýslulaga.
  Álit siðanefndar Sambandsins barst sveitarfélaginu 16. september 2025. Sveitarstjóri sendi stjórn Sambands íslenskra sveitarfélaga athugasemdir við álitið 19. september 2025 og óskaði trúnaðar á því, enda slíkt eðlilegt á meðan athugasemdirnar væru teknar til efnislegrar meðferðar. Snéru þær athugasemdir að því að siðanefnd væri ekki að gefa álit sitt á störfum viðkomandi fulltrúa fyrir sveitarfélagið, svo sem siðareglur ná til, heldur hafi metið framgöngu hans utan starfa hans fyrir sveitarfélagið út frá öðrum mælikvörðum og gildum. Slíkt getur skapað fordæmi gagnvart störfum nefndamanna sveitarfélagsins utan sinna nefnda, sem og nefndamanna í sveitarstjórnum um land allt - á sama tíma og Samband íslenskra sveitarfélaga hefur unnið að því á núverandi kjörtímabili að bæta starfsumhverfi kjörinna fulltrúa. Upplýsti sveitarstjóri í kjölfarið oddvita framboðanna í Skagafirði, utan dagskrár á fundi byggðarráðs, um álitið og að hann hefði sent athugasemdir við það inn til stjórnar Sambandsins.
  Við eftirgrennslan um stöðu málsins mánudaginn 19. janúar sl. fékk sveitarstjóri upplýsingar um lyktir málsins sem væru þær að niðurstaða siðanefndar Sambandsins frá 16. september væri endanleg. Óskaði sveitarstjóri í kjölfarið eftir að fá senda bókun stjórnar Sambandsins við meðferð málsins og fékk hana senda miðvikudaginn 21. janúar sl. Í henni kemur fram að á vettvangi Sambandsins sé starfsumhverfi kjörinna fulltrúa til umfjöllunar hverju sinni og því vilji stjórn vekja athygli á að almenn réttindi kjörinna fulltrúa séu höfð til hliðsjónar við vinnslu erinda þeim tengdum eins og kostur er.
  Ljóst var þá að endanleg niðurstaða lægi fyrir og unnt væri að leggja þær niðurstöður fram á næsta byggðarráðsfundi Skagafjarðar, svo sem gert var. Óskaði sveitarstjóri einnig eftir að fá það erindi sem fór frá stjórn Sambandsins til Siðanefndar Sambandsins í kjölfar athugasemda sveitarstjóra Skagafjarðar varðandi mál kjörins fulltrúa, umbeðið lögfræðibréf sem sent var í kjölfarið, sem og svar siðanefndar til stjórnar Sambandsins. Þau gögn liggja nú fyrir og voru kynnt fyrr á dagskrá þessa fundar. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.6 2505203 Málefni félagsheimilisins Ketiláss
  Byggðarráð Skagafjarðar - 179 Lagður fram tölvupóstur frá Álfhildi Leifsdóttur, dagsettur 28. janúar 2026, svohljóðandi:
  "Góðan dag
  
  Ég óska eftir því að eftirfarandi erindi verði tekið fyrir á næsta fundi byggðaráðs, þrátt fyrir að það berist ekki innan þriggja sólarhringa fyrir boðaðan fund, í ljósi þeirra upplýsinga sem komu fram á íbúafundi í Fljótum í gær.
  
  Vegna eignarhalds á félagsheimilinu Ketilás í Fljótum
  Á fundi byggðaráðs þann 12. febrúar 2025 samþykkti byggðaráð eftirfarandi bókun:
  
  "Byggðaráð samþykkir samhljóða að leita úrlausnar fyrir dómstólum á eignarhaldi félagsheimilanna Melsgils, Árgarðs, Ketiláss og Höfðaborgar. Eignarhald á öðrum félagsheimilum liggur fyrir. Byggðaráð felur Sunnu Björk Atladóttur að fara með málið fyrir hönd sveitarfélagsins."
  Á fundi byggðaráðs þann 27. maí 2025 komu fulltrúar Kvenfélagsins Framtíðar í Fljótum á fundinn til að ræða eignarhald félagsins í Ketilási. Fulltrúar kvenfélagsins töldu sig geta sýnt fram á 17% eignarhlut félagsins í húsinu. Í minnisblaði um eignarhald sem lá fyrir á fundinum kom fram að eignarhluta Kvenfélagsins Framtíðar í Ketilási væri ekki getið, en jafnframt að félagið hefði sýnt áhuga á eignaraðild að húsinu á sínum tíma. Þar kom einnig fram eftirfarandi:
  
  "Sveitarfélagið gæti farið í eignardómsmál og krafist þess að vera skráð 100% eigandi að húsinu."
  Samtal á fundinum var gott og í framhaldi þess var eftirfarandi bókað:
  
  "Byggðaráð samþykkir samhljóða að fela sveitarstjóra að vinna málið áfram í samvinnu við Kvenfélagið Framtíðina."
  Það var skilningur undirritaðrar að með þessari samvinnu yrðu lögð fram þau gögn sem skýra eignarhluta hvors aðila um sig, og að í framhaldi yrði eignarhald skráð og þinglýst með eðlilegum og samkomulagsbundnum hætti.
  
  Í stefnu sveitarfélagsins í eignardómsmáli Ketiláss er hins vegar kveðið á um allt aðra afstöðu. Þar segir meðal annars:
  
  "Stefnandi krefst þess að honum verði dæmdur eignaréttur að fasteigninni Ketilás, Skagafirði, fasteignanúmer 214-4081, ásamt öllu sem þeirri fasteign fylgir og fylgja ber."
  Og enn fremur:
  
  "Stefnandi kveðst ekki vita betur en að hann sé sá eini sem geti talið til nokkurs réttar yfir fasteigninni. Allt frá sameiningu Skagafjarðar árið 1998 hefur stefnandi staðið straum af rekstrar- og viðhaldskostnaði fasteignarinnar. Liðin eru 27 ár frá því stefnandi tók við fasteigninni og hefur síðan þá staðið einn undir kostnaði við rekstur og viðhald hennar, þ.e. gjöldum, sköttum og öðrum skyldum. Þær framkvæmdir sem farið hefur verið í á þeim tíma hafa allar verið kostaðar af stefnanda. Stefnandi telur því að hann hafi haft fasteignina til umráða í fullan hefðartíma án þess að nokkur hafi gert tilkall til hennar. Einnig telur stefnandi líklegt að hann hafi eignast fasteignina fyrir hefð, enda hafi óslitið eignarhald staðið í rúm 27 ár, en skilyrði hefðar er 20 ára óslitið eignarhald á fasteign..."
  Undirrituð getur ekki lagt þann skilning í umræður né þær bókanir sem samþykktar voru af byggðaráði að þar hafi falist samþykki fyrir því að sveitarfélaginu yrði dæmdur fullur eignarréttur að fasteigninni Ketilás. Þvert á móti var skýr skilningur undirritaðrar sá að málið yrði unnið áfram í samvinnu við Kvenfélagið Framtíðina með það að markmiði að skýra og staðfesta eignarhluta hvors aðila um sig á grundvelli fyrirliggjandi gagna. Því er ljóst að málið hefur ekki farið í þann farveg sem umræður á fundi byggðaráðs og samþykkt bókun gáfu tilefni til að ætla, heldur hefur verið tekin afstaða í stefnu sveitarfélagsins sem gengur mun lengra en samkomulagið fól í sér og er í ósamræmi við þann skilning sem undirritað hafði á framvindu málsins.
  
  Í ljósi þess sem hér hefur verið rakið gera fulltrúar VG og óháð þá skýlausu kröfu að eignardómsmál á grundvelli hefðarréttar, þar sem krafist er fulls eignarhalds sveitarfélagsins, verði umsvifalaust fellt niður. Jafnframt er þess krafist að eignarhald Kvenfélagsins Framtíðar í Ketilási verði skýrt á grundvelli þeirra gagna sem fyrir liggja og að eignarhlutar verði skráðir og þinglýstir í samræmi við það, með eðlilegum og gagnsæjum hætti.
  
  Álfhildur Leifsdóttir, VG og óháðum"
  
  VG og óháð leggja fram eftirfarandi tillögu:
  "Að eignardómsmál á grundvelli hefðarréttar, þar sem krafist er fulls eignarhalds sveitarfélagsins, verði umsvifalaust fellt niður. Jafnframt að eignarhald Kvenfélagsins Framtíðar í Ketilási verði skýrt á grundvelli þeirra gagna sem fyrir liggja og að eignarhlutar verði skráðir og þinglýstir í samræmi við það, með eðlilegum og gagnsæjum hætti."
  
  Byggðarráð hafnar samhljóða framlagðri tillögu.
  
  Fulltrúar Byggðalista, Framsóknarflokks og Sjálfstæðisflokks óska bókað:
  "Ákvörðun um að fela lögmanni að leita úrlausnar fyrir dómstólum á eignarhaldi félagsheimilanna Melsgils, Árgarðs, Ketiláss og Höfðaborgar var samþykkt samhljóða í byggðarráði Skagafjarðar 12. febrúar 2025. Afgreiðsla málsins var jafnframt staðfest með öllum greiddum atkvæðum á fundi sveitarstjórnar Skagafjarðar 12. mars 2025.
  Hjá embætti Sýslumannsins á Norðurlandi vestra er fasteignin Ketilás skráð sem misræmismál. Misræmismál er flokkur eigna þar sem eignarhaldið er óljóst og unnið að því hjá HMS að skýra eignarhaldið. Staðfesting frá HMS liggur fyrir um að Ketilás sé í flokki misræmismála. Engir þinglýstir eigendur eru skráðir að félagsheimilinu Ketilási.
  Þegar farið er í slíka leið fyrir dómstólum til að fá eignarhald á hreint til þinglýsingar gerir sá sem telur sig eiga tilkall til eignarhalds kröfu í 100% eignarhald viðkomandi fasteignar. Það er einfaldlega vegna þess að ekki er hægt að þinglýsa kröfu í hluta fasteignar ef enginn gerir kröfu um eignarhluta á móti. Með auglýsingu, sem birtist bæði í Stjórnartíðindum og Sjónhorni, er hins vegar kallað eftir því að hver sem telur sig eiga eignarhlut í viðkomandi fasteign gefi sig fram og sanni rétt sinn fyrir eigninni. Af þeim sökum var þessari sömu aðferð beitt við fyrrgreind félagsheimili.
  Stefnan var gefin út 7. mars 2025, þingfesting var 8. apríl 2025. Veittur var ítrekaður frestur fyrir kvenfélagið Framtíðina til að skila inn greinargerð með sínum kröfum.
  Á óvart kemur að Kvenfélagið Framtíðin kemur með þá kröfu fyrir dómi að málinu verði vísað frá dómi í stað þess að gera kröfu um 17% eignarhlut eins og kvenfélagið telur sig eiga og geta staðið undir. Það er allra hagur að þeir sem telja sig eiga eignarhlut í félagsheimilinu Ketilási komi fram með slíka kröfu, að niðurstaða fáist í málið og eignarhlutum verði þinglýst."
  
  Fulltrúi VG og óháðra óskar bókað:
  "VG og óháð hafa ekki lagt þann skilning hvorki í umræður né þær bókanir sem samþykktar voru af byggðaráði að þar hafi falist samþykki fyrir því að farið yrði fram á fyrir dómstólum að sveitarfélaginu yrði dæmdur fullur eignarréttur að fasteigninni Ketilás á grundvelli hefðarréttar. Þvert á móti var skilningur undirritaðrar sá að málið skyldi unnið áfram í samvinnu við kvenfélagið Framtíðina með það að markmiði að skýra og staðfesta eignarhluta hvors aðila um sig á grundvelli fyrirliggjandi gagna og ljúka málinu með dómssátt í samræmi við það, þar sem að í bókun byggðarráðs frá 27. maí 2025 segir: “Byggðarráð samþykkir samhljóða að fela sveitarstjóra að vinna málið áfram í samvinnu við kvenfélagið Framtíðina.? Að gera í framhaldi af þessu samtali kröfu um fullt eignarhald á forsendum hefðarréttar þegar gögn um eignarhluta kvenfélagsins Framtíðar liggja fyrir sýnir því miður ekki mikla samvinnu af hálfu sveitarfélagsins." Bókun fundar Álfhildur Leifsdóttir ítrekar bókun fulltrúa VG og óháðra frá fundi byggðarráðs, svohljóðandi:
  "VG og óháð hafa ekki lagt þann skilning hvorki í umræður né þær bókanir sem samþykktar voru af byggðaráði að þar hafi falist samþykki fyrir því að farið yrði fram á fyrir dómstólum að sveitarfélaginu yrði dæmdur fullur eignarréttur að fasteigninni Ketilás á grundvelli hefðarréttar. Þvert á móti var skilningur undirritaðrar sá að málið skyldi unnið áfram í samvinnu við kvenfélagið Framtíðina með það að markmiði að skýra og staðfesta eignarhluta hvors aðila um sig á grundvelli fyrirliggjandi gagna og ljúka málinu með dómssátt í samræmi við það, þar sem að í bókun byggðarráðs frá 27. maí 2025 segir: “Byggðarráð samþykkir samhljóða að fela sveitarstjóra að vinna málið áfram í samvinnu við kvenfélagið Framtíðina.? Að gera í framhaldi af þessu samtali kröfu um fullt eignarhald á forsendum hefðarréttar þegar gögn um eignarhluta kvenfélagsins Framtíðar liggja fyrir sýnir því miður ekki mikla samvinnu af hálfu sveitarfélagsins."
  
  Einar E. Einarsson ítrekar bókun Byggðalista, Framsóknarflokks og Sjálfstæðisflokks frá fundi byggðarráðs, svohljóðandi:
  "Ákvörðun um að fela lögmanni að leita úrlausnar fyrir dómstólum á eignarhaldi félagsheimilanna Melsgils, Árgarðs, Ketiláss og Höfðaborgar var samþykkt samhljóða í byggðarráði Skagafjarðar 12. febrúar 2025. Afgreiðsla málsins var jafnframt staðfest með öllum greiddum atkvæðum á fundi sveitarstjórnar Skagafjarðar 12. mars 2025.
  Hjá embætti Sýslumannsins á Norðurlandi vestra er fasteignin Ketilás skráð sem misræmismál. Misræmismál er flokkur eigna þar sem eignarhaldið er óljóst og unnið að því hjá HMS að skýra eignarhaldið. Staðfesting frá HMS liggur fyrir um að Ketilás sé í flokki misræmismála. Engir þinglýstir eigendur eru skráðir að félagsheimilinu Ketilási.
  Þegar farið er í slíka leið fyrir dómstólum til að fá eignarhald á hreint til þinglýsingar gerir sá sem telur sig eiga tilkall til eignarhalds kröfu í 100% eignarhald viðkomandi fasteignar. Það er einfaldlega vegna þess að ekki er hægt að þinglýsa kröfu í hluta fasteignar ef enginn gerir kröfu um eignarhluta á móti. Með auglýsingu, sem birtist bæði í Stjórnartíðindum og Sjónhorni, er hins vegar kallað eftir því að hver sem telur sig eiga eignarhlut í viðkomandi fasteign gefi sig fram og sanni rétt sinn fyrir eigninni. Af þeim sökum var þessari sömu aðferð beitt við fyrrgreind félagsheimili.
  Stefnan var gefin út 7. mars 2025, þingfesting var 8. apríl 2025. Veittur var ítrekaður frestur fyrir kvenfélagið Framtíðina til að skila inn greinargerð með sínum kröfum.
  Á óvart kemur að Kvenfélagið Framtíðin kemur með þá kröfu fyrir dómi að málinu verði vísað frá dómi í stað þess að gera kröfu um 17% eignarhlut eins og kvenfélagið telur sig eiga og geta staðið undir. Það er allra hagur að þeir sem telja sig eiga eignarhlut í félagsheimilinu Ketilási komi fram með slíka kröfu, að niðurstaða fáist í málið og eignarhlutum verði þinglýst."
  
  Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með sex atkvæðum. Sveinn Þ. Finster, fulltrúi Byggðalistans ásamt Álfhildi Leifsdóttur og Sigurlaugu Vordísi Eysteinsdóttur, fulltrúum VG og óháðra óska bókað að þau sátu hjá við afgreiðslu málsins.
• 2.7 2601279 Styrktarsjóður EBÍ
  Byggðarráð Skagafjarðar - 179 Lagt fram bréf frá Eignarhaldsfélaginu Brunabótafélagi Íslands, dagsett 27. janúar 2026, sem sent var til aðildarsveitarfélaga EBÍ. Í bréfinu er vakin athygli á því að sveitarfélögum stendur til boða að sækja um framlög úr sjóðnum. Styrktarsjóður EBÍ var stofnaður árið 1996 og er tilgangur sjóðsins að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálum í aðildarsveitarfélögum EBÍ. Ekki er hægt að sækja um styrk vegna almennra rekstrarverkefna sveitarfélaga. Sveitarfélag getur að öllu jöfnu ekki fengið úthlutað styrk 2 ár í röð. Frestur til að sækja um styrk úr sjóðnum er til loka febrúar n.k.
  
  Byggðarráð samþykkir samhljóða að fela sveitarstjóra að vinna málið áfram í samræmi við umræður á fundinum. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.8 2508122 Gjaldskrá íþróttamannvirkja 2026
  Byggðarráð Skagafjarðar - 179 Vísað frá 41. fundi félagsmála- og tómstundanefndar, 22. janúar 2026, þannig bókað:
  "Málið áður á dagskrá 39. fundar nefndarinnar 27. október sl. tekið upp aftur til þess að uppfæra gjaldskrá. Nefndin samþykkir samhljóða uppfærða gjaldskrá og vísar til byggðaráðs."
  
  Byggðarráð samþykkir samhljóða uppfærða gjaldskrá íþróttamannvirkja 2026 og vísar til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins, Gjaldskrá íþróttamannvirkja 2026, síðar á dagskrá fundarins. Samþykkt samhljóða.
• 2.9 2601198 Félagsheimilið Árgarður - Umsagnarbeiðni vegna rekstrarleyfis
  Byggðarráð Skagafjarðar - 179 Lögð fram umsagnarbeiðni úr máli 2026-003019, dagsett 19. janúar 2026 frá embætti sýslumannsins á Norðurlandi vestra, þar sem óskað er umsagnar um umsókn Friðriks Rúnars Friðrikssonar, kt. 141156-5009, Laugarhvammi, 561 Varmahlíð um leyfi til reksturs Veitingaleyfi í Flokkur III-G Samkomusalir í Félagsheimilinu Árgarði, fastanúmer F214-1225, Steinstaðahverfi 561 Varmahlíð fyrir allt að 300 gesti.
  
  Byggðarráð samþykkir samhljóða að gera ekki athugasemd við umsóknina. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.10 2601248 Húsey 1 - Umsagnarbeiðni vegna rekstrarleyfis
  Byggðarráð Skagafjarðar - 179 Lögð fram umsagnarbeiðni úr máli 2026-005316, dagsett 23. janúar 2026 frá embætti sýslumannsins á Norðurlandi vestra, þar sem óskað er umsagnar um umsókn Stikla ehf., kt. 640512-0910, Vestursíðu 1E, 603 Akureyri um leyfi til reksturs Gististaðir í Flokkur II - C Minna gistiheimili í Húsey Country Guesthouse, Húsey 1, F250-6534, 561 Varmahlíð fyrir allt að 10 gesti.
  
  Byggðarráð samþykkir samhljóða að gera ekki athugasemd við umsóknina. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 2.11 2601266 Samráð; Frumvarp til laga um breytingu á ýmsum lögum vegna einföldunar regluverks og aukinnar skilvirkni eftirlits með hollustuháttum og mengunarvörnum
  Byggðarráð Skagafjarðar - 179 Umhverfis-, orku- og loftslagsráðuneytið kynnir til samráðs mál nr. 3/2026, "Frumvarp til laga um breytingu á ýmsum lögum vegna einföldunar regluverks og aukinnar skilvirkni eftirlits með hollustuháttum og mengunarvörnum".
  
  Umsagnarfrestur er til og með 17.02. 2026.
  
  Byggðarráð Skagafjarðar mótmælir eindregið þeim áformum sem koma fram í framlagðu frumvarpi um að flytja allt eftirlit með hollustuháttum og mengunarvörnum frá heilbrigðiseftirlitum sveitarfélaga til Umhverfis- og orkustofnunar og að eftirlit með matvælum flytjist til Matvælastofnunar. Með frumvarpinu er lagt til að núverandi heilbrigðiseftirlit sveitarfélaga verði lagt niður og að rúmlega 70% af starfsemi þeirra, sem jafnframt eru tekjuberandi verkefnin, flytjist frá sveitarstjórnarstigi til ríkisins. Þessi breyting kollvarpar rekstrargrundvelli heilbrigðiseftirlitanna og skilur sveitarfélög eftir með verkefni sem eru þjónustuháð, tekjulítil og í mörgum tilvikum ófjármögnuð.
  
  Ljóst er að breytingarnar munu hafa verulega neikvæð áhrif á landsbyggðina. Heilbrigðiseftirlit sveitarfélaga hafa áratuga reynslu af stöðugri og staðbundinni þjónustu sem byggir á þekkingu á aðstæðum, svæðum, áhættumatsháttum og atvinnulífi. Sú sérþekking sem er undirstaða hraðra viðbragða, tapast ef verkefnin eru færð í miðlægt kerfi ríkisstofnana. Þrátt fyrir fullyrðingar um að störfum verði fjölgað á landsbyggðinni er ekkert í frumvarpinu sem tryggir slíkt. Þvert á móti er hætt við að störf flytjist frá svæðinu og að sérfræðingar, sem búa í nærumhverfi sveitarfélaga, missi starf eða velji að starfa í stærri þéttbýliskjörnum þar sem stofnanirnar eru með meginstarfsemi sína.
  
  Byggðarráð telur sérlega mikilvægt að á það sé bent að ekkert í athugasemdum Eftirlitsstofnunar EFTA (ESA) kallar á niðurlagningu staðbundinna stjórnvalda eða heilbrigðiseftirlita. Ábendingar ESA snúa fyrst og fremst að samræmingu, skýrari ábyrgð og sameiginlegum upplýsingakerfum, en öll þau markmið má uppfylla án þess að leggja niður heilbrigðiseftirlitin. Frumvarpið gengur því töluvert lengra en nauðsynlegt er og er hvorki útskýrt né rökstutt með fullnægjandi hætti hvers vegna meðalhófs sé ekki gætt og vægari og hagkvæmari úrræði, svo sem styrkt samræmingarhlutverk ríkisstofnana, innleiðing sameiginlegs upplýsingakerfis og skýrari verkaskipting séu ekki valin.
  
  Eitt af áhyggjuefnum byggðarráðs er hætta á þjónusturofi við yfirfærslu verkefnanna. Frumvarpið gerir ráð fyrir að allar breytingar taki gildi 1. janúar 2027 og felur í sér að heilbrigðiseftirlit sveitarfélaga verði lögð niður á sama tíma og ríkið tekur við öllum verkefnum á tveimur stofnunum. Slík framkvæmd er áhættusöm. Fyrir liggur að fjöldi starfsmanna þarf að skipta um starfsvettvang, verklag og ábyrgð breytast, upplýsingakerfi þurfa að vera tilbúin og byrjað verður að vinna eftir verkferlum sem hafa ekki verið prófaðir í framkvæmd. Reynslan sýnir að jafn umfangsmiklar verkefnayfirfærslur taka að lágmarki nokkur ár í undirbúningi til að tryggja samfellda og trausta þjónustu. Hér er hins vegar gert ráð fyrir mjög skömmum aðlögunartíma og engum skýrum áætlunum um hvernig forðast eigi rof í eftirliti, leyfisveitingum eða bráðu viðbragði. Slíkt þjónusturof myndi bitna sérstaklega á rekstraraðilum sem þurfa leyfi eða endurnýjun leyfa, ferðaþjónustufyrirtækjum, matvælafyrirtækjum og smærri verslunum sem reiða sig á reglubundnar úttektir. Að auki bitnar þetta á sveitarfélögum sem missa aðgengi að skjótum ráðleggingum eða viðbrögðum vegna mengunaróhappa, atvika eða kvartanamála auk þess sem íbúar og atvinnulíf missa aðgang að skjótum og staðbundnum viðbrögðum fagfólks sem þekkir aðstæður.
  
  Á sama tíma má leiða líkur að því að flóknar boðleiðir innan ríkiskerfisins, takmarkaður aðgangur að starfsmönnum í nærsamfélaginu og aukið álag á fáum starfsmönnum muni skapa tafir, óvissu og síendurtekinn tvíverknað næstu árin á eftir.
  
  Fjárhagsleg áhrif á sveitarfélög eru einnig umfangsmikil, þótt frumvarpið geri lítið úr þeim. Sveitarfélög munu þurfa að standa undir biðlaunakostnaði, breytingakostnaði, kostnaði við ráðningar sérfræðinga í ný verkefni og yfirfærslu staðbundinna úrlausnarefna sem fylgja engar tekjur með. Það að tekjustofnar heilbrigðiseftirlita sem eru í þessum tilvikum stærstu verkefnin eru teknir af sveitarfélögum án þess að bæta sveitarfélögum tekjumissinn, hlýtur að teljast skýr tilfærsla fjárhagslegs álags frá ríki til sveitarfélaga.
  
  Byggðarráð ítrekar að einfaldari, skilvirkari og ódýrari leið er fyrir hendi, það er að styrkja samræmingu, verklag og upplýsingakerfi innan núverandi kerfis, án þess að leggja heilbrigðiseftirlitin niður. Sú leið myndi tryggja betri gæði, meiri samfellu og jafnt aðgengi að þjónustu um allt land.
  
  Með vísan til alls framangreinds tekur byggðarráð Skagafjarðar undir umsögn og sjónarmið SHÍ að öllu leyti, telur frumvarpið ómótað, lítt rökstutt og líklegt til að rýra þjónustu við íbúa og atvinnulíf um land allt, og skorar á ráðherra að draga áformin til baka og hefja í staðinn frekara samráð við sveitarfélög og SHÍ um úrbætur sem byggja á raunhæfum, hagkvæmum og sanngjörnum lausnum. Bókun fundar Afgreiðsla 179. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602001FVakta málsnúmer

• 3.1 2602003 Trúnaðarbók byggðarráðs
  Byggðarráð Skagafjarðar - 180 Fært í trúnaðarbók. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.2 2412006 Trúnaðarbók byggðarráðs
  Byggðarráð Skagafjarðar - 180 Fært í trúnaðarbók. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.3 2601143 Víðimýri 10 - Sala íbúðar
  Byggðarráð Skagafjarðar - 180 Undir þessum dagskrárlið kom Ívar Pálsson lögmaður til fundarins.
  
  Ívar fór yfir stöðu mála. Byggðarráð samþykkir samhljóða að fela Ívari að vinna málið áfram í samræmi við umræður á fundinum. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.4 2602002 Tilboð í lóð 4 Hofsósi
  Byggðarráð Skagafjarðar - 180 Á 159. fundi byggðarráðs Skagafjarðar var samþykkt samhljóða að auglýsa lóð númer 4 á Hofsósi, landnúmer 219946, stærð 4040 m2, til sölu og var sú ákvörðun staðfest á 41. fundi sveitarstjórnar.
  Í kjölfar auglýsingar bárust 3 tilboð í lóðina og var hæsta tilboð upp á kr. 631.000 frá Ævari Jóhannssyni, kt. 220890-3339.
  
  Byggðarráð samþykkir samhljóða að taka hæsta boði. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.5 2601298 Umsókn um styrk til greiðslu fasteignaskatts
  Byggðarráð Skagafjarðar - 180 Fært í trúnaðarbók. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.6 2601215 Umsagnarbeiðni; Samgönguáætlun 2026-2040 ásamt fimm ára aðgerðaráætlun 2026-2030
  Byggðarráð Skagafjarðar - 180 Umsögn um tillögu til þingsályktunar um samgönguáætlun fyrir árin 2026-2040 ásamt fimm ára aðgerðaáætlun fyrir árin 2026-2030.
  
  Byggðarráð Skagafjarðar fagnar því að fram hafi verið lögð samgönguáætlun og að hún hafi verið send út til umsagnar frá umhverfis- og samgöngunefnd Alþingis. Vel hefði verið við hæfi að senda áætlunina til umsagnar á fyrri stigum í gegnum Samráðsgátt stjórnvalda.
  
  Áherslur nýrrar samgönguáætlunar
  
  Í nýrri áætlun boðar ráðherra málaflokksins stórsókn í samgöngumálum þjóðarinnar. Þar má nefna stórsókn í viðhaldi vega en fjármagn til þess hækkar umtalsvert á árunum 2025-2027 þegar hækkunin er komin upp í 20 ma. kr. árlega. Átak verður gert í fækkun malarvega, samtals lagt slitlag á 460 km á tímabili samgönguáætlunar. Meðal annarra tíðinda í kynningu ráðherra er að fjárveiting til vetrarþjónustu á fyrsta tímabili áætlunarinnar er aukin um tæpa 14 ma. kr. árlega frá tillögu að samgönguáætlun sem lögð var fram haustið 2023. Einnig ber að fagna áherslum á eflingu almenningssamgangna og bætt farnetssamband á þjóðvegum.
  En hvernig ríma þessar áherslur við það sem tillaga að samgönguáætlun segir um bætta innviði á Norðurlandi vestra og í Skagafirði?
  
  Staðan á Norðurlandi vestra
  
  Í greiningu Vífils Karlssonar um umferð og ástand vega á Vesturlandi, sem unnin var fyrir Samtök sveitarfélaga á Vesturlandi árið 2016, kom fram að árið 2014 var hlutfallslega mest af malarvegum á Norðurlandi vestra og ljóst að miðað við litlar úrbætur í landshlutanum síðan þá, þá hefur Norðurland vestra dregist enn frekar aftur úr öðrum landsvæðum.
  
  Þá hefur fjármagn til uppbyggingar vegakerfis verið minna til Norðurlands vestra en annarra landshluta. Yfir erfiða fjallvegi er að fara til að sækja ýmsa nauðsynlega þjónustu, m.a. lífsnauðsynlega heilbrigðisþjónustu, og má þar nefna Öxnadalsheiði, Holtavörðuheiði, Vatnsskarð, Þverárfjall og Almenninga til Siglufjarðar. Allt eru þetta fjallvegir með tíða lokun sé horft til landsins alls.
  
  Á Norðurlandi vestra eru eknir flestir km. með skólabörn á malarvegi á landinu öllu. Sá landshluti sem næstur kemur á eftir er Vesturland með 189 km. Jafnframt eru flestar einbreiðar býr á Norðurlandi vestra. Á Norðurlandi vestra er jafnframt hæsta hlutfall skólabarna sem býr í 30 km fjarlægð eða meira frá grunnskóla, eða 8,5%. Þess má geta að á hverjum skóladegi í Skagafirði aka skólabílar börnum 314 km vegalengd, þar af 91,5 km á malarvegum, yfir 12 einbreiðar brýr.
  
  Á fundi með svæðisstjórn Norðurlands hjá Vegagerðinni árið 2024 var tilgreint að með sama fjármagni og veitt hefur verið til uppbyggingar vega á Norðurlandi vestra undanfarin ár, þá myndi taka 70 ár að ljúka uppbyggingu og klæðningu núverandi malarvega.
  
  Áhersluatriði Skagafjarðar við uppbyggingu vega og klæðninga
  
  Mikilvægt er að vinna að markvissri umferðartalningu vega á Norðurlandi vestra til að beita markvissum aðferðum til að meta forgangsröðun framkvæmda. Umferðaröryggissjónarmið verði einnig höfð til hliðsjónar. Á þeim vegum þar sem umferðartalning liggur fyrir í Skagafirði er staðan eftirfarandi:
  
  1. Hegranes (764), tengivegur. Sameiginlegt áherslumál sveitarfélaga á Norðurlandi vestra. Samfélags- og ferðamannavegur. Sá kafli sem enn er án slitlags. Hluti Hegranesshringsins er með bundnu slitlagi og mikilvægt að loka hringnum með endurbótum á þeim kafla sem eftir er og lagningu bundins slitlags.
  2. Sæmundarhlíðarvegur (762), héraðsvegur. Samfélags- og ferðamannavegur. Vegurinn er mjór og hættulegur á köflum. Mikilvægt er að byggja veginn upp og leggja á hann bundið slitlag.
  3. Ólafsfjarðarvegur (82), frá Ketilási að Þrasastöðum, tengivegur. Samfélags- og ferðamannavegur. Mikilvægt er að byggja veginn upp og leggja á hann bundið
  slitlag.
  4. Skagafjarðarvegur (752), tengivegur. Samfélags- og ferðamannavegur. Mikilvægt er að leggja veginn bundnu slitlagi. Mikið álag er á þessum vegi í dag en búið að byggja þann hluta sem enn er malarvegur upp að stærstum hluta, vantar fyrst og fremst slitlagið.
  5. Skagavegur (745), tengivegur. Samfélags- og ferðamannavegur. Um er að ræða 40 km. kafla á leið norður Skaga austanmegin. Stóraukin umferð með tilkomu Norðurstrandarleiðar. Slæmur malarvegur, mjór og holóttur. Mikilvægt er að byggja veginn upp og leggja á hann bundið slitlag.
  6. Kjálkavegur (759), héraðsvegur. Samfélagsvegur. Vegurinn er gamall malarvegur í slæmu ásigkomulagi. Mikilvægt er að byggja veginn upp og leggja á hann nýtt malarslitlag
  7. Ásavegur (769), tengivegur. Samfélagsvegur. Vegurinn er mjór og hættulegur á köflum. Mikilvægt er að byggja veginn upp og leggja á hann bundið slitlag.
  8. Reykjastrandarvegur (748), tengivegur. Samfélags- og ferðamannavegur. Búið er að leggja hluta vegarins bundnu slitlagi og brýnt að klára þann hluta sem eftir er. Mjög holóttur og mjór vegur. Nauðsynlegt er að bregðast við alvarlegum öryggisógnum með lagfæringu verstu vegakafla og uppsetningu vegriða.
  
  Samkvæmt upplýsingum frá svæðisstjóra Vegagerðarinnar á Norðurlandi árið 2025 var áætlað að
  hvað Skagafjörð varðar yrði ráðist í útboð klæðningar á 7 km kafla á Sæmundarhlíðarvegi annars
  vegar og 7 km kafla á Hegranesvegi hins vegar, árið 2028. Eftir að samgönguáætlun var kynnt voru engin áform um að auka framlög í klæðningu malarvega í Skagafirði, áfram er í drögum að
  tengivegaáætlun áranna 2026-2028 að farið verði í útboð á umræddum köflum árið 2028.
  
  Spurt er hvort stórsókn í samgöngumálum og viðhaldi vega, átaks í fækkun malarvega - eigi ekki að skila sér til Skagafjarðar einnig?
  
  Ný Fljótagöng
  
  Ánægjulegustu tíðindin í tillögu að nýrri samgönguáætlun eru áform um að ráðast í ný Fljótagöng og tilheyrandi endurbætur á veginum frá Stafá og að gangnamunna. Er um löngu tímabæra framkvæmd að ræða og mikið fagnaðarefni að sjá hylla í þessa mikilvægu úrlausn í stað vegar um Almenninga sem er á leið í sjó fram.
  
  Fjármagn til nýrra Fljótaganga er flutt af Fjarðarheiðargöngum, þ.e. í Fljótagöng og ný jarðgöng sem leysa af hólmi veginn um Súðavíkurhlíð. Tengt Fljótagöngum og nýju innviðafélagi væri fróðlegt að vita hvort til standi að innheimta gjöld í gegnum Fljótagöng, og ef svo er, hvort til standi að byggja upp veg um Lágheiði þannig að gjaldfrjáls leið verði áfram til staðar? Varla verður lögð áhersla á að viðhalda veginum um Almenninga og Strákagöng vegna ríkra öryggissjónarmiða.
  
  Vetrarþjónusta Vegagerðarinnar
  
  Nauðsynlegt er að endurskoða reglugerð sem gildir um vetraþjónustu Vegagerðarinnar en eins og hún er í raun framsett þá gildir helmingamokstur Vegagerðarinnar aðeins að þriðja síðasta bæ við enda vegar. Sú aðferðafræði er vægast sagt umdeild og algjörlega á skjön við áherslur á jafnræði borgaranna og byggðaþróun. Á fundi sem haldinn var á Akureyri árið 2023, um vetrarþjónustu Vegagerðarinnar og endurskoðun á henni, kom þessi áhersla ítrekað fram hjá fundarmönnum og mikill einhugur um að endurskoða hana.
  
  Enn má geta um ósanngjarnar reglur Vegagerðarinnar sem miða aðra mokstursþjónustu eingöngu við umferð á þjóðvegum og tengivegum en horfa ekkert til þess hvar á landinu þessir vegir eru. Það gefur t.d. auga leið að það þarf almennt séð miklu meiri vetrarþjónustu á t.a.m. veginn fram í Stíflu í Fljótum heldur en veg með sambærilegum umferðarþunga á Suðurlandi eða Suðvesturhorninu. Þá er ljóst að endurskoða þarf ramma í kringum vetrarþjónustu og leggja áherslu á auknar hálkuvarnir.
  
  Jafnframt þarf að auka vetrarþjónustu á öllum vegum sem skólabílar aka. Sérstaklega er bent á veg um úthluta Blönduhlíðar en hann er í E-reglu sem þýðir mokstur 3 sinnum í viku. Sama á við um veg 752, en fram að Steinsstöðum er hann í E-reglu (3 daga mokstur og helmingamokstur eftir það). Auka þyrfti tíðnina á mokstri á þessum vegi öllum, að lágmarki þarf að auka tíðnina fram að Steinstöðum.
  
  Kvartanir vegna ónægra hálkuvarna koma oft fram á fundum með íbúum og þá sérstaklega á þeim vegum sem ekki eru í A-reglu, 7 daga mokstri.
  
  Stækkun Sauðárkrókshafnar
  
  Eitt stærsta hagsmunamál Skagfirðinga nú um stundir er ný ytri höfn á Sauðárkróki. Framkvæmdin er knúin áfram af mjög vaxandi umsvifum og ákalli um að geta tekið á móti skipum sem rista dýpra, m.a. vegna breyttrar hönnunar skipa í tengslum við orkuskipti. Höfnin er lífæð allrar atvinnustarfsemi í Skagafirði. Hún leikur óumdeilt lykilhlutverk fyrir bæði aðföng og fráflutning atvinnulífsins og er í raun hjarta þess og lunga.
  
  Það eru gríðarleg verðmæti í því fólgin fyrir Sauðárkrók og um leið Skagafjörð að tryggja atvinnulífi sínu sterka innviði til þess að koma afurðum sínum á markað bæði hérlendis og erlendis. Án samkeppnishæfrar og nútímalegrar hafnaraðstöðu þrengir mjög að öllum aðgangi okkar að innlendum og erlendum mörkuðum. Slíkt má einfaldlega ekki gerast.
  
  Benda má á veruleg áform og eflingu atvinnulífs á Sauðárkróki sem knýja á um framkvæmdina, m.a. nýleg opnun fiskmarkaðar á Sauðárkróki, áform um nýja hátæknifiskvinnslu FISK Seafood, /áform um stækkun Steinullar hf., stækkun á starfsemi Dögunar rækjuvinnslu, o.s.frv.
  
  Framkvæmdir við nýja ytri höfn voru boðnar út á sl. ári og eru hafnar. Er um gríðarlega ánægjulegan áfanga að ræða. Í tillögu að samgönguáætlun er getið að heildarkostnaður við brimvarnargarðinn sjálfan sé áætlaður 915 m.kr. Veittar eru fjárveitingar til hans á árunum 2025-2028 sem nema 484,1 m.kr. Þá er einnig inni fjárveiting til stálþils og þekju fyrir nýja garðinn. Þar er heildarkostnaðaráætlun metin 880 m.kr. en fjárveiting er aðeins 158,6 m.kr. og ná þær til áranna 2029 og 2030. Flýta þarf þessari framkvæmd og tryggja fjárveitingu til heildarframkvæmdarinnar þannig að höfnin verði fullkláruð. Öðruvísi er ekki hægt að taka hana í notkun.
  
  Endurhönnun á leiðakerfi landsbyggðarstrætó
  
  Á síðasta ári kynnti Vegagerðin áform um endurhönnun á leiðakerfi landsbyggðarstrætó. Áskoranir þess verkefnis hafa verið breytingar á stærri akstursleiðum sem tengja landshluta annars vegar og breytingar á minni akstursleiðum innan landshluta hins vegar.
  
  Óhætt er að segja að tillögur og niðurstaða Vegagerðarinnar hafi verið reiðarslag fyrir Norðurland vestra en niðurstaðan varð sú að fækka ferðum strætó milli Reykjavíkur og Akureyrar úr tveimur ferðum á dag í eina ferð á dag. Ekkert var komið á móts við óskir sveitarfélaganna um auknar almenningssamgöngur milli byggðakjarnanna í landshlutanum. Hér var því um hreinan
  niðurskurð á þjónustu að ræða sem er ólíkt t.d. tillögum um aukna þjónustu og samþættan akstur innan Snæfellsness og aukna tíðni ferða til Vestfjarða.
  
  Fulltrúar Norðurlands vestra hafa mótmælt þessu en aðeins fengið þau svör að rétt væri að þetta væri mikil skerðing fyrir Norðurland vestra en tillögur um minni akstursleið innan landshlutans næðu ekki fram að ganga vegna skorts á fjármögnun.
  
  Lagfæra þarf þessa tilhögun í samgönguáætlun þannig að tryggðir séu fjármunir til
  almenningssamgangna á milli byggðakjarna á Norðurlandi vestra.
  
  Girðingar meðfram þjóðvegum
  
  Viðhald girðinga með vegum er víða ábótavant. Sérstaklega er þó staðan slæm á Þverárfjallsvegi og nánast alla leið inn á Sauðárkrók og svo með þjóðvegi eitt um Vatnsskarð og yfir í Blönduhlíð.
  
  Varðandi Þverárfjallsvegs þá hefur komið fram hugmynd um að færa grindarhlið við Skíðasvæði Tindastóls nær Sauðárkróki og „hætta“ viðhaldi girðinga ofan við það. Önnur leið væri að gera átak í þessum girðingum. Minnt er á áður sent erindi frá sveitarstjórum Skagafjarðar, Húnabyggðar og Skagabyggðar um girðingu með öllum veginum yfir Þverárfjall en sú aðgerð myndi fækka mest umferðaróhöppum vegna búfjár á vegum.
  
  Sama á við um þjóðveginn yfir Vatnsskarð og niður í Varmahlíð. Þar þurfa veggirðingar á verulegu viðhaldi að halda.
  
  Sveitarfélagið er tilbúið að banna lausagöngu á þessum vegaköflum gegn því að Vegagerðin taki yfir viðhald girðinganna, en starfandi bændum hefur fækkað mjög á þessum svæðum á liðnum árum.
  
  Þess má geta að í tillögu að nýrri samgönguáætlun eru fjárveitingar til veggirðinga óbreyttar á ári hverju, 60 m.kr., þótt efniskostnaður og vinnuliður hækki ár frá ári, ásamt þeirri staðreynd að verulega hefur skort upp á fjármuni í þennan flokk svo árum skiptir.
  
  Framlag til reiðvega
  
  Á undanförnum árum hafa Vegagerðin og mörg sveitarfélög lagt til fjárveitingar til lagningu reiðvega enda um brýnt umferðaröryggismál að ræða. Í þeirri tillögu að samgönguáætlun sem nú liggur fyrir er gert ráð fyrir örlítilli hækkun í þennan málaflokk, 20-25 m.kr. á ári fyrir landið allt. Þessi hækkun þyrfi að vera miklu meiri svo hægt væri að klára það sem eftir er og veita þeim reiðvegum sem lagðir hafa verið sómasamlegt viðhald.
  
  Framlög til viðhalds Sauðárkróksflugvallar
  
  Samkvæmt tillögu að samgönguáætlun er 7 m.kr. veitt til aðstöðu flugbrauta og hlaða við Sauðárkróksflugvöll, 3 m.kr. á tímabilinu 2021-2035 og 4 m.kr. á tímabilinu 2036-2040. Sem sagt 7 m.kr. á næstu 15 árum.
  
  Öllum má ljóst vera að þessi fjárveiting dugar fyrir harla litlu. Brautarljós við flugvöllinn eru nú þegar orðin úrelt og ógna öryggi sjúkraflutninga. Um verulegan kostnað er að ræða sem þessi fjárhæð hrekkur afar skammt upp í að duga og ráðast þarf í þessa endurnýjun á allra næstu árum, ekki eftir 10 eða 15 ár. Jafnframt eru komnar öldur í undirlagi flugbrautar og ljós að skynsamlegt er að veit fé til viðhalds klæðningar þannig að verkið verði ekki miklu dýrara eða allt að því óyfirstíganlegt er það er dregið til margra ára.
  
  Lokaorð
  
  Í tillögu að nýrri samgönguáætlun er dregin upp metnaðarfull framtíðarsýn fyrir byggðir landsins. Meðal annars kemur fram áhersla á að lífsgæði fólks séu ekki síst fólgin í því að fólk geti búið sér heimili þar sem það helst kýs og njóti sambærilegra innviða hvar á landinu sem er. Einnig að stefnur og áætlanir innviðaráðuneytisins vinni saman að því að efla atvinnulíf með uppbyggingu og rekstri öruggra samgangna og að þær séu öruggar og umhverfisvænar í þágu íbúa og atvinnulífs. Einnig kemur fram að við gerð samgönguáætlunar skuli meðal annars byggja á þeim meginmarkmiðum að samgöngur séu greiðar, öruggar, hagkvæmar og umhverfislega sjálfbærar auk þess að þær stuðli að jákvæðri byggðaþróun. Þessum fyrirheitum er fagnað. Hins vegar er ástæða til að efast um að framangreint nái fram að ganga miðað við þá fjármuni sem varið er til viðkomandi málaflokka, ekki síst hvað varðar Norðurland vestra og Skagafjörð. Mikilvægt er að umhverfis og samgöngunefnd Alþingis tryggi ráðstöfun fjármuna sé í samræmi við metnaðarfull áform samgönguáætlunar.
  
  Þess er óskað að framangreindar athugasemdir verði teknar til greina við áframhaldandi meðferð samgönguáætlunar hjá umhverfis- og samöngunefnd sem og í meðförum Alþingis. Byggðarráð og sveitarstjórn Skagafjarðar áskilja sér jafnframt rétt til frekari athugasemda á síðari stigum og lýsa sig tilbúin til samtals við nefndina um málið Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.7 2601300 Umsagnarbeiðni; Framkvæmd öryggisráðstafana samkvæmt dómsúrlausn
  Byggðarráð Skagafjarðar - 180 Velferðarnefnd Alþingis sendir til umsagnar 305. mál, Framkvæmd öryggisráðstafana samkvæmt dómsúrlausn. Umsagnir skal senda í gegnum umsagnagátt Alþingis. Frestur til að senda inn umsögn er til og með 11. febrúar nk. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.8 2601301 Umsagnarbeiðni; Réttindavernd fatlaðs fólks
  Byggðarráð Skagafjarðar - 180 Velferðarnefnd Alþingis sendir til umsagnar 311. mál, Réttindavernd fatlaðs fólks. Umsagnir skal senda í gegnum umsagnagátt Alþingis. Frestur til að senda inn umsögn er til og með 11. febrúar nk. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.9 2601302 Umsagnarbeiðni; Atvinnuleysistryggingar og vinnumarkaðsaðgerðir (stytting bótatímabils o.fl.)
  Byggðarráð Skagafjarðar - 180 Velferðarnefnd Alþingis sendir til umsagnar 312. mál, Atvinnuleysistryggingar og vinnumarkaðsaðgerðir (stytting bótatímabils o.fl.). Umsagnir skal senda í gegnum umsagnagátt Alþingis. Frestur til að senda inn umsögn er til og með 11. febrúar nk.
  
  Byggðarráð Skagafjarðar fagnar markmiðum ríkisstjórnar Íslands um að grípa fyrr fólk sem misst hefur atvinnu og lent á atvinnuleysisskrá af einhverjum orsökum, og stuðla að aukinni virkni hjá þeim hópi sem útsettur er fyrir langtímaatvinnuleysi. Það er í hróplegu ósamræmi við þessa stefnu nýrrar ríkisstjórnar að þjónustuskrifstofu Vinnumálastofnunar á Sauðárkróki hafi verið lokað og skrifstofan flutt frá þessu stærsta vinnusóknarsvæði landshlutans. Með þessu hefur þjónusta við atvinnuleitendur á öllu Norðurlandi vestra verið skert umtalsvert frá því sem áður var.
  Byggðarráð lýsir yfir miklum áhyggjum af að hámarkslengd tímabils þar sem atvinnuleysistryggingar eru greiddar verði stytt um 12 mánuði þannig að heimilt verði að greiða atvinnuleysistryggingar í samtals 18 mánuði í stað 30 mánaða, líkt og nú er samkvæmt gildandi lögum. Áætlað er að þessi skerðing muni skila um sex milljarða króna sparnaði á ári fyrir ríkissjóð þegar hún verður að fullu innleidd. Líklegt er að hluti þess fólks sem missir réttindi sín við þessa fyrirhuguðu breytingu muni þurfa að leita með auknum þunga í fjárhagsaðstoð sveitarfélaga og þar með færist útgjöld frá ríkissjóði til sveitarfélaganna. Samkvæmt gögnum frá Hagstofu Íslands og Vinnumálastofnun fengu um 9% þeirra sem fullnýttu rétt sinn innan atvinnuleysistryggingakerfisins á árunum 2023 og 2024 fjárhagsaðstoð frá sveitarfélagi í janúar 2025. Það liggur ljóst fyrir að með því að stytta bótatímabilið um 12 mánuði má gera ráð fyrir því að þetta hlutfall muni stóraukast með tilheyrandi áhrifum á fjárhag sveitarfélaga og því vekur það furðu að í frumvarpinu skuli því vera haldið fram að frumvarpið muni ekki hafa áhrif á fjárhag sveitarfélaga. Byggðarráð telur það óviðunandi að slíku sé haldið fram án þess að viðunandi mat á áhrifum á fjárhag sveitarfélaga hafi farið fram. Sérstaklega er tilgreint í 40. gr. frumvarpsins að ráðherra skuli fyrir 31. desember 2027 leggja mat á hvaða áhrif breytingin hefur haft á fjárhag sveitarfélaganna. Því er gert ráð fyrir að sveitarfélög beri þann kostnað sem kann aðfalla til vegna breytingarinnar í tvö ár. Í frumvarpinu er heldur ekki tilgreint með hvaða hætti hugsanlegum kostnaðarauka verði mætt. Að mati byggðarráðs eru slík vinnubrögð ámælisverð og ekki í samræmi við þá áherslu sveitafélaga um að meta í öllum tifellum áhrif lagasetningar á sveitafélögin í landinu. Slíkt mat þarf að fara fram áður en lögum er breytt og skýra þarf hvernig hið opinbera hyggst bæta sveitarfélögum upp þann kostnaðarauka sem breytingin kann að valda. Hér er því verið að velta kostnaði yfir á sveitarfélögin sem ríkið bæri ella. Byggðarráð Skagafjarðar leggst því gegn því að frumvarpið nái fram að ganga í óbreyttri mynd.
  Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 3.10 2602006 Samráð; Breytingar á reglugerðum er varða kosningar
  Byggðarráð Skagafjarðar - 180 Dómsmálaráðuneytið kynnir til samráðs mál nr. 23/2026, "Breytingar á reglugerðum er varða kosningar". Umsagnarfrestur er til og með 13.02. 2026. Bókun fundar Afgreiðsla 180. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602007FVakta málsnúmer

• 4.1 2412006 Trúnaðarbók byggðarráðs
  Byggðarráð Skagafjarðar - 181 Fært í trúnaðarbók. Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 4.2 2602074 Viðauki 1 við fjárhagsáætlun 2026
  Byggðarráð Skagafjarðar - 181 Lögð fram beiðni um gerð viðauka nr. 1 við fjárhagsáætlun ársins 2026.
  
  Breytingar í framlagðri beiðni gera ráð fyrir aukningu útgjalda um 20 milljónir.
  
  Helstu breytur eru fjölgun stöðugilda á málaflokki 01, vinna við nýja heimasíðu fyrir Skagafjörð vegna lokunar núverandi vefkerfis, flutningur aðstöðuhúss og undirbúningur tjaldsvæðis á Nöfum.
  
  Niðurstaðan er lækkun á handbæru fé um 20.219 þ.kr.
  
  Byggðarráð samþykkir samhljóða framlagða beiðni um viðauka nr. 1 við fjárhagsáætlun 2026 og vísar til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins, Viðauki 1 við fjárhagsáætlun 2026, síðar á dagskrá fundarins. Samþykkt samhljóða.
• 4.3 2601143 Víðimýri 10 - Sala íbúðar
  Byggðarráð Skagafjarðar - 181 Mál síðast á dagskrá 180. fundar byggðarráðs Skagafjarðar þann 5. febrúar 2026.
  
  Sviðsstjóri stjórnsýslu- og fjármálasviðs fór yfir stöðu málsins. Málið er í góðum farvegi og leitast er við að leysa málið á farsælan hátt fyrir alla aðila máls. Málið er unnið í góðu samstarfi lögfræðings sveitarfélagsins ásamt starfsfólki Landmark. Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 4.4 2602013 Hvatning til umsagnar um þingsályktunartillögu um staðsetningu þyrlu Landhelgisgæslunnar
  Byggðarráð Skagafjarðar - 181 Tekið fyrir erindi frá framkvæmdastjóra og flugrekstrarstjóra Atlantsflugs ehf, dag. 2. febrúar 2026, þar sem vakin er athygli á þingsályktunartillögu á Alþingi sem fjallar um að koma á fastri starfsstöð fyrir eina af þyrlum Landhelgisgæslu Íslands á Akureyri. Telja bréfritarar að raunhæfur valkostur við þá tillögu væri að koma upp 4 minni og sérhæfðari sjúkraþyrlum, staðsettum í mismunandi landshlutum. Slík lausn myndi m.a. færa bráðaþjónustu nær íbúum í fleiri sveitarfélögum, draga verulega úr viðbragðstíma í alvarlegum tilfellum, styðja við heilbrigðisstofnanir og bráðaþjónustu á svæðinu í heild, tryggja jafnræði í aðgengi að lífsbjargandi þjónustu óháð búsetu, stytta tíma þegar þörf er á sjúkraflugi milli landshluta, og skila meiri samfélagslegum ábata fyrir sama eða lægri heildarkostnað. Hvetja bréfritarar sveitarstjórnir til að nýta umsagnarfrestinn og koma fram með sjálfstæða umsögn þar sem tekið er mið af hagsmunum íbúa og mikilvægi þess að fjármunir ríkisins séu nýttir á sem skilvirkastan hátt. Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 4.5 2512176 Tilboð í íbúð 2. HV Skógargötu 2
  Byggðarráð Skagafjarðar - 181 Mál áður á dagskrá 178. fundi byggðarráðs þann 21. janúar sl.
  
  Tilboðsgjafi í Skógargötu hefur óskað eftir því að vera losaður undan kauptilboði sínu.
  
  Byggðarráð samþykkir samhljóða að losa tilboðsgjafa undan kauptilboði sínu í eignina. Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 4.6 2602005 Samráð; Grænbók um byggðamál
  Byggðarráð Skagafjarðar - 181 Innviðaráðuneytið kynnir til samráðs mál nr. 22/2026, "Grænbók um byggðamál". Umsagnarfrestur er til og með 02.03. 2026.
  
  Byggðarráð Skagafjarðar samþykkir eftirfarandi umsögn.
  
  Í 7. kafla Grænbókar um byggðarmál, Áherslur og leiðir, stendur: „Almenn sátt ríkir um gildandi byggðaáætlun, sem byggist ekki síst á virku samráði við mótun hennar og skilaði sér í breiðu eignarhaldi“.
  
  Almennt sagt þá getur byggðarráð Skagafjarðar ekki tekið undir þessa fullyrðingu en upplifun byggðarráðs af gildandi byggðaáætlun er ekki sú að hún hafi nýst eða stuðlað að jöfnun búsetu eða jöfnun atvinnutækifæra í landinu. Síðustu ár hefur byggð á Norðurlandi vestra þróast með mun neikvæðari hætti en byggð í öðrum landshlutum og aðgerðir úr gildandi byggðaáætlun hafa þar engu breytt.
  
  Hér koma svör við þeim spurningum sem settar eru fram í kafla 8.
  
  1. Hver er skoðun þín á stöðumatinu.
  Greining á stöðunni og samanburður landshlutanna er á margan hátt ágætur um það sem snýr að lífskjörum fólks og stöðu þess í samanburði landshlutanna. Ýmsu má samt velta fyrir sér eins og hver tilgangurinn sé að draga mörk þjónustusvæða við 30 km í skólasókn eða dagvöruverslun. Hér hafa margir aðrir þættir einnig áhrif eins og lega landssvæða, sameining sveitarfélaga yfir stór landfræðileg svæði, félagslegar og menningarlegar aðstæður, þéttleiki byggða og fleira.
  Í greiningunni er hins vegar ekkert sett fram um stöðu atvinnulífs á viðkomandi svæðum né heldur þróun þess síðustu ár. Hér þarf að gera miklu betur og setja fram greiningu á skiptingu atvinnulífs milli atvinnuflokka, greina veltu og umfang atvinnugreinanna og sjá þannig með skýrari hætti hvað er að stuðla að hagvexti í viðkomandi landshluta og hvað veldur því í atvinnulífinu að ekki er ásættanlegur hagvöxtur eða fólksfjölgun á viðkomandi svæði. Það er ekki hægt að setja upp byggðaáætlun nema fyrir liggi góð greining á atvinnulífinu.
  
  2. Hver er skoðun þín á þeirri framtíðarsýn og lykilviðfangsefnum sem sett er fram?
  Framtíðarsýnin í áætluninni er:
  „Framtíðarsýnin er að Ísland verði í fremstu röð með trausta og örugga innviði, öflug sveitarfélög, verðmætasköpun og framsækna þjónustu. Tenging byggða og Íslands við umheiminn verði í jafnvægi við umhverfið. Meginmarkmiðið er að innviðir mæti þörfum samfélagsins og byggðir og sveitarfélög um land allt verði sjálfbær.
  Í öllum landshlutum verði blómlegar byggðir og öflugir byggðakjarnar þar sem stuðlað verði að bættum lífskjörum landsmanna og búsetufrelsi með sem jöfnustu aðgengi að grunnþjónustu og fjölbreyttum atvinnutækifærum. Grunnþjónusta verði veitt íbúum sem mest í nærsamfélaginu.“
  Um þennan texta teljum við að flestir geti verið sammála, enda er framtíðarsýnin metnaðarfull. Sama má í raun einnig segja um þau fimm lykil viðfangsefni sem sett eru fram, þau hljóma flest öll mjög vel og eru í það minnsta fögur orð á blaði.
  
  3. Hver er skoðun þín á þeim áherslum og leiðum sem lagðar eru til?
  Séu áherslumarkmiðin skoðuð má sjá að þar fer engan veginn saman raunveruleikinn sem við búum við í dag og það sem í gangi er af hálfu hins opinbera. Hér er einungis tekið eitt dæmi í hverjum lið en auðvelt væri að hafa skoðun á öllum liðunum.
  Dæmi úr A. „Jafna aðgengi að þjónustu“, en þar stendur um almennar áherslur „6. Samgönguinnviðir sem styðja daglegt líf og þjónustusókn“.
  Þetta er mjög gott markmið, en raunveruleikinn er sá að á árinu 2025 voru almenningssamgöngur á Norðurlandi vestra skornar niður um meira en helming með fækkun á ferðum strætó milli Reykjavíkur og Akureyrar og ekkert kom í staðinn þrátt fyrir ítrekaðar óskir sveitarfélaganna á Norðurlandi vestra um almenningssamgöngur á milli þéttbýlisstaðanna. Í drögum að núverandi samgönguáætlun er heldur ekkert sem gefur til kynna að auknu fé verði bætt við almenningssamgöngur í hvorki auknum strætó ferðum innan eða milli landshluta né heldur til viðhalds á t.d. Alexandersflugvelli við Sauðárkrók.
  Dæmi úr B. „Jafna tækifæri til atvinnu“, en þar stendur um almennar áherslur „4. Óstaðbundin störf og staðsetning opinberra starfa“
  Staðreyndin er sú að lang flestir ríkisstarfsmenn eru á höfuðborgarsvæðinu eða 70,2% árið 2024 á meðan fæstir þeirra eru starfandi á Norðurlandi vestra eða 1,9%. Höfuðborgarsvæðið er eina svæðið þar sem hlutfall stöðugilda ríkisins er hærra en hlutfall landsmanna sem þar býr. Í öðrum landshlutum er hlutfallið svipað. Sé horft á þróunina í skiptingu stöðugilda ríkisins er ljóst að hún er mjög mismunandi milli landshluta en minnst er hlutfallið á Norðurlandi vestra en þar fjölgaði ríkisstarfsmönnum um 10% frá 2018 til 2024 en einungis um rúm 4% frá 2020 til 2024 - á meðan allir aðrir landshlutar liggja á bilinu 11-42% fjölgunar ríkisstarfa frá 2020-2024.
  Frá árinu 2018 til 2024 fjölgaði ríkisstörfum um rúmlega 4.000 eða tæp 18%. Þar af komu á Norðurland vestra 49 stöðugildi. Sé horft á þróunina frá árinu 2020 þá fjölgaði ríkisstörfum á milli áranna 2020 til 2024 um rúmlega 3.500 eða 12% og af þeirri fjölgun eru 23 stöðugildi á Norðurlandi vestra eða 0,7%
  Það er ekki ásættanlegt fyrir landshluta þar sem íbúaþróun er undir landsmeðaltali og þróun í fjölda íbúa hægari en að meðaltali í landinu, að horfa á fjölda ríkisstarfa út frá íbúafjölda. Þessi svæði og þar með Norðurland vestra þurfa á innspýtingu að halda og því eðlilegt að á slíkum svæðum væri fjölgun ríkisstarfa mun hærri en í öðrum landshlutum þar sem íbúafjölgun er hraðari.
  Fjölgun og þróun í ríkisstörfum hefur verið rakin hér að ofan og er ljóst að dreifing þeirra er mjög ójöfn og að sá ójöfnuður hefur vaxið mikið síðustu ár, sérstaklega eftir 2020. Hér verður að snúa þróuninni við og tryggja að fjölgun þessara starfa sé hlutfallslega mest á veikari svæðum.
  Dæmi úr C „Stuðla að sjálfbærri þróun byggða um allt land“, en þar stendur um almennar áherslur „2. Samspil dreifbýlis og þéttbýlis í byggðaþróun“.
  Þetta er mjög stór og mikilvægur þáttur í jöfnun búsetu og lífskjara í landinu. Með sameiningu sveitarfélaga hefur krafan um jafnt aðgengi að þjónustu innan sveitarfélaga aukist, ásamt því að kostnaður við hana sé sambærilegur á milli íbúa. Hér ná nefna rafmagns- og hitunarkostnað. Ríkið er þar með hærri gjöld á flutningi rafmagns ásamt hærri tengigjöldum í dreifbýli en þéttbýli. Það er ósanngjarnt og er ekki til þess fallið að jafna lífskjör innan landmikilla sveitarfélaga og uppfyllir þar með ekki núverandi byggðaáætlun né heldur markmið þeirrar sem er í smíðum. Eins má nefna kostnað við húshitun með heitu vatni en oftast er mun kostnaðarsamara er að leggja heita vatnið um dreifbýli en þéttbýli. Hér þarf ríkið að koma inn í og jafna þennan mun til að jafna lífskjörin. Margt fleira mætti nefna eins og þjónustu við losun á sorpi en í dreifbýli er hún mun dýrari en í þéttbýli og fyrir landfræðilega stór sveitarfélög þá veður ríkið að stíga inn og jafna þennan kostnað eigi lífskjörin að vera jöfn.
  
  4. Hver er skoðun þín á því hvernig best sé að meta árangur byggðastefnu?
  Besta leiðin er að skoða og uppfæra sem oftast allar tölur sem snúa að íbúafjölda, lífskjörum, hagvexti, menntun, atvinnuþróun og mörgu fleiru reglulega. Verkfæri eins og mælaborð Byggðastofnunnar er jákvætt skref í þessari umræðu. Þetta þarf hins vegar að efla enn frekar, en um leið þarf að forðast að tveir aðilar séu að setja fram gögn um sömu hluti. Aðilar eins og Byggðastofnun, Hagstofan og Þjóðskrá eiga að vinna meira saman og vera með eina sameiginlega upplýsingaveitu sem gæti þá verið megin grunnur gagna sem lýsa þróun mismunandi svæða.
  
  5. Annað sem þú vilt taka fram?
  Tvennt má nefna sem raunhæfar leiðir til að bæta og jafna lífskjör með þeim verkfærum sem við höfum í dag og erum að vinna með alla daga, og ekki er talað um í fyrirliggjandi drögum.
  Í fyrsta lagi má nefna hlutdeildarlánin en þau hafa ekki sem slík nýst til uppbyggingar á landsbyggðinni nema í mjög litlum mæli. Hugmyndafræðin á bakvið þau til fólks sem er að kaupa sína fyrstu íbúð er góð. Engu að síður er reynslan í Skagafirði og landshlutanum öllum sú að mjög fáir hafa haft möguleika á að nýta sér þetta úrræði til húsnæðiskaupa. Ástæðan er að stærstum hluta sú að verktakar eða fjárfestar í Skagafirði hafa ekki sóst eftir að byggja íbúðir sem standast kröfur um lágmarksstærð og hámarksverð til að fá hlutdeildarlán. Þessu væri auðvelt að breyta með sértækum hlutdeildarlánum til svæða eins og Norðurlands vestra þar sem íbúaþróun er undir landsmeðaltali og íbúða og byggingarmarkaður íbúða jafn óvirkur og raun ber vitni. Þannig mætti örva íbúabyggingu og fólksfjölgun.
  Í öðru lagi má nefna skattkerfið en með því að greina reglulega stöðu landshlutanna og svæða innan þeirra mætti taka heilu landshlutana eða afmörkuð svæði og beita þar skattkerfinu sem hvata fyrir fólk til að koma þangað með atvinnustarfsemi eða fjárfesta sér í húsnæði. Úrræðin gætu verið tímabundin til t.d. 10 ára en þau þurfa samt að vera það hvetjandi að fólk sái hag í að nýta þau. Gott dæmi um land sem hefur notað skattkerfið með ýmsum hætti til að efla og styrkja búsetu er Noregur og af þeim mætti læra margt um nýtingu skattkerfisins til að jafna búsetu og lífskjör í landinu.
  Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 4.7 2602084 Samráð; Drög að frumvarpi til laga um sameiningu Matvælastofnunar, Fiskistofu og Verðlagsstofu skiptaverðs
  Byggðarráð Skagafjarðar - 181 Atvinnuvegaráðuneytið kynnir til samráðs mál nr. 31/2026, "Drög að frumvarpi til laga um sameiningu Matvælastofnunar, Fiskistofu og Verðlagsstofu skiptaverðs". Umsagnarfrestur er til og með 20.02. 2026.
  
  Byggðarráð Skagafjarðar mótmælir þeim áformum sem fram koma í drögum að frumvarpi. Með frumvarpinu er lagt til að núverandi heilbrigðiseftirlit sveitarfélaga verði lagt niður og að rúmlega 70% af starfsemi þeirra, sem jafnframt eru tekjuberandi verkefnin, flytjist frá sveitarstjórnarstigi til ríkisins. Þessi breyting kollvarpar rekstrargrundvelli heilbrigðiseftirlitanna og skilur sveitarfélög eftir með verkefni sem eru þjónustuháð, tekjulítil og í mörgum tilvikum ófjármögnuð.
  
  Ljóst er að breytingarnar munu hafa verulega neikvæð áhrif á landsbyggðina. Heilbrigðiseftirlit sveitarfélaga hafa áratuga reynslu af stöðugri og staðbundinni þjónustu sem byggir á þekkingu á aðstæðum, svæðum, áhættumatsháttum og atvinnulífi. Sú sérþekking sem er undirstaða hraðra viðbragða, tapast ef verkefnin eru færð í miðlægt kerfi ríkisstofnana. Þrátt fyrir fullyrðingar um að störfum verði fjölgað á landsbyggðinni er ekkert í frumvarpinu sem tryggir slíkt. Þvert á móti er hætt við að störf flytjist frá svæðinu og að sérfræðingar, sem búa í nærumhverfi sveitarfélaga, missi starf eða velji að starfa í stærri þéttbýliskjörnum þar sem stofnanirnar eru með meginstarfsemi sína.
  
  Byggðarráð telur sérlega mikilvægt að á það sé bent að ekkert í athugasemdum Eftirlitsstofnunar EFTA (ESA) kallar á niðurlagningu staðbundinna stjórnvalda eða heilbrigðiseftirlita. Ábendingar ESA snúa fyrst og fremst að samræmingu, skýrari ábyrgð og sameiginlegum upplýsingakerfum, en öll þau markmið má uppfylla án þess að leggja niður heilbrigðiseftirlitin. Frumvarpið gengur því töluvert lengra en nauðsynlegt er og er hvorki útskýrt né rökstutt með fullnægjandi hætti hvers vegna meðalhófs sé ekki gætt og vægari og hagkvæmari úrræði, svo sem styrkt samræmingarhlutverk ríkisstofnana, innleiðing sameiginlegs upplýsingakerfis og skýrari verkaskipting séu ekki valin.
  
  Eitt af áhyggjuefnum byggðarráðs er hætta á þjónusturofi við yfirfærslu verkefnanna. Frumvarpið gerir ráð fyrir að allar breytingar taki gildi 1. janúar 2027 og felur í sér að heilbrigðiseftirlit sveitarfélaga verði lögð niður á sama tíma og ríkið tekur við öllum verkefnum á tveimur stofnunum. Slík framkvæmd er áhættusöm. Fyrir liggur að fjöldi starfsmanna þarf að skipta um starfsvettvang, verklag og ábyrgð breytast, upplýsingakerfi þurfa að vera tilbúin og byrjað verður að vinna eftir verkferlum sem hafa ekki verið prófaðir í framkvæmd. Reynslan sýnir að jafn umfangsmiklar verkefnayfirfærslur taka að lágmarki nokkur ár í undirbúningi til að tryggja samfellda og trausta þjónustu. Hér er hins vegar gert ráð fyrir mjög skömmum aðlögunartíma og engum skýrum áætlunum um hvernig forðast eigi rof í eftirliti, leyfisveitingum eða bráðu viðbragði. Slíkt þjónusturof myndi bitna sérstaklega á rekstraraðilum sem þurfa leyfi eða endurnýjun leyf, ferðaþjónustufyrirtækjum, matvælafyrirtækjum og smærri verslunum sem reiða sig á reglubundnar úttektir. Að auki bitnar þetta á sveitarfélögum sem missa aðgengi að skjótum ráðleggingum eða viðbrögðum vegna mengunaróhappa, atvika eða kvartanamála auk þess sem íbúar og atvinnulíf missir aðgang að skjótum og staðbundnum viðbrögðum fagfólks sem þekkir aðstæður.
  
  Á sama tíma er leiða má líkur að því að flóknar boðleiðir innan ríkiskerfisins, takmarkaður aðgangur að starfsmönnum í nærsamfélaginu og aukið álag á fáum starfsmönnum muni skapa tafir, óvissu og síendurtekið tvíverknað næstu árin á eftir.
  
  Fjárhagsleg áhrif á sveitarfélög eru einnig umfangsmikil, þótt frumvarpið geri lítið úr þeim. Sveitarfélög munu þurfa að standa undir biðlaunakostnaði, breytingakostnaði, kostnaði við ráðningar sérfræðinga í ný verkefni og yfirfærslu staðbundinna úrlausnarefna sem fylgja engar tekjur með. Það að tekjustofnar heilbrigðiseftirlita sem eru í þessum tilvikum stærstu verkefnin séu teknir af sveitarfélögum án þess að bæta sveitarfélögum tekjumissinn, hlýtur að teljast skýr tilfærsla fjárhagslegs álags frá ríki til sveitarfélaga.
  
  Byggðarráð ítrekar að einfaldari, skilvirkari og ódýrari leið er fyrir hendi, það er að styrkja samræmingu, verklag og upplýsingakerfi innan núverandi kerfis, án þess að leggja heilbrigðiseftirlitin niður. Sú leið myndi tryggja betri gæði, meiri samfellu og jafnt aðgengi að þjónustu um allt land.
  
  Með vísan til alls framangreinds tekur Byggðarráð Skagafjarðar undir umsögn og sjónarmið heilbrigðiseftirlita á landinu að öllu leyti, telur frumvarpið ómótað, lítt rökstutt og líklegt til að rýra þjónustu við íbúa og atvinnulíf um land allt, og skorar á ráðherra að draga áformin til baka og hefja í staðinn frekara samráð við sveitarfélög og heilbrigðiseftirlitin um úrbætur sem byggja á raunhæfum, hagkvæmum og sanngjörnum lausnum.
  Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 4.8 2602081 Samráð; Frumvarp til laga um breytingar á búvörulögum nr. 99 frá 1993
  Byggðarráð Skagafjarðar - 181 Á Alþingi er til umfjöllunar stjórnarfrumvarp frá atvinnuvegaráðherra um breytingu á búvörulögum nr. 99/1993, 374. mál.
  Byggðarráð Skagafjarðar telur að nái frumvarpið fram að ganga í óbreyttri mynd hafi það verulega neikvæð áhrif á starfsumhverfi íslensks landbúnaðar. Með breytingu 71. greinar búvörulaga er ljóst að verið er að rjúfa áratuga langa þróun hagræðingar í íslenskum mjólkuriðnaði sem skilað hefur lægri framleiðslukostnaði, bændum hærra afurðaverði en ella og neytendum hágæða framleiðsluvörur á hagkvæmara innkaupaverði en annars væri raunin. Með takmörkunum á samstarfi og sameiningu afurðastöðva í kjöt- og mjólkuriðnaði er þannig verið að vinna gegn hagræðingu í íslenskum landbúnaði, sporna gegn framþróun í greininni, veikja samkeppnisstöðu greinarinnar og draga úr tækifærum til aukinnar nýsköpunar. Með því er enn vegið að afkomuöryggi bænda og um leið unnið gegn áherslum á eflingu byggða um land allt og styrkingu fæðuöryggis þjóðarinnar.
  
  Byggðarráð Skagafjarðar tekur jafnframt undir með Bændasamtökum Íslands um að frumvarpsdrögin gangi gegn þeirri þróun sem átt hefur sér stað undanfarna áratugi í mjólkuriðnaði, þar sem sameining og hagræðing hafa skilað miklum ávinningi, allt að 5 milljörðum króna árlega, bændum og neytendum til hagsbóta. Að sama skapi er áætlað að hagræðing í kjötiðnaði muni skila um 2 milljörðum króna á ári. Með breytingunum er því gengið þvert gegn yfirlýstri stefnu ríkisstjórnar Íslands um að efla verðmætasköpun í íslenskri matvælaframleiðslu og tryggja sjálfbæra innlenda framleiðslu. Bókun fundar Afgreiðsla 181. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602017FVakta málsnúmer

• 5.1 2310244 Stækkun verknámshúss Fjölbrautaskóla Norðurlands vestra
  Byggðarráð Skagafjarðar - 182 Til fundarins kom Selma Barðdal, skólameistari Fjölbrautaskóla Norðurlands vestra, og upplýsti um stöðu mála varðandi framgang fyrirhugaðrar stækkunar verknámshúss skólans eins og hún hefur verið kynnt fyrir skólayfirvöldum.
  Byggðarráð þakkar Selmu kærlega fyrir komuna og veittar upplýsingar.
  
  Byggðarráð samþykkir samhljóða áskorun til mennta- og barnamálaráðherra:
  Byggðarráð Skagafjarðar skorar á mennta- og barnamálaráðherra að fylgja, af sinni alkunnu einurð, eftir áformum forvera síns í embætti ráðherra, eins og þau birtust í fréttatilkynningu frá ráðuneytinu 10. júní sl. Þar kom fram að ríkisstjórnin hyggist hefja framkvæmdir við fjóra verknámsskóla, þ.e. Menntaskólann á Ísafirði, Fjölbrautaskóla Suðurnesja, Fjölbrautaskóla Norðurlands vestra og Verkmenntaskólann á Akureyri. Samkvæmt tilkynningunni stranda áformin ekki á fjármagni og stefnt væri að því að framkvæmdir myndu hefjast nú í vetur, að loknu útboði.
  Í stefnuræðu forsætisráðherra, 10. september sl., kom fram í ræðu ráðherra að á árinu 2026 yrðu hafnar framkvæmdir við stækkun fjögurra verknámsskóla vítt um land, sem væru fjármagnaðar.
  Því miður virðast óútskýrðar tafir við útboðsgögn hjá Framkvæmdasýslunni - Ríkiseignum og skortur á staðfestingu á fjármögnun framkvæmda frá mennta- og barnamálaráðuneytinu, valda því að útlit er fyrir að framkvæmdir við stækkun verknámshúss Fjölbrautaskóla Norðurlands vestra hefjist ekki á árinu 2026. Yrði það þá þriðja árið í röð þar sem mótframlag sveitarfélagsins Skagafjarðar í fjárhagsáætlun þess vegna byggingarinnar yrði ekki nýtt. Það er algjörlega óviðunandi staða á meðan ástand kennsluaðstöðu við skólann er með þeim hætti að stór hluti hennar fer fram í gámum og bráðabirgðaúrræðum á göngum bóknámshúss skólans. Ríkisstjórn Íslands verður að bretta upp ermarnar og láta efndir fylgja orðum. Bókun fundar Afgreiðsla 182. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 5.2 2412006 Trúnaðarbók byggðarráðs
  Byggðarráð Skagafjarðar - 182 Fært í trúnaðarbók. Bókun fundar Afgreiðsla 182. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 5.3 2601143 Víðimýri 10 - Sala íbúðar
  Byggðarráð Skagafjarðar - 182 Mál síðast á dagskrá 181. fundar byggðarráðs Skagafjarðar þann 11. febrúar 2026.
  Upplýst var um tillögu að lausn málsins eftir að erindi barst frá tryggingafélagi Landmarks fasteignamiðlunar.
  
  Byggðarráð samþykkir samhljóða að taka tilboði Björns Elvars Magnússonar og Lísu Guðbjörnsdóttur, dags. 12. janúar 2026, á fasteigninni Víðimýri 10, fastanúmer 213-2495. Heildarfjárhæð til sveitarfélagsins fyrir fasteignina eru 47,9 m.kr. Bókun fundar Afgreiðsla 182. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 5.4 2512176 Tilboð í íbúð 2. HV Skógargötu 2
  Byggðarráð Skagafjarðar - 182 Borist hafa þrjú tilboð í íbúðina að Skógargötu 2, fastanúmer 213-2173.
  
  Byggðarráð samþykkir samhljóða að taka tilboði dagsett 18. febrúar 2026 að fjárhæð 38.750.000 kr. Bókun fundar Afgreiðsla 182. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 5.5 2602117 Viðauki 2 við fjárhagsáætlun 2026
  Byggðarráð Skagafjarðar - 182 Lögð fram beiðni um gerð viðauka nr. 2 við fjárhagsáætlun ársins 2026. Breytingar í framlagðri beiðni gera ráð fyrir aukningu útgjalda um kr. 5.850.471. Helstu breytur eru tímabundin aukning um hálft stöðugildi á málaflokki 04, og kaup á búnaði í Bifröst vegna kvikmynda- og leiksýninga. Niðurstaðan er lækkun á handbæru fé um sömu fjárhæð, kr. 5.850.471.
  
  Byggðarráð samþykkir samhljóða framlagða beiðni um viðauka nr. 2 við fjárhagsáætlun 2026 og vísar til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins, Viðauki 2 við fjárhagsáætlun 2026, síðar á dagskrá fundarins. Samþykkt samhljóða.
• 5.6 2602112 Auglýsing eftir framboðum í stjórn Lánasjóðs sveitarfélaga
  Byggðarráð Skagafjarðar - 182 Skagafirði barst bréf frá Lánasjóði sveitarfélaga, dags. 12. febrúar 2026, þar sem auglýst er eftir framboðum í stjórn sjóðsins. Frestur til að skila inn tilnefningu eða framboði er til kl. 12:00 á hádegi föstudaginn 27. febrúar 2026. Um framboð og kjör til stjórnar gilda hlutafélagalög nr. 2/1995 og lög um fjármálafyrirtæki nr. 161/2002. Jafnframt er farið að leiðbeiningum um stjórnarhætti fyrirtækja að eins miklu leyti og unnt er. Bókun fundar Afgreiðsla 182. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.
• 5.7 2601276 Sögustund; Árið 2026
  Byggðarráð Skagafjarðar - 182 Á fundinum var lagður fram til kynningar tölvupóstur frá Sambandi íslenskra sveitarfélaga, dagsettur 27. janúar 2026. Í tölvupóstinum fer Saga Guðmundsdóttir, aðalhagfræðingur Sambandsins, yfir erindi sitt á málþingi Sambandsins um stefnu í málefnum fatlaðs fólks til framtíðar. Bókun fundar Afgreiðsla 182. fundar byggðarráðs var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602014FVakta málsnúmer

• 6.1 2508066 Skýrsla deildarstjóra
  Atvinnu-, menningar- og kynningarnefnd - 43 Starfsmaður nefndarinnar fer yfir þau mál sem eru á döfinni frá síðasta fundi.
  
  Skýrslan er flutt munnlega og til kynningar.
  
  Nefndin þakkar fyrir yfirferðina. Bókun fundar Afgreiðsla 43. fundar atvinnu-, menningar- og kynningarnefndar var staðfest á 46. fundi sveitarstjórnar 25. febrúar 2026 með níu atkvæðum.
• 6.2 2508070 Sæluvika 2026
  Atvinnu-, menningar- og kynningarnefnd - 43 Umræður um Sæluviku 2026.
  
  Starfsmaður nefndarinnar fór yfir nýtt kynningarefni ásamt fyrirkomulagi hátíðarinnar í ár.
  
  Atvinnu-, menningar- og kynningarnefnd felur starfsmanni nefndarinnar að auglýsa eftir tilnefningum fyrir Samfélagsverðlaun Skagafjarðar árið 2026.
  
  Nefndin felur starfsmanni nefndarinnar jafnframt að auglýsa eftir styrktarumsóknum vegna viðburðarhalds á hátíðinni. Bókun fundar Afgreiðsla 43. fundar atvinnu-, menningar- og kynningarnefndar var staðfest á 46. fundi sveitarstjórnar 25. febrúar 2026 með níu atkvæðum.
• 6.3 2511194 Styrkbeiðni - Alþýðulist
  Atvinnu-, menningar- og kynningarnefnd - 43 Á 42. fundi Atvinnu-, menningar- og kynningarnefndar þann 16. janúar 2026 var tekið fyrir erindi dags. 17. nóvember 2025 frá Ástu Búadóttur, formanni Gallerí Alþýðulista. Nefndin samþykkti samhljóða að fresta afgreiðslu málsins þar til á næsta fundi.
  
  Gallerí Alþýðulist óskar eftir hærri styrk vegna aukinnar aðsóknar í upplýsingamiðstöðina á undanförnum árum, meðal annars vegna lengingar ferðamannatímabilsins á svæðinu. Vegna þess stendur til að lengja opnunartímabil starfseminnar og það krefst aukinna fjárútláta.
  
  Atvinnu-, menningar- og kynningarnefnd samþykkir samhljóða að leggja til við byggðarráð að hækka upphæð styrktarsamnings, sem gerður hefur verið ár hvert til styrktar starfsemi upplýsingamiðstöðvarinnar í Varmahlíð. Upphæð samningsins hefur ekki tekið breytingum frá árinu 2021 og er því lagt til að samningurinn fyrir árið 2026 verði uppreiknaður sem nemur vísitölu neyðsluverð, eða hækkun upp á 36,4%.
  
  Nefndin felur starfsmanni nefndarinnar að ganga til samninga við Gallerí Alþýðulist og gera árssamning með ofangreindum forsendum til hliðsjónar, með möguleika á framlengingu.
  
  Nefndin vísar málinu til byggðarráðs.
  
  Tinna Kristín Stefánsdóttir óskar bókað:
  
  VG og óháð harma að ekki sé hægt að verða að öllu leiti við beiðni Alþýðulistar um aukinn styrk, sérstaklega í ljósi þess hversu mikill fjöldi fólks leitar sér upplýsinga hjá þeirri upplýsingamiðstöð en á liðnu ári voru það tæplega 14 þúsund manns. Er Alþýðulist ein um að sinna slíkri upplýsingagjöf í firðinum sem stendur.
  
  Bókun fundar Álfhildur Leifsdóttir vék af fundi við afgreiðslu þessa máls.
  
  Fulltrúi VG og óháðra óskar bókað:
  "VG og óháð harma að ekki sé unnt að verða að fullu við beiðni Gallerís Alþýðulistar um aukinn styrk en upphæð samningsins hefur ekki breyst frá árinu 2021, þrátt fyrir almennar kostnaðarhækkanir á tímabilinu. Alþýðulist hefur því þurft að mæta auknum útgjöldum með hærri umboðslaunum af söluvöru handverkafólks og með verulegri sjálfboðaliðavinnu. Óskað var eftir að framlag vegna starfsmanns væri hækkað úr 3 milljónum í 4,5 milljón og að húsaleigu styrkurinn yrði hækkaður úr kr. 700.000 í kr. 1.200.000 vegna aukins launakostnaðar og almennra kostnaðarhækkana.
  Meirihluti ásamt Byggðarlista hafnaði þeirri beiðni og lagði til að samningurinn fyrir árið 2026 verði uppreiknaður sem nemur vísitölu neysluverðs, eða hækkun upp á 36,4% en umbeðin hækkun myndi reiknast um 54%.
  Alþýðulist gegnir mikilvægu hlutverki í upplýsingagjöf til ferðamanna á svæðinu. Á liðnu ári leituðu tæplega 14 þúsund manns til upplýsingamiðstöðvarinnar eftir upplýsingum. Þegar starfsemin opnar aftur nú um næstu mánaðamót verður hún að öllum líkindum ein um slíka þjónustu í firðinum, að minnsta kosti eru dyr hinnar upplýsingamiðstöðvarinnar lokaðar sem stendur. Ætlun félagsins er að lengja opnunartímann til að mæta lengingu ferðamannatímabilsins á svæðinu, sem óhjákvæmilega kallar á aukin fjárútlát.
  Að okkar mati ber sveitarfélaginu að standa vörð um og lyfta því sem vel er gert í samfélaginu. Starfsemi sem dregur að sér þúsundir gesta og styður við menningu og atvinnulíf á svæðinu er verðmæt og mikilvægt að hún njóti stöðugleika. Þurfi að hækka enn meir umboðslaun til að halda rekstrinum gangandi getur dregið úr hvata handverkafólks til þátttöku í Alþýðulist og haft neikvæð áhrif á fjölbreytni og gæði starfseminnar. Það er val sveitarfélagsins að halda úti upplýsingamiðstöð og þá þarf að gera það með fullnægjandi hætti. Við teljum því mikilvægt að leitað verði leiða til að tryggja rekstrarumhverfi Gallerís Alþýðulistar til framtíðar."
  
  Fulltrúar Byggðalista óskar bókað:
  "Ánægjulegt er að orðið var við aukinni styrkbeiðni frá Alþýðulist og teljum við rétt að miða við 36,4% eða þá hækkun sem orðið hefur á neysluverðsvísitölu frá því að samningurinn var undirritaður. Samningsupphæð hefur staðið óbreytt frá árinu 2021 til ársins 2026. Við teljum æskilegra að endurskoða upphæðir reglulega fremur og væri það ákjósanlegast að endurskoða slíka saminga í samræmi við hækkun vísitölu hvers árs frekar en að gera svo verulega hækkun í einu."
  
  Fulltrúar Framsóknarflokks og Sjálfstæðisflokks óska bókað:
  "Alþýðulist er félagsskapur með fjölþætta starfsemi þar sem sala handverks er veigamikill hluti tekjugrundvallar. Rekstur félagsins hefur verið ábyrgur, afkoman jákvæð á liðnum árum og handbært fé með ágætum. Sá þáttur starfseminnar sem snýr að upplýsingagjöf og móttöku gesta er hluti af heildarrekstri en ekki sjálfstætt, afmarkað stöðugildi á vegum sveitarfélagsins. Við mat á styrkbeiðninni var sérstaklega horft til jafnræðissjónarmiða og ábyrgðar í ráðstöfun opinbers fjármagns.
  
  Ákvörðun atvinnu-, menningar- og kynningarnefndar endurspeglar þá afstöðu að stuðningur sveitarfélagsins taki mið af eðli og umfangi starfseminnar hverju sinni. Með því að styðja með auknum hætti við starfsemi félagsins er unnt að auka opnunartíma starfseminnar og þar með gefst einnig færi á aukinni tekjuöflun sem gera má samhliða ráð fyrir."
  
  Afgreiðsla 43. fundar atvinnu-, menningar- og kynningarnefndar var staðfest á 46. fundi sveitarstjórnar 25. febrúar 2026 með sjö atkvæðum. Sigurlaug Vordís Eysteinsdóttir óskar bókað að hún situr hjá.
• 6.4 2602035 Styrkbeiðni Uppsetning á leikritinu Stella í Orlofi
  Atvinnu-, menningar- og kynningarnefnd - 43 Framlagt erindi dags. 28.janúar 2026 frá Jónasi Atla Eyþórssyni og Sigríði Hrafnhildi Stefansdóttir f.h. nemendafélags Fjölbrautaskóla Norðurlands vestra þar sem óskað er eftir styrk til uppsetningar á leikritinu Stellu í Orlofi.
  
  Atvinnu-, menningar- og kynningarnefnd þakkar fyrir erindið og óskar nemendafélaginu innilega til hamingju með uppsetningu á þessu frábæra leikriti sem hefur slegið í gegn.
  
  Nefndin samþykkir samhljóða að veita styrk að upphæð 75.000 kr. og hvetur nemendafélagið til að sækja um í Uppbyggingarsjóð SSNV fyrir næstu uppsetningu. Bókun fundar Afgreiðsla 43. fundar atvinnu-, menningar- og kynningarnefndar var staðfest á 46. fundi sveitarstjórnar 25. febrúar 2026 með níu atkvæðum.
• 6.5 2601193 Ársreikningar félagsheimila 2025
  Atvinnu-, menningar- og kynningarnefnd - 43 Lagðir fram til kynningar ársreikningar frá félagsheimilunum í Árgarði og Ketilás.
  
  Lagt fram. Bókun fundar Afgreiðsla 43. fundar atvinnu-, menningar- og kynningarnefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2601013FVakta málsnúmer

• 7.1 2512169 Styrkbeiðni - Afreksíþróttasjóður ungmenna
  Félagsmála- og tómstundanefnd - 41 Lagður fram tölvupóstur foreldra, iðkenda 8. flokks stúlkna í körfubolta Tindastóls /Skallagríms þar sem sótt er um styrk í afreksíþróttasjóð ungmenna í Skagafirði vegna þátttöku flokksins á fjölliðamóti í Svíþjóð n.k. vor. Með vísan í reglur um afreksíþróttasjóð ungmenna í Skagafirði er erindinu hafnað, þar sem sjóðnum er ætlað að styrkja ungmenni til þátttöku í landsliðsverkefnum. Nefndin óskar iðkendum góðs gengis á mótinu. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.2 2508122 Gjaldskrá íþróttamannvirkja 2026
  Félagsmála- og tómstundanefnd - 41 Málið áður á dagskrá 39. fundar nefndarinnar 27. október sl. tekið upp aftur til þess að uppfæra gjaldskrá. Nefndin samþykkir samhljóða uppfærða gjaldskrá og vísar til byggðaráðs. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.3 2601113 Aðsóknartölur sundlauganna 2025
  Félagsmála- og tómstundanefnd - 41 Lagt fram minnisblað frá leiðtoga frístunda- og íþróttamála um aðsóknartölur sundlauga í Skagafirði árið 2025. Aðsóknin var með miklum ágætum og voru til að mynda sett tvö aðsóknarmet, annars vegar sóttu tæplega 106.000 gestir allar þrjár laugarnar heim og hins vegar voru gestir í Sundlaug Sauðárkróks rétt rúmlega 57.000 talsins. Alls sóttu rúmlega 25.000 gestir laugina á Hofsósi og í Varmahlíð voru gestir laugarinnar um 23.800 talsins árið 2025. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.4 2601177 Króksblót 2026 - erindi vegna húsaleigu
  Félagsmála- og tómstundanefnd - 41 Lagður fram tölvupóstur frá fulltrúa árgangs ´71 á Suðárkróki sem halda Króksblót 7. febrúar n.k. óskað er eftir lækkun leigugjalds á íþróttahúsinu á Sauðárkróki. Nefndin hafnar samhljóða erindinu á forsendum 4. gr. reglna um útleigu íþróttahúsa Skagafjarðar til skemmtanahalds. Nefndin óskar aðilum undirbúningshóps góðs gengis og skemmtunar. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.5 2301204 Ungmennaráð Skagafjarðar - fundagerðir
  Félagsmála- og tómstundanefnd - 41 Fundargerð Ungmennaráðs frá 24. október s.l. lögð fram til kynningar. Fundargerðina má nálgast á heimasíðu Skagafjarðar undir aðrar nefndir. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.6 2512228 Málþing um stefnu í málefnum fatlaðs fólks til framtíðar
  Félagsmála- og tómstundanefnd - 41 Föstudaginn 23. janúar mun Samband íslenskra sveitarfélaga standa fyrir málþingi um stefnu í málefnum fatlaðs fólks til framtíðar. Markmið málþingsins er að skapa vettvang fyrir opið samtal um framtíðarsýn, stefnumótun og áskoranir í veitingu þjónustu við fatlað fólk. Sveitarstjóri og leiðtogi fatlaðs fólks og eldra fólks sækja málþingið. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.7 2601066 Fundargerðir öldungaráðs
  Félagsmála- og tómstundanefnd - 41 Lögð fram til kynningar 3. fundargerð ráðsins frá 8.janúar sl. Fundargerðina má nálgast á heimasíðu Skagafjarðar undir aðrar nefndir.
  
  Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.8 2601063 Fundargerðir fagráðs - málefni fatlaðs fólks
  Félagsmála- og tómstundanefnd - 41 Lögð fram til kynningar fundargerð nr. 42 frá 19. janúar 2026 Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.
• 7.9 2601068 Trúnaðarbók félagsmála- og tómstundanefndar
  Félagsmála- og tómstundanefnd - 41 Lagt fram eitt mál, fært í trúnaðarbók. Bókun fundar Afgreiðsla 41. fundar félagsmála- og tómstundanefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602013FVakta málsnúmer

• 8.1 2602118 Skýrslubeiðni um starfsdaga í leik-, grunn- og tónlistarskólum
  Fræðslunefnd - 45 Lagðar fram skýrslur með samantekt um starfsdaga skólaárið 2024-2025 í Árskóla, Varmahlíðarskóla, Birkilundi, Tröllaborg og Tónlistarskóla Skagafjarðar. Í skýrslunum kemur fram það sem gert var á starfsdögum skólanna bæði þeim dögum sem eru á starfstíma nemenda og utan þess tíma. Fræðslunefnd samþykkir samhljóða að þessar skýrslur verðir lagðar fram á fyrsta fundi fræðslunefndar í október ár hvert fyrir skólaárið á undan. Bókun fundar Afgreiðsla 45. fundar fræðslunefndar var staðfest á 46. fundi sveitarstjórnar 25. febrúar 2026 með níu atkvæðum.
• 8.2 2602130 Reglur um stuðning í námi í leikskólakennarafræðum
  Fræðslunefnd - 45 Skagafjörður setti sér reglur fyrir starfsmenn leikskóla vegna stuðnings við nám í leikskólakennarafræðum árið 2022 sem gilda til ársins 2027. Verkefnið hefur gefið góða raun og hafa talsvert margir starfsmenn bætt við sig menntun sem nýtist vel í leikskólum Skagafjarðar. Fræðslunefnd vill áfram stuðla að hærra menntunarstigi meðal starfsfólks en leggur áherslu á að fjöldi starfsmanna í námi valdi ekki erfiðleikum í daglegu starfi leikskóla héraðsins. Nefndin felur starfsfólki nefndarinnar að endurskoða reglur um stuðning í námi í leikskólakennarafræðum með það að markmiði að skýra betur hvar þolmörkin liggja hjá hverjum leikskóla þegar kemur að fjölda starfsmanna í námi hverju sinni. Samþykkt samhljóða. Bókun fundar Afgreiðsla 45. fundar fræðslunefndar var staðfest á 46. fundi sveitarstjórnar 25. febrúar 2026 með níu atkvæðum.
• 8.3 2512032 Sumarlokanir í leikskólum 2026
  Fræðslunefnd - 45 Sumarlokanir Birkilundar og Tröllaborgar verða í 5 vikur eins og staðfest skóladagatal 2025-2026 gerir ráð fyrir.
  
  Síðustu ár hafa ólíkar útfærslur sumarleyfistímabils barna verið prófaðar í leikskólanum Ársölum. Leikskólinn hefur verið lokaður í fjórar vikur, opinn allt sumarið og lokaður í tvær vikur. Alltaf hefur verið gerð krafa um að börn fari að lágmarki í samfellt 4 vikna sumarfrí. Erfiðlega hefur gengið að manna þær stöður sem þurfti í Ársölum yfir sumartímann og einnig gengið illa að uppfylla orlofsskyldur gagnvart starfsmönnum.
  Á þeim forsendum leggur fræðslunefnd til að sumarlokanir Ársala verði frá og með 10. júlí til og með 7. ágúst 2026. Á sumarleyfistíma mun framkvæmdasvið sveitarfélagsins vinna í viðhaldi á lóð Ársala þar sem m.a. á að bæta við leiktækjum og lagfæra lóðina skv. áætlun sem búið er að gera. Einnig mun framkvæmdasvið sveitarfélagsins vinna að lagfæringum innandyra í Ársölum með áherslu á að bæta hljóðvist, í samráði við leikskólastjóra.
  
  Boðið verður upp á niðurfellingu gjalda í leikskólum Skagafjarðar ef sumarleyfi eru tekin á tímabilinu 8. júní til 9. júlí 2026. Skilyrði er að leyfið sé að lágmarki vika í senn. Leikskólastjórnendur munu senda út nánari upplýsingar til foreldra. Samþykkt samhljóða.
  Bókun fundar Afgreiðsla 45. fundar fræðslunefndar var staðfest á 46. fundi sveitarstjórnar 25. febrúar 2026 með níu atkvæðum.
• 8.4 2510244 Starfsumhverfi leikskóla í Skagafirði
  Fræðslunefnd - 45 Auðnast ehf. hefur lagt fram tillögur til úrbóta í leikskólanum Ársölum. Tillögurnar snúa að þremur þáttum; Manneklu og fjarvistum, stjórnun og stjórnsýslu. Fræðslunefnd samþykkir samhljóða að fela sviðsstjóra fjölskyldusviðs að vinna með tillögurnar í samræmi við umræðu nefndarinnar. Bókun fundar Afgreiðsla 45. fundar fræðslunefndar var staðfest á 46. fundi sveitarstjórnar 25. febrúar 2026 með níu atkvæðum.
• 8.5 2601069 Trúnaðarbók fræðslunefndar
  Fræðslunefnd - 45 Eitt mál tekið fyrir og fært í trúnaðarbók. Bókun fundar Afgreiðsla 45. fundar fræðslunefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2601028FVakta málsnúmer

• 9.1 2601186 Samantekt sorphirðu 2025
  Landbúnaðar- og innviðanefnd - 41 Fyrir fundinum liggja ýmsar tölulegar upplýsingar um sorpmál í Skagafirði fyrir árin 2024 og 2025. Forstöðumaður framkvæmda Sigurður Arnar Friðriksson fór yfir fyrirliggjandi gögn.
  Urðað sorpmagn hjá Norðurá bs. árið 2025 er tæplega 3.700 tonn sem er um 500 tonnum minna en árið 2024. Mestu munar um samdrátt í urðun á niðurrifs byggingarefni. Sorpmagn frá heimilum og fyrirtækjum er svipað árin 2024 og 2025.
  Sé horft á þá flokka sem íbúar flokka frá heima eða skila á móttökustöð eins og pappír, plast, lífrænn úrgangur, gler, málmar, textill, raftæki, hjólbarðar o.fl., þá eykst magnið í þessum flokkum öllum milli áranna 2024 og 2025.
  Magn af söfnuðum dýraleyfum, minnkar milli áranna 2024 og 2025 og skýrist það af breyttum reglum um aðskilnað á sjálfdauðum skepnum og sláturmat við söfnunina. Rekstrarlega stóðu líka tekjur undir gjöldum í þessum lið árið 2025.
  Landbúnaðar- og innviðanefnd fagnar aukinni flokkun íbúa á sorpi en vinna þarf áfram að frekari greiningu gagnanna en ljóst má vera að kostnaður við t.d. söfnun á lífrænum úrgangi er ansi hár. Landbúnaðar og innviðanefnd samþykkir samhljóða að gögnin verði unnin áfram þannig að nefndin geti betur greint kostnaðarhækkanir og þá fundið leiðir til hagræðingar. Landbúnaðar- og innviðanefnd samþykkir samhljóða að miðlað verði upplýsingum á heimasíðu sveitarfélagsins um frekari tölur úr gögnunum, íbúum til fróðleiks og hvatningar til áframhaldandi góðra verka í flokkun.
  Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.2 2601036 Úthlutun til fjallskilanefnda 2026
  Landbúnaðar- og innviðanefnd - 41 Farið yfir umsóknir fjallskiladeilda um styrki til ýmisa framkvæmda fyrir árið 2026, sem frestað var á fundi nefndarinnar þann 8. janúar sl.
  Landbúnaðar- og innviðanefnd samþykkir samhljóða eftirfarandi úthlutun til fjallskiladeilda:
  Hrolleifsdalur: 390.000 kr.
  Hofsós og Unadalur: 390.000 kr.
  Deilardalur: 590.000 kr.
  Hóla- og Viðvíkurhr.: 590.000 kr.
  Hegranes: 340.000 kr.
  Skarðshr.: 562.000 kr.
  Sauðárkrókur: 90.000 kr.
  Staðarhr.: 590.000 kr.
  Úthluti Seyluhr.: 340.000 kr.
  Skagi: 1.240.000 kr.
  Framhluti Skagafj.: 1.640.000 kr.
  Hofsafrétt: 1.590.000 kr.
  Uppr.fél. Akrahr.: 590.000 kr.
  
  
  
  Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.3 2512193 Styrkbeiðni - drónakaup
  Landbúnaðar- og innviðanefnd - 41 Lagður fram tölvupóstur frá fjallskilastjóra Staðarhrepps Jónínu Stefánsdóttur dags. 20.12.2025 með beiðni um fjárstyrk vegna kaupa á dróna fyrir fimm fjallskiladeildir í Vesturfjöllum. Landbúnaðar- og innviðanefnd samþykkti á síðasta fundi 8. janúar að umhverfis- og landbúnaðarfulltrúi fundaði með formönnum deildanna.
  Tækninni fleygir fram í tækjum og búnaði sem snýr að smalamennskum sem ætlað er að auðvelda vinnu og spara tíma. Með aukinni fjárveitingu er leitast við að hvetja fjallskiladeildirnar til framþróunar og að nýta aukafjárveitinguna til viðhalds, endurnýjunar eða kaupa á tækjum og búnaði sem nýtist svæðunum sameiginlega eða hverju fyrir sig sem best. Nefndin hvetur fjallskilanefndir til samstarfs og samnýtingar á búnaði.
  Landbúnaðar- og innviðanefnd samþykkti samhljóða að hækka fjárframlög til fjallskiladeilda Skagafjarðar fyrir árið 2026 um 90.000 kr. á hverja deild sem skilað hafa inn ársreikningum fyrir árið 2025. Er sú upphæð innifalin í þeirri upphæð sem úthlutað er til deildanna og fram kemur í bókun við lið 2. Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.4 2508180 Umsókn um leyfi til búfjárhalds í þéttbýli
  Landbúnaðar- og innviðanefnd - 41 Guðmundur Magnússon óskaði eftir leyfi til að halda 20 kindur og 10 alifugla á úthlutaðri lóð á Nöfum. Umsóknin var lögð fram á fundi nefndarinnar þann 13.11.2025 en frestað þar sem óskað var frekari upplýsinga. Umsóknin hefur nú verið dregin til baka og lóðinni skilað inn. Landbúnaðar- og innviðanefnd samþykkir samhljóða að auglýsa lóðina að nýju.
  Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.5 2508036 Umsókn um leyfi til búfjárhalds í þéttbýli
  Landbúnaðar- og innviðanefnd - 41 Heimir Þór Guðmundsson óskar eftir leyfi til að halda 10 hross og 25 kindur í hólfi nr. 38 á Nöfum. Umsóknin var áður lögð fram á fundi nefndarinnar þann 13.11.2025 en frestað þar sem óskað var frekari upplýsinga.
  Landbúnaðar- og innviðanefnd samþykkir samhljóða að gefa Heimi 10 daga frest til að skila umbeðnum upplýsingum. Berist þær ekki er litið svo á að umsóknin sé dregin til baka og úthlutun lóðarinnar þar með.
  
  Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.6 2509147 Umsókn um leyfi til búfjárhalds í þéttbýli
  Landbúnaðar- og innviðanefnd - 41 Pétur Ingi Grétarsson sótti um leyfi til að halda allt að 6 kindur á úthlutaðri lóð á Nöfum. Umsóknin var áður lögð fram á fundi nefndarinnar þann 13.11.2025 en frestað þar sem óskað var frekari upplýsinga.
  Landbúnaðar- og innviðanefnd samþykkir samhljóða að gefa Pétri 10 daga frest til að skila umbeðnum upplýsingum um húsnæði til búfjárhalds. Berist þær ekki er litið svo á að umsóknin sé dregin til baka og úthlutun lóðarinnar þar með.
  
  Bókun fundar Sveinn Þ. Finster Úlfarsson vék af fundi við afgreiðslu þessa máls.
  
  Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með átta atkvæðum.
• 9.7 2208249 Fjallskilasamþykkt Skagafjarðar
  Landbúnaðar- og innviðanefnd - 41 Fjallskilasamþykkt Skagafjarðar kynnt.
  Í samráði við fjallskilastjórnir í Skagafirði var á síðata ári skipuð nefnd til að endurskoða fjallskilareglugerð Skagafjarðar. Nefndin hefur fundað nokkrum sinnum og vinnan gengur vel. Nefndinni til aðstoðar er Anna Lilja Jónsdóttir lögfræðingur. Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.8 2601175 Ársreikningur 2025 Sauðárkrókur fjallskiladeild
  Landbúnaðar- og innviðanefnd - 41 Lagður fram til kynningar ársreikningur 2025 fyrir fjallskiladeild Sauðárkróks. Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.9 2601035 Tilkynningar um niðurfellingu vega af vegaskrá
  Landbúnaðar- og innviðanefnd - 41 Lagðar fram tilkynningar um niðurfellingu vega af vegaskrá. Um er að ræða Kimbastaðaveg nr. 7490-01, Reykjarhólsveg nr. 7679-01 og Merkigarðsvegur 7575-01. Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.10 2601042 Lokun 2G og 3G kerfa
  Landbúnaðar- og innviðanefnd - 41 Fyrir liggur tilkynning frá Símanum um lokanir á 2G og 3G kerfum um land allt. Það þýðir að búnaður sem ekki styður nýjustu farsímatækni mun hætta að virka. Minnt er á að skipta verður út slíkum búnaði sem allra fyrst til að vera áfram í síma- og netsambandi. Samkvæmt þessum upplýsingum er gert ráð fyrir að 3G sendar í Skagafirði loki 16. feb. og í dreifbýli 9. mars. Mikilvægt er að fólk tilkynni til fjarskiptastofu breytingar sem það verður vart við eftir lokunina.
  Hægt er að skoða kort af staðsetningu 3G senda og dagsetningum lokana á þessari slóð. https://www.siminn.is/sidur/2g-og-3g-kvedja Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.11 2501004 Fundagerðir Hafnasamband Íslands 2025
  Landbúnaðar- og innviðanefnd - 41 Lagðar fram til kynningar fundagerðir stjórnar Hafnasambands Íslands 2025. Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.12 2504156 Urðaður úrgangur 2025 í Stekkjarvík
  Landbúnaðar- og innviðanefnd - 41 Kynntar tölur um magn úrgangs sem urðaður var í Stekkjarvík 2025 flokkað eftir sveitarfélögum. Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.13 2601033 Samráð ;Drög að reglugerð um flokkun tilkynningar- og skráningarskyldra dýrasjúkdóma og smitefna
  Landbúnaðar- og innviðanefnd - 41 Atvinnuvegaráðuneytið kynnir til samráðs mál nr. 260/2025, "Drög að reglugerð um flokkun tilkynningar- og skráningarskyldra dýrasjúkdóma og smitefna" Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 9.14 2601170 Samráð; Saman gegn sóun - drög að stefnu og aðgerðaráætlun
  Landbúnaðar- og innviðanefnd - 41 Umhverfis-, orku- og loftslagsráðuneytið kynnir til samráðs mál nr. 9/2026, "Saman gegn sóun - drög að stefnu og aðgerðaáætlun". Bókun fundar Afgreiðsla 41. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602002FVakta málsnúmer

• 10.1 2602007 Heitavatnsblæðingar í Skagafirði
  Landbúnaðar- og innviðanefnd - 42 Á fundinn komu Alessandra Schnider og Ottó Elíasson, frá EIMI, og kynntu gagnvirka skráningu heitavatnsblæðinga í Skagafirði og staðsetningu þeirra ásamt hugmyndum um nýtingu orku sem tapast vegna heitavatnsblæðinga.
  Landbúnaðar- og innviðanefnd þakkar gestunum fyrir góða kynningu og bendir áhugasömum um nýtingu affallsvatnsins á að hafa samband við Hjörvar Halldórsson sviðstjóra veitu- og framkvæmdasviðs eða fulltrúa EIMS.
  Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 10.2 2602009 Tilraunaverkefni - Lífrænt sorp meðhöndlun og vinnsla
  Landbúnaðar- og innviðanefnd - 42 Hjörvar Halldórsson og Sigurður Arnar Friðriksson fóru yfir fundi sem þeir áttu með fulltrúum Múlaþings annars vegar og Þingeyjasveitar hins vegar um meðhöndlun lífræns sorps. Jafnframt voru ræddar hugmyndir um prófanir á jarðgerðartækjum og útfærslu þeirra prófana með það að framtíðarmarkmiði að lækka kostnað við söfnun og úrvinnslu lífræns úrgangs.
  Landbúnaðar- og innviðanefnd samþykkir samhljóða að fela Hjörvari sviðstjóra veitu- og framkvæmdasviðs og Sigurði Arnari forstöðumanni framkvæmda að vinna málið áfram í samræmi við umræður fundarins. Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 10.3 2512079 Háeyri 8, L197232 - (Háeyri 6 og 8) Tillaga að breytingu á deiliskipulagi.
  Landbúnaðar- og innviðanefnd - 42 Tillaga að breytingu á deiliskipulagi Háeyri 8, L197232 - (Háeyri 6 og 8) kynnt.
  Þann 11.12.2025 samþykkti skipulagsnefnd Skagafjarðar umsókn FISK-Seafood, lóðarhafa Háeyrar 6,landnr. 179232, og Háeyrar 8, landnr. 197574, um heimild til að láta vinna breytingu á deiliskipulagi Sauðárkrókshafnar á sinn kostnað skv. 2. mgr. 38. gr. skipulagslaga nr. 123/2010. Í bókun skipulagsnefndar var minnt á að skipulagið skildi unnið í samráði við landbúnaðar- og innviðanefnd Skagafjarðar, sbr. Hafnarreglugerð Skagafjarðar.
  Landbúnaðar- og innviðanefnd gerir ekki athugasemd við tillöguna. Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 10.4 2602010 Vegagerðin - fundur með svæðismiðstöð á Akureyri
  Landbúnaðar- og innviðanefnd - 42 Farið yfir fund sem haldinn var með fulltrúum Vegagerðarinnar á Akureyri fimmtudaginn 29. janúar sl. Fyrir hönd sveitarfélagsins voru á fundinum frá landbúnaðar- og innviðanefnd þau Einar. Einarsson, Sólborg S. Borgarsdóttir og Sveinn F. Úlfarsson, Sigfús Ingi Sigfússon sveitarstjóri og Hjörvar Halldórsson sviðstjóri veitu- og framkvæmdarsviðs.
  Á fundinum var farið yfir þau fjölmörgu verkefni sem bíða úrlausnar í vegamálum í Skagafirði, en hér er bæði hátt hlutfall malarvega ásamt því að í sveitarfélaginu er 21 einbreið brú. Þörfin fyrir viðhaldi og endurbótum vega er því mikil.
  Fram kom á fundinum að einu verulegu vegaumbæturnar sem áætlar eru næstu 5 árin eru uppbygging og endurgerð á Sæmundarhlíðarvegi og Hegranesvegi frá Sauðárkróksbraut að Kárastöðum. Báðar þessar framkvæmdir eru á núverandi áætlun og verða framkvæmdar árin 2028-2029. Verði tillaga að nýrri samgönguáætlun að veruleika er ekki útlit fyrir að þetta breytist því gert er ráð fyrir í þeirri áætlun að framlag til tengivega lækki frá því sem áður var áætlað og því ekki líkur á hraðari eða meiri framkvæmdum hér. Engar áætlanir eru um fækkun eða endurnýjun einbreiðra brúa, en til þess skortir fjármagn. Skoða á möguleika þess að laga brúna yfir Merkigil, en sú brú þarf verulega á viðhaldi að halda. Verði fyrirliggjandi tillaga að samgönguáætlun að veruleika óbreytt koma til framkvæmda Fljótagöng og endurbygging Siglufjarðarvegar frá Stafá að Ketilási. Gert er ráð fyrir að þær framkvæmdir standi yfir frá 2027 til 2031.
  Rætt var einnig um brýna þörf á viðhaldi girðinga með vegum og þá sérstaklega Þverárfjallsvegi og með þjóðvegi eitt. Verða þau mál skoðuð áfram en í núverandi tillögu að samgönguáætlun er ekki gert ráð fyrir auknu fjármagni til girðinga með vegum, ásamt því að nýr ytri garður við Sauðárkróks höfn er ekki að fullu fjármagnaður fyrir árið 2030.
  Fulltrúar sveitarfélagsins Skagafjarðar þakka fulltrúum Vegagerðarinnar góðan og upplýsandi fund, en ljóst er að verulegt fjármagn vantar í tillögu að samgönguáætlun 2026-2040, og framkvæmdaráætlun 2026-2030, sem nú eru í vinnslu Alþingis.
  
  Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 10.5 2601144 Framtíðin og íslenskar hafnir - skýrsla
  Landbúnaðar- og innviðanefnd - 42 Kynnt skýrsla - Framtíðin og íslenskar hafnir Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 10.6 2601195 Hafnasambandsþing 2026
  Landbúnaðar- og innviðanefnd - 42 Hafnasambandsþing 2026 verður haldið í Stapa í Reykjanesbæ 22.-23. október 2026.
  Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.
• 10.7 2601012 Fundargerðir Hafnasambands Íslands 2026
  Landbúnaðar- og innviðanefnd - 42 Til kynningar - Fundargerðir Hafnasambands Íslands 2026 Bókun fundar Afgreiðsla 42. fundar landbúnaðar- og innviðanefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2601029FVakta málsnúmer

• 11.1 2505059 Skagfirðingabraut 45 - Beiðni um heimild til að stækka svalir
  Skipulagsnefnd - 90 Skipulagsnefndin fór í vettvangsferð á lóðina við Skagfirðingabraut 47 og hitti þar lóðarhafa Árna Kristinsson og Margréti Sæmundsdóttir til að meta betur möguleg áhrif umbeðinnar framkvæmdar á lóðinni við Skagfirðingabraut 45.
  
  Edda Lúðvíksdóttir og Þórður Hansen lóðarhafar Skagfirðingabrautar 45 komu á fund nefndarinnar í Ráðhúsinu í kjölfarið.
  
  Skipulagsnefnd samþykkir samhljóða að hafna umbeðinni framkvæmd þar sem lóðarhafar Skagfirðingabrautar 45 upplýstu á fundinum um að í framhaldinu munu þau leggja inn uppfærða umsókn. Bókun fundar Afgreiðsla 90. fundar skipulagsnefndar var staðfest á 46. fundi sveitarstjórnar 25. febrúar 2026 með níu atkvæðum.
• 11.2 2511043 Langaborg (L225909) - Beiðni um heimild til að vinna deiliskipulag
  Skipulagsnefnd - 90 Farið yfir samantekt á innsendum umsögnum við skipulagslýsingu fyrir "Lönguborg í Hegranesi, Skagafirði", mál nr. 1624/2025 (https://skipulagsgatt.is/issues/2025/1624/ ) í Skipulagsgáttinni, samráðsgátt Skipulagsstofnunar um skipulagsmál. Skipulagslýsingin var í auglýsingu dagana 10.12.2025- 04.01.2025 og bárust 7 umsagnir.
  
  Skipulagnefnd samþykkir samhljóða að fela skipulagsfulltrúa að vinna málið áfram í samræmi við umræður fundarins og samkvæmt viðbrögðum nefndarinnar við innsendum umsögnum. Bókun fundar Sigurlaug Vordís Eysteinsdóttir vék af fundi við afgreiðslu þessa máls.
  
  Afgreiðsla 90. fundar skipulagsnefndar var staðfest á 46. fundi sveitarstjórnar 25. febrúar 2026 með átta atkvæðum.
• 11.3 2311132 Umsagnarbeiðni; Endurskoðun aðalskipulags Hörgársveitar 2012-2024, nr. 0825 2023: Lýsing (Nýtt aðalskipulag)
  Skipulagsnefnd - 90 Hörgársveit óskar eftir umsögn Skagafjarðar vegna kynningar á tillögu á vinnslustigi (Nýtt aðalskipulag) fyrir Endurskoðun Aðalskipulags Hörgársveitar 2012-2024, mál nr. 0825/2023 í Skipulagsgáttinni, https://skipulagsgatt.is/issues/2023/825 .
  Umsagnafrestur rennur út þann 22.1.2026.
  
  Skipulagsnefnd samþykkir samhljóða að leggja til við sveitarstjórn að gera ekki athugasemd við vinnslutillögu fyrir Endurskoðun Aðalskipulags Hörgársveitar 2012-2024. Bókun fundar Forseti gerir tillögu um að vísa afgreiðslu málsins til liðarins, Umsagnarbeiðni; Endurskoðun aðalskipulags Hörgársveitar 2012-2024, nr. 0825 2023: Lýsing (Nýtt aðalskipulag), síðar á dagskrá fundarins. Samþykkt samhljóða.
• 11.4 2601200 Urð L145959, á Reykjaströnd, Skagafirði - Umsókn um breytingu á landheiti, ásamt umsókn um stofnun landspildu.
  Skipulagsnefnd - 90 Sigfríður Jódís Halldórsdóttir, þinglýstur eigandi jarðarinnar Urð, landnúmer 145959, á Reykjaströnd, óskar eftir breytingu á landheiti jarðarinnar, þannig að landnúmer 145959 fái staðfangið Steinn.
  Einnig óskar þinglýstur eigandi jarðarinnar um heimild til að stofna 10.000 m2 spildu úr landi jarðarinnar, sem "Urð", skv. meðfylgjandi afstöðuuppdrætti nr. S01 í verki 73530003 útg. 19. janúar 2026. Afstöðuppdráttur var unnin á Stoð verkfræðistofu ehf.
  Óskað er þess að útskipt lóð verði skráð sem íbúðarhúsalóð (10). Útskipt spilda er á landbúnaðarsvæði nr. L-1 í gildandi aðalskipulagi. Landskipti eru í samræmi við Aðalskipulag Skagafjarðar 2020-2035 og skerða ekki búrekstrarskilyrði á landi í landbúnaðarflokki I og II. Ekkert ræktað land er innan útskiptrar lóðar.
  Landheiti útskiptrar lóðar vísar til heitis upprunajarðar (Steinn) og dregur nafn sitt af sömu náttúrueinkennum.
  Engin hlunnindi fylgja landskiptum.
  Engin verndarsvæði skv. gildandi aðalskipulagi eru innan útskiptrar spildu.
  Innan afmörkunar útskiptrar spildu er 123,80 m2 einbýlishús, merking 010101, byggt árið 2025 og 56,90m2 bílskúr, merking 010102, byggður árið 2025. Mannvirki þessi skulu fylgja landskiptum.
  Kvöð um umferðarrétt að útskiptri lóð er um heimreið í landi Steins, L145959, skv. meðfylgjandi afstöðuuppdrætti.
  Lögbýlarétturinn mun áfram fylgja upprunajörð, Steini eftir breytingu landheitis, landnr. 145959.
  Málsnúmer í landeignaskrá er M003301.
  
  Skipulagsnefnd samþykkir samhljóða að leggja til við sveitarstjórn að samþykkja umbeðin landskipti og jafnframt samþykkir skipulagsnefnd samhljóða umbeðið nafnleyfi. Bókun fundar Forseti gerir tillögu um að vísa afgreiðslu málsins til liðarins, Urð L145959, á Reykjaströnd, Skagafirði - Umsókn um breytingu á landheiti, ásamt umsókn um stofnun landspildu, síðar á dagskrá fundarins. Samþykkt samhljóða.
• 11.5 2601210 Nestún 12 - Lóð skilað
  Skipulagsnefnd - 90 Árni Max Haraldsson lóðarhafi Nestúns 12 óskar eftir að skila lóðinni inn til sveitarfélagsins.
  
  Skipulagsnefnd samþykkir samhljóða skil á lóðinni Nestún 12 og felur skipulagsfulltrúa að auglýsa hana að nýju skv. úthlutunarreglum sveitarfélagsins. Bókun fundar Afgreiðsla 90. fundar skipulagsnefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602006FVakta málsnúmer

• 12.1 2505220 Borgarflöt - Deiliskipulag
  Skipulagsnefnd - 91 Farið yfir samantekt á innsendum umsögnum við deiliskipulagstillögu fyrir "Borgarflöt 35, Sauðárkróki" sem var í kynningu dagana 26.11.2025- 09.01.2026 í Skipulagsgáttinni mál nr. 992/2025, sjá tengil hér: https://skipulagsgatt.is/issues/2025/992 .
  Fjórar umsagnir bárust sem gefa ekki tilefni til breytinga.
  
  Vegna framkominna upplýsinga frá Framkvæmdasýslu ríkisins varðandi fyrirhugað leiguútboð á uppbyggingu frumhúss Háskólans á Hólum, leggur Skipulagsnefnd til við sveitarstjórn að lóðinni verði skipta upp í þrjár lóðir, Borgarflöt 35, 37 og 39.
  Breytingin hefur þau áhrif að tryggja þarf aðkomu að lóðum nr. 35 og 39 með yfirferðarrétti um lóðina Borgarflöt 37. Framlögð drög, Borgarflöt 35, Sauðárkróki, tillaga að deiliskipulagi, skipulagsuppdráttur og greinargerð, í verki nr.56293330 liggur frammi við afgreiðslu málsins.
  
  Skipulagsnefnd samþykkir samhljóða að leggja til við sveitarstjórn Skagafjarðar að samþykkja tillöguna að deiliskipulagi "Borgarflöt 35, Sauðárkróki" og senda hana Skipulagsstofnun til yfirferðar í samræmi við 1. mgr. 42. gr skipulagslaga nr. 123/2010. Bókun fundar Forseti gerir tillögu um að vísa afgreiðslu málsins til liðarins, Borgarflöt - Deiliskipulag, síðar á dagskrá fundarins. Samþykkt samhljóða.
• 12.2 2602033 Sauðárkrókshöfn - Deiliskipulagsbreyting - Háeyri 8, L197232
  Skipulagsnefnd - 91 Lögð fram tillaga að deiliskipulagsbreytingu fyrir deiliskipulag hafnarsvæðis Sauðárkróks, fyrir lóðirnar Háeyri 6 og 8.
  Veitt var samþykki fyrir að umsækjandi, FISK-Seafood ehf. fengi að vinna deiliskipulagsbreytingu á eigin kostnað á 45. fundi sveitarstjórnar Skagafjarðar þann 21.01.2026 undir málsnúmerinu 2512079, heiti máls: Háeyri 8, L197232 - Beiðni um frest til að skila inn umsókn um byggingarleyfi og heimild til að láta vinna breytingu á deiliskipulagi.
  
  Breytingin felst í að lóðirnar Háeyri 6 og 8 sameinist í Háeyri 6, undir landnúmerinu 179232. Stærð Háeyri 6 verður eftir breytingu 1.583,8 m2 og byggingarreiturinn stækkar í 1.129,9 m2. Reiturinn er eftir breytingu 3 m frá lóðarmörkum að vestan, 3,5 m frá lóðarmörkum að sunnan, 2 metra frá lóðarmörkum að austan og 3 m frá lóðarmörkum að norðanverðu. Hámarks nýtingarhlutfall hækkar í 0,65, hámarks hæðafjöldi og hámarks hæð byggingar er óbreytt. Þá bætist við skilmáli um hámarks stærð botnflatar.
  
  Tillagan að deiliskipulagsbreytingu var tekin fyrir á 42. fundi landbúnaðar- og innviðanefndar Skagafjarðar fyrr í dag 5. febrúar 2026, og gerir landbúnaðar- og innviðanefnd ekki athugasemd við tillöguna.
  
  Skipulagsnefnd samþykkir samhljóða að leggja til við sveitarstjórn að auglýsa deiliskipulagsbreytinguna fyrir "Sauðárkrókshöfn - Háeyri 6 og 8" skv. 1. mgr. 43. gr. skipulagslaga nr. 123/2010, og í samræmi við 5. gr. Hafnarrlegugerðar fyrir hafnir Hafnarsjóðs Skagafjarðar. Bókun fundar Forseti gerir tillögu um að vísa afgreiðslu málsins til liðarins, Sauðárkrókshöfn - Deiliskipulagsbreyting - Háeyri 8, L197232, síðar á dagskrá fundarins. Samþykkt samhljóða.
• 12.3 2511043 Langaborg (L225909) - Beiðni um heimild til að vinna deiliskipulag
  Skipulagsnefnd - 91 Lögð fram deiliskipulagstillaga fyrir Lönguborg í Hegranesi, Skagafirði, unnin á Stoð ehf. verkfræðistofu af Birni Magnúsi Árnasyni.
  
  Tekið hefur verið tillit til þeirra umsagna sem bárust við skipulagslýsinguna.
  Skipulagsuppdráttur og greinargerð nr. DS-01, dags. 30.01.2026, útgáfa 1.0, sýnir afmörkun skipulagssvæðis og lóðamörk, aðkomu og byggingarreiti innan skipulagssvæðsins, ásamt helstu skilmálum fyrir stærð byggingarreiti, hámarks byggingarmagn innan byggingarreita, hámarks byggingarhæð, hámarks stærð botnflatar bygginga o.fl.
  
  Skipulagsnefnd samþykkir samhljóða að leggja til við sveitarstjórn að auglýsa deiliskipulagstillöguna fyrir "Langaborg í Hegranesi" skv. 41. gr. skipulagslaga nr. 123/2010. Bókun fundar Forseti gerir tillögu um að vísa afgreiðslu málsins til liðarins, Langaborg (L225909) - Beiðni um heimild til að vinna deiliskipulag, síðar á dagskrá fundarins. Samþykkt samhljóða.
• 12.4 2602024 Skagfirðingabraut 45, Sauðárkróki, 2. hæð, F2132154 - Beiðni um heimild til að stækka svalir
  Skipulagsnefnd - 91 Þann 18.06.2025 tók skipulagsnefnd Skagafjarðar fyrri umsókn umsækjenda eigenda íbúðar á 2. hæð Skagfirðingabrautar 45 (L143712, F2132154), málsnúmer 2505059, um leyfi til að stækka svalir íbúðarinnar.
  Skipulagsnefnd samþykkti samhljóða að leggja til við sveitarstjórn að grenndarkynna framkvæmdina fyrir lóðarhöfum Skagfirðingabrautar 43, 45 (eiganda neðri hæðar), 47 og 49, Öldustígs 1, 3, 5 og 7 og Bárustígs 1, 2 og 4. Sveitarstjórn samþykkti grenndarkynningu þann 23.06.2025.
  Grenndarkynning fór fram dagana 26.06.2025-27.07.2025, málsnúmer á vef skipulagsgáttar er 875/2025. Tvær umsagnir bárust, önnur án athugasemda.
  Í umsögn eigenda Skagfirðingabrautar 47 voru gerðar athugasemdir við framkvæmdina og mögulegra áhrifa á landnotkun, útsýni, skuggavarp og innsýn.
  Þann 18.09.2025 sendu íbúar Skagfirðingabrautar 45 inn umsögn fasteignasala vegna áhrifa umbeðinna framkvæmda þar sem ekki var talið að að framkvæmdin myndi valda fjártjóni á nærliggjandi húsum.
  Þann 22.01.2026 fór skipulagsnefnd Skagafjarðar í vettvangsferð á lóðina við Skagfirðingabraut 47 og hittu þar lóðarhafa til að meta betur möguleg áhrif umbeðinnar framkvæmdar. Lóðarhafar Skagfirðingabrautar 45 komu á fund nefndar í Ráðhúsinu í kjölfarið. Eftir umræður við lóðarhafa, þar sem farið var yfir helstu athugasemdir og mótvægisaðgerðir, samþykkti skipulagsnefnd að hafna umbeðinni framkvæmd þar sem lóðarhafar Skagfirðingabrautar 45 upplýstu að þau myndu leggja inn uppfærða umsókn.
  
  Edda Lúðvíksdóttir og Þórður Hansen, eigendur íbúðar á 2. hæð Skagfirðingabrautar 45 (L143712, F2132154), óska eftir með uppfærðri umsókn, um heimild til að stækka svalir íbúðarinnar skv. meðfylgjandi uppdrætti nr. S01 í verki nr. 79012100, dags. 02. feb. 2026 unnum hjá Stoð verkfræðistofu ehf.
  Á meðfylgjandi gögnum telja umsækjendur sig hafa komið til móts við athugasemdir nágranna varðandi skuggavarp og innsýn með því að stytta svalir til austurs, þannig að austurhlið svala verður í flútti við norðurhorn íbúðarhúss á Skagfirðingabraut 47, líkt og sýnt er á meðfylgjandi gögnum.
  Þá er gert ráð fyrir að svalaveggir verði úr efni sem hleypir sólarljósi í gegn, t.d. gleri, sem dregur enn meira úr skuggavarpi. Þá verður heitur pottur færður nær húsi til að koma í veg fyrir að vatn smitist yfir á lóð nr. 47. Með umsókn þessari eru því lagðar fram mótvægisaðgerðir þeim umhverfisáhrifum sem fram hafa komið í grenndarkynningu og á fundum íbúa með skipulagsnefnd.
  Að sögn umsækjenda mun framkvæmd þessi auka gæði og notkunarmöguleika lóðar Skagfirðingabrautar 45 verulega. Miðað við núverandi aðstæður eru umsækjendur útsettir fyrir mikilli umferð frá Skagfirðingabraut og útsvæði lóðarinnar takmarkað með tilliti til stærðar og aðgengis. Með framkvæmdinni, sem sótt er um, myndi aðgengi að útisvæði og útiveru batna verulega, núverandi íbúar, og íbúar í framtíðinni, ná talsvert fleiri sólarstundum og lífsgæði íbúa og notagildi eignarinnar munu aukast til muna.
  Með erindinu fylgir einnig samþykki eiganda neðri hæðar Skagfirðingabrautar 45.
  
  Skipulagsnefnd samþykkir samhljóða að leggja til við sveitarstjórn að framkvæmdin skuli grenndarkynnt fyrir lóðarhöfum Skagfirðingabrautar 43, 45 (eiganda neðri hæðar), 47 og 49, Öldustígs 1,3, 5 og 7, og Bárustígs 1, 2 og 4. Bókun fundar Forseti gerir tillögu um að vísa afgreiðslu málsins til liðarins, Skagfirðingabraut 45, Sauðárkróki, 2. hæð, F2132154 - Beiðni um heimild til að stækka svalir, síðar á dagskrá fundarins. Samþykkt samhljóða.
• 12.5 2602048 Nafir 14 L143946, Sauðárkróki - Umsókn um framkvæmdaleyfi og stofnun byggingarreits
  Skipulagsnefnd - 91 Hjörvar Halldórsson, sviðstjóri veitu- og framkvæmdasviðs Skagafjarðar, fh. Skagafjarðar, eiganda lóðarinnar Lóð 14 á Nöfum L143946, og Skagfirðingabrautar, landnr. 143721, óskar eftir stofnun 2.500 m² byggingarreits og framkvæmdaleyfi á lóðinni Lóð 14 á Nöfum, Sauðárkróki. Meðfylgjandi afstöðuuppdráttur og greinargerð, í verki 41520000 útg. 02. feb. 2026, gera grein fyrir framkvæmdinni. Gögn unnin á Stoð verkfræðistofu ehf.
  Um er að ræða byggingarreit fyrir 60,40 m² aðstöðuhús/snyrtingu sem er skráður matshluti nr. 02 á Skagfirðingabraut, landnr. 143721, byggt árið 2009. Ekki er gert ráð fyrir fleiri byggingum innan byggingarreits.
  Áætlað er að framkvæmdir hefjist í febrúar eða mars 2026 og að þeim verði lokið í júlí 2026. Þegar búið er að flytja húsið frá Flæðum verður landið jafnað að núverandi landhæð en ekki grætt upp þar sem gert er ráð fyrir bílastæðum á svæðinu.
  Í aðalskipulagi Sveitarfélagsins Skagafjarðar 2020-2035 er aðstöðuhúsið á miðsvæði nr. M-401 en færist á afþreyingarsvæði nr. AF-401. Skv. greinargerð er AF-401 ætlað fyrir tjaldsvæði og heimilt að byggja allt að 150 m² þjónustuhús og mannvirki sem tengjast tjaldsvæði. Í auglýstu aðalskipulag Skagafjarðar 2025-2040 og eru landnotkunarflokkar og númer, sem þessari framkvæmd tengjast, óbreytt.
  Skv. ákvæðum aðalskipulags Skagafjarðar 2025-2040 fyrir AF-401 er heimilt að byggja þjónustuhús og mannvirki sem tengjast tjaldsvæði. Ætluð framkvæmd er því í samræmi við gildandi aðalskipulag og auglýst aðalskipulag Skagafjarðar 2025-2040. Skv. 44. gr. skipulagslaga nr. 123/2010 getur sveitarstjórn ákveðið að veita megi framkvæmdaleyfi fyrir framkvæmd sem er í samræmi við aðalskipulag þótt ekki liggi fyrir deiliskipulag. Skal skipulagsnefnd þá láta fara fram grenndarkynningu. Einnig er skipulagsnefnd heimilt að falla frá grenndarkynningu ef sýnt er fram á að leyfisskyld framkvæmd varði ekki hagsmuni annarra en sveitarfélagsins og/eða umsækjanda. Engar íbúðarbyggingar eru í grennd við umsóttan byggingarreit og ekki verður séð að fyrirhuguð staðsetning aðstöðuhúss skerði hagsmuni annarra en umsækjanda með neinum hætti hvað varðar landnotkun, skuggavarp, innsýn, aðgengi eða aðra umhverfisþætti sem eiga við um landnotkun á svæðinu skv. aðalskipulagi. Á þeim grundvelli er óskað eftir því að skipulagsnefnd taki til skoðunar að falla frá grenndarkynningu í samræmi við ákvæði 3. mgr. 44. gr. skipulagslaga nr. 123/2010.
  
  VG og óháð samþykkja ekki framangreinda tillögu og hefðu viljað sjá vandað frekar til verka með gerð deiliskipulags á svæðinu, eða að minnsta kosti væri horft til frumhönnunar deiliskipulags sem liggur fyrir, en þar er þjónustuhúsið staðsett betur með tilliti til innkomu gesta á tjaldsvæðið. Eins hefði farið vel á því að samráð væri haft við samningshafa tjaldstæðanna í Skagafirði um staðsetningu þjónustuhússins.
  
  Skipulagsnefnd samþykkir með tveimur atkvæðum að fallast á rök umsækjenda, að ekki sé þörf á grenndarkynningu vegna málsins og að fyrirhuguð uppbygging samræmist bæði gildandi og auglýstu Aðalskipulagi Skagafjarðar 2025-2040 og að fyrirhuguð staðsetning aðstöðuhúss skerði hagsmuni annarra en umsækjanda með neinum hætti hvað varðar landnotkun, skuggavarp, innsýn, aðgengi eða aðra umhverfisþætti.
  Skipulagsnefnd samþykkir einnig með tveimur atkvæðum að leggja til við sveitarstjórn að samþykkja umbeðinn byggingarreit og heimila umbeðna framkvæmd en bendir jafnframt á að sækja þarf um byggingarleyfi til byggingarfulltrúa vegna ætlaðrar tilfærslu húss. Bókun fundar Forseti gerir tillögu um að vísa afgreiðslu málsins til liðarins, Nafir 14 L143946, Sauðárkróki - Umsókn um framkvæmdaleyfi og stofnun byggingarreits, síðar á dagskrá fundarins. Samþykkt samhljóða.
• 12.6 2601086 Sveitarfélagsmörk - Húnabyggð og Skagafjörður - Ábending frá skipulagsfulltrúa Húnabyggðar
  Skipulagsnefnd - 91 Með tölvupósti dags. 18.12.2025 bendir Börkur Þór Ottósson skipulags- og byggingarfulltrúi Húnabyggðar á mögulegt ósamræmi í sveitarfélagsmörkum Skagafjarðar og Húnabyggðar í landi jarðanna Móbergssels, Hvamms, Merkurs og Mjóadals í fyrrum Engihlíðar- og Bólstaðarhlíðarhreppi nú Húnabyggð.
  
  Eftir yfirferð framlagðra gagna Húnabyggðar og gagna sveitarfélagsins Skagafjarðar varðandi Staðarafrétt, fellst Skagafjörður á að sveitarfélagamörkin séu um Grjótá úr nyrðri (ytri) Grjótárbotni og ráði Víðidalsáin að austan, suður Víðidal, sbr. gögn.
  
  Sbr. ráðleggingar frá Skipulagsstofnun vegna málsins ákvað skipulagsfulltrúi Skagafjarðar að láta uppfæra tvo sveitarfélagsuppdrætti fyrir Aðalskipulag Skagafjarðar 2025-2040 sem og starfræn gögn aðalskipulagsins og er því umrædd lína sýnd sem "mörk óviss" og verður í framhaldinu farið í aðalskipulagsbreytingu, samhliða gerð aðalskipulagstillögu Húnabyggðar sem áætluð er á þessu ári.
  Bókun fundar Afgreiðsla 91. fundar skipulagsnefndar var staðfest á 46. fundi sveitarstjórnar 25. febrúar 2026 með níu atkvæðum.
• 12.7 2602020 Kross L146553 í Óslandshlíð - Umsókn um stofnun byggingarreits
  Skipulagsnefnd - 91 Þorvaldur Ingi Guðjónsson, þinglýstur eigandi jarðarinnar Kross, landnúmer 146553, í Óslandshlíð Skagafirði, óskar eftir heimild til að stofna 3900 m² byggingarreit á landi jarðarinnar, skv. meðfylgjandi, hnitsettum afstöðuuppdrætti nr. S01 í verki 76140009 útg. 01. febrúar 2026. Afstöðuppdráttur var unnin á Stoð ehf. verkfræðistofu af Birni Magnúsi Árnasyni.
  Um er að ræða byggingarreit fyrir nýtt fjós. Hámarksbyggingarmagn verður 1200 m2 og hámarksbyggingarhæð verður 10 m frá gólfi í mæni, þak verður tvíhallandi.
  Byggingarreitur, sem sótt er um, er á skilgreindu landbúnaðarsvæði nr. L-1 í aðalskipulagi Sveitarfélagsins Skagafjarðar 2020-2035 og er í samræmi við markmið aðalskipulags um uppbyggingu á landbúnaðarsvæðum, sbr. ákvæði í kafla 12. Byggingarreitur er í samræmi við ákvæði aðalskipulagsins um landbúnað þar sem hann skerðir ekki nýtingu góðs ræktarlands til ræktunar og skerðir ekki sambúð landbúnaðar, ferðaþjónustu, frístundabyggðar og annarrar landnotkunar. Í 12.4 kafla í greinargerð aðalskipulags segir um almenn ákvæði um landnotkun á öllum landbúnaðarsvæðum:
  "Þar er gert ráð fyrir uppbyggingum í tengslum við landbúnaðarstarfsemina en einnig er heimilt að nýta byggingar, byggja stök mannvirki og/eða breyta eldri byggingum, til annarrar starfsemi ef slíkur rekstur styður við landbúnaðarstarfsemi eða búsetu á svæðinu."
  Fyrirhuguð bygging er landbúnaðarbygging og mun styðja við landbúnaðarstarfsemi á jörðinni, byggingarreitur er staðsettur þannig að nýting núverandi innviðir nýtast áfram. Byggingin verður að hámarki 1200 m² og uppbygging er ekki talin líkleg til að hafa veruleg áhrif á mengun eða aðgengi. Jafnframt segir í sama kafla:
  "Skipulagsnefnd metur hverju sinni málsmeðferð uppbyggingaráforma m.t.t. skipulagslaga, með hliðsjón af ofangreindum ákvæðum og umfangi framkvæmda.
  Sveitarstjórn getur ákveðið að veita megi leyfi til byggingar á stökum byggingum sem tengjast starfsemi bújarðar án deiliskipulags, ef umfang og/eða aðstæður gefi tilefni til. Á það við þegar byggingaráform varða ekki hagsmuni annarra en umsækjandans, samrýmast landnotkun og yfirbragði svæðisins og hafa ekki neikvæð umhverfisáhrif."
  Lögð verður áhersla á að áformuð uppbygging verði í samræmi við yfirbragð og ásýnd svæðisins og hafi ekki neikvæð umhverfisáhrif. Áformin skerða ekki aðgengi að öðrum byggingum en kunna að hafa ásýndaráhrif af Siglufjarðarvegi (76).
  Óskað hefur verið eftir umsögn minjavarðar.
  
  Skipulagsnefnd samþykkir samhljóða að leggja til við sveitarstjórn að samþykkja umbeðinn byggingarreit að fenginni jákvæðri umsögn minjavarðar. Bókun fundar Forseti gerir tillögu um að vísa afgreiðslu málsins til liðarins, Kross L146553 í Óslandshlíð - Umsókn um stofnun byggingarreits, síðar á dagskrá fundarins. Samþykkt samhljóða.
• 12.8 2602021 Útvík L146005 - Umsókn um stofnun landspildu
  Skipulagsnefnd - 91 Sigurður Baldursson, Guðrún Kristín Jóhannesdóttir og Ívar Sigurðsson, fh. Páfastaðir ehf., þinglýsts eiganda jarðarinnar Útvík, landnúmer 146005, óska eftir heimild til að stofna 2494,9 m2 spildu úr landi jarðarinnar, sem "Útvík 5", skv. meðfylgjandi afstöðuuppdrætti nr. S01 í verki 71860403, útg. 22. janúar 2026. Afstöðuuppdráttur var unnin á Stoð verkfræðistofu ehf.
  Landheiti útskiptrar lóðar vísar í heiti upprunajarðar.
  Öll hlunnindi tilheyra áfram Útvík L146005.
  Í aðalskipulagi Skagafjarðar 2020-2035 er lóðin á landbúnaðarsvæði L-1. Landskipti eru í samræmi við ákvæði aðalskipulags um landnotkun á landbúnaðarsvæði.
  Landskipti hafa óveruleg áhrif á búrekstrarskilyrði og skerða ekki landbúnaðarsvæði í I. og II. flokki.
  Ekkert ræktað land er innan útskiptrar spildu.
  Engin verndarsvæði skv. gildandi aðalskipulagi eru innan útskiptrar spildu.
  Innan afmörkunar útskiptrar spildu er matshluti 05, sem er 270 m2 hlaða, byggð 1973 og matshluti 11 sem er 420 m2 fjós, byggt árið 1974. Mannvirki þessi skulu fylgja útskiptri lóð.
  Lögbýlarétturinn mun áfram fylgja Útvík, landnr. 146005.
  Málsnúmer í landeignaskrá er M003365.
  
  Skipulagsnefnd samþykkir samhljóða að leggja til við sveitarstjórn að samþykkja umbeðin landskipti. Bókun fundar Forseti gerir tillögu um að vísa afgreiðslu málsins til liðarins, Útvík L146005 - Umsókn um stofnun landspildu, síðar á dagskrá fundarins. Samþykkt samhljóða.
• 12.9 2602022 Syðri-Hofdalir L146421 í Hofsstaðaplássi, Skagafirði - Umsókn um landskipti og byggingarreit
  Skipulagsnefnd - 91 Atli Már Traustason, Ingibjörg Klara Helgadóttir, Ingibjörg Aadnegard og Trausti Kristjánsson fyrir hönd Hofdalabúsins, þinglýst eiganda jarðarinnar Syðri-Hofdalir, landnr. 146421 óska eftir heimild til að stofna 9.338 m² spildu úr landi jarðarinnar, sem "Brotholt" skv. meðfylgjandi afstöðuuppdrætti nr. S01 í verki 72130800 útg. 20. jan. 2026 og merkjalýsingu dags. 20.01.2026. Óskað er eftir því að útskipt spilda verði skráð sem Annað land (80).
  Landskipti eru í samræmi við aðalskipulag Sveitarfélagsins Skagafjarðar 2020-2035 og landnotkun hefur ekki áhrif á búrekstrarskilyrði landbúnaðarlands í flokki I og II. Landheiti útskiptrar spildu vísar til örnefnis á svæðinu. Landheiti er í samræmi við reglugerð nr. 577/2017 um skráningu staðfanga og er ekki skráð á annað landnúmer í sveitarfélaginu.
  Innan merkja útskiptrar spildu eru engir matshlutar.
  Engin hlunnindi fylgja landskiptum.
  Lögbýlisrétturinn fylgir áfram Syðri-Hofdölum landnr. 146421.
  Kvöð um yfirferðarrétt að útskiptri spildu er um heimreiðarslóða í landi Syðri-Hofdala, landnr. 146421, eins og sýnt er á meðfylgjandi afstöðuuppdrætti.
  
  Þá óska umsækjendur einnig eftir heimild til að stofna 535 m² byggingarreit innan útskiptrar spildu skv. meðfylgjandi afstöðuuppdrætti. Um er að ræða byggingarreit fyrir íbúðarhús. Hámarks byggingarmagn verður 200 m² og hámarks hæð byggingar verður 6 m. Byggingareitur, sem sótt er um, er á landbúnaðarsvæði nr. L-1 í aðalskipulagi Sveitarfélagsins Skagafjarðar 2020-2035. Skipulagsákvæði fyrir landbúnaðarsvæði nr. L-1 eru "uppbygging og mannvirkjagerð heimil að uppfylltum skipulagsákvæðum. Leitast skal við að viðhalda nýting lands til matvælaframleiðslu og hlífa ræktarlandi í flokki I". Byggingarreiturinn er á landbúnaðarlandi í flokki II, Gott ræktunarland. Ákvæði fyrir landbúnaðarsvæði nr. L-1 eru að leitast skuli við að hlífa góðu ræktarlandi í flokki I, forðast skuli að rjúfa samfellu landbúnaðarlands og ekki gert ráð fyrir skógrækt, að skjólbeltum undanskildum. Reiturinn sem hér er sótt um er í samræmi við þessi ákvæði aðalskipulags. Þá liggur fyrir að landið, sem lóðin nær yfir, verður ekki tekið undir ræktunarland eða aðra landbúnaðarnotkun. Skv. ákvæðum 12.4. kafla aðalskipulags metur skipulagsnefnd málsmeðferð uppbyggingaráforma hverju sinni með tilliti til skipulagslaga, umfangi framkvæmda og almennra ákvæða um landnotkun á landbúnaðarsvæðum.
  Skv. bráðabirgða ákvæðum skipulagslaga nr. 123/2010 getur sveitarstjórn leyft einstakar framkvæmdir sem kann að verða sótt um. Til stendur að ráðast í gerð deiliskipulags fyrir hluta jarðarinnar, þar sem fjallað verður um önnur byggingaráform á jörðinni og munu landeigendur senda umsókn þess efnis á komandi vikum.
  Byggingarreitur, sem hér er sótt um, er í um 70 m fjarlægð frá Siglufjarðarvegi (76) sem er stofnvegur af tegundinni C8. Óskað er eftir undanþágu frá fjarlægðarákvæði d-liðar 5.3.2.5. gr. skipulagsreglugerðar nr. 90/2013 sem kveður á um að fjarlægð íbúðar- eða frístundahúsa skuli ekki vera minni en 100 m frá stofn- og tengivegum. Undanþágu er óskað á grundvelli þess að umrætt svæði verður ekki nýtt til landbúnaðarnota, staðsetning byggingarreits rífur ekki samfellu landbúnaðar- eða ræktarlands og að afmörkun lóðarinnar, sem byggir á því að hagkvæmri nýtingu á landi jarðarinnar til landbúnaðar, gerir að verkum að umrædd staðsetning er eins langt frá vegi og mögulegt er.
  Meðfylgjandi er umsögn Minjastofnunar Íslands vegna byggingarreits og umsögn Vegagerðar vegna vegtengingar eins og hún er sýnd á meðfylgjandi uppdrætti.
  Með erindinu fylgir einnig frekari rökstuðningur vegna staðarvals byggingarreitsins sem og samþykki frá Vegagerðinni fyrir fyrirhugaðri vegtengingu.
  
  Skipulagsnefnd samþykkir samhljóða, með hliðsjón af frekari rökstuðningi, að leggja til við sveitarstjórn að óskað verði eftir undanþágu Félagsmála- og húsnæðisráðuneyti frá d-liðar 5.3.2.5. gr. skipulagsreglugerðar nr. 90/2013 vegna 100 m fjarlægðarmarka byggingarreits frá Siglufjarðarvegi nr. 76. Verði það leyfi veitt hjá Félagsmála- og húsnæðisráðuneytinu er skipulagsfulltrúa falið að afgreiða umbeðinn byggingarreit. Bókun fundar Forseti gerir tillögu um að vísa afgreiðslu málsins til liðarins, Syðri-Hofdalir L146421 í Hofsstaðaplássi, Skagafirði - Umsókn um landskipti og byggingarreit, síðar á dagskrá fundarins. Samþykkt samhljóða.
• 12.10 2602023 Lækjargerði L220303 í Fremribyggð - Umsókn um stofnun byggingarreits
  Skipulagsnefnd - 91 Guðmundur Páll Ingólfsson og Margrét Eyjólfsdóttir, þinglýstir eigendur lóðarinnar Lækjargerði, landnr. 220303, í Fremribyggð Skagafirði, óska eftir heimild til að stofna 840m² byggingarreit á landi jarðarinnar, skv. meðfylgjandi, hnitsettum afstöðuuppdrætti nr. S01 í verki 75760001 útg. 30. janúar 2026. Afstöðuppdráttur var unnin á Stoð ehf. verkfræðistofu af Birni Magnúsi Árnasyni.
  Um er að ræða byggingarreit fyrir nýja skemmu. Hámarksbyggingarmagn verður 400 m2 og hámarksbyggingarhæð verður 8 m frá gólfi í mæni, þak verður tvíhallandi.
  Byggingarreitur, sem sótt er um, er á skilgreindu landbúnaðarsvæði nr. L-1 í aðalskipulag Skagafjarðar 2020-2035 og styður við markmið aðalskipulags um uppbyggingu á landbúnaðarsvæðum, sbr. ákvæði í kafla 12, um að fjölga íbúum í dreifbýli og önnur markmið um landbúnað þar sem hann skerðir ekki nýtingu góðs ræktarlands til ræktunar og skerðir ekki sambúð landbúnaðar, ferðaþjónustu, frístundabyggðar og annarrar landnotkunar. Í 12.4 kafla í greinargerð aðalskipulags segir um almenn ákvæði um landnotkun á öllum landbúnaðarsvæðum:
  "Þar er gert ráð fyrir uppbyggingum í tengslum við landbúnaðarstarfsemina en einnig er heimilt að nýta byggingar, byggja stök mannvirki og/eða breyta eldri byggingum, til annarrar starfsemi ef slíkur rekstur styður við landbúnaðarstarfsemi eða búsetu á svæðinu." Hér er um að ræða staka byggingu sem styður við búsetu á svæðinu, núverandi innviðir nýtast áfram, stök bygging verður að hámarki 400 m² og uppbygging er ekki líkleg til að hafa veruleg áhrif á mengun eða aðgengi. Jafnframt segir í sama kafla:
  "Skipulagsnefnd metur hverju sinni málsmeðferð uppbyggingaráforma m.t.t. skipulagslaga, með hliðsjón af ofangreindum ákvæðum og umfangi framkvæmda.
  Sveitarstjórn getur ákveðið að veita megi leyfi til byggingar á stökum byggingum sem tengjast starfsemi bújarðar án deiliskipulags, ef umfang og/eða aðstæður gefi tilefni til. Á það við þegar byggingaráform varða ekki hagsmuni annarra en umsækjandans, samrýmast landnotkun og yfirbragði svæðisins og hafa ekki neikvæð umhverfisáhrif."
  Lögð verður áhersla á að áformuð uppbygging verði í samræmi við yfirbragð og ásýnd svæðisins og hafi ekki neikvæð umhverfisáhrif. Áformin skerða ekki aðgengi að öðrum byggingum en kunna að hafa ásýndaráhrif af Fremribyggðarvegi (7532). Byggingaráform kunna að varða hagsmuni eigenda Starrastaða, landnr. 146225, er erindið því einnig áritað af eigendum þeirrar eignar til staðfestingar um að þeim hafi verið kynnt meðfylgjandi gögn og geri ekki athugasemdir.
  
  Undirrituð er einnig landeigandi Lækjargerðis, L220303, en hnitsett landamerki eru á milli Lækjargerðis L220303 og Starrastaða L146225.
  Fyrirliggur jákvæð umsögn minjavarðar.
  
  Skipulagsnefnd samþykkir samhljóða að leggja til við sveitarstjórn að samþykkja umbeðinn byggingarreit. Bókun fundar Forseti gerir tillögu um að vísa afgreiðslu málsins til liðarins, Lækjargerði L220303 í Fremribyggð - Umsókn um stofnun byggingarreits, síðar á dagskrá fundarins. Samþykkt samhljóða.
• 12.11 2602025 Blöndulína 3 - Bréf frá Draupni lögmannsstofu - Erindi landeigenda vegna afgreiðslu athugasemda
  Skipulagsnefnd - 91 Lagt fram til kynningar bréf frá Draupni Lögmannsþjónustu, dags. 30.01.2026 fyrir hönd landeigenda, vegna Blöndulínu 3 sem varðar afgreiðslu athugasemda í Aðalskipulagi Skagafjarðar 2025-2040.
  
  Skipulagsnefnd samþykkir með tveimur atkvæðum að fela skipulagsfulltrúa að svara bréfinu ásamt sveitarstjóra Skagafjarðar.
  
  Álfhildur Leifsdóttir fyrir hönd VG og óháðra situr hjá við afgreiðslu málsins. Bókun fundar Afgreiðsla 91. fundar skipulagsnefndar var staðfest á 46. fundi sveitarstjórnar 25. febrúar 2026 með sjö atkvæðum. Álfhildur Leifsdóttir og Sigurlaug Vordís Eysteinsdóttir, fulltrúar VG og óháðra óska bókað að þær sitja hjá við afgreiðslu málsins.
• 12.12 2510141 Breytingar á deiliskipulagi útivistarsvæðis í Hólsdal, nr. 0820/2025 - Umsagnarbeiðni
  Skipulagsnefnd - 91 Fjallabyggð hefur óskað eftir umsögn Skagafjarðar vegna breytingar á deiliskipulagi útivistarsvæðis í Hólsdal, mál númer 0820/2025 í Skipulagsgáttinni, https://skipulagsgatt.is/issues/2025/820 . Umsagnafrestur rennur út þann 9.2.2026.
  
  Skipulagsnefnd samþykkir samhljóða að leggja til við sveitarstjórn að gera ekki athugasemdir við breytingar á deiliskipulagi útivistarsvæðis í Hólsdal. Bókun fundar Forseti gerir tillögu um að vísa afgreiðslu málsins til liðarins, Breytingar á deiliskipulagi útivistarsvæðis í Hólsdal, nr. 0820/2025 - Umsagnarbeiðni, síðar á dagskrá fundarins. Samþykkt samhljóða.
• 12.13 2506130 Umsagnarbeiðni vegna máls nr. 0819-2025, Breytingar á Aðalskipulagi Fjallabyggðar 2008-2032 vegna Fljótaganga
  Skipulagsnefnd - 91 Fjallabyggð hefur óskað eftir umsögn Skagafjarðar vegna breytinga á Aðalskipulagi Fjallabyggðar 2008-2032 vegna Fljótaganga, mál nr. 0819/2025 á Skipulagsgáttinni, auglýsing tillögu (Breyting á aðalskipulagi) sjá hér https://skipulagsgatt.is/issues/2025/819 . Umsagnafrestur rennur út þann 9.2.2026.
  Skipulagsnefnd samþykkir samhljóða að leggja til við sveitarstjórn að gera ekki athugasemdir við breytingar á Aðalskipulagi Fjallabyggðar 2008-2032 vegna Fljótaganga.
  Bókun fundar Forseti gerir tillögu um að vísa afgreiðslu málsins til liðarins, Umsagnarbeiðni vegna máls nr. 0819-2025, Breytingar á Aðalskipulagi Fjallabyggðar 2008-2032 vegna Fljótaganga, síðar á dagskrá fundarins. Samþykkt samhljóða.
• 12.14 2601031F Afgreiðslufundur byggingarfulltrúa - 77
  Skipulagsnefnd - 91 Lögð fram til kynningar fundargerð byggingarfulltrúa frá fundi nr. 77 þann 23.01.2026. Bókun fundar Afgreiðsla 91. fundar skipulagsnefndar var staðfest á 46. fundi sveitarstjórnar 25. febrúar 2026 með níu atkvæðum.
• 12.15 2601036F Afgreiðslufundur byggingarfulltrúa - 78
  Skipulagsnefnd - 91 Lögð fram til kynningar fundargerð byggingarfulltrúa frá fundi nr. 78 þann 29.01.2026. Bókun fundar Afgreiðsla 91. fundar skipulagsnefndar var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2602009FVakta málsnúmer

• 13.1 2601221 GAV Mötuneytishús
  Byggingarnefnd skóla- og íþróttamannvirkja á Hofsósi - 5 Undir þessum dagskrárlið sat Jón Þór Þorvaldsson arkitekt frá Úti og inni arkitektum.
  
  Farið yfir fyrirliggjandi teikningar að heildarskipulagi endurbóta Grunnskólans austan Vatna á Hofsósi, ásamt teikningu fyrirhugaðrar nýbyggingar mötuneytisaðstöðu.
  
  Byggingarnefnd samþykkir samhljóða að fela sviðsstjóra veitu- og framkvæmdasviðs ásamt arkitekt vinnu við fyrirliggjandi teikningar, í samræmi við ábendingar sem fram komu á fundinum. Bókun fundar Fundargerð 5. fundar byggingarnefndar skóla- og íþróttamannvirkja á Hofsósi var staðfest á 46. fundi sveitarstjórnar 25. febrúar 2026 með níu atkvæðum.

Málsnúmer 2502121Vakta málsnúmer

Málsnúmer 2602190Vakta málsnúmer

Málsnúmer 2508122Vakta málsnúmer

Málsnúmer 2602074Vakta málsnúmer

Málsnúmer 2602117Vakta málsnúmer

Málsnúmer 2311132Vakta málsnúmer

Málsnúmer 2601200Vakta málsnúmer

Málsnúmer 2505220Vakta málsnúmer

Málsnúmer 2602033Vakta málsnúmer

Málsnúmer 2511043Vakta málsnúmer

Málsnúmer 2602024Vakta málsnúmer

Málsnúmer 2602048Vakta málsnúmer

Málsnúmer 2602020Vakta málsnúmer

Málsnúmer 2602021Vakta málsnúmer

Málsnúmer 2602022Vakta málsnúmer

Málsnúmer 2602023Vakta málsnúmer

Málsnúmer 2510141Vakta málsnúmer

Málsnúmer 2506130Vakta málsnúmer

Málsnúmer 2601009Vakta málsnúmer

Málsnúmer 2601010Vakta málsnúmer