Sveitarstjórn Skagafjarðar

Málsnúmer 2504006FVakta málsnúmer

• 1.1 2503329 Bréf frá foreldraráði Ársala
  Byggðarráð Skagafjarðar - 141 Hjörvar Halldórsson, sviðsstjóri veitu- og framkvæmdasviðs sat fundinn undir þessum dagskrárlið.
  
  Lagt fram bréf frá Foreldraráði leikskólans Ársala, dagsett 20. mars sl., þar sem viðraðar eru áhyggjur af lóð leikskólans sem ætluð er fyrir útiveru eldri árganga. Að sögn foreldra verður lóðin eitt drullusvað á vorin og borið hefur á vatnssöfnun á lóðinni og við leiktæki. Einnig hefur eitt leiktæki verið fjarlægt vegna skemmda og tvö vegna slysahættu, en ekki hafa komið leiktæki í stað þeirra sem tekin voru niður.
  
  Einnig var lagt fram minnisblað frá umsjónarmanni eignarsjóðs, dagsett 7. apríl 2025 þar sem bornar eru upp tillögur til úrbóta á leikskólalóðinni.
  
  Byggðarráð samþykkir samhljóða að fela sviðsstjóra veitu- og framkvæmdasviðs að útfæra nánar úrlausnir og kostnaðaráætlun vegna úrbóta á leikskólalóð Ársala. Málið verður tekið fyrir að nýju þegar uppfærðar tillögur frá sviðsstjóra veitu- og framkvæmdasviðs liggja fyrir. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.2 2504016 Styrktarsjóður EBÍ
  Byggðarráð Skagafjarðar - 141 Lagt fram bréf frá Eingarhaldsfélaginu Brunabótafélagi Íslands, dagsett 2. apríl 2025, sem sent var til aðildarsveitarfélaga EBÍ. Í bréfinu er vakin athygli á því að sveitarfélögum stendur til boða að sækja um framlög úr sjóðnum. Styrktarsjóður EBÍ var stofnaður árið 1996 og er tilgangur sjóðsins að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálum í aðildarsveitarfélögum EBÍ. Ekki er hægt að sækja um styrk vegna almennra rekstrarverkefna sveitarfélaga. Frestur til að sækja um styrk úr sjóðnum er til 30. apríl n.k.
  
  Byggðarráð samþykkir samhljóða að fela sveitarstjóra að vinna útfærslur í samræmi við umræður á fundinum. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.3 2504029 Aðalfundur Landskerfis bókasafna hf 2025
  Byggðarráð Skagafjarðar - 141 Lagt fram aðalfundarboð frá Landskerfi bókasafna hf., dagsett 2. apríl 2025, vegna aðalfundar félagsins þann 6. maí 2025 í Reykjavík.
  
  Byggðarráð samþykkir samhljóða að fela Kristínu Einarsdóttur héraðsbókaverði að fara með atkvæðisrétt sveitarfélagsins á fundinum. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.4 2503299 Tilboð í hólf nr. 23 Hofsósi
  Byggðarráð Skagafjarðar - 141 Byggðarráð samþykkir samhljóða að skipt verði út úr landi Hofsóss L218098, landspildu sem skilgreind er á uppdrætti sem gerður hefur verið af Stoð ehf, verkfræðistofu. Uppdráttur „RÆKTUNARLÖND HOFSÓSI“ Verknr.416302, uppdráttur nr. S01, dagsettur 21. júní 2016, breyting: nr. 4, dagsett 22.10.2024.
  Landið sem um ræðir er hólf nr. 23, austan Hofsóss, sunnan Deildardalsafleggjara, þar skráð 15,8 ha.
  Byggðarráð felur sveitarstjóra jafnframt að láta vinna merkjalýsingu og önnur tilskilin gögn í samræmi við gildandi reglur og reglugerð nr. 160/2024.
  
  Frestur til að bjóða í framangreint hólf nr. 23 austan Hofsóss, sem auglýst var til sölu þann 14. mars sl., rann út 31. mars sl. Fjórir aðilar buðu í hólfið og var hæstbjóðandi Rúnar Páll Dalmann Hreinsson sem bauð kr. 5.200.000 fyrir það.
  
  Byggðarráð samþykkir samhljóða að ganga að kauptilboði Rúnars Páls Dalmanns Hreinssonar og felur sveitarstjóra að ganga frá sölunni í kjölfar útskiptingar og stofnunar landspildunnar.
  Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.5 2502147 Styrkur til húsaleigu
  Byggðarráð Skagafjarðar - 141 Málið var áður á dagskrá 134. fundar byggðarráðs þann 19. febrúar sl. sem vísaði málinu til afgreiðslu félagsmála- og tómstundanefndar. Málinu er nú vísað frá 33. fundi félagsmála- og tómstundanefndar þann 3. apríl sl., þannig bókað:
  "Málið áður á dagskrá nefndarinnar þann 6. mars sl., þá bókað: "Pílukastfélag Skagafjarðar hefur síðustu ár leigt húsnæði hér í bænum undir sína íþróttastarfsemi og staðið undir þeim kostnaði sjálft. Kostnaður vegna leigu vegur þungt í rekstri félagsins, sem telur rúmlega 60 skráða iðkendur. Alls eru 24 iðkendur undir 18 ára aldri og af þeim eru 19 á grunnskólaaldri. Félagið heldur úti æfingum fyrir börn undir leiðsögn leiðbeinanda. Félagið fékk formlega inngöngu í UMSS á síðasta ársþingi þess. Pílukastfélag Skagafjarðar óskar eftir styrk frá Skagafirði til niðurgreiðslu leigu húsnæðis sem félagið hefur haft á leigu undanfarin ár. Félagsmála- og tómstundanefnd samþykkir samhljóða að fela starfsmönnum nefndarinnar að boða forsvarsmenn Pílukastfélags Skagafjarðar á næsta fund nefndarinnar."
  
  Forsvarsmenn Pílukastfélags Skagafjarðar, þeir Atli Víðir Arason, Arnar Geir Hjartarson, Þröstur Kárason og Ingvi Þór Óskarsson komu á fund nefndarinnar og kynntu starfsemi Pílukastfélagsins. Nefndin fagnar starfsemi félagsins og leggur til við byggðarráð að samþykkt verði að greiða styrk út ágúst 2025 að upphæð 35.000 kr. á mánuði. Nefndin felur byggðarráði að ákvarða upphaf styrktímabils. Samþykkt samhljóða og vísað til byggðarráðs."
  
  Byggðarráð samþykkir samhljóða að upphaf styrktímabils verði 1. mars sl. Styrkurinn greiðist af málaflokk 06890. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.6 2503320 Framlög til verkefna á sviði almenningssamgangna
  Byggðarráð Skagafjarðar - 141 Máli vísað frá 33. fundi félagsmála- og tómstundanefndar þann 3. apríl sl., þannig bókað:
  "Innviðaráðherra auglýsir nú eftir umsóknum um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð A. 10 Almenningssamgöngur á milli byggða. Við forgangsröðun umsókna verður litið til verkefna sem m.a. auka möguleika ungs fólks á dreifbýlum svæðum til að sækja íþrótta- og menningarstarfsemi. Umsóknarfrestur er til 5. maí 2025.
  Félagsmála- og tómstundanefnd samþykkir samhljóða að leggja til við byggðarráð að sótt verði um framlög til verkefna sem tengjast bættum samgöngum sem gagnast ungu fólki á dreifbýlum svæðum til að sækja íþrótta- og menningarstarfsemi. Samþykkt samhljóða og vísað til byggðarráðs."
  
  Byggðarráð samþykkir samhljóða að fela sviðsstjóra fjölskyldusviðs að sækja um í sjóðinn vegna reksturs frístundaaksturs til íþróttaiðkunar ungmenna í Skagafirði. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.7 2412001 Frístundaakstur
  Byggðarráð Skagafjarðar - 141 Vísað frá 33. fundi félagsmála- og tómstundanefndar þann 3. apríl sl., þannig bókað:
  "Niðurstöður könnunar sem send var forráðamönnum iðkenda á vegum Smárans, Neista og Hjalta í árgöngum 2009-2014 lagðar fram. Alls bárust 25 svör. Niðurstöður sýna að almenn ánægja sé með fyrirkomulag frístundaaksturs og leggur nefndin til við byggðarráð að óbreytt fyrirkomulag verði viðhaft næstkomandi skólaár og óskar eftir því að verkefnið fái fjármögnun með viðauka við fjárhagsáætlun ársins 2025 fyrir haustönn 2025. Nefndin felur starfsfólki nefndarinnar að vinna málið áfram með hlutaðeigandi aðilum og biðlar til skólastjórnenda að hafa frístundaakstur í huga við skipulag skólastarfs skólaársins 2025-2026. Samþykkt samhljóða. Vísað til byggðarráðs."
  
  Byggðarráð samþykkir samhljóða að viðhafa sama fyrirkomulag á frístundaakstri og verið hefur og felur sviðsstjóra stjórnsýslu- og fjármálasviðs að undirbúa viðauka vegna málsins. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.8 2503348 Samráð; Reglugerð um 13. breytingu á reglugerð nr 745 2016 um vigtun og skráningu sjávarafla
  Byggðarráð Skagafjarðar - 141 Atvinnuvegaráðuneytið kynnir til samráðs mál nr. 65/2025, "Reglugerð um 13. breytingu á reglugerð nr. 745/2016 um vigtun og skráningu sjávarafla".
  
  Umsagnarfrestur er til og með 08.04.2025. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 1.9 2504040 Nýjar samþykktir EBÍ - Breytingar á kjöri í fulltrúaráð EBÍ
  Byggðarráð Skagafjarðar - 141 Lagt fram til kynningar bréf frá Eingarhaldsfélaginu Brunabótafélagi Íslands, dagsett 2. apríl 2025, sem sent var til aðildarsveitarfélaga EBÍ. Í bréfinu er vakin athygli á því að á aukafundi fulltrúaráðs EBÍ þann 19. mars sl. var lögð fram og samþykkt tillaga að nýjum samþykktum fyrir EBÍ. Bókun fundar Afgreiðsla 141. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504015FVakta málsnúmer

• 2.1 2502052 Háholt
  Byggðarráð Skagafjarðar - 142 Mál síðast á dagskrá 136. fundar byggðarráðs þann 5. mars sl. Þá samþykkti byggðarráð samhljóða að svara innkomnu tilboði í fasteignina Háholt með gagntilboði sem tilboðsgjafi féllst á. Tilboðið var háð fyrirvara um fjármögnun og var frestur til að sýna fram á fjármögnun til 14. apríl sl. Kaupanda tókst ekki að sýna fram á fjármögnun fyrir tilskilinn frest og þarf því að taka stöðu til næstu skrefa í þessu máli.
  
  Byggðarráð samþykkir samhljóða að fela sveitarstjóra að auglýsa Háholt til sölu á ný. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.2 2504059 Afskriftabeiðnir 2025
  Byggðarráð Skagafjarðar - 142 Lögð fram afskriftarbeiðni frá sýslumannsembættinu á Norðurlandi vestra dagsett 7. apríl 2025. Í beiðninni er óskað eftir afskrift á þing- og sveitarsjóðsgjöldum að upphæð 19.831 krónu auk 12.155 króna í dráttarvexti. Samtals er það afskrift að upphæð 31.986 krónum með dráttarvöxtum.
  
  Byggðarráð samþykkir samhljóða að afskrifa framangreind gjöld. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.3 2501012 Menningarhúsið Miðgarður - Umsagnarbeiðni vegna rekstrarleyfis
  Byggðarráð Skagafjarðar - 142 Lagður fram tölvupóstur frá sýslumannsembættinu á Norðurlandi vestra, dagsettur 11. apríl 2025 þar sem óskað er umsagnar um umsókn Snorra Snorrasonar, kt. 280470-3179 fyrir hönd fyrirtækisins Tenor slf., kt. 650111-0520 um leyfi til að reka gististað í flokki III - E Fjallaskáli í Menningarhúsinu Miðgarði, 560 Varmahlíð, fasteignanúmer F2140833.
  
  Byggðarráð leggst gegn umræddri leyfisveitingu með hliðsjón af fjölda gesta sem sótt er um leyfi fyrir ásamt flokkun gististaðar. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.4 2504061 Umsagnarbeiðni; Verndar- og orkunýtingaráætlun (bætt málsmeðferð og aukin skilvirkni)
  Byggðarráð Skagafjarðar - 142 Umhverfis- og samgöngunefnd Alþingis sendir til umsagnar 268. mál - Verndar- og orkunýtingaráætlun (bætt málsmeðferð og aukin skilvirkni).
  
  Frestur til að senda inn umsögn er til og með 23. apríl nk.
  
  Byggðarráð fagnar framkomnu frumvarpi og markmiði þess um að gera ferli rammaáætlunar skilvirkara og með skilgreindum tímafrestum vegna ýmissa þátta við meðferð mála í áætluninni, án þess að dregið sé úr faglegum kröfum. Nauðsynlegt er að ráðast í aukna orkuöflun þar sem það á við til að styðja við orkuöryggi, orkuskipti og verðmætasköpun um land allt. Brýnt er í ljósi óvissu sem uppi er vegna áhrifa jarðhræringa á virkjanir og virkjanakosti og vegna orkuöryggis þjóðarinnar að litið sé til hagkvæmra virkjanakosta utan eldvirkra svæða.
  
  Sigurlaug Vordís Eysteinsdóttir fyrir hönd VG og óháðra óskar bókað:
  "VG og óháð telja mikilvægt að lög um verndar- og orkunýtingaráætlun standi vörð um náttúru Íslands og tryggi að ákvarðanir um orkuvinnslu byggi á heildstæðu og faglegu mati á áhrifum á náttúru, menningarminjar og samfélag. Áhersla á skilvirkni í stjórnsýslu má aldrei ganga á kostnað náttúruverndar eða draga úr vönduðum ferlum.
  
  Frumvarpið felur í sér að ráðherra geti veitt undanþágu til matsskyldra orkurannsókna á virkjunarhugmyndum í biðflokki. VG og óháð telja slíka heimild varhugaverða þar sem hún getur grafið undan meginmarkmiðum verndar- og orkunýtingaráætlunar. Slíkar undanþágur opna á framkvæmdaforsendur áður en endanlegt faglegt mat og pólitísk afstaða hafa verið tekin. Það getur leitt til óafturkræfrar röskunar á náttúru áður en ljóst er hvort svæðið hljóti samþykki til nýtingar.
  
  Það er réttmæt krafa að ákvarðanataka sé skilvirk, en frumvarpið leggur ríka áherslu á tímafresti og hraða sem gætu haft áhrif á gæði og vandaða málsmeðferð. VG og óháð minna á að tafir í málsmeðferð rammaáætlunar hafa ítrekað stafað af stjórnmálalegum ákvörðunum eða tregðu Alþingis til að samþykkja tillögur, en ekki af faglegri vinnu verkefnisstjórnar. Það er því misvísandi að lögð sé áhersla á að hraða ferlinu án þess að tryggja að gæði og gagnsæi haldist."
  Bókun fundar Vg og óháðir ítreka bókun sína frá fundi byggðarráðs svohljóðandi:
  "VG og óháð telja mikilvægt að lög um verndar- og orkunýtingaráætlun standi vörð um náttúru Íslands og tryggi að ákvarðanir um orkuvinnslu byggi á heildstæðu og faglegu mati á áhrifum á náttúru, menningarminjar og samfélag. Áhersla á skilvirkni í stjórnsýslu má aldrei ganga á kostnað náttúruverndar eða draga úr vönduðum ferlum. Frumvarpið felur í sér að ráðherra geti veitt undanþágu til matsskyldra orkurannsókna á virkjunarhugmyndum í biðflokki. VG og óháð telja slíka heimild varhugaverða þar sem hún getur grafið undan meginmarkmiðum verndar- og orkunýtingaráætlunar. Slíkar undanþágur opna á framkvæmdaforsendur áður en endanlegt faglegt mat og pólitísk afstaða hafa verið tekin. Það getur leitt til óafturkræfrar röskunar á náttúru áður en ljóst er hvort svæðið hljóti samþykki til nýtingar. Það er réttmæt krafa að ákvarðanataka sé skilvirk, en frumvarpið leggur ríka áherslu á tímafresti og hraða sem gætu haft áhrif á gæði og vandaða málsmeðferð. VG og óháð minna á að tafir í málsmeðferð rammaáætlunar hafa ítrekað stafað af stjórnmálalegum ákvörðunum eða tregðu Alþingis til að samþykkja tillögur, en ekki af faglegri vinnu verkefnisstjórnar. Það er því misvísandi að lögð sé áhersla á að hraða ferlinu án þess að tryggja að gæði og gagnsæi haldist."
  
  Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.5 2504106 Umsagnarbeiðni; Stefnur- og aðgerðaáætlanir á sviði húsnæðis- og skipulagsmála, samgöngu og byggðamála (stefnumörkun)
  Byggðarráð Skagafjarðar - 142 Umhverfis- og samgöngunefnd Alþingis sendir til umsagnar 271. mál - Stefnur og aðgerðaáætlanir á sviði húsnæðis- og skipulagsmála, samgöngu og byggðamála (stefnumörkun).
  
  Frestur til að senda inn umsögn er til og með 25. apríl nk.
  
  Byggðarráð Skagafjarðar tekur undir umsögn Byggðastofnunar um að gjalda varhug við að leggja af sérstaka stefnu í byggðamálum sem Alþingi hefur falið ríkisstjórninni að vinna að. Byggðaáætlun er mikilvægt tæki til að vinna að því að innviðir og þjónusta mæti þörfum samfélaga og leitast við að tryggja sjálfbærar byggðir um land allt. Byggðaáætlun byggist á heildstæðri stefnumörkun ráðherra og samhæfingu og samspili við aðrar áætlanir ríkisins. Verklag við gerð byggðaáætlunar hefur reynst vel og því full ástæða til að byggja áframhaldandi þróun á því góða verklagi í stað þess að Alþingi Íslendinga veiki eða leggi sérstaka stefnu í byggðamálum af. Það yrðu dapurleg skilaboð frá þjóðþinginu til samfélaga á landsbyggðinni. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.6 2501002 Ábendingar 2025
  Byggðarráð Skagafjarðar - 142 Lagt fram til kynningar yfirlit yfir ábendingar sem hafa borist í gegnum ábendingagátt sveitarfélagsins sl. mánuði og viðbrögð við þeim. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.7 2504057 Blöndulína 3 - Samkomulag um endurgjald fyrir landnot
  Byggðarráð Skagafjarðar - 142 Lagt fram til kynningar bréf frá Landsneti, dagsett 7. apríl 2025 vegna Blöndulínu 3. Bréfið er sent til allra landeigenda með upplýsingar um hækkun grunnverðs landbóta fyrir hvern hektara. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 2.8 2504093 Ársfundur - Náttúruhamfaratrygging Íslands
  Byggðarráð Skagafjarðar - 142 Lagt fram boð á ársfund Náttúruhamfaratryggingar Íslands sem haldinn verður á Grand hótel fimmtudaginn 22. maí nk. Bókun fundar Afgreiðsla 142. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504020FVakta málsnúmer

• 3.1 2504151 Styrkbeiðni vegna fasteignaskatts
  Byggðarráð Skagafjarðar - 143 Fært í trúnaðarbók Bókun fundar Afgreiðsla 143. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 3.2 2504144 Ársfundur Stapa 2025
  Byggðarráð Skagafjarðar - 143 Lagt fram bréf dagsett 14. apríl 2025 frá Stapa lífeyrissjóði, þar sem boðað er til ársfundar sjóðsins árið 2025 þann 13. maí 2025 að Hótel Valaskjálf, Egilsstöðum. Byggðarráð samþykkir samhljóða að Sviðsstjóri stjórnsýslu- og fjármálasviðs sæki fundinn fyrir hönd sveitarfélagsins. Bókun fundar Afgreiðsla 143. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 3.3 2504149 Suðurbraut 9 L146664 - Umsagnarbeiðni vegna rekstrarleyfis
  Byggðarráð Skagafjarðar - 143 Lagður fram tölvupóstur frá sýslumannsembættinu á Norðurlandi vestra, dagsettur 15. apríl 2025, þar sem óskað er umsagnar um umsókn Reimars Marteinssonar, kt. 180380-5589, fyrir hönd fyrirtækisins Aðalgata 16b ehf., kt. 430522-1750, um leyfi til að reka gististað í flokki II - B Stærra gistiheimili að Suðurbraut 9, 565 Hofsósi, fasteignanúmer: F2143676. Byggðarráð gerir ekki athugasemd við umsóknina. Bókun fundar Afgreiðsla 143. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 3.4 2504125 Umsagnarbeiðni; Sveitarstjórnarlög (mat á fjárhagslegum áhrifum)
  Byggðarráð Skagafjarðar - 143 Umhverfis- og samgöngunefnd Alþingis sendir til umsagnar 272. mál, Sveitarstjórnarlög (mat á fjárhagslegum áhrifum). Frestur til að senda inn umsögn er til og með 28. apríl nk.
  
  Byggðarráð Skagafjarðar fagnar framlögðu frumvarpi innviðaráðherra um breytingu á sveitarstjórnarlögum, sem hefur í för með sér styrkingu því ákvæði sveitarstjórnarlaga að ef fyrirsjáanlegt er að tillaga að lagafrumvarpi, tillaga að stjórnvaldsfyrirmælum eða aðrar stefnumarkandi ákvarðanir af hálfu stjórnvalda ríkisins hafa fjárhagsleg áhrif á sveitarfélög skuli fara fram sérstakt mat á áhrifum þeirra á fjárhag sveitarfélaga. Er þar m.a. um að ræða eftirfylgni við þingsályktun nr. 2/154 um stefnumótandi áætlun í málefnum sveitarfélaga fyrir árin 2024?2038 og aðgerðaáætlun fyrir árin 2024?2028 sem samþykkt var á Alþingi 5. desember 2023.
  
  Byggðarráð Skagafjarðar hefur ítrekað bent á skort á kostnaðarmati eða að það sé framkvæmt á ófullnægjandi hátt og fagnar því fyrirhuguðum áformum. Eru það ófá skiptin þar sem slík bókun hefur verið gerð. Er það í samræmi við reynslu annarra sveitarfélaga, svo sem sjá má af greinargerð frumvarpsins.
  
  Benda má á nýlegt dæmi um ágreining ríkis og sveitarfélaga varðandi mat á fjárhagslegum áhrifum þingmála á sveitarfélög en þar er um að ræða frumvarp um breytingar á lögum um veiðigjald. Í samræmi við 129. gr. sveitarstjórnarlaga ber ráðuneytum að meta áhrif lagafrumvarpa á sveitarfélög og leita samráðs við þau ef ætla má að áhrif verði á fjárhag eða starfsemi þeirra. Fyrirhugaðar breytingar á veiðigjaldakerfinu geta haft veruleg áhrif á tekjustofna, atvinnulíf og byggðaþróun í sjávarútvegssveitarfélögum. Jafnvel þótt frumvarpinu sé beint að sjávarútvegsfyrirtækjum hefur það bein og óbein áhrif á sveitarfélög þar sem sjávarútvegur er grunnatvinnuvegur. Skortur á mati á fjárhagslegum áhrifum fumvarpsins er í fullkominni andstöðu við framangreindar breytingar á sveitarstjórnarlögum. Í skýrslu starfshóps um feril um kostnaðarmat, sem þær breytingar byggja á, er sérstaklega bent á að horfa skuli til þess við matið hvort ráðstöfun hafi bein eða óbein áhrif á tekjur eða tekjustofna sveitarfélaga. Í sveitarfélagi eins og Skagafirði, þar sem hlutdeild sjávarútvegs í staðgreiðsluskyldum tekjum námu 12,5% árið 2024 og þar sem fjöldi starfsmanna í fiskveiðum og -vinnslu nemur um 200 manns, blasir við að tvöföldun veiðigjalda mun hafa áhrif á tekjur sveitarfélagsins, m.a. í gegnum útsvar.
  
  Það er því afar mikilvægt að samræmt verklag og sameiginlegur skilningur á lagatúlkun og framkvæmd í samræmi við lög komist á. Nauðsynlegt er að framangreint frumvarp eyði út öllum óvissuþáttum og að með bættu lögbundnu áhrifamati fá sveitarfélög skýrari mynd af því hvaða áhrif ný löggjöf og aðrar ákvarðanir stjórnvalda muni hafa á starfsemi þeirra og fjárhag. Mikilvægt er að sveitarfélögum séu veitt úrræði til að knýja á um að fjárhagslegt mat verði unnið án tafar í aðstæðum þar sem slíkt mat hefur ekki verið framkvæmt.
  Bókun fundar Afgreiðsla 143. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504025FVakta málsnúmer

• 4.1 2502155 Endurskoðun þjónustu persónuverndarfulltrúa
  Byggðarráð Skagafjarðar - 144 Pacta lögmannsstofa sér um persónuverndarþjónustu sveitarfélagsin og hefur gert um nokkurt skeið. Miklar breytingar hafa orðið á stofunni, meðal annars hefur skrifstofunni á Sauðárkróki verið lokað, fækkað hefur á stofunni á Akureyri. Vegna breyttra aðstæðna núverandi þjónustuaðila var ákveðið að kanna aðra möguleika í stöðunni og vera verðsamanburð hjá öðrum þjónustuveitendum.
  
  Sviðsstjóri stjórnsýslu- og fjármálasviðs lagði fram samanburð á þremur tilboðum í þjónustuna. Fyrirtækið Sekretum á lægsta tilboðið í þjónustuna en ljóst er að um er að ræða nokkurn kostnaðarauka. Í ljósi þess að sveitarfélagið hefur tekið mikinn kostnaðarauka í viðaukum 1 og 2 við fjárhagsáætlun ársins 2025 þykir ekki skynsamlegt að samþykkja aukinn kostnað verði hjá því komist.
  
  Byggðarráð samþykkir samhljóða að fela sviðsstjóra stjórnsýslu- og fjármálasviðs að ganga til samninga við Sekretum um þjónustuna. Samningar taki gildi 1. janúar 2026. Byggðarráð samþykkir jafnframt samhljóða að vísa málinu til fjárhagsáætlunargerðar fyrir fjárhagsáætlun ársins 2026. Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 4.2 2502003 Byggðakvóti 2024-2025
  Byggðarráð Skagafjarðar - 144 Lagt fram bréf dagsett 21. apríl 2025 frá fulltrúum smærri útgerða í Skagafirði þar sem óskað er eftir því að sveitarstjórn Skagafjarðar endurskoði úthlutunarreglur sem birtar hafa verið á vef atvinnuvegaráðuneytisins vegna byggðakvóta til Skagafjarðar.
  
  Byggðarráð Skagafjarðar bendir á að sveitarstjórn Skagafjarðar fær til umsagnar almennar reglur um úthlutun byggðakvóta til fiskiskipa og getur gert tillögur að breytingum, líkt og aðrar sveitarstjórnir. Á slíkt hefur verið látið reyna líkt og bréfriturum er kunnugt um varðandi t.d. vinnsluskyldu og úthlutun kvóta til báta og skipa. Bréfriturum er einnig kunnugt um að á Hvammstanga, Blönduósi og Skagaströnd er ekki fiskvinnsla, ólíkt Sauðárkróki.
  
  Ráðherra getur heimilað á grundvelli rökstuddra tillagna sveitarstjórnar að sett verði sérstök skilyrði fyrir úthlutun aflaheimilda í einstökum byggðarlögum er víkja frá eða eru til viðbótar hinum almennu skilyrðum, enda séu þau byggð á málefnalegum og staðbundnum ástæðum og í samræmi við hagsmuni viðkomandi byggðarlaga.
  
  Þegar tillögur sveitarfélags hafa verið mótteknar í ráðuneytinu eru þær birtar á vef ráðuneytisins í sjö daga og óskað eftir athugasemdum við þær. Á því tímabili geta t.d. aðilar eins og bréfritarar sent inn sínar athugasemdir og röksemdir fyrir öðrum útfærslum. Í kjölfarið tekur ráðuneytið tillögur sveitarstjórnar til efnislegrar meðferðar en það er á endanum ráðherra að taka ákvörðun um hvort hann samþykkir að víkja frá eða samþykkir viðbótar skilyrði við almennar reglur um úthlutun byggðakvóta.
  
  Þessu ferli er öllu lokið hvað varðar úthlutun almenns byggðakvóta vegna fiskveiðiársins 2024-2025 og því ekki á færi sveitarstjórnar Skagafjarðar að endurskoða úthlutunarreglur sem birtar hafa verið á vef atvinnuvegaráðuneytisins.
  Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 4.3 2502285 Flugklasinn Air 66N
  Byggðarráð Skagafjarðar - 144 Lagður fram tölvupóstur frá Markaðsstofu Norðurlands dagsettur 28. apríl sl.
  
  Fulltrúar sveitarfélaga á Norðurlandi vestra annars vegar og Norðurlandi eystra hins vegar áttu nýverið fundi með Markaðsstofu Norðurlands um málefni Flugklasans. Á fundunum kom fram vilji sveitarfélaganna til að þrýsta á stjórnvöld að standa betur að uppbyggingu og markaðssetningu millilandaflugs um Akureyrarflugvöll. Rætt var á fundunum að öll sveitarfélögin myndu setja fram sameiginlega áskorun til stjórnvalda um þessi mál.
  
  Með tölvupóstinum fylgja drög að áskorun á stjórnvöld vegna Flugklasans 66N.
  
  Byggðarráð samþykkir samhljóða að taka þátt í umræddri áskorun á stjórnvöld vegna Flugklasans 66N. Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 4.4 2501012 Menningarhúsið Miðgarður - Umsagnarbeiðni vegna rekstrarleyfis
  Byggðarráð Skagafjarðar - 144 Sólborg Sigurrós Borgarsdóttir vék af fundi við afgreiðslu þessa máls.
  
  Lagður fram tölvupóstur frá sýslumannsembættinu á Norðurlandi vestra, dagsettur 23. apríl 2025 þar sem óskað er umsagnar um umsókn Snorra Snorrasonar, kt. 280470-3179 fyrir hönd fyrirtækisins Tenor slf., kt. 650111-0520 um leyfi til að reka gististað í flokki III - E Gistiskáli í Menningarhúsinu Miðgarði, 560 Varmahlíð, fasteignanúmer F2140833.
  
  Byggðarráð gerir ekki athugasemd við umrædda leyfisveitingu að fenginni jákvæðri umsögn annarra umsagnarskyldra aðila. Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 4.5 2504058 Langaborg L225909 - Gestahús - Umsagnarbeiðni vegna rekstrarleyfis
  Byggðarráð Skagafjarðar - 144 Lagður fram tölvupóstur frá sýslumannsembættinu á Norðurlandi vestra, dagsettur 23. apríl 2025 þar sem óskað er umsagnar um umsókn Rúnars Más Grétarssonar, kt. 231272-5189 um leyfi til að reka gististað í flokki II - H Frístundahús að Lönguborg, 551 Sauðárkróki, fasteignanúmer F2367151.
  
  Byggðarráð gerir ekki athugasemd við leyfisveitinguna að fenginni jákvæðri umsögn annarra umsagnarskyldra aðila.
  Bókun fundar Sigurlaug Vordís Eysteinsdóttir vék af fundi undir afgreiðslu málsins.
  Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með átta atkvæðum.
• 4.6 2504169 Ársreikningur 2024
  Byggðarráð Skagafjarðar - 144 Lagður fram til kynningar ársreikningur 2024 fyrir Náttúrustofu Norðurlands vestra. Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 4.7 2504189 Vindorkuver
  Byggðarráð Skagafjarðar - 144 Lagt fram til kynningar opið bréf til sveitarstjórna dagsett 22. apríl 2025 um vindorkuver. Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 4.8 2406003 Mælikvarðar rekstrar og fjárhags
  Byggðarráð Skagafjarðar - 144 Byggðarráð samþykkti á 100. fundi byggðarráðs þann 5. júní 2024 að leggja í vinnu við þróun mælikvarða í rekstri Skagafjarðar og fjárfesta í mælaborði fyrir rekstrartölur. Mælikvarðarnir hafa verið innleiddir og voru samþykktir af sveitarstjórn Skagafjarðar á 32. fundi hennar þann 27. nóvember 2024.
  
  Sviðsstjóri stjórnsýslu- og fjármálasviðs kynnti stöðuna á mælaborðinu og fór yfir virkni þess. Bókun fundar Afgreiðsla 144. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.

Málsnúmer 2505001FVakta málsnúmer

• 5.1 2505002 Skógargata 1 og Kaupvangstorg 1
  Byggðarráð Skagafjarðar - 145 Knútur Aadnegard, eigandi Skógargötu 1, ásamt Thelmu Knútsdóttur sátu fundinn undir þessum lið.
  
  Knútur óskaði eftir fundi með byggðarráði vegna Skógargötu 1 og Kaupvangstorgs 1 varðandi frágang á lóðum og bílastæðum samkvæmt nýju skipulagi með tölvupósti dagsettum 30. apríl 2025. Byggðarráð varð við fundarbeiðninni og var málið til umræðu undir þessum dagskrárlið.
  
  Byggðarráð samþykkir samhljóða að ráðast í hönnun götu á milli Skógargötu og Aðalgötu samkvæmt nýsamþykktu deiliskipulagi fyrir reitinn. Bókun fundar Afgreiðsla 145. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 5.2 2505014 Skagafjörður - Rammaáætlun 2026
  Byggðarráð Skagafjarðar - 145 Á síðasta ári var rammaáætlun vegna fjárhagsáætlunar 2025 lögð fram snemma sumars. Var það liður í að bæta áætlanagerð sveitarfélagsins og þykir það vinnulag hafa gefist vel. Stefnt er að því að halda áfram uppteknum hætti. Af þessum orsökum voru teknar umræður um forsendur rammaáætlunar 2026.
  
  Umræður teknar um forsendur rammaáætlunar 2026. Tillaga er uppi um að miða við forsendur þjóðhagsspár Hagstofu Íslands frá mars síðastliðnum um 2,7% hækkun verðlags á rekstrarliðum, launaliður tekur mið af kjarasamningsbundnum hækkunum. Grunnur rammaáætlunar verður samþykkt fjárhagsáætlun Skagafjarðar fyrir árið 2025 með þeim tveimur viðaukum sem hafa verið samþykktir. Byggðarráð samþykkir framlagða tillögu samhljóða. Bókun fundar Afgreiðsla 145. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 5.3 2409300 Erindi frá Rannsóknasetri HÍ á Norðurlandi vestra
  Byggðarráð Skagafjarðar - 145 Málið var áður á dagskrá 115. fundar byggðarráðs þann 2. október 2024. Þá hafði byggðarráði borist erindi þar sem rannsóknarsetrið hafði farið þess á leit við byggðarráð að gerður yrði samstarfssamningur. Byggðarráð tók jákvætt í erindið og vísaði til fjárhagsáætlunargerðar.
  
  Rannsóknarsetur HÍ á Norðurlandi vestra hefur ítrekað erindið og óskað eftir að það verði tekið fyrir að nýju.
  
  Byggðarráð samþykkir samhljóða að gera samstarfssamning til eins árs við Rannsóknarsetur HÍ á Norðurlandi vestra sem felur í sér framlag að upphæð 200.000 krónur. Styrkurinn verður tekinn af lið 21890. Bókun fundar Afgreiðsla 145. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 5.4 2504206 Umsagnarbeiðni 270. mál - Jöfnunarsjóður sveitarfélaga
  Byggðarráð Skagafjarðar - 145 Lagt fram til umsagnar frumvarp til laga um Jöfnunarsjóð sveitarfélaga, 270. mál, frá umhverfis- og samgöngunefnd Alþingis. Umsagnarfrestur er til 13. maí nk.
  
  Byggðarráð Skagafjarðar fagnar tillögum að breytingum á regluverki Jöfnunarsjóðs sem miða að því að bæta gæði jöfnunar og einfalda útreikninga og skipulag sjóðsins. Mikilvægt er að Jöfnunarsjóður sinni með raunverulegum hætti því mikilvæga hlutverki að jafna mismunandi útgjaldaþörf og skattekjur sveitarfélaga með framlögum úr sjóðnum en aðstæður sveitarfélaga landsins eru afar ólíkar, t.d. hvað varðar landstærð, fjölda þéttbýliskjarna, tekjugrundvöll o.fl. Þannig er mikilvægt að jöfnunarkerfið styðji við bakið á meðalstórum sveitarfélögum og þeim sveitarfélögum sem hafa fleiri en einn þéttbýliskjarna og flóknar útgjaldaþarfir. Líklegt er að með auknum sameiningum sveitarfélaga fjölgi fjölkjarna sveitarfélögum sem kljást við sambærilegar áskoranir varðandi þróun þjónustu til íbúa. Byggðarráð leggur ríka áherslu á nauðsyn þess að hafa skýrt og skilvirkt regluverk í kringum jafn mikilvægt verkfæri og Jöfnunarsjóð sveitarfélaga.
  
  Með hliðsjón af nýju framlagi vegna höfuðstaðaálags til sveitarfélaga með borgarvægi, vill byggðarráð Skagafjarðar minna á að nokkur sveitarfélög á landsbyggðinni eru í dag að veita mikla og fjölþætta félagslega þjónustu sem einnig mætti taka tillit til. Rökstyðja þarf betur hverjar þær sérstöku aðstæður eru hjá Reykjavíkurborg og Akureyrarbæ sem kalla á sérstakt framlag umfram það sem ætti að veita til annarra sveitarfélaga vítt og breytt um landið. Einnig kallar álagsprósentan á sérstakan rökstuðning. Bókun fundar Afgreiðsla 145. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.
• 5.5 2504163 Norðurá bs. - ársreikningur 2024
  Byggðarráð Skagafjarðar - 145 Lagður fram til kynningar ársreikningur Norðurár bs. fyrir árið 2024. Bókun fundar Afgreiðsla 145. fundar byggðarráðs staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504021FVakta málsnúmer

• 6.1 2504101 Hofsós heim - Bæjarhátíð 2025
  Atvinnu-, menningar- og kynningarnefnd - 33 Tekin fyrir styrkbeiðni frá stjórn Byggjum upp Hofsós og nágrennis, dagsett 10.04.2025 vegna bæjarhátíðarinnar Hofsós heim sem haldin verður 20. - 22. júní 2025.
  
  Atvinnu-, menningar- og kynningarnefnd þakkar erindið og samþykkir samhljóða að styrkja hátíðina um 300.000 kr. Tekið af lið 05710. Bókun fundar Afgreiðsla 33. fundar atvinnu- menningar- og kynningarnefndar staðfest á 38. fundi sveitarstjórnar 14. maí 2025 með níu atkvæðum.
• 6.2 2504166 Fundir atvinnu- menningar- og kynningarnefndar 2025
  Atvinnu-, menningar- og kynningarnefnd - 33 Tekin umræða um fundarplan atvinnu-, menningar- og kynningarnefndar næstu misseri. Ákveðið að nefndin hittist þriðja fimmtudag í hverjum mánuði fram að áramótum, að júlímánuði undanskildum, þar sem nefndin gerir ráð fyrir að halda sumarfrí.Samþykkt samhljóða.
  
  Áhugasömum er bent á að fundarplan fastanefnda liggur fyrir á heimasíðu Skagafjarðar.
  
  https://www.skagafjordur.is/is/stjornsysla/stjornskipulag/sveitarstjorn/fundaplan-fastanefnda Bókun fundar Afgreiðsla 33. fundar atvinnu- menningar- og kynningarnefndar staðfest á 38. fundi sveitarstjórnar 14. maí 2025 með níu atkvæðum.
• 6.3 2503342 Samfélagsverðlaun Skagafjarðar 2025
  Atvinnu-, menningar- og kynningarnefnd - 33 Róbert Smári Gunnarsson vék af fundinum við afgreiðslu þessa máls.
  
  Á setningu Sæluviku Skagfirðinga 2025 verða Samfélagsverðlaun Skagafjarðar veitt í tíunda sinn. Verðlaunin eru veitt árlega þeim einstaklingi, fyrirtæki, stofnun eða félagasamtökum í sveitarfélaginu Skagafirði sem þykja standa sig afburða vel í að efla skagfirskt samfélag.
  Atvinnu-, menningar- og kynningarnefnd bárust fjölmargar og afar góðar tilnefningar til Samfélagsverðlauna Skagafjarðar. Atvinnu-, menningar- og kynningarnefnd samþykkir einum rómi að hjónin Sigurður Hansen og María Guðmundsdóttir hljóti Samfélagsverðlaun Skagafjarðar 2025. Sigurður Hansen hlaut riddarakross hinnar íslensku Fálkaorðu árið 2015 fyrir framlag til kynningar og sögu arfleifðar Sturlungaaldar, auk þess hefur hann auðgað menningarlíf í Skagafirði með ljóðum sínum um áratugaskeið. María Guðmundsdóttir er einstaklega listfengin og rekur handverks- og antíkverslun. Þau hjónin eru búin að byggja upp einstaklega flotta aðstöðu og sýningu í Kakalaskála og vinna ötullega að alls konar verkefnum svo sem að setja upp grjóther á Hauganesi, sýningu fjórtán alþjóðlegra listamanna sem sköpuðu margbrotin verk um sögu Sturlunga svo fátt eitt sé nefnt. Enn standa þau hjónin fyrir menningarviðburðum og eru óhrædd við að prófa nýjungar í viðburðahaldi sínu.
  
  Það er því vel við hæfi að hjónin Sigurður Hansen og María Guðmundsdóttir hljóti Samfélagsverðlaun Skagafjarðar og er þeim þakkað opinberlega fyrir þeirra óeigingjarna framlag til samfélagsins í Skagafirði. Bókun fundar Afgreiðsla 33. fundar atvinnu- menningar- og kynningarnefndar staðfest á 38. fundi sveitarstjórnar 14. maí 2025 með níu atkvæðum.
• 6.4 2401143 Listaverk á Norðurstrandarleið
  Atvinnu-, menningar- og kynningarnefnd - 33 Síðasta sumar fékk Skagafjörður að gjöf listaverk eftir úkraínska listamenn í tengslum við verkefnið um Norðurstrandaleið. Listaverkinu var komið fyrir á túninu fyrir framan Kjarnan á Sauðárkróki. Listaverkið var tekið inn í vor og hefur verið steyptur undir verkið stöpull svo það sómi sér betur. Skort hefur upplýsingar um verkið og telur nefndin að setja mætti saman upplýsingar um verkið og koma fyrir á stöplinum.
  
  Atvinnu-, menningar- og kynningarnefnd samþykkir samhljóða að koma verkinu fyrir við endann á sjóvörninni við Strandveginn á Sauðárkróki.
  
  Atvinnu-, menningar- og kynningarnefnd samþykkir einnig samhljóða að fela starfsmönnum atvinnu-, menningar- og kynningarnefndar að koma með tillögu að texta á skilti á stöpulinn. Bókun fundar Afgreiðsla 33. fundar atvinnu- menningar- og kynningarnefndar staðfest á 38. fundi sveitarstjórnar 14. maí 2025 með níu atkvæðum.
• 6.5 2502115 Þjónustukönnun Héraðsbókasafns Skagfirðinga
  Atvinnu-, menningar- og kynningarnefnd - 33 Farið var betur yfir innkomnar tillögur sem bárust með þjónustukönnun bókasafnsins. Umræður teknar á fundinum. Atvinnu-, menningar- og kynningarnefnd samþykkir samhljóða að fela starfsmönnum nefndarinnar að vinna áfram úr tillögunum og bera upp fyrir næsta fund. Bókun fundar Afgreiðsla 33. fundar atvinnu- menningar- og kynningarnefndar staðfest á 38. fundi sveitarstjórnar 14. maí 2025 með níu atkvæðum.
• 6.6 2502075 Sæluvika Skagfirðinga 2025
  Atvinnu-, menningar- og kynningarnefnd - 33 Lögð fram til kynningar dagskrá Sæluviku 2025. Bókun fundar Afgreiðsla 33. fundar atvinnu- menningar- og kynningarnefndar staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504010FVakta málsnúmer

• 7.1 2504078 Styrktarhlaup Einstakra barna
  Félagsmála- og tómstundanefnd - 34 Lagður fram tölvupóstur dags. 9. apríl 2025, frá Ragnhildi Friðriksdóttur f.h. hlaupahópsins 550 Rammvilltar, þar sem óskað er eftir því að þátttakendur í styrktarhlaupi Einstakra barna sem verður haldið þann 1. maí nk. fái gjaldfrjálsan aðgang að hlaupi loknu. Auk þess er óskað eftir því að opnunartími sundlaugarinnar verði lengdur um eina klukkustund þennan dag, eða til kl. 17:00. Nefndin samþykkir samhljóða að hafa gjaldfrjálsan aðgang fyrir þátttakendur hlaupsins og lengir opnunartíma sundlaugarinnar til kl 17:00 þennan sama dag. Bókun fundar Afgreiðsla 34. fundar félagsmála- og tómstundanefndar staðfest á 38. fundi sveitarstjórnar 14. maí 2025 með níu atkvæðum.
• 7.2 2504076 Páskaball Körfuknattleiksdeildar Tindastóls
  Félagsmála- og tómstundanefnd - 34 Körfuknattleiksdeild Tindastóls óskar eftir endurgjaldslausum aðgangi að íþróttahúsinu á Sauðárkróki vegna páskaballs félagsins þann 19. apríl nk. Nefndin bendir á að umsókn barst of seint miðað við það sem kemur fram í 2. gr. reglna um útleigu íþróttahúsa Skagafjarðar til skemmtanahalds en þar sem þetta raskar ekki hefðbundinni starfsemi íþróttahússins samþykkir nefndin samhljóða að fella niður leigu á íþróttahúsinu vegna þessa og vísar til 4. gr. áðurnefndra reglna í ákvörðun sinni.
  
  Nefndin áréttar upplýsingar sem eiga að fylgja umsókn skv. 4. gr. reglnanna en þar kemur fram að í erindinu skulu koma fram ástæður umsóknar, hvers vegna annað húsnæði í Skagafirði henti ekki og hvert ágóði af viðburðinum fari, verði einhver. Bókun fundar Afgreiðsla 34. fundar félagsmála- og tómstundanefndar staðfest á 38. fundi sveitarstjórnar 14. maí 2025 með níu atkvæðum.
• 7.3 2504074 Páskamót Molduxa
  Félagsmála- og tómstundanefnd - 34 Íþróttafélagið Molduxar óskar eftir endurgjaldslausum aðgangi að íþróttahúsinu á Sauðárkróki vegna páskamóts félagsins þann 19. apríl nk. Nefndin bendir á að umsókn barst of seint miðað við það sem kemur fram í 2. gr. reglna um útleigu íþróttahúsa Skagafjarðar til skemmtanahalds en þar sem þetta raskar ekki hefðbundinni starfsemi íþróttahússins samþykkir nefndin samhljóða að fella niður leigu á íþróttahúsinu vegna þessa og vísar til 4. gr. áðurnefndra reglna í ákvörðun sinni. Bókun fundar Afgreiðsla 34. fundar félagsmála- og tómstundanefndar staðfest á 38. fundi sveitarstjórnar 14. maí 2025 með níu atkvæðum.

Málsnúmer 2503013FVakta málsnúmer

• 8.1 2501190 Starfshópur Tónlistarskóla Skagafjarðar
  Fræðslunefnd - 37 Á 116. fundi byggðarráðs þann 8. október 2024 samþykkti byggðarráð samhljóða að skipa starfshóp til að fara yfir rekstur og móta framtíðarstefnu fyrir Tónlistarskóla Skagafjarðar.
  
  Starfshópurinn hefur lokið störfum sínum og skýrsla starfshópsins lögð fyrir fræðslunefnd til kynningar.
  Fræðslunefnd vill þakka starfshópnum fyrir sitt framlag við yfirferð á rekstri Tónlistarskóla Skagafjarðar og mótun á framtíðarsýn.
  
  Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.
• 8.2 2411070 Fundargerðir skólaráðs Varmahlíðarskóla 2024-25
  Fræðslunefnd - 37 Fundargerðir skólaráðs Varmahlíðarskóla frá 4. febrúar og 4. mars 2025 lagðar fram til kynningar. Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.
• 8.3 2503172 Þakkar- og hvatningarbréf mennta- og barnamálaráðherra vegna fyrirlagnar PISA 2025
  Fræðslunefnd - 37 Lagt fram bréf frá mennta- og barnamálaráðuneyti, dagsett 13. mars 2025 þar sem þakkað er fyrir góða samvinnu við grunnskóla og tengiliði við undirbúning fyrirlagnar PISA 2025 og óskað eftir áframhaldandi góðu samstarfi við nemendur, starfsfólk grunnskóla, sveitarfélög og skólaþjónustu sveitarfélaga um þátttöku í PISA rannsókninni nú við upphaf fyrirlagnartímabilsins.
  PISA 2025 hefur nú verið lögð fyrir í öllum grunnskólum Skagafjarðar.
  Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.
• 8.4 2503244 Skóladagatöl grunnskóla 2025-2026
  Fræðslunefnd - 37 Tillaga að skóladagatölum grunnskólanna í Skagafirði fyrir skólaárið 2025-2026 var lögð fram. Tillagan hefur fengið staðfestingu skólaráðanna skv. grunnskólalögum. Fræðslunefnd staðfestir skóladagatöl grunnskólanna fyrir skólaárið 2025-2026.
  Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.
• 8.5 2503243 Skóladagatöl leikskóla 2025-2026
  Fræðslunefnd - 37 Tillaga að skóladagatölum leikskólanna í Skagafirði fyrir skólaárið 2025-2026 var lögð fram. Tillagan hefur fengið staðfestingu foreldraráða skv. lögum um leikskóla. Fræðslunefnd staðfestir skóladagatöl leikskóla fyrir skólaárið 2025-2026. Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.
• 8.6 2410027 Nýting skráningardaga 2024 - 2025
  Fræðslunefnd - 37 Upplýsingar um nýtingu skráningadaga í leikskólum frá 1. október 2024 lagðar fram til kynningar. Í Birkilundi hafa að meðaltali 34% barna verið skráð í leikskólann á skráningardögum. Í Tröllaborg hafa að meðaltali 48% barna verið skráð í leikskólann á skráningardögum. Í Ársölum hafa að meðaltali 51% barna verið skráð í leikskólann á skráningardögum. Skráningardagar hafa létt mikið á skipulagningu starfa í leikskólanum og hefur starfsfólk nýtt vinnustyttingu sína á skráningardögum þegar færri börn eru í leikskólanum. Fræðslunefnd gleðst yfir því hve skráningardagar hafa gefið góða raun og vonar að svo verði áfram.
  
  
  Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.
• 8.7 2411143 Sjálfsmatsskýrslur leikskólanna 2023-2024
  Fræðslunefnd - 37 Sjálfsmatsskýrsla Ársala lögð fram til kynningar.
  
  Bókun fundar Afgreiðsla 37. fundar fræðslunefndar staðfest á 38. fundi sveitarstjórnar 14. maí 2025 með níu atkæðum.

Málsnúmer 2504017FVakta málsnúmer

• 9.1 2504155 Heilbrigðiseftirlit Norðurlands vestra - Skagafjörður - Samhæfing og samvinna
  Landbúnaðar- og innviðanefnd - 24 Á fundinn kom Svavar Sigurðsson starfsmaður HNV og ræddi við nefndina um tilvonandi umhverfisdaga sveitarfélagsins. HNV mun í tilefni þeirra senda brýningu til íbúa í staðarmiðla um bætta umgengni. Jafnframt var rætt um mikilvægi þess að gerð verði sameiginleg samþykkt sveitarfélaga í umdæmi HNV um umgengni og þrifnað í sveitarfélögunum. Sviðstjóra Veitu- og framkvæmdasviðs falið að vinna málið áfram í samvinnu við HNV. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.2 2503347 Umhverfisdagar Skagafjarðar 2025
  Landbúnaðar- og innviðanefnd - 24 Umhverfisdagar Skagafjarðar 2025 fara fram 5-17 maí nk. Íbúar eru hvattir til að taka þátt og snyrta og fegra umhverfi sitt með því að taka til og etv. mála sé þörf á því. Öllum íbúum gefst kostur á að skila af sér úrgangi gjaldfrjálst á móttökustöðum sorps í sveitarfélaginu meðan á umhverfisdögum stendur. Fyrirtæki eru hvött til að gefa afslætti af vörum sem stutt gætu þetta verkefni. Hreinn Skagafjörður er fallegri Skagafjörður. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.3 2503346 Áætlun refa- og minkaveiði 2025
  Landbúnaðar- og innviðanefnd - 24 Lögð fram áætlun um refa og minkaveiði í Skagafirði árið 2025 ásamt yfirliti um veiðar síðustu ára. Landbúnaðar- og innviðanefnd samþykkir áætlunina samhljóða en jafnframt að gera breytingar á fyrikomulagi sem taki gildi um næstu áramót og verði kynnt sérstaklega í haust. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.4 2504055 Ársreikningur Fjallskilasjóðs Hofsafréttar 2024
  Landbúnaðar- og innviðanefnd - 24 Ársreikningur Fjallskilasjóðs Hofsafréttar 2024 lagður fram til kynningar.
  Landbúnaðar- og innviðanefnd samþykkir samhljóða að óska eftir nánari upplýsingum varðandi reikninginn en á honum eru ýmsir ágallar. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.5 2504082 Fjallskilasjóður Staðardeildar ársreikningar 2024
  Landbúnaðar- og innviðanefnd - 24 Fjallskilasjóður Staðardeildar ársreikningar 2024 vegna Staðarhrepps og Staðarafréttar lagðir fram til kynningar.
  Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.6 2504156 Urðaður úrgangur 2025 í Stekkjarvík
  Landbúnaðar- og innviðanefnd - 24 Lögð fram til kynningar samantekt á úrgangi til urðunar í Stekkjarvík. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.7 2501004 Fundagerðir Hafnasambands Íslands 2025
  Landbúnaðar- og innviðanefnd - 24 Fundagerðir Hafnasambands Íslands 2025 lagðar fram til kynningar. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.8 2504048 Breytt verklag í eftirliti - skrifborðseftirlit
  Landbúnaðar- og innviðanefnd - 24 Umhverfis- og orkustofnun kynnir breytt verklag í eftirliti með leyfisskyldri starfssemi. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.9 2504105 Loftlagsatlas Íslands
  Landbúnaðar- og innviðanefnd - 24 Kynntur nýr vefur Veðurstofunnar, Loftlagsatlas Íslands https://gottvedur.is/loftslagsbreytingar/ Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 9.10 2504158 Innviðir á Íslandi 2025 - Skýrsla
  Landbúnaðar- og innviðanefnd - 24 Lögð fram til kynningar skýrsla Samtaka iðnaðarins og Félags ráðgjafarverkfræðinga: Innviðir á Íslandi 2025. Skýrsluna má finna á heimasíðu Samtaka iðnaðarins. Bókun fundar Afgreiðsla 24. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504024FVakta málsnúmer

• 10.1 2503346 Áætlun refa- og minkaveiði 2025
  Landbúnaðar- og innviðanefnd - 25 Lögð fram endurskoðuð áætlun um refa og minkaveiði í Skagafirði fyrir árið 2025 ásamt yfirliti um veiðar síðustu ára. Landbúnaðar- og innviðanefnd samþykkir endurskoðaða áætlunina með tveimur atkvæðum. Niðurstaðan verður kynnt með veiðimönnum á fundi 30.4.2025. Bókun fundar Afgreiðsla 25. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.
• 10.2 2502293 Ráðning refa- og minkaveiðimanns í Hegranesi
  Landbúnaðar- og innviðanefnd - 25 Landbúnaðar og innviðanefnd samþykkir samhljóða að auglýsa eftir nýjum aðilum meðal ráðinna veiðimanna til að bera ábyrgð á refa- og minkaveiði í Hegranesi frá og með 1. júní 2025. Umsóknarfrestur er til og með 12. maí 2025.
  Fráfarandi veiðimanni í Hegranesi, Þorsteini Ólafssyni, eru þökkuð vel unnin störf. Bókun fundar Afgreiðsla 25. fundar landbúnaðar- og innviðanefndar staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504016FVakta málsnúmer

• 11.1 2504034 Aðalskipulag - Beiðni um íbúafund
  Skipulagsnefnd - 71 Fyrirspurnir hafa borist um hvort haldinn verði annar íbúafundur um vinnslutillögu Aðalskipulags Skagafjarðar 2025-2040.
  
  Umsagnafrestur rennur út við vinnslutillöguna þann 25. apríl næstkomandi og er því ákveðið að bjóða frekar upp á að fólk geti sent inn spurningar sem það vill fá frekari skýringar á í gegnum netfangið skipulagsfulltrui@skagafjordur.is en jafnframt vill nefndin benda á að allir geta skilað inn umsögnum við vinnslutillöguna í gegnum skipulagsgáttina sjá nánar hér : https://skipulagsgatt.is/issues/2024/613 .
  Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.2 2403135 Athafnarsvæði - Sauðárkrókur - AT-403 - Deiliskipulag
  Skipulagsnefnd - 71 Á 70. fundi skipulagsnefndar Skagafjarðar þann 21.03.2025 var eftirfarandi bókað:
  "Farið yfir innsendar umsagnir við vinnslutillögu fyrir "Sauðárkrókur athafnarsvæði AT-403" sem var í kynningu dagana 19.02.2025- 05.03.2025 í Skipulagsgáttinni mál nr. 808/2024, sjá tengil hér: https://skipulagsgatt.is/issues/2024/808 . Skipulagsnefnd samþykkir samhljóða að fela skipulagsfulltrúa að vinna málið áfram í samræmi við umræður fundarins."
  
  Þann 03.04.2025 barst umsögn Veðurstofu Íslands um athafnarsvæði AT-403 á Sauðárkróki.
  Umsögn Veðurstofu Íslands er sem hér segir:
  "Líkt og Veðurstofan bendir á í umsögn sinni 14. ágúst 2024, um aðalskipulag á sama svæði, er umtalsverð flóðahætta á svæðinu. Sjá einnig meðfylgjandi kort af útbreiðslu flóða í Héraðsvötnum. Í umsögninni segir:
  Veðurstofan bendir á að til viðbótar við hættu vegna sjávarflóða, sem minnst er á í skipulagstillögunni, má búast við að árflóð í Héraðsvötnum geti einnig haft áhrif á svæðinu (Tinna Þórarinsdóttir og fleiri, 2021a). Jafnvel má búast við að flóð með 4% árlegar líkur (oft vísað til sem 25 ára flóðs) geti haft áhrif á hluta svæðisins (Tinna Þórarinsdóttir og fleiri, 2021b). Á slíkum svæðum er æskilegt að taka tillit til flóðahættu,jafnvel fyrir byggingar með litla viðveru svo sem bílskúra og vöruskemmur (Tinna Þórarinsdóttir og fleiri, 2022). Það er því æskilegt að vinnsla skipulags á svæðinu taki bæði tillit til árflóða í Héraðsvötnum sem og sjávarflóða.
  Veðurstofan áréttar að nauðsynlegt sé að taka tillit til mögulegrar flóðahættu á svæðinu svo sem með vali á staðsetningu byggingareita, ákvæðum um lágmarks gólfhæð húsa eða örðum sambærilegum aðferðum. Sé slíkt ekki gert eykst tjónnæmi samfélagsins gagnvart flóðum að óþörfu".
  
  Skipulagsnefnd samþykkir samhljóða að fela skipulagsfulltrúa að vinna málið áfram í samræmi við umræður fundarins. Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.3 1505046 Neðri-Ás 2, land 3 og 4 - Umsókn um deiliskipulag
  Skipulagsnefnd - 71 Málið áður á dagskrá 61. fundar skipulagsnefndar þann 16.10.2024 þá bókað:
  "Farið yfir innsendar umsagnir við deiliskipulagstillögu fyrir "Neðri-Ás 2 í Hjaltadal, land 3 og 4" sem var í kynningu dagana 10.07.2024- 30.08.2024 í Skipulagsgáttinni mál nr. 880/2024, sjá tengil hér: https://skipulagsgatt.is/issues/2024/880/. Alls bárust 10 umsagnir og gefa nokkar þeirra tilefni til breytinga. Skipulagsnefnd samþykkir samhljóða að fela skipulagsfulltrúa að vinna málið áfram."
  
  Lögð fram uppfærð gögn dags. 09.04.2025, greinargerð og uppdráttur frá Kollgátu arkitektastofu þar sem tekið hefur verið tillit til innsendra umsagna við auglýsta deiliskipulagstillögu.
  
  Skipulagsnefnd samþykkir samhljóða að leggja til við sveitarstjórn Skagafjarðar að samþykkja tillöguna að deiliskipulagi "Neðri-Ás 2, land 3 og 4" og senda hana Skipulagsstofnun til yfirferðar í samræmi við 1. mgr. 42. gr skipulagslaga nr. 123/2010.
  Skipulagsnefnd samþykkir jafnframt þau viðbrögð sem lögð eru fram við umsögnum og felur skipulagsfulltrúa að senda svör til þeirra aðila sem sendu inn umsagnir á kynningartíma. Bókun fundar Forseti gerir tillögu um að vísa afgreiðslu málsins til liðarins, Neðri-Ás 2, land 3 og 4 - Umsókn um deiliskipulag, síðar á dagskrá fundarins. Samþykkt samhljóða.
• 11.4 2502226 Lækjarbakki 6 Steinsstöðum - Beiðni um óverulega breytingu á deiliskipulagi
  Skipulagsnefnd - 71 Málið áður á dagskrá sveitarstjórnar 12.03.2025, eftirfarandi bókað:
  "Vísað frá 69. fundi skipulagsnefndar frá 5. mars sl. til afgreiðslu sveitarstjórnar, þannig bókað: "Sigrún Vilhelmsdóttir hjá Verkfræðistofu Suðurnesja sækir fyrir hönd lóðarhafa Lækjarbakka 6 á Steinsstöðum um óverulega breytingu á gildandi deiliskipulagi. Breytingin felst í því að byggingarreitur á lóðinni Lækjarbakka 6 er stækkaður til norðurs um 2 metrar úr 20 m í 22 m. Þar sem þessi stækkun snýr að gögnustíg á milli lóðanna Lækjarbakka 4 og 6 þá hefur breytingin ekki áhrif á nærliggjandi lóðir. Skipulagsnefnd samþykkir samhljóða að leggja til við sveitarstjórn að grenndarkynna óverulega breytingu á gildandi deiliskipulagi fyrir lóðarhöfum Lækjarbakka nr. 5 og 7, skv. 43. og 44. gr. skipulagslaga nr. 123/2010." Sólborg Sigurrós Borgarsdóttir vék af fundi sveitarstjórnar við afgreiðslu þessa máls. Sveitarstjórn samþykkir, með átta atkvæðum að fela skipulagsfulltrúa að grenndarkynna óverulega breytingu á gildandi deiliskipulagi fyrir lóðarhöfum Lækjarbakka nr. 5 og 7, skv. 43. og 44. gr. skipulagslaga nr. 123/2010."
  Fyrirliggja yfirlýsingar mótteknar af skipulagsfulltrúa 02.04.2025 þar sem fram kemur að lóðarhafar Lækjarbakka 5 og 7 geri ekki athugasemdir við óverulegar breytingar á deiliskipulagi Íbúðabyggðar Steinsstaða skv. grenndarkynningargögnum.
  
  Skipulagsnefnd samþykkir samhljóða að leggja til við sveitarstjórn að samþykkja óverulega breytingu á deiliskipulagi “Steinsstaðir, Skagafirði, Lækjarbakki og Lækjarbrekka. Íbúðarbyggð - ÍB-801, óveruleg breyting á deiliskipulagi" og senda hana til Skipulagsstofnunar og birta samþykkt hennar í B-deild Stjórnartíðinda. Bókun fundar Forseti gerir tillögu um að vísa afgreiðslu málsins til liðarins, Lækjarbakki 6 Steinsstöðum - Beiðni um óverulega breytingu á deiliskipulagi, síðar á dagskrá fundarins. Samþykkt samhljóða.
• 11.5 2504113 Neskot L146872 - Umsókn um stofnun byggingarreits
  Skipulagsnefnd - 71 Helga G. Vilmundardóttir arkitekt sækir fyrir hönd Össurar Willard þinglýsts eiganda jarðarinnar Neskot L146872 að stofna byggingarreit á jörðinni fyrir kalda geymslu.
  Byggingarreiturinn er 26 x36 m eða 936 m2.
  Byggingarreiturinn er staðsettur 17,6 m frá norðaustur horni núverandi húss.
  Landnotkunarflokkur er í samræmi við gildandi aðalskipulag fyrir svæðið.
  Byggingarreiturinn hefur engin áhrif á búrekstrarskilyrði og skerða ekki landbúnaðarsvæði í I. flokki.
  Engin verndarsvæði skv. gildandi aðalskipulagi eru innan byggingarreitsins. Fyrir liggur jákvæð umsögn Minjastofnunar, dags. 02.03. 2025.
  
  Skipulagsnefnd samþykkir samhljóða að leggja til við sveitarstjórn að samþykkja umbeðinn byggingarreit. Bókun fundar Forseti gerir tillögu um að vísa afgreiðslu málsins til liðarins, Neskot L146872 - Umsókn um stofnun byggingarreits, síðar á dagskrá fundarins. Samþykkt samhljóða.
• 11.6 2504033 Hjaltastaðir land L180161 - Umsókn um stofnun byggingarreits
  Skipulagsnefnd - 71 Berglind Svava Arngrímsdóttir og Jóhann Ari Böðvarsson þinglýstir eigendur lóðarinnar Hjaltastaðir land, landnr. 180161, óska eftir heimild til að stofna 59,5 m² byggingarreit á lóðinni, skv. meðfylgjandi, hnitsettum afstöðuuppdrætti nr. S01 í verki 76620000 útg. 27. mars 2025. Afstöðuppdráttur var unnin á Stoð verkfræðistofu ehf.
  Um er að ræða byggingarreit fyrir bílskúr sem verður byggður við núverandi íbúðarhús. Áformað er að bílskúr verði jafn breiður núverandi húsi. Hámarks byggingarhæð verður 5 m og þakgerð verður flatt eða einhalla með halla til norðurs. Hámarksbyggingarmagn verður 59,5 m². Meðfylgjandi afstöðuuppdráttur gerir grein fyrir staðsetningu og áætluðu útliti fyrirhugaðrar viðbyggingar. Þó er áréttað að hönnun er á frumstigi og gæti tekið breytingum frá því sem sýnt er á meðfylgjandi afstöðumynd, innan þeirra skilmála sem sótt er um varðandi stærð byggingarreits, hámarks byggingarmagns og byggingarhæð.
  Byggingarreitur, sem sótt er um, er á skilgreindu landbúnaðarsvæði í aðalskipulagi Akrahrepps 2010-2022 og stendur ekki í vegi fyrir að markmiðum aðalskipulags um uppbyggingu á landbúnaðarsvæðum, sem fjallað er um í kafla 4.14.2, verði framfylgt. Reiturinn gengur ekki á ræktað land eða votlendissvæði, stendur ekki í vegi fyrir frekari uppbyggingu landbúnaðarbygginga, skerðir ekki möguleika á skógrækt eða gengur inn á hentug skilyrði fyrir hinar ýmsu greinar landbúnaðar. Þá er hann á þegar byggðu svæði sem styður hagkvæma landnotkun. Byggingarreitur gengur að einhverju leyti inn á túnslóða sem liggur niður að túnum neðan við bæjarhlaðið. Svigrúm er til staðar til að hliðra slóðanum, á þessum kafla, svo aðgengi að túnum skerðist ekki. Lögð verður áhersla á að áformuð bygging samrýmist einnig yfirbragði og ásýnd svæðisins og hafi ekki neikvæð umhverfisáhrif.
  Byggingaráform kunna að varða hagsmuni eigenda nærliggjandi landeigna; Hjaltastaða, L146301, Hjaltastaða 2, L225439, Hjalla lands, L221439, og Hjalla lands, L146300. Uppbyggingaráform hafa ekki áhrif á aðgengi eða landnotkun á Hjalla, landnr. 146299. Meðfylgjandi afstöðuuppdráttur sýnir áætlaða staðsetningu fyrirhugðrar byggingar innan byggingarreits, snið og ásýndarmyndir, fyrir og eftir framkvæmdir. Hönnunargögn eru ekki fullunnin, sbr. ákvæði 5.9.7. gr. skipulagsreglugerðar nr. 90/2013.
  Óskað hefur verið eftir umsögn minjavarðar.
  
  Skipulagsnefnd samþykkir samhljóða að leggja til við sveitarstjórn að grenndarkynna umbeðinn byggingarreit fyrir eigendum Hjaltastaða L146301, Hjaltastaða L225439, Hjalla L146299, Hjalla land L221439 og Hjalla 2 L146300.
  
  Sæunn Kolbrún Þórólfsdóttir skipulagsfulltrúi vék af fundi við umfjöllun og afgreiðslu erindisins. Sigurður H. Ingvarsson kom inn sem staðgengill skipulagsfulltrúa.
  Bókun fundar Forseti gerir tillögu um að vísa afgreiðslu málsins til liðarins, Hjaltastaðir land L180161 - Umsókn um stofnun byggingarreits, síðar á dagskrá fundarins. Samþykkt samhljóða.
• 11.7 2503337 Freyjugata 31, 33 og 35 - Umsagnarbeiðni byggingarfulltrúa
  Skipulagsnefnd - 71 Fyrir liggur umsókn frá BR Teiknistofu slf., Bjarna Reykjalín fh. Sýls ehf. um frávik á deiliskipulagsskilmálum vegna fyrirhugaðra byggingar raðhús við Freyjugötu 31, 33 og 35 ásamt skýringaruppdrætti. Einnig ligur fyriryfirlýsing eigenda íbúða í raðhúsi nr. 3 og 5 við Ránarstíg dags. 4.4.2025 þar sem fram kemur að ekki sé gerð athugasemd við umbeðin frávik. Eigandi raðhúsaíbúðar nr. 7 við Ránarstíg er lóðarhafi nefndrar Freyjugötulóðar.
  
  Í umsókn segir m.a.:
  "Í ljós hefur komið að vegghæðir upphækkaðs stofuhluta í fyrirhuguðum íbúðum í Freyjugötu 31-35 fer u.þ.b. 39 cm upp fyrir viðmiðunarhæð skv. gildandi deiliskipulagsskilmálum. Á meðfylgjandi skýringaruppdrætti er nánar gerð grein fyrir hæðum húsa á lóðum nr. 25-29 og 31-33 með tilliti til þakhalla og hámarks vegg- og mænishæðar í umræddum skilmálum. Sambærilegar hæðir á húsi 25-29 eru innan viðmiðunarmarka eins og sjá má á uppdrætti. Í tilfelli húss nr. 31-33 er um að ræða mistök sem stafa m.a. af því að áður var sveitarfélagið búið að samþykkja eins teikningar af Ránarstíg 1-5 án athugasemda þótt þar giltu sömu skilmálar og því láðist að taka tillit til gildandi deiliskipulagsskilmála í fyrrgreindu tilfelli.
  Það var alltaf ætlunin að öll húsin þrjú við Freyjugötu og Ránarstíg yrðu eins að öðru leyti en því að upphækkaðir stofuhlutar húsanna yrðu í mismunandi litum. Það er vilji framkvæmdaaðilans að halda sig við upphaflegar hugmyndir án breytinga og þar sem aðeins stofuútveggur fer ekki nema að mjög óverulegu leyti upp fyrir hæðamörk skipulagsins er hér með óskað eftir því við skipulagsnefnd að hún samþykki fyrrgreind frávik og leggist ekki gegn því að veitt verði byggingarleyfi án breytinga á deiliskipulagi með vísan í til 3. mgr. 43. gr. skipulagslaga nr.123/2010 og/eða 3. mgr. 44. gr. sömu laga þar sem um mjög óveruleg frávik frá samþykktum skilmálum er að ræða."
  
  Skipulagsnefnd fellst á rökstuðning umsækjanda þess efnis að um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn. Skipulagsnefnd er heimilt að falla frá grenndarkynningu ef sýnt er fram á að breyting á deiliskipulagi eða leyfisskyld framkvæmd varði ekki hagsmuni annarra en sveitarfélagsins og/eða umsækjanda.
  Framlögð gögn umsækjanda varðandi fyrirhugaða byggingu raðhús við Freyjugötu 31, 33 og 35 eru, uppdrættir númer 100, 101, 102, 103 og 104, dagsettir 18.03.2025, skýringaruppdráttur "Snið í byggingarreit" dags. 18.03.2025 gerðir af Bjarna Reykjalín.
  
  Skipulagsnefnd samþykkir samhljóða að leggja til við sveitarstjórn að gera ekki athugasemd við fyrirhugaða byggingu raðhús við Freyjugötu 31, 33 og 35 skv. framlögðum gögnum. Bókun fundar Forseti gerir tillögu um að vísa afgreiðslu málsins til liðarins, Freyjugata 31, 33 og 35 - Umsagnarbeiðni byggingarfulltrúa, síðar á dagskrá fundarins. Samþykkt samhljóða.
• 11.8 2503336 Freyjugata 25, 27 og 29 - Umsagnarbeiðni frá byggingarfulltrúa
  Skipulagsnefnd - 71 Fyrir liggur umsagnarbeiðni byggingarfulltrúa dags. 28. mars síðastliðinn með vísan til 10. gr. laga um mannvirki nr. 160/2010 um umsókn Bjarna Reykjalíns arkitekt og byggingartæknifræðingi, f.h. Sýls ehf. um leyfi til að byggja raðhús á lóðunum númer 25, 27 og 29 við Freyjugötu á Sauðárkróki.
  Meðfylgjandi aðaluppdrættir gerðir á BR Teiknistofu slf. af Bjarna Reykjalín arkitekt og byggingartæknifræðingi.
  Uppdrættir númer 100, 101, 102, 103 og 104, dagsettir 18.03.2025.
  
  Þar sem fyrirhuguð framkvæmd fellur undir lög um mannvirki nr. 160/2010 er hér með leitað umsagnar skipulagsfulltrúa með vísan til 10. gr. framangreindra laganna.
  
  Skipulagsnefnd samþykkir samhljóða að fela skipulagsfulltrúa að óska eftir frekari rökstuðningi varðandi nýtingarhlutfall. Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.9 2503291 Skagfirðingabraut íþróttasvæði (L143716) og sundlaug (L143721) - Lóðarmál, frumheimild vantar.
  Skipulagsnefnd - 71 Ekki liggja fyrir frumheimildir varðandi tilurð lóðanna Skagfirðingabraut L143716, Skagfirðingabraut L143721 og Skagfirðingabraut L143716 (íþróttasvæði). Innan lóðar sbr. fasteignaskrá HMS er tækjahús MHL 01 byggt árið 2003 og aðstöðuhús MHL 02 byggt árið 2004.
  Lóðin er í fasteignaskrá HMS skráð 2600m², Skagfirðingabraut L143721, (sundlaug Sauðárkróks) innan lóðar sbr. fasteignaskrá HMS er sundhöll MHL 01 byggð árið 1953, snyrtingar MHL 02 byggðar árið 2009.
  Lóðin er í fasteignaskrá HMS skráð 5000 m².
  
  Skipulagsnefnd felur skipulagsfulltrúa að láta vinna merkjalýsingu fyrir þessar lóðir auk merkjalýsinga fyrir lóðir sem verið er að stofna á þessu svæði skv. deiliskipulagstillögu sem er í vinnslu. Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.10 2502035 Bakkakot L146146 - Staðfesting landamerkja og umsókn um stofnun landspildu
  Skipulagsnefnd - 71 Mál áður á dagskrá skipulagsnefndar þann 05.03.2025.
  Á 36. fundi sveitarstjórnar Skagafjarðar 12. mars sl. gerir forseti tillögu um að vísa málinu aftur til afgreiðslu skipulagsnefndar. Tillagan samþykkt samhljóða.
  Swanhild Ylfa K R Leifsdóttir og Þorsteinn Ragnar Leifsson þinglýstir eigendur jarðarinnar Bakkakots í Skagafirði, landnúmer 146146 óska eftir staðfestingu landamerkja og stofnunar landspildu úr landi jarðarinnar, sem "Bakkakot I", skv. meðfylgjandi undirritaðri merkjalýsingu dags. áritana 03.02.2025, uppdráttur númer 71930105. Merkjalýsingin var unnin á Stoð ehf. verkfræðistofu af Ínu Björk Ársælsdóttir. Óskað er eftir að Bakkakot I, verði skráð sem "jörð". Lögbýlarétturinn mun fylgja Bakkakoti, landnr. 146146. Landskipti og landnotkun eru í samræmi við ákvæði 12. kafla greinagerðar Aðalskipulags Sveitarfélagsins Skagafjarðar 2020-2035 og fyrirhuguð landnotkun er í samræmi við skilmála aðalskipulags fyrir landnotkun á landbúnaðarsvæði nr. L-1 og L-3. Ekki er verið að sækja um lausn úr landbúnaðarnotkun. Engin verndarsvæði skv. gildandi aðalskipulagi eru innan útskiptrar spildu. Merkjalýsingin hefur verið skráð í landeignarskráningarkerfi HMS, málsnr. M001365.
  
  Skipulagsnefnd leggur til við sveitarstjórn að samþykkja umbeðin landskipti. Bókun fundar Forseti gerir tillögu um að vísa afgreiðslu málsins til liðarins, Bakkakot L146146 - Staðfesting landamerkja og umsókn um stofnun landspildu, síðar á dagskrá fundarins. Samþykkt samhljóða.
• 11.11 2503246 Víðigrund 7 - Umsókn um breikkun á innkeyrslu
  Skipulagsnefnd - 71 Logi Snær Knútsson óskar eftir leyfi til að breikka innkeyrslu að lóðinni Víðigrund 7 á Sauðárkróki, u.þ.b. 6 m, skv. meðfylgjandi gögnum.
  
  Skipulagsnefnd samþykkir samhljóða að óska eftir frekari gögnum frá umsækjanda.
  Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.12 2502227 Skagfirðingabraut 39 - Fyrirspurn um breytingu á innkeyrslu
  Skipulagsnefnd - 71 Harpa Rós Sigurjónsdóttir lóðarhafi Skagfirðingabrautar 39 óskar eftir breikkun á innkeyrslu.
  Meðfylgjandi eru myndir sýna núverandi stöðu ásamt útskýringu í tölvupósti.
  
  Skipulagsnefnd samþykkir samhljóða að óska eftir frekari gögnum frá umsækjanda.
  Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.13 2504114 Útgáfa landsskipulagsstefnu
  Skipulagsnefnd - 71 Síðustu misseri hefur Skipulagsstofnun unnið að útgáfu gildandi landsskipulagsstefnu sem nú er komin út.
  Útgáfunni er ætlað að gera efni stefnunnar aðgengilegra þeim sem vinna að framfylgd hennar, sveitarfélögum, ráðgjöfum og öðrum þeim sem hafa áhuga á eða koma að skipulagsgerð.
  Í útgefinni stefnu eru áherslur og tilmæli þingsályktunar um landsskipulagsstefnu sett fram undir fjórum köflum eftir því hvar þau eiga við samkvæmt landfræðilegri skiptingu, þ.e. á miðhálendi, í dreifbýli, í þéttbýli og á haf- og standsvæðum. Öllum þeim áherslum og tilmælum sem eiga við fyrir skipulagsgerð á tilteknu svæði eru þannig gerð skil í viðkomandi kafla. Skýringum hugtaka hefur jafnframt verið bætt við auk þess sem valið efni úr greinargerð þingsályktunartillögu hefur verið nýtt þar sem talin var þörf á frekari skýringum við stefnuna.
  
  Á landsskipulag.is má nálgast útgefna stefnu ásamt frekari upplýsingum um stefnuna, framfylgd hennar og einstakra verkefna aðgerðaáætlunar.
  Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 11.14 2503034F Afgreiðslufundur byggingarfulltrúa - 60
  Skipulagsnefnd - 71 Lögð fram til kynningar fundargerð byggingarfulltrúa frá fundi nr. 60 þann 28.03.2025. Bókun fundar Afgreiðsla 71. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.

Málsnúmer 2504026FVakta málsnúmer

• 12.1 2404001 Endurskoðun aðalskipulags Skagafjarðar 2025-2040
  Skipulagsnefnd - 72 Farið yfir samantekt á ábendingum sem fram komu á kynningarfundi og í umræðum á þemaskiptu stöðvunum í kjölfarið vegna vinnslutillögu Aðalskipulags Skagafjarðar 2025-2040 þann 2. apríl síðastliðinn.
  Ábendingar verða nýttar í áframhaldandi vinnu við tillögu að Aðalskipulags Skagafjarðar 2025-2040.
  
  Álfhildur Leifsdóttir fulltrúi VG og óháðra leggur fram bókun:
  VG og óháð benda á að áður en lagt er í meiri kostnað vegna undirbúnings og framkvæmda við nýtt tjaldsvæði á Sauðárkróki, sé brýnt að meirihluti sveitarstjórnar taki formlega afstöðu til framtíðarreksturs tjaldsvæða í eigu sveitarfélagins í heild en fram hefur komið tillaga um að skoða sölu þeirra.
  Því er ljóst að nokkur óvissa ríkir um framtíð núverandi tjaldsvæða í sveitarfélaginu og því eðlilegt að liggi fyrir heildarstefna um framtíð tjaldsvæðanna í eigu sveitarfélagsins áður en fjármunum og tíma er varið í frekari vinnu við áætlanagerð nýs tjaldsvæðis á Sauðárkróki.
  
  Bókun fundar Álfhildur Leifsdóttir fulltrúi VG og óháðra ítrekar bókun frá fundi nefndarinnar: VG og óháð benda á að áður en lagt er í meiri kostnað vegna undirbúnings og framkvæmda við nýtt tjaldsvæði á Sauðárkróki, sé brýnt að meirihluti sveitarstjórnar taki formlega afstöðu til framtíðarreksturs tjaldsvæða í eigu sveitarfélagins í heild en fram hefur komið tillaga um að skoða sölu þeirra. Því er ljóst að nokkur óvissa ríkir um framtíð núverandi tjaldsvæða í sveitarfélaginu og því eðlilegt að liggi fyrir heildarstefna um framtíð tjaldsvæðanna í eigu sveitarfélagsins áður en fjármunum og tíma er varið í frekari vinnu við áætlanagerð nýs tjaldsvæðis á Sauðárkróki.
  
  Gísli Sigurðsson kvaddi sér hljóðs og lagði fram eftirfarandi bókun:
  Markmiðið með því að hafa inni í núverandi vinnslutillögu að Aðalskipulagsbreytingu þessa tvo kosti um tjaldsvæði á Sauðárkróki er að fá umræðu og skoðanir íbúa á framtíðar fyrirkomulagi og staðsetningu tjaldsvæðis fyrir almennu umferðina en einnig vegna álagspunkta sem verða þegar stórir íþróttaviðburðir eru á Sauðárkróki. Að lokinni þeirri vinnu sem nú er í gangi og samþykktar á uppfærðu Aðalskipulagi verður megin stefna sveitarfélagsins um framtíðar staðsetningu og fyrirkomulag ljós. Í framhaldi af því þarf svo að taka ákvörðun um uppbyggingu og uppbyggingarhraða svæðisins eða svæðanna ásamt því að útfæra þau nánar með gerð deiliskipulags. Það er ekkert í þessu ferli sem þarf að hafa neikvæð áhrif á möguleika þess að selja rekstur tjaldsvæðanna því það er útfærsluatriði hvernig rekstur tjaldsvæðis í uppbygginu er boðinn til sölu og þá með hvaða kröfum.
  
  Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.2 2504136 Erindi til skipulagsnefndar frá Fjáreigendafélagi Sauðárkróks
  Skipulagsnefnd - 72 Lagt fram erindi frá Fjáreigendafélagi Sauðárkróks dags. 15.04.2025 þar sem óskað er eftir við vinnslu Aðalskipulags Skagafjarðar 2025-2040 að félaginu verði fundið nýtt landsvæði/athafnarsvæði fyrir skipulagða fjárhúsabyggð, fjárborg sem tæki við af núverandi svæði félagsins á Nöfunum þar sem núverandi svæði á að skipuleggja sem framtíðar íbúðarsvæði Sauðárkróks.
  
  Skipulagsnefnd samþykkir samhljóða að þakka fyrir erindið en bendir jafnframt á að um framtíðarstefnu sé að ræða og ekki verið að taka landsvæðið undir önnur not á næstu árum. Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.3 2403135 Athafnarsvæði - Sauðárkrókur - AT-403 - Deiliskipulag
  Skipulagsnefnd - 72 Björn Magnús Árnason frá Stoð ehf. verkfræðistofu fór yfir drög af deiliskipulagstillögu fyrir Athafnarsvæði - Sauðárkrókur - AT-403.
  
  Skipulagsnefnd samþykkir samhljóða að fela skipulagsfulltrúa að vinna málið áfram í samræmi við umræður fundarins. Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.4 2503229 Umsókn um stofnun þjóðlendu - Silfrastaðaafrétt í Skagafirði
  Skipulagsnefnd - 72 Lögð fram umsókn Regínu Sigurðardóttur fyrir hönd forsætisráðuneytisins dags. 26.02.2025 um stofnun þjóðlendu, Silfrastaðaafrétt í Skagafirði.
  
  Umsókn um stofnun fasteignar (þjóðlendu), sbr. 14. gr. laga um skráningu, merki og mat fasteigna, nr. 6/2001, með síðari breytingum.
  
  Landsvæði það sem óskast stofnað er þjóðlenda skv. úrskurðum óbyggðanefndar í máli nr. 2/2009, dags. 11. október 2011 og í máli nr. 4/2008, dags. 19. júní 2009 og dómi Héraðsdóms Norðurlands vestra í máli nr. 24/2010, dags. 13. maí 2013. Um hana fer eftir ákvæðum laga um þjóðlendur og ákvörðun marka eignarlanda, þjóðlendna og afrétta, nr. 58/1998, með síðari breytingum.
  Landeigandi: íslenska ríkið, skv. 2. gr. laga nr. 58/1998.
  Fyrirsvarsmaður: Forsætisráðherra skv. d-lið, 7. tölul. 1. gr. forsetaúrskurðar nr. 6/2022 um skiptingu stjórnarmálefna milli ráðuneyta í Stjórnarráði Íslands.
  
  Land innan eftirfarandi marka, þ.e. Silfrastaðaafrétt er þjóðlenda.
  Afmörkun svæðisins sbr. úrskurði óbyggðanefndar, dómsorðum Héraðsdóms Norðurlands vestra:
  Texti sem er feitletraður hefur verið bætt við þar sem mörk þjóðlendunnar eru úrskurðuð í tveimur málum hjá óbyggðanefnd (málum 2/2009 og 4/2008) og þar sem sveitarfélagamörk ráða mörkum.
  Úr úrskurði óbyggðanefndar í máli nr. 2/2009:
  Upphafspunktur þar sem Grjótá fellur í Heiðará á sýslumörkum í Norðurárdal (si1).
  Þaðan er haldið með Grjótá og síðan eystri Grjótárdal, yfir Grjótárdalsdrög að fyrrum hornmarki milli Akrahrepps, Skriðuhrepps og Öxnadalshrepps (si2). Síðan er fyrrum hreppamörkum Akrahrepps og Skriðuhrepps fylgt samkvæmt leiðréttum sveitarfélagamörkum eftir Lúpá (si2a) og 1179m hæðarpunkt (si2b) í Ólafarhnjúkum og áfram allt að fyrrum hornmarki milli Akrahrepps, Skriðuhrepps og Hólahrepps við Hjaltadalsjökul (si3). Þaðan með fyrrum hreppamörkum Akrahrepps og Hólahrepps um Suðurárdalshnjúk í Reykjanibbu (1302 m) (si4). Þaðan er háfjallinu fylgt til suðvesturs í 1298 m hæðarpunkt (si5) og síðan til suðausturs í 1247 m hæðarpunkt (si6) vestan við botn Seljadals. Þaðan er línan áfram dregin eftir háfjöllum í 1224 m hæðarpunkt (si7) norðvestan við botn Smaladals. Þaðan er háfjallinu enn fylgt til vesturs og síðan suðvesturs í 1209 m hæðarpunkt (si8) fyrir botni á Fýlsmýrum og Kleifum og síðan í 1210 m hæðarpunkt (si9) fyrir botni Fletjárdals. Þaðan er Fletjá fylgt suður í Valagilsá (si10).
  Úr dómsorðum Héraðsdóms Norðurlands vestra í máli nr. E24/2010 (tölustafir innan sviga án si á undan eru teknir beint úr dómsorðum Héraðsdóms):
  
  Þaðan er Valagilsá fylgt að þeim stað sem Smalalækur fellur í hana (si11) (2). Þaðan er línan dregin beina stefnu í Landshnjúk (si12) (3). Frá Landshnjúki er línan dregin beina stefnu í Landsendagjá við Horná (si13) (4). Frá Landsendagjá er línan dregin í Horná og ánni fylgt þar til hún fellur í Norðurá (si14). Norðurá síðan fylgt niður að ármótum við Króká (si15).
  Úr úrskurði óbyggðanefndar í máli nr. 4/2008 (línan fer ranglætis):
  Upphafspunktur er við sýslumörk Skagafjarðar- og Eyjafjarðarsýslna á Öxnadalsheiði (þar sem Grjótá fellur í Heiðará) (si1). Þar sem Króká fellur í Heiðará er punktur (si16).
  Síðan er Króká fylgt til suðurs í botn Ernisdals og þaðan beina stefnu á punkt nr. 16 á kröfulínu gagnaðila ríkisins (si17). Þaðan er fylgt kröfulínu gagnaðila ríkisins þar til komið er að punkti nr. 14 á henni (si18). Þaðan er línan dregin í drög Kaldbaksdals (si19) og eftir daldrögunum í Kaldbaksá (si20). Síðan er Kaldbaksá fylgt þar til komið er að skurðpunkti við línu sem dregin er beina stefnu frá Vatnsgötu á Öxnadalsheiði (þar sem vötnum fyrst hallar
  vestur af heiðinni) um Tjaldhól í Kaldbaksá (si21). Frá skurðpunktinum er nefndri línu fylgt í Vatnsgötu (si22) á Öxnadalsheiði. Þaðan er línan dregin eftir sveitarfélagamörkum í upptök Heiðarár (si23) og Heiðará síðan fylgt að þeim stað þar sem Grjótá fellur í hana (si1).
  
  Skipulagsnefnd samþykkir samhljóða að leggja til við sveitarstjórn að samþykkja umbeðna stofnun þjóðlendu, Silfrastaðaafrétt í Skagafirði. Bókun fundar Forseti gerir tillögu um að vísa afgreiðslu málsins til liðarins, Umsókn um stofnun þjóðlendu - Silfrastaðaafrétt í Skagafirði, síðar á dagskrá fundarins. Samþykkt samhljóða.
• 12.5 2504198 Framkvæmdaleyfisumsókn vegna ljósvæðingar á Sauðárkróki
  Skipulagsnefnd - 72 Grétar Ómarsson sækir fyrir hönd Mílu ehf. um framkvæmdaleyfi vegna lagningu ljósleiðara á Sauðárkróki sumarið 2025.
  Áætlaður verktími jarðvinnu er 20-25 dagar og vonumst við til að hefja framkvæmdir í lok maí eða byrjun júní.
  Skurðgröftur verður að mestu innanlóða en opna þarf holur til að tengja saman heimtaugarör við stofnrör í gangstéttum þar sem innviðir eru til staðar.
  Allar áætlaðar tengiholur eru merktar með rauðum hring og skurðir merktir með punktalínum, sjá verkblað.
  Míla mun ljúka ljósleiðaravæðingu á Sauðárkróki í sumar, þá eiga öll heimili sem samþykktu ljósleiðaraframkvæmd að vera tengd.
  Staðfangalisti í framkvæmd 2025 er eftirtalin:
  Aðalgata 12, 14, 20 og 22
  Freyjugata 1, 1 B, 10 og 10 B
  Sæmundargata 13 og 15
  Bárustígur 13 og 17
  Hólavegur 7, 9 og 11
  Sæmundargata 8
  Ægisstígur 2, 4, 6, 8 og 10
  Bárustígur 7, 8, 9 a, 9, 10, 11, 12, 14 og 16
  Hólavegur 13, 15 og 17
  Öldustígur 9, 11, 13, 15 og 17
  Bárustígur 2, 4 og 6
  Hólavegur 16 A, 16 B, 16, 18 og 20
  Smáragrund 1
  Öldustígur 1, 3, 5 og 7
  Borgarflöt 5
  Sauðármýri 1
  Borgartún 6
  Ártorg 6
  
  Skipulagsnefnd samþykkir samhljóða að leggja til við sveitarstjórn að veita umbeðið framkvæmdarleyfi. Bókun fundar Forseti gerir tillögu um að vísa afgreiðslu málsins til liðarins, Framkvæmdaleyfisumsókn vegna ljósvæðingar á Sauðárkróki, síðar á dagskrá fundarins. Samþykkt samhljóða.
• 12.6 2504200 Litla-Gröf 2 L232798 - Umsókn um framkvæmdaleyfi
  Skipulagsnefnd - 72 Þann 12.02.2025 samþykkti sveitarstjórn Skagafjarðar breytingu á aðalskipulagi Sveitarfélagsins Skagafjarðar 2020-2035 varðandi efnistöku- og efnislosunarsvæði E-48 í landi Litlu-Grafar 2, L232798, á Langholti Skagafirði. Málsnúmer í skipulagsgátt er 877/2024 og hefur Skipulagsstofnun lokið yfirferð.
  Rúnar Skarphéðinn Símonarson, f.h. Vinnuvéla Símonar ehf., þinglýsts eiganda landeignarinnar Litla-Gröf 2, landnúmer 232798, óskar eftir framkvæmdaleyfi í samræmi við umrædda breytingu á aðalskipulagi, á grundvelli ákvæða 7. gr. reglugerðar nr. 772/2012 um framkvæmdaleyfi þar sem kveðið er á um að heimilt sé að veita framkvæmdaleyfi á grundvelli aðalskipulags ef gerð er grein fyrir framkvæmdinni í aðalskipulagi og fjallað um umfang, frágang og áhrif á umhverfi. Fyrir liggja uppdrættir, dags. 27. júní 2023 og greinargerð vegna efnisnámu í Litlu-Gröf 2, útg 1.1, dags. 24.07.2023 sem voru fylgigögn með beiðni um breytingu á aðalskipulagi. Í ofannefndri aðalskipulagsbreytingu og fyrirliggjandi gögnum er gerð frekari grein fyrir framkvæmdinni.
  
  Skipulagsnefnd samþykkir samhljóða að leggja til við sveitarstjórn að veita umbeðið framkvæmdarleyfi. Bókun fundar Forseti gerir tillögu um að vísa afgreiðslu málsins til liðarins, Litla-Gröf 2 L232798 - Umsókn um framkvæmdaleyfi, síðar á dagskrá fundarins. Samþykkt samhljóða.
• 12.7 2504190 Enni L146518 - Staðfesting á ytri merkjum jarðarinnar, landskipti og nafnabreyting
  Skipulagsnefnd - 72 Hrefna Skjóldal Óttarsdóttir og Auður R. Þorbjarnardóttir Skjóldal þinglýstir eigendur jarðarinnar Ennis, landnúmer 146518 óska eftir staðfestingu á hnitsettum ytri merkjum jarðarinnar og heimild til að stofna 117,24 ha spildu úr landi jarðarinnar, sem "Enni II" skv. merkjalýsingu í verki nr. 74201000 útg. dags. 22.10.2024 unnin af Ínu Björk Ársælsdóttur á Stoð verkfræðistofu ehf.
  Einnig er óskað eftir breytingu á heiti á upprunajörðinni Enni lnr. 146518 sem fái heitið "Enni I" og haldi landnúmerinu 146518 að landskiptum loknum.
  
  Skýring á landheitum vísar til fyrri heita jarðanna en árið 1997 voru jarðirnar Enni I og Enni II sameinaðar í Enni lnr. 146518.
  Allar fasteignir á jörðinni munu fylgja Enni I að landskiptum loknum.
  Lögbýlarétturinn mun áfram fylgja Enni (Enni I), landnr. 146518.
  
  Landnotkun á Enni II verði áfram "jörð".
  Ræktað land innan útskiptrar spildu (Ennis II) er 15 ha. að stærð.
  Enginn hlunnindi fylgja landsskiptunum.
  Stofnað land verður í eigu sömu eigenda og Enni.
  
  Landskipti og landnotkun eru í samræmi við ákvæði 12. kafla greinagerðar aðalskipulags Sveitarfélagsins Skagafjarðar 2020-2035 og fyrirhuguð landnotkun er í samræmi við skilmála aðalskipulags fyrir landnotkun á landbúnaðarsvæði nr. L-1, L-2 og L-3. Ekki er verið að sækja um lausn úr landbúnaðarnotkun.
  
  Skipulagsnefnd samþykkir samhljóða staðfestingu á hnitsettum ytri merkjum jarðarinnar og leggur til við sveitarstjórn að samþykkja umbeðin landskipti og nafn fyrir útskipt land. Bókun fundar Forseti gerir tillögu um að vísa afgreiðslu málsins til liðarins, Enni L146518 - Staðfesting á ytri merkjum jarðarinnar, landskipti og nafnabreyting, síðar á dagskrá fundarins. Samþykkt samhljóða.
• 12.8 2504115 Borgarsíða 5 - Borgarsíða 7 - Borgarteigur 6 - Beiðni um skipti á lóðum
  Skipulagsnefnd - 72 Ágúst Andrésson fyrir hönd lóðarhafa, lóðanna Borgarsíðu 5 og 7 óska eftir heimild til að hafa skipti á þessum lóðum.
  Þannig að Norðar fái Borgarsíðu 5 og Skúli Bragason fái Borgarsíðu 7.
  Í framhaldinu munu Ágúst Andrésson og Óli Viðar Andrésson leggja til hugmyndir þeirra um uppbyggingu á lóðum Borgarsíðu 5 og Borgarteigs 6
  hvort heldur það verði á sitthvorri lóð eða óskað verði eftir sameiningu þessara tveggja lóða., þ.e.a.s. Borgarsíðu 5 og Borgarteigs 6.
  
  Skipulagsnefnd samþykkir samhljóða að leggja til við sveitarstjórn að leyfa umbeðin lóðarskipti.
  
  Alex Már Sigurbjörnsson áheyrnarfulltrúi vék af fundi við afgreiðslu málsins. Bókun fundar Forseti gerir tillögu um að vísa afgreiðslu málsins til liðarins, Borgarsíða 5 - Borgarsíða 7 - Borgarteigur 6 - Beiðni um skipti á lóðum, síðar á dagskrá fundarins. Samþykkt samhljóða.
• 12.9 2504087 Barmahlíð 4 - Umsókn um breikkun á innkeyrslu
  Skipulagsnefnd - 72 Sigurður Ingi Ragnarsson óskar eftir leyfi til að stækka bílastæði við Barmahlíð 4.
  Óskað er eftir að taka gras af lagnasvæði fyrir framan lóð við Barmahlíð 4 að lóðarmörkum Barmahlíðar 4 og 6 og setja niður svo kallaðar rastir (plastmottur sem gras vex í gegnum) til að geta lagt bílum á grasfletinum án þess að skemma grasið. Fyrirhugað er að taka núverandi gróður, setja möl og leggja rastir, setja mold í rastinar og sá grasfræi, þannig að gras komi upp á milli rasta.
  
  Skipulagsnefnd samþykkir samhljóða að óska eftir frekari gögnum frá umsækjanda. Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.10 2312182 Birkimelur 25 - Lóðarmál
  Skipulagsnefnd - 72 Hjalti Sigurðarson og Helga Sjöfn Pétursdóttir óska eftir öðrum fresti til að hefja framkvæmdir við Birkimel 25 í Varmahlíð.
  Þau reikna með að klára húsbyggingu ekki seinna en sumar 2026.
  
  Skipulagsnefnd samþykkir samhljóða að framlengja frest til framkvæmda til og með 31.10.2025 en leggur til við sveitarstjórn að gatnagerðargjöld verði innheimt skv. gildandi samþykkt um gatnagerðargjald, stofngjald fráveitu og byggingarleyfis og þjónustugjöld í sveitarfélaginu Skagafirði nr. 90 https://www.skagafjordur.is/static/files/Gjaldskra/2024/b_nr_90_2024.pdf . Bókun fundar Forseti gerir tillögu um að vísa afgreiðslu málsins til liðarins, Birkimelur 25 - Lóðarmál, síðar á dagskrá fundarins. Samþykkt samhljóða.
• 12.11 2504197 Nestún 16 - Lóð skilað
  Skipulagsnefnd - 72 Karen Lind Skúladóttir lóðarhafi Nestúns 16 óskar eftir að skila lóðinni inn til sveitarfélagsins.
  
  Skipulagsnefnd samþykkir samhljóða skil á lóðinni Nestún 16 og felur skipulagsfulltrúa að auglýsa hana að nýju skv. úthlutunarreglum sveitarfélagsins.
  Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.12 2503336 Freyjugata 25, 27 og 29 - Umsagnarbeiðni frá byggingarfulltrúa
  Skipulagsnefnd - 72 Málið áður á dagskrá á 71. fundi skipulagsnefndar og þá bókað:
  "Fyrir liggur umsagnarbeiðni byggingarfulltrúa dags. 28. mars síðastliðinn með vísan til 10. gr. laga um mannvirki nr. 160/2010 um umsókn Bjarna Reykjalíns arkitekt og byggingartæknifræðingi, f.h. Sýls ehf. um leyfi til að byggja raðhús á lóðunum númer 25, 27 og 29 við Freyjugötu á Sauðárkróki. Meðfylgjandi aðaluppdrættir gerðir á BR Teiknistofu slf. af Bjarna Reykjalín arkitekt og byggingartæknifræðingi. Uppdrættir númer 100, 101, 102, 103 og 104, dagsettir 18.03.2025. Þar sem fyrirhuguð framkvæmd fellur undir lög um mannvirki nr. 160/2010 er hér með leitað umsagnar skipulagsfulltrúa með vísan til 10. gr. framangreindra laganna. Skipulagsnefnd samþykkir samhljóða að fela skipulagsfulltrúa að óska eftir frekari rökstuðningi varðandi nýtingarhlutfall."
  
  Fyrir liggur rökstuðningur sem barst dags. 28.04.2025.
  
  Skipulagsnefnd samþykkir samhljóða að leggja til við sveitarstjórn að gera ekki athugasemd við fyrirhugaðra byggingar raðhús við Freyjugötu 25, 27 og 29 skv. framlögðum gögnum, uppdrættir númer 100, 101, 102, 103 og 104, dagsettir 18.03.2025 gerðir af Bjarna Reykjalín auk rökstuðnings sem barst í tölvupósti 28.04.2025.
  
  Skipulagsnefnd fellst á rökstuðning umsækjanda þess efnis að um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn. Skipulagsnefnd er heimilt að falla frá grenndarkynningu ef sýnt er fram á að breyting á deiliskipulagi eða leyfisskyld framkvæmd varði ekki hagsmuni annarra en sveitarfélagsins og/eða umsækjanda. Bókun fundar Forseti gerir tillögu um að vísa afgreiðslu málsins til liðarins, Freyjugata 25, 27 og 29 - Umsagnarbeiðni frá byggingarfulltrúa, síðar á dagskrá fundarins. Samþykkt samhljóða.
• 12.13 2504112 Kerfisáætlun Landsnets 2025-2034 - Kynning umhverfismatsskýrslu (Umhverfismat áætlana)
  Skipulagsnefnd - 72 Skipulagsstofnun hefur óskað eftir umsögn Skagafjarðar við eftirfarandi mál í Skipulagsgátt:
  - Kerfisáætlun 2025-2034, nr. 0509/2025:
  Kynning umhverfismatsskýrslu (Umhverfismat áætlana) https://skipulagsgatt.is/issues/2025/509 .
  Kynningartími er frá 9.4.2025 til 31.5.2025.
  
  Skipulagsnefnd samþykkir samhljóða að gera ekki athugasemd við Kerfisáætlun Landsnets 2025-2040. Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.14 2504160 Beiðni um ábendingar vegna tillögu um stefnu um virka ferðamáta og smáfarartæki
  Skipulagsnefnd - 72 Starfshópur á vegum innviðaráðuneytisins vinnur tillögu að stefnu fyrir virka ferðamáta (ganga og hjólreiðar) og smáfarartæki. Starfshópnum var falið að meta stöðu virkra ferðamáta og smáfarartækja á Íslandi ásamt valkostum sem til staðar eru til að efla ferðamátana.
  
  Starfshópurinn óskar hér með eftir ábendingum frá viðeigandi sérfræðingum sveitarfélaga um hvernig hægt er að bæta stöðu ferðamátanna, þar með talið aðgengi og öryggi.
  
  Vakin er athygli á skömmum fyrirvara en einnig er stefnt á að birta tillögu að stefnunni í Samráðsgátt í vor svo þá mun gefast frekara tækifæri til athugasemda. Starfshópurinn telur þó mikilvægt að fá athugasemdir frá sveitarfélögunum á þessu stigi vinnunnar.
  
  Til upplýsingar, þá er starfshópurinn skipaður fulltrúum frá Háskóla Íslands, innviðaráðuneytinu, Samgöngustofu, Sambandi Íslenskra sveitarfélaga, Landssamtökum hjólreiðamanna og Vegagerðinni.
  
  Er þess óskað að svör berist í hrefna.hallgrimsdottir@irn.is eigi síðar en 28. apríl nk. Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 12.15 2504019F Afgreiðslufundur byggingarfulltrúa - 61
  Skipulagsnefnd - 72 Lögð fram til kynningar fundargerð byggingarfulltrúa frá fundi nr. 61 þann 16.04.2025. Bókun fundar Afgreiðsla 72. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.

Málsnúmer 2505011FVakta málsnúmer

• 13.1 2403135 Athafnarsvæði - Sauðárkrókur - AT-403 - Deiliskipulag
  Skipulagsnefnd - 73 Lögð fram deiliskipulagstillaga "Sauðárkrókur Athafnarsvæði AT-403" dags. 06.05.2025, útgáfa 1.0, uppdráttur DS01, greinargerð og jarðvegskönnun.
  
  Skipulagsnefnd samþykkir samhljóða að leggja til við sveitarstjórn að auglýsa deiliskipulagstillöguna fyrir "Sauðárkrókur Athafnarsvæði AT-403" í samræmi við 41. gr. skipulagslaga nr. 123/2010. Bókun fundar Forseti gerir tillögu um að vísa afgreiðslu málsins til liðarins, Athafnarsvæði - Sauðárkrókur - AT-403 - Deiliskipulag, síðar á dagskrá fundarins. Samþykkt samhljóða.
• 13.2 2404003 Mjólkursamlagsreitur breyting á deiliskipulagi - Skagfirðingabraut 51 - Deiliskipulag
  Skipulagsnefnd - 73 Farið yfir innsendar umsagnir við deiliskipulagsbreytingu fyrir "Mjólkursamlagsreitur Sauðárkróki" sem var í kynningu dagana 05.03.2025- 18.04.2025 í Skipulagsgáttinni mál nr. 280/2025, sjá tengil hér: https://skipulagsgatt.is/issues/2025/271 .
  Innsendar umsagnir gefa ekki tilefni til breytinga.
  
  Skipulagsnefnd samþykkir samhljóða deiliskipulagsbreytinguna "Mjólkursamlagsreitur Sauðárkróki" og felur skipulagsfulltrúa að senda Skipulagsstofnun deiliskipulagsbreytingartillöguna til yfirferðar í samræmi við 3. mgr. 41. gr. skipulagslaga nr. 123/2010. Bókun fundar Afgreiðsla 73. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 13.3 2501198 Borgarteigur 15, L143237 - Deiliskipulag
  Skipulagsnefnd - 73 Farið yfir innsendar umsagnir við deiliskipulagstillögu fyrir "Borgarteigur 15 Sauðárkróki" sem var í kynningu dagana 05.03.2025- 18.04.2025 í Skipulagsgáttinni mál nr. 280/2025, sjá tengil hér: https://skipulagsgatt.is/issues/2025/280 .
  
  Innsendar umsagnir gefa ekki tilefni til breytinga.
  
  Skipulagsnefnd samþykkir samhljóða tillögu að deiliskipulagi "Borgarteigur 15 Sauðárkróki" og felur skipulagsfulltrúa að senda Skipulagsstofnun deiliskipulagstillöguna til yfirferðar í samræmi við 3. mgr. 41. gr. skipulagslaga nr. 123/2010. Bókun fundar Afgreiðsla 73. fundar skipulagnefndar staðfest á 38. fundi sveitarstjórnar 14. maí 2025 með níu atkvæðum.
• 13.4 2503333 Brúarland Deildardal - Umsókn um byggingarreit
  Skipulagsnefnd - 73 Guðmundur Sverrisson f.h. Makíta ehf. óskar eftir nýjum byggingarreitum á Brúarlandi Deildardal L146511.
  Reitur A fyrirhugað að reisa ca. 40 m² gróðurhús og reitur B fyrirhugað að reisa ca. 30 m² aðstöðuhús fyrir skórækt.
  Reitur A er rétt ofan við gamlar tóftir sem ekki stendur til að hreyfa við.
  Sbr. leyfi Minjavarðar Skagafjarðar stendur til að hylja þær með jarðvegi vegna mikillar slysahættu.
  Sbr. umsögn Minjastofunar Íslands þar sem m.a. kemur fram að í ljósi þess að byggingareitir eru innan gamla heimatúnsins og heimildir eru um bænhús og beinafundi nærri bænum þá er farið fram á framkvæmdaeftirlit fornleifafræðings þegar grafið verður fyrir lögnum og undirstöðum húsa.
  
  Skipulagsnefnd samþykkir samhljóða að leggja til við sveitarstjórn að samþykkja umbeðna byggingarreiti. Bókun fundar Forseti gerir tillögu um að vísa afgreiðslu málsins til liðarins, Brúarland Deildardal - Umsókn um byggingarreit, síðar á dagskrá fundarins. Samþykkt samhljóða.

Málsnúmer 2504007FVakta málsnúmer

• 14.1 2504045 Sundlaug Sauðárkróks - áfangi 2 framkvæmdir 2025
  Byggingarnefnd Sundlaugar Sauðárkróks - 36 Farið var yfir stöðu framkvæmda við sundlaug Sauðárkróks á árinu 2025 og næstu skref. Stefnt er að opnun nýja laugarsvæðisins í maí. Unnið er að yfirferð útboðsgagna fyrir stóru rennibrautirnar og turninn í samvinnu við Fjársýslu ríkisins og miðað við að útboð verði auglýst í vor.
  
  Einnig var lögð fram tillaga að breyttri útfærslu á öryggisgirðingu sem miðar að uppsetningu öryggisgirðingar með öryggisgleri á sundlaugarbakka í stað þess að hafa girðingu utan manarsvæðis. Með því næst auðveldari yfirsýn yfir svæðið fyrir bæði starfsmenn sundlaugarinnar og foreldra barna. Einnig verður umhirða lóðar mun auðveldari og ásýnd betri. Sú tillaga var samþykkt samhljóða. Bókun fundar Afgreiðsla 36. fundar byggingarnefndar Sundlaugar Sauðárkróks staðfest á 38. fundi sveitarstjórnar 14. maí 2025 með níu atkvæðum.

Málsnúmer 2104058Vakta málsnúmer

Málsnúmer 2505005Vakta málsnúmer

Málsnúmer 2505091Vakta málsnúmer

Málsnúmer 2505113Vakta málsnúmer

Málsnúmer 2505092Vakta málsnúmer

Málsnúmer 2505104Vakta málsnúmer

Málsnúmer 2505105Vakta málsnúmer

Málsnúmer 2502117Vakta málsnúmer

Málsnúmer 2502121Vakta málsnúmer

Málsnúmer 1505046Vakta málsnúmer

Málsnúmer 2502226Vakta málsnúmer

Málsnúmer 2504113Vakta málsnúmer

Málsnúmer 2504033Vakta málsnúmer

Málsnúmer 2503337Vakta málsnúmer

Málsnúmer 2502035Vakta málsnúmer

Málsnúmer 2503229Vakta málsnúmer

Málsnúmer 2504198Vakta málsnúmer

Málsnúmer 2504200Vakta málsnúmer

Málsnúmer 2504190Vakta málsnúmer

Málsnúmer 2504115Vakta málsnúmer

Málsnúmer 2312182Vakta málsnúmer

Málsnúmer 2503336Vakta málsnúmer

Málsnúmer 2403135Vakta málsnúmer

Málsnúmer 2503333Vakta málsnúmer

Málsnúmer 2505096Vakta málsnúmer

Málsnúmer 2501114Vakta málsnúmer

Málsnúmer 2501003Vakta málsnúmer

Málsnúmer 2504043Vakta málsnúmer

Málsnúmer 2501006Vakta málsnúmer