Fréttir

Veðrið hefur verið með versta móti það sem af er vetri í Skagafirði. Hefur veðrið og tilheyrandi ófærð haft mikil áhrif á daglega starfsemi í héraðinu. Einkum hefur tíðin verið rysjótt frá norðanóveðrinu sem gekk yfir landið 10.-11. desember sl.

Sveitarstjórn Sveitarfélagsins Skagafjarðar samþykkti á fundi sínum þann 11. febrúar síðastliðinn að auglýsa tillögu að deiliskipulagi íbúðareits milli Sæmundargötu, Ránarstígs og Freyjugötu á Sauðárkróki, lóðina Freyjugötu 25. Fyrirhugað er að breyta gamla skólahúsinu á lóðinni í fjölbýlishús með 11 íbúðum og skipta lóðinni jafnframt upp í fjóra hluta, þannig að auk lóðar undir fjölbýlishúsið verði skilgreindar þrjár nýjar lóðir. Tvær lóðir fyrir parhús við Freyjugötu og ein lóð fyrir parhús við Ránarstíg.

Steinn Leó Sveinsson hefur verið ráðinn í starf sviðsstjóra veitu- og framkvæmdasviðs.  Steinn Leó er menntaður byggingatæknifræðingur frá Horsens í Danmörku með aðaláherslu á hönnun og gerð jarðvegsmannvirkja, gatnagerð, fráveitu- og vatnslagnir, verklegar framkvæmdir og landmælingar. Steinn Leó hefur starfað hjá Ræktunarsambandi Flóa og Skeiða...

**English below**Lögreglan á Norðurlandi vestra og almannavarnarnefndir í Skagafirði og Húnavatnssýslum vekja athygli á að afar slæm veðurspá er fyrir Norðurland vestra og hefur Veðurstofan sett á rauða og appelsínugula viðvörun fyrir landið allt.  Spáð er austanátt, allt að 40 m/sek og mun meira í hviðum á Norðurlandi vestra. Óvissustigi...

Með hliðsjón af ákvörðun Almannavarnanefndar Skagafjarðar frá því fyrr í dag, verða íþróttamannvirki Sveitarfélagsins Skagafjarðar lokuð á morgun 14. febrúar.

Vegna verulega slæms veðurútlits í Skagafirði og Húnavatnssýslum og yfirstandandi óvissustigs almannavarna föstudaginn 14. febrúar, var á fundi Almannavarnarnefnda Skagafjarðar og Húnavatnssýslna fyrr í dag tekin ákvörðun um að fella niður allt skólahald í leik-, grunn- og tónlistarskólum á Norðurlandi vestra á morgun.   Óvissustigi er lýst yfir...

Menntabúðir voru haldnar í Grunnskólanum austan Vatna þriðjudaginn 10. febrúar sl. fyrir starfsfólk leik-, grunn- og tónlistarskóla Skagafjarðar og Fjölbrautaskóla Norðurlands vestra. Skipuleggjendur viðburðarins að þessu sinni voru kennarar í Grunnskólanum austan Vatna og Leikskólanum Tröllaborg. Í skólum í Skagafirði er starfandi samstarfsteymi um menntabúðir sem skipað er fulltrúum frá hverjum skóla. Þetta er í annað sinn sem hópurinn stendur fyrir menntabúðum af þessu tagi, í nóvember sl. voru menntabúðir haldnar í Árskóla og ráðgert er að halda þriðju menntabúðirnar í Varmahlíðarskóla í mars næstkomandi.

Landsnet boðar er til fundar og vinnustofu með landeigendum og íbúum á svæðinu milli Blöndu og Akureyrar fimmtudaginn 13. febrúar kl 16. Fundurinn hefst með nokkrum erindum áður en umræður og hugmyndavinna hefjast í hópum.

Sveitarstjórnarfundur miðvikudaginn 12. febrúar n.k. hefst kl. 12:00