Fréttir

Það var líf og fjör hjá yngri nemendum grunnskólanna í Skagafirði í gær þegar ævintýraóperan Baldursbrá var sýnd þ.e. útdráttur úr verkinu. Verkið er eftir Gunnstein Ólafsson og Böðvar Guðmundsson og byggir tónlistin að hluta á íslenskum þjóðlögum, bæði rímum og þulum og einnig bregður fyrir rappi og fjörugum dansi.

Laugardaginn 5. nóvember næstkomandi fagnar Sögufélag Skagfirðinga útgáfu nýrrar Skagfirðingabókar en í ár eru 50 ár síðan hún kom út í fyrsta skipti. Samkoma verður af því tilefni á Mælifelli á Sauðárkróki kl 14-16. Á þessum 50 árum hafa birst rúmlega 380 greinar af skagfirsku efni á um það bil 7.400 blaðsíðum.

Í tengslum við árlegan fræðsludag starfsmanna leik-, grunn- og tónlistarskóla Skagafjarðar þann 11. nóvember n.k., sem að þessu sinni er helgaður lestri og læsi, er boðað til funda með foreldrum barna í Skagafirði fimmtudaginn 10. nóvember.

Þjóðleikhúsið er á ferð um landið þessa dagana með barnasýningu sem nefnist Lofthræddi örninn Örvar. Í morgun fóru börn í skólahóp leikskólanna og 1. bekk grunnskólanna í Menningarhúsið Miðgarð og horfðu á sýninguna.

Fjölskyldusvið Sveitarfélagsins Skagafjarðar leitar eftir samstarfi við aðila sem gætu hugsað sér að taka börn í daggæslu á einkaheimili á Sauðárkróki eða næsta nágrenni.

Félagsþjónusta Norðurþings óskar eftir liðveitanda fyrir ungmenni með fötlun sem býr á Sauðárkróki.

Nú á haustmánuðum hefur Þjóðleikhúsið lagt land undir fót og boðið 5-6 ára börnum víðs vegar um landið að njóta barnasýningar í boði leikhússins. Með þessu vill Þjóðleikhúsið leggja sitt af mörkum til að kynna börnum heim leikhússins, því leikhúsferðir geta veitt ungum sem öldnum mikla gleði, örvað þroska og eflt hæfileika til að takast á við lífið og tilfinningar okkar.

Nú er búið að opna fyrir styrkumsóknir í Uppbyggingarsjóð Norðurlands vestra fyrir árið 2017 og einnig í nýjan sjóð Atvinnu- og nýsköpunarsjóð Norðurlands vestra.

Skagfirðingabraut verður lokað helgina 28. til 30. október vegna framkvæmda við gangbraut.