Fréttir

Vegna viðgerðar á stofnlögn verður heitavatnslaust fram eftir degi á Víðigrund á Sauðárkróki. Beðist er velvirðingar á óþægindum sem þetta kann að valda.

Vegna veðurs og slæmrar færðar verður seinkun á sorphirðu um 1-2 daga í efri bænum á Sauðárkróki (Hlíða- og Túnahverfi), í Hegranesi og í Varmahlíð. Móttökustöð Flokku verður opin samkvæmt áætlun.

Miðvikudagskvöldið 23. nóvember næstkomandi kl 20 verður lesið úr nýjum bókum í Safnahúsi Skagfirðinga á Sauðárkróki. Það koma fjórir rithöfundar í heimsókn og lesa úr nýútkomnum bókum sínum.

Árshátíð 1.-6. bekkjar Varmahlíðarskóla verður haldin í Menningarhúsinu Miðgarði föstudaginn 18. nóvember kl. 16:00. Nemendur sýna Ávaxtakörfuna eftir Kristlaugu Maríu Sigurðardóttur við tónlist Þorvalds Bjarna Þorvaldssonar. Leikstjóri er Jenný Lára Arnórsdóttir. Að sýningu lokinni verða kaffiveitingar en aðgangseyrir er 2000 kr fyrir fullorðna og 1000 kr fyrir börn á grunnskólaaldri.

Í dag er dagur íslenskrar tungu móðurmálsins okkar og fæðingardagur rómantíska skáldsins Jónasar Hallgrímssonar en hann var fæddur árið 1807. Jónas var ekki bara skáld, hann var líka náttúrufræðingur og rannskaði íslenska náttúru en hann lauk námi í náttúruvísundum frá Hafnarháskóla vorið 1838. Jónas hafði mikinn áhuga á móðurmálinu og var ötull við nýyrðasmíði til að forðast tökuorð m.a. þýddi hann bók um stjörnufræði og þar má finna mikinn fjölda nýyrða s.s. reikistjarna og sporbaugur.

Eftir eindæma góða veðurblíðu það sem af er vetri er spáð norðan stórhríð seinnipart vikunnar. Við viljum því benda fólki á hvernig snjómokstri er háttað í héraðinu. Vegagerðin sér alfarið um mokstur á þjóðvegi 1, Sauðárkróksbraut, Þverárfjallsvegi, Siglufjarðarvegi frá Sauðárkróksbraut og frá Siglufjarðarvegi heim í Hóla sem eru mokaðir daglega.

Hafnarsjóður Skagafjarðar á og rekur tvær hafnir í Skagafirði, á Sauðárkróki og á Hofsósi. Yfirhafnarvörður er jafnframt verndarfulltrúi. Leitað er eftir einstaklingi með mikinn metnað og áhuga á að takast á við fjölbreytt og krefjandi starf í líflegu umhverfi.

Í dag er fræðsludagur allra skólanna í Skagafirði og starfsfólk leikskóla, grunnskóla og tónlistarskóla héraðsins eru í Menningarhúsinu Miðgarði. Að þessu sinni er fræsðludagurinn helgaður lestri og læsi.

Næstkomandi laugardag þann 12. nóvember verður samkoma í Safnahúsi Skagfirðinga í tilefni Norræna skjaladagsins. Þennan dag kynna íslensku skjalasöfnin starfsemi sína og er yfirskrift dagsins „Til hnífs og skeiðar“ og tengist matvælum í víðum skilningi, þ.e. allt sem viðkemur matvælum, öflun fæðu, verkun, úrvinnslu, umsýslu og neyslu.