Fréttir

Sveitarfélagið Skagafjörður óskar eftir að ráða kvenmann til þess að sinna persónulegri aðstoð við konu á heimili hennar í nágrenni Varmahlíðar. Æskilegt er að viðkomandi geti hafið störf sem fyrst.

Stóra upplestrarkeppnin var haldin í sal bóknámshúss FNV í gær og þar öttu kappi tólf nemendur úr öllum grunnskólum Skagafjarðar og lásu textabút úr sögu og tvö ljóð. Nemendurnir stóðu sig með stakri prýði og báru þess glöggt vitni að hafa æft sig af kappi og fengið góða þjálfun hjá kennurum sínum. Nemendur Tónlistarskóla Skagafjarðar léku svo nokkur lög fyrir gesti hátíðarinnar.

Sundlaugin á Hofsósi verður lokuð fimmtudaginn 14. apríl. Það er hið venjubundna árlega viðhald sem er ástæða lokunarinnar.

Vísnakeppni Safnahúss Skagfirðinga er fastur liður í aðdraganda Sæluviku Skagfirðinga og nýtur mikilla vinsælda. Margir glíma við fyrripartana og senda inn botna sem og semja vísur um fyrirfram gefið efni. Safnahús Skagfirðinga stendur enn vaktina og sendir út fyrriparta til hagyrðinga sem fyrr og verður hún með sama sniði og undanfarin ár.

Á setningu Sæluviku Skagfirðinga 2016 verða veitt Samfélagsverðlaun Skagafjarðar í fyrsta sinn. Verðlaunin verða veitt árlega þeim einstaklingi, fyrirtæki, stofnun eða félagasamtökum í Sveitarfélaginu Skagafirði sem þykir standa sig afburðavel í að efla skagfirskt samfélag.

Laust er til umsóknar umönnunarstarf við Sambýlið á Hvammstanga. Um er að ræða sumarafleysingu frá 1. júní til 31. ágúst

Næsti fundur sveitarstjórnar verður haldinn miðvikudaginn 13. apríl kl. 16:15 á Ströndinni - Sæmundargötu 7

Nú er komið að lokahátíð stóru upplestrarkeppni 7. bekkja grunnskólanna í Skagafirði. Hátíðin fer fram í sal bóknámshúss fjölbrautaskólans þriðjudaginn 12. apríl kl 17.

Verkefnisstjórn rammaáætlunar kynnir drög að tillögu sinni að flokkun virkjunarkosta í menningarhúsinu Miðgarði, þann 12. apríl nk. milli kl 20-22 segir í fréttatilkynningu frá Umhverfis- og auðlindaráðuneytinu.