Fréttir

Fyrir um mánuði síðan sögðum við frá þeirri ánægjulegu þróun að íbúum Sveitarfélagsins Skagafjarðar hefði fjölgað talsvert að undanförnu. Þá stóð talan í 3928 íbúum. Nýjar tölur úr Þjóðskrá frá byrjun marsmánaðar segja okkur að íbúum hafi enn fjölgað.

Nemendur í Grunnskólanum austan Vatna verða með árshátíð á Hólum í dag föstudaginn 11. mars og í Sólgarðaskóla sunnudaginn 13. mars.

Nú er komið að hinni árlegu leiksýningu 10. bekkjar Árskóla í Bifröst og að þessu sinni varð hið sígilda leikrit um Mjallhvíti og dvergana sjö fyrir valinu. Leikstjóri er Guðbrandur Ægir Ásbjörnsson en höfundur verksins er Margarete Kaiser.

Sveitarfélagið Skagafjörður auglýsir nú eftir þátttöku í ljósmynda- og myndbandasamkeppni um myndir teknar í Skagafirði. Þemað er náttúra og mannlíf í sveitarfélaginu. Keppnin mun standa yfir til hádegis þann 31. júlí næstkomandi.

Dagdvöl aldraðra auglýsir laust til umsóknar starf í afleysingu í 1 ár. Starfið er laust frá og með 1. júní nk. og er í 77,75% starfshlutfalli. Dagdvöl auglýsir einnig eftir tveimur sumarstarfsmönnum í hlutastarf frá 25. maí 2016. Störfin eru unnin á dagvinnutíma.

Sveitarfélagið Skagafjörður óskar eftir því að ráða kvenkyns starfsmann í 70% starf í búsetu í Fellstúni 19b. Starfið er laust frá miðjum maí. Starfsmaður aðstoðar fatlað fólk við athafnir daglegs lífs og sinnir líkamlegum og félagslegum þörfum eftir því sem við á.

Fjölskylduþjónusta Sveitarfélagsins Skagafjarðar auglýsir eftir starfsmanni í heimaþjónustu á Sauðárkróki og nágrenni. Um 100% starf er að ræða. Heimaþjónusta er þjónustustarf sem unnið er inni á heimili eða í daglegu umhverfi þjónustuþega og byggir á lögum um félagsþjónustu sveitarfélaga.

Árshátíð yngri nemenda í Varmahlíðarskóla verður í Miðgarði föstudaginn 4. mars kl 15. Nemendur 1. - 6. bekkjar sýna leikritið um Hróa Hött eftir handriti Guðjóns Sigvaldasonar.

Ný heimasíða sveitarfélagsins fór í loftið síðastliðið sumar og nú hefur bæst við nýjung á síðuna til að auka þjónustuna við íbúana, ábendingargátt.