Fréttir

Í dag er dagur leikskólans og af því tilefni gerði starfsfólk Ársala á Sauðárkróki myndband um starfsemina sem sýnir vel hið fjölbreytta starf sem þar fer fram.

Í tilefni af degi leikskólans mánudaginn 6. febrúar verður opið hús á eldra stigi leikskólans Ársala á Sauðárkróki. Þar verður gestum og gangandi boðið að koma og fylgjast með daglegu starfi leikskólans bæði úti og inni.

Fjölskylduþjónusta Skagafjarðar auglýsir laust til umsóknar afleysingastarf í þjónustu við fatlað fólk í búsetu á Skúlabraut 22, Blönduósi.

Skipað hefur verið í þarfagreiningarnefnd um byggingu menningarhúss á Sauðárkróki. Byggir sú skipan á samkomulagi ríkisins og sveitarfélaganna í Skagafirði frá árinu 2005 um bætta aðstöðu til menningar- og listastarfsemi í Skagafirði með endurbótum á tveimur eldri byggingum.

Nýr yfirhafnarvörður hóf störf hjá Skagafjarðarhöfnum í dag, 1. febrúar, Dagur Þór Baldvinsson. Dagur Þór er menntaður sjávarútvegsfræðingur frá Háskólanum á Akureyri og mun í vor ljúka fjárnámi í APME verkefnastjórnun við Háskólann í Reykjavík með IPMA alþjóðlegri vottun.

Föstudaginn 27. janúar sl. gerði Félagsmiðstöðin Friður sér ferð á Dalvík á Norður-org en það er söngkeppni félagsmiðstöðva á Norðurlandi og ball fyrir ungmenni í 8.-10. bekk. Rannveig Sigrún Stefánsdóttir, 9. bekk Árskóla, var fulltrúi Friðar og söng hún sig í úrslit með lagið "Someone like you" eftir Adele.

Allir greiðendur fasteignagjalda til sveitarfélagsins, einstaklingar og lögaðilar, geta nú nálgast álagningarseðla í Íbúagátt á heimasíðu sveitarfélagsins. Einnig er hægt að sækja álagningarseðla á vefsíðu island.is undir flipanum "Mínar síður".

Síðastliðin sjö ár hefur Creditinfo unnið ítarlega greiningu sem sýnir rekstur hvaða íslensku fyrirtækja telst til fyrirmyndar að teknu tilliti til ýmissa þátta sem varða rekstur og stöðu þeirra. Að þessu sinni komust 624 fyrirtæki á listann af þeim rúmlega 35.000 sem skráð eru í hlutafélagaskrá.

Mánudaginn 23. janúar var haldinn vel heppnaður kynningarfundur í félagsheimilinu Árgarði þar sem kynntar voru fyrir íbúum og fasteignaeigendum fyrirhugaðar hitaveituframkvæmdir á svæðinu.