Fréttir

Sveitarfélagið Skagafjörður býður starfsmönnum sínum upp á þrjú námskeið nú í vor og eru námskeiðin haldin á mismunandi tímum svo flestir geti átt þess kost að nýta sér þau. Námskeiðin eru þátttakendum að kostnaðarlausu og eru þau hluti af fræðsluáætlun sveitarfélagsins.

Leikskólinn Ársalir auglýsir eftir sumarstarfsmönnum á tímabilinu 1. júní - 15. ágúst 2017.

Rúmlega 50 unglingar frá Félagsmiðstöðinni Friði í Skagafirði halda til Reykjavíkur í dag á SamFestinginn, stærstu unglingaskemmtun landsins. Rannveig Sigrún Stefánsdóttir mun keppa fyrir hönd Friðar á Söngkeppni Samfés á morgun og hefst bein útsending á RÚV kl. 13:00.

Sveitarfélagið Skagafjörður veitti styrk til þess að haldið yrði tveggja daga spjaldtölvunámskeið fyrir eldri borgara í Skagafirði. Námskeiðið hófst í gær og er samvinnuverkefni Félags eldri borgara í Skagafirði, Húss frítímans og Farskólans.

Byggðarráð Sveitarfélagsins Skagafjarðar vill beina því til þingmanna að beita sér gegn því frumvarpi sem nú liggur fyrir Alþingi um afnám einkaleyfis Áfengis- og tóbaksverslunar ríkisins á smásölu áfengis og heimilar áfengisauglýsingar og leggst gegn framkomnu frumvarpi.

Nú liggur frammi í ráðhúsi sveitarfélagsins skipulagslýsing vegna fyrirhugaðs deiliskipulags skíðasvæðis Ungmennafélagsins Tindastóls í Tindastóli. Skipulagslýsingin gerir ráð fyrir nýju deiliskipulagi fyrir svæðið sem er innan sérhæfðs útivistarsvæðis sem skilgreint er í aðalskipulagi Skagafjarðar 2009-2021.

Leikfélag Hofsóss sýnir gamanleikinn Maður í mislitum sokkum eftir Arnmund Backman í leikstjórn Þrastar Guðbjartssonar í Höfðaborg á Hofsósi. Frumsýnt verður föstudaginn 24. mars og segja leikarar að enginn verði svikinn af því að mæta í leikhús á Hofsósi.

Nú er komið að hinni árlegu leiksýningu 10. bekkjar Árskóla á Sauðárkróki og að þessu sinni er það sýningin Benedikt búálfur sem er sett á svið í Bifröst. Höfundur er Ólafur Gunnar Guðlaugsson og leikstjóri Guðbrandur Ægir Ásbjörnsson. Frumsýningin er í dag kl 17 og önnur sýning í kvöld kl 20.

Íbúagátt á heimasíðu sveitarfélagsins hefur verið uppfærð í nýjustu útgáfu. Gáttin er þjónustugátt fyrir einstaklinga og lögaðila. Til þess að skrá sig þar inn þarf annaðhvort rafrænt skilríki eða Íslykil til þess að gæta fyllsta öryggis. Kosturinn við Íbúagáttina er að þegar búið er að skrá sig þar inn er hægt að komast áfram í ýmsar þjónustur s.s. MENTOR, Matartorg og NÓRA án þess að þurfa að skrá sig aftur inn með lykilorði.