Fréttir

Allir greiðendur fasteignagjalda til sveitarfélagsins, einstaklingar og lögaðilar, geta nú nálgast álagningarseðla í Íbúagátt á heimasíðu sveitarfélagsins. Einnig er hægt að sækja álagningarseðla á vefsíðu island.is undir flipanum "Mínar síður".

Síðastliðin átta ár hefur Creditinfo unnið ítarlega greiningu sem sýnir rekstur hvaða íslensku fyrirtækja telst til fyrirmyndar að teknu tilliti til ýmissa þátta sem varða rekstur og stöðu þeirra. Að þessu sinni komust 868 fyrirtæki á listann og hafa þau aldrei verið fleiri.

Starfsmaður aðstoðar blindan einstakling í nágrenni Varmahlíðar. Starfið felst m.a. í aðstoð við athafnir daglegs lífs og félagslegum stuðningi. Starfið hentar konum jafnt sem körlum.

Næsti fundur sveitarstjórnar Sveitarfélagsins Skagafjarðar verður haldinn þriðjudaginn 23. janúar 2018 kl. 16:15 að Sæmundargötu 7.

Um 50% starfshlutfall er að ræða frá 1. mars 2018. Skólaritari starfar á skrifstofu leikskóla við almenn skrifstofustörf. Starfið hentar konum jafnt sem körlum.

Framkvæmdir við sundlaugina á Sauðárkróki ganga vel en hún opnar eftir þennan fyrsta framkvæmdaáfanga á þriðjudagsmorgun 23. janúar á venjulegum tíma kl 6:50.

Á dögunum komu nokkrir nemendur úr Listaháskóla Íslands í heimsókn til Árskóla á Sauðárkróki og sýndu nýtt, frumsamið leikverk fyrir nemendur 10. bekkjar. Að sýningu lokinni var boðið upp á tvær málstofur þar sem verkið, inntak þess og boðskapur var annars vegar ræddur og hins vegar listnám og listsköpun.

Sérstakur húsnæðisstuðningur er fjárstuðningur til greiðslu á húsaleigu umfram húsnæðisbætur sem veittar eru á grundvelli laga um húsnæðisbætur nr. 75/2016. Sérstakur húsnæðisstuðningur er ætlaður þeim fjölskyldum og einstaklingum sem ekki eru á annan hátt færir um að sjá sér fyrir húsnæði sökum lágra launa, lítilla eigna, þungrar framfærslubyrðar og félagslegra aðstæðna.

Móttaka verður í Síkinu, íþróttahúsinu á Sauðárkróki, klukkan 21 í kvöld þegar bikarmeistarar Tindastóls mæta á svæðið með Maltbikarinn. Allir stuðningsmenn Stólanna eru hvattir til að mæta og fagna með strákunum, fyrsta stóra titli félagsins.