Fréttir

Við óskum starfsmönnum, íbúum Sveitarfélagsins Skagafjarðar svo og landsmönnum öllum gleðilegra jóla og farsældar á nýju ári. Þökkum fyrir ánægjuleg samskipti og gott samstarf á árinu sem er að líða. Sveitarstjórn og sveitarstjóri Sveitarfélagsins Skagafjarðar.

Nú fer hátíð í hönd og styttist því opnunartími sundlauga sveitarfélagsins í nokkra daga og lokað verður á jóladag, annan dag jóla og nýársdag.

Fjárhagsáætlun Sveitarfélagsins Skagafjarðar fyrir árin 2018-2022 var samþykkt með átta atkvæðum við síðari umræðu á fundi sveitarstjórnar 13. desember s.l. Bjarni Jónsson (Vg og óháðir) bókaði að hann sæti hjá við atkvæðagreiðsluna.

Í gær, miðvikudag, var sjötti þáttur Atvinnupúlsins sýndur á sjónvarpsstöðinni N4. Í þættinum er rætt við framkvæmdastjóra SSNV, farið í heimsókn í Steypustöð Skagafjarðar, Gestastofu sútarans, rækjuverksmiðjuna Dögun, hugbúnaðarfyrirtækið Stefnu og í Kjarnann sem hýsir ýmis þjónustufyrirtæki Kaupfélags Skagfirðinga. Í fréttinni má finna hlekk til að horfa á þáttinn.

Störfin eru fólgin í skipulagningu og vinnu með börnum og unglingum í frístundaþjónustu sveitarfélagins. Störfin henta jafnt konum sem körlum.

Nú eru aðeins 10 dagar til jóla og þriðja vika jóladagskrár komin út. Eins og síðustu vikur þá er dagskráin fjölbreytt og hægt er að hefja helgardagskrána í dag, fimmtudag, með því að horfa á danssýningu nemenda Varmahlíðarskóla kl. 14 í íþróttamiðstöðinni í Varmahlíð. Tónlistarskóli Skagafjarðar verður með jólatónleika kl. 16:30 og 18:00 í matsal Árskóla og í kvöld heldur svo Grunnskólinn austan Vatna sína árlegu jólavöku í Höfðaborg á Hofsósi.

Starfið felur í sér að aðstoða fatlaða einstaklinga við athafnir daglegs lífs s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu.

Næsti fundur sveitarstjórnar verður haldinn að Sæmundargötu 7 þann 13. desember 2017 og hefst hann kl. 16:15

Upphaf starfs er frá 1. janúar 2018 eða eftir samkomulagi.