Fréttir

Í störfunum felst að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum.

Í gær 10. apríl komu góðir gestir í leikskólann Birkilund og afhentu börnum og starfsfólki bækur á hverja deild. Þetta voru fulltrúar Kvenfélags Seyluhrepps en á aðalfundi félagsins var ákveðið að úthluta 100.000 kr styrk úr Minningarsjóði Sigurlaugar Sigurðardóttur frá Fjalli til bókakaupa fyrir leikskólann.

Þriðjudaginn 10. apríl verður sundlaugin á Sauðárkróki lokuð milli kl 9 og 17 vegna framkvæmda. Laugin opnar að venju kl 6:50 og er opin til kl 20:30 eftir að hún opnar aftur seinnipartinn.

Umsóknarfrestur vegna sumarstarfs í málningarvinnu hjá Garðyrkjudeildinni hefur verið framlengdur til og með 22. apríl 2018.

Í dag var skrifað undir samstarfssamning milli Ungmennasambands Skagafjarðar (UMSS) og Sveitarfélagsins Skagafjarðar. Samningi þessum er ætlað að efla starf UMSS og aðildarfélaga þess með megináherslu á barna og unglingastarf, auk þess að stuðla að auknu samstarfi UMSS og Sveitarfélagsins Skagafjarðar á sviði íþrótta- og forvarnarmála.

Sundlaugin á Hofsósi verður lokuð vegna viðhalds mánudag til miðvikudags í næstu viku 9.-11. apríl.

Starfsmaður starfar á heimili fyrir fatlaða einstaklinga. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum.

Í störfunum felst að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Umsóknarfrestur er til og með 22. apríl 2018.

Í gær þann 4. apríl fór fram keppni í skólahreysti í íþróttahöllinni á Akureyri í Norðurlandsriðli. Það var Varmahlíðarskóli sem fór með sigur af hólmi og Grunnskólinn austan Vatna hreppti annað sætið en þessi sömu lið skipuðu einnig fyrstu tvö sætin í fyrra í sömu röð. Lokakeppnin í skólahreysti fer fram í Reykjavík þann 2. maí næstkomandi þar sem sigurvegarar allra riðlanna keppa um fyrstu sætin.