Fréttir

Opið er fyrir umsóknir í smávirkjanasjóð Norðurlands vestra. Tilgangur smávirkjanasjóðs Norðurlands vestra er að styrkja fyrstu skrefin í rannsóknum á mögulegum rennslisvirkjunum undir 10 MW að stærð á Norðurlandi vestra.

Nú er hægt að nálgast reikninga frá sveitarfélaginu rafrænt í íbúagátt sveitarfélagsins. Íbúar og fyrirtæki geta nú með auðveldum hætti séð alla sína reikninga á einum stað. Meðal reikninga sem hægt er að sjá eru reikningar vegna fasteignagjalda, leikskólagjalda og hitaveitu. Er þetta liður í að auka þjónustu við íbúa og fyrirtæki í Skagafirði þar...

Við vekjum athygli á því að umsóknir um leikskólapláss í leikskólanum Ársölum á Sauðárkróki þurfa að hafa borist fyrir 1. Maí n.k. til að eiga möguleika á að koma barni að í aðlögun haustið 2020. Sótt er um í gegnum Íbúagátt Sveitarfélagsins Skagafjarðar. Nánari upplýsingar veitir Sólveig Arna aðstoðarleikskólastjóri, í síma 867 5012, eða á...

Almannavarnir hafa fengið ábendingar um aukna hópamyndun unglinga á leiksvæðum að kvöldlagi. Ástæðan er líklega gott veður og þær jákvæðu fréttir sem hafa verið að berast af þróun mála er varðar afléttingu samkomubanns. Almannavarnir vilja brýna fyrir fólki að mikilvægt sé að halda fókus og sofna ekki á verðinum. Fyrsta skrefið í afléttingu samkomubanns tekur gildi 4. maí og því er ennþá í gildi þær takmarkanir á samkomum fólks eins og hefur verið undanfarnar vikur.

Boðað var í gær til aukafundar í Sveitarstjórn Sveitarfélagsins Skagafjarðar og hefst hann kl. 15:30 í dag, miðvikudaginn 15. apríl 2020. Fundurinn verður haldinn í gegnum fjarfundabúnað.

Í ljósi þeirra áhrifa sem COVID-19 hefur á samfélagið hefur Vegagerðin ákveðið að breyta áætlunum almenningsvagna (Strætó). Leið 57 sem hefur viðkomu hér í Skagafirði mun keyra alla daga eftir laugardags áætlun.

Kæru íbúar! Við viljum biðla til ykkar að vinna með okkur um páskahelgina. Það er mikið álag á öllum viðbragðsaðilum, s.s. lögreglu, sjúkraflutningafólki, heilbrigðisstarfsfólki og félagsþjónustu. Til þess að auka ekki álagið enn frekar væri gott ef allir myndu leggjast á eitt og fara eftir tilmælum yfirvalda um að halda sig eftir fremsta megni...

Eins og allir vita hafa takmarkanir verið talsverðar á skólahaldi vegna Covid-19. Reynt hefur verið að halda skólastarfi í eins föstum skorðum og mögulegt er miðað við aðstæður. Aðstæður í skólum eru eðli málsins samkvæmt afar misjafnar. Þannig er skólahald í Grunnskólanum austan Vatna með þeim hætti að allir nemendur geta komið í skólann daglega þar sem hægt hefur verið að aðskilja hópana í samræmi við tillögur sóttvarnarlæknis.

Það er afar mikilvægt þegar smit greinast, hvort sem það er innan eða utan Skagafjarðar, að geta rakið ferðir einstaklinga og það hverja þeir hafa hitt. Slík viðbrögð auka líkur á að hægt sé að takmarka verulega útbreiðslu smits. Ég vil því hvetja íbúa Skagafjarðar til að sækja sér smitrakningarappið sem heitir Rakning C-19. Appið hjálpar til við að greina ferðir einstaklinga og rekja saman við ferðir annarra þegar upp kemur smit eða grunur um smit. Því fleiri sem sækja appið, því betri og skilvirkari eru upplýsingarnar sem hægt er að vinna úr því. Appið er bæði fyrir Android- og iOS-tæki og er opið öllum.