Fréttir

Vegna tenginga í Háuhlíð verður heitavatnslaust í Háuhlíð og Barmahlíð um stund í dag. Vonast er til að rennsli komist aftur á innan tíðar.  Beðist er velvirðingar á óþægindum sem þetta kann að valda.

Veiðileyfi í eigu sveitarfélagsins í Laxá í Laxárdal í fyrrum Skefilsstaðahreppi eru til sölu. Um er að ræða tvo daga 30. júlí og 10. ágúst. Veiðisvæðin eru tvö. Svæði 1 er frá ósi árinnar við Sævarland að brúnni við Skíðastaði og svæði 2 frá brúnni að Háafossi.

Næsti fundur sveitarstjórnar Sveitarfélagsins Skagafjarðar verður haldinn miðvikudaginn 19. maí og hefst kl 16:15 að Sæmundargötu 7

Sérstökum sóttvarnaraðgerðum sem giltu um Skagafjörð og Akrahrepp hefur verið aflétt og lífið í Skagafirði er hægt og bítandi að færast í eðlilegt horf eftir hópsmit sem upp kom í sveitarfélaginu í byrjun síðustu viku. Lögreglan á Norðurlandi vestra birti í gær á Facebooksíðu sinni að 20 einstaklingar væru í einangrun í umdæminu og 113 í sóttkví....

Sveitarfélagið Skagafjörður vill vekja athygli á því að varptími fugla er hafinn og biður hunda- og kattaeigendur að taka tillit til þess. Þeim tilmælum er beint til kattaeigenda að halda köttum sínum innandyra á nóttunni og hengja bjöllur á hálsólar þeirra. Kettir eru öflug dýr sem geta haft neikvæð áhrif á stofn fugla sem verpa í nágrenni við mannabústaði ár hvert og því er mikilvægt að kattaeigendur fylgist með köttum sínum yfir varptíma fugla og á meðan ungar eru að verða fleygir.

Ákveðið hefur verið að hafa Safnahúsið áfram lokað í dag, föstudaginn 14. maí, en það hefur verið lokað þessa viku vegna Covid-smita í Skagafirði. Staðan verður metin um helgina um opnun í næstu viku. Rétt er að taka fram að ekki koma sektir á bækur sem á að skila þessa viku, þ.e. 10-14. maí.

Vegna ástandsins sem ríkir nú í Skagafirði í kjölfar Covid smita í samfélaginu er athygli vakin á því að eldra fólk og aðrir sem tilheyra viðkvæmum hópum sem hingað til hafa ekki fengið félagslega heimaþjónustu og/eða heimsendan mat geta haft samband við afgreiðslu Ráðhússins og óskað eftir símtali. Félagsráðgjafi mun hafa samband og aðstoða eftir...

Í kvöld fer fram leikur Tindastóls og Stjörnunnar í Domino's deild karla í Síkinu kl. 19:15. Tindastóll TV mun sýna beint frá leiknum og verður leikurinn í opinni dagskrá í boði Tindastóls TV og Sveitarfélagsins Skagafjarðar. Hvetjum við sem flesta til að fylgjast með leiknum með von um að þetta geti létt þeim lundina sem eru í sóttkví. Hægt er...

Nú þegar margir íbúar svæðiðsins eru komnir í sóttkví, er vert að rifja upp hvað má, og hvað má ekki í sóttkví. Í sóttkví má: Fara í stutta gönguferð i nágrenni sóttkvíarstaðar Nota flugrútu, einkabíl og leigubíl í ferð frá flugvelli Fara til læknis en hringja fyrst Í sóttkví má ekki: Umgangast annað fólk Vera í fjölmenni Nota strætó,...