Fréttir

Sveitarfélagið Skagafjörður leitar eftir kaupendum að „gamla barnaskólahúsinu“ við Freyjugötu á Sauðárkróki. Húsið, sem byggt er árið 1946, er um 910 fermetrar að stærð að meðtöldum leikfimisal sem er um 150 fermetrar að grunnfleti. Lóðin sem húsið stendur á er um 4.500 fermetrar.

Fjölbreytt sumarstörf í frístunda- og íþróttamálum eru nú auglýst laus til umsóknar. Störfin sem um ræðir eru í íþróttahúsi, flokkstjórar vinnuskóla, á íþróttavelli, starfsmenn Sumar-Tím og í sundlaugum.

Fundur verður haldinn í sveitarstjórn Sveitarfélagsins Skagafjarðar miðvikudaginn 17. febrúar kl. 16:15 í Ráðhúsinu á Sauðárkróki.

Fjölskylduþjónusta Sveitarfélagsins Skagafjarðar óskar eftir að ráða sálfræðing til starfa. Starfið er hvort tveggja á sviði skólaþjónustu og félagsþjónustu.

Fjöldi spennandi, skemmtilegra og krefjandi sumarstarfa í málefnum fatlaðs fólks hjá Sveitarfélaginu Skagafirði eru nú laus til umsóknar.

Nú er komið að vetrarfríi í skólunum í Skagafirði og breytist opnunartími sundlaugarinnar í Varmahlíð á meðan það stendur yfir. Fimmtudaginn 11. febrúar verður opið milli kl 14 og 21 og föstudaginn 12. febrúar verður lokað.

Síðustu árin hefur íbúum Sveitarfélagsins Skagafjarðar fækkað nokkuð og var fjöldinn kominn niður í 3910 íbúa 1. janúar 2015 samkvæmt opinberum tölum Hagstofu Íslands. Samkvæmt tölum úr þjóðskrá fór íbúafjöldinn lægst niður í 3884 íbúa í nóvember sl. en síðan hefur íbúum fjölgað talsvert á ný og eru þeir nú orðnir 3928.

Fjölskyldusvið Sveitarfélagsins Skagafjarðar óskar eftir að ráða karlmann til starfa í Sundlaug Sauðárkróks. Um eitt starf er að ræða í 92% starfshlutfalli. Æskilegt er að viðkomandi geti hafið störf sem fyrst.

Síðast liðin ár hefur Creditinfo unnið ítarlega greiningu sem sýnir hvaða íslensk fyrirtæki teljast til fyrirmyndar að teknu tilliti til ýmissa þátta sem varða rekstur og stöðu þeirra. Í ár eru það 682 fyrirtæki sem komust á listann af þeim 35.842 sem skráð eru í hlutafélagaskrá sem stóðust styrkleikamat Creditinfo og teljast því vera Framúrskarandi fyrirtæki 2015.