Fréttir

Kominn er upp leki í kalda vatninu sunnarlega á Hólavegi. Til að viðgerð geti farið fram þarf að loka fyrir rennsli á Hólavegi sunnan Öldustígs, Hólmagrund og Fornósi.

Nú standa yfir fjölmenningardagar í leikskólanum Ársölum sem hófust á bóndadaginn 22. janúar með árlegu þorrablóti. Þessa daga er þeim löndum sem börnin eru frá gert hátt undir höfði en börn af 13 þjóðernum, auk Íslands, eru í Ársölum þ.e.a.s. börnin eða foreldrar þeirra koma frá þessum löndum. Hverju landi fyrir sig er tileinkaður hádegismaturinn þessa daga.

Næstkomandi laugardag 6. febrúar er dagur leikskólans og ætla allir leikskólarnir í Skagafirði að gera eitthvað í tilefni dagsins.

Í gær var skrifað undir samning um sjúkraflutninga á starfssvæði Heilbrigðisstofnunar Norðurlands í Skagafirði. Heildarupphæð samningsins er 30.000.000 á ári. Tekur hann tillit til alls kostnaðar við mannahald, þjálfun og menntun ásamt eftirliti með búnaði greiningasveitar.

Allir greiðendur fasteignagjalda til sveitarfélagsins, einstaklingar og lögaðilar, geta nú nálgast álagningarseðla í Íbúagátt á heimasíðu sveitarfélagsins. Einnig er hægt að sækja álagningarseðla á vefsíðu island.is undir flipanum "Mínar síður".

Aukafundur verður haldinn í Sveitarstjórn Sveitarfélagsins Skagafjarðar fimmtudaginn 28. janúar kl. 12:45 í Ráðhúsinu á Sauðárkróki.

Nú er opið fyrir umsóknir í Uppbyggingarsjóð Norðurlands vestra og eru starfsmenn SSNV með vinnustofur fyrir umsækjendur af því tilefni til að aðstoða umsækjendur við gerð umsókna.

Félagsvísindastofnun Háskóla Íslands býður íbúum í Sveitarfélaginu Skagafirði og Akrahreppi til opins íbúafundar til að ræða samfélagsleg áhrif virkjanakosta í Skagafirði.

Truflun verður á kaldavatnsrennsli í Hlíða- og Túnahverfi frá morgni föstudagsins 22. janúar og fram undir hádegi vegna viðgerðar á stofnlögn.