Fréttir

Árshátíð miðstigs Árskóla verður haldin í félagsheimilinu Bifröst í dag 19. janúar og morgun 20. janúar. Það eru nemendur 5., 6. og 7. bekkjar sem munu stíga á stokk með fjölbreytta dagskrá, leik og söng úr ýmsum áttum.

Næsti fundur sveitarstjórnar Sveitarfélagsins Skagafjarðar verður haldinn miðvikudaginn 20. janúar í Ráðhúsinu á Sauðárkróki.

Uppbyggingarsjóður Norðurlands vestra auglýsir eftir umsóknum um styrki til menningarstarfs, atvinnuþróunar og nýsköpunar. Á árinu 2016 verður ein aðalúthlutun með umsóknarfresti til og með 15. febrúar.

Árshátíð eldri nemenda í Varmahlíðarskóla verður föstudaginn 15. janúar í Miðgarði og hefst hún kl 20. Það er söngleikurinn 6-tán á (von) LAUSU í leikstjórn Helgu Rósar Sigfúsdóttur sem verður settur á svið en höfundur verksins er Gísli Rúnar Jónsson.

Ný samþykkt um búfjárhald í þéttbýli í Sveitarfélaginu Skagafirði sem samþykkt var samhljóða á sveitarstjórnarfundi þann 14. október 2015 hefur tekið gildi. Þeir sem eiga eða hafa í umsjón sinni búfé skulu hafa sótt um búfjárleyfi fyrir 1. apríl 2016.

Hunda- og kattahreinsun fer fram í þjónustumiðstöð sveitarfélagsins að Borgarflöt 27 nú í dag 12. janúar, í gamla RKS húsinu. Kettir kl 17-18 og hundar kl 18-19. Eigendur eru beðnir að hafa með sér kvittun hafi þeir greitt leyfisgjald fyrir árið 2015.

Kjör íþróttamanns Skagafjarðar fyrir árið 2015 fór fram í Húsi frítímans sunnudaginn 27. desember síðastliðinn. Að kjörinu standa UMSS og Sveitarfélagið Skagafjörður. Það var hin unga og efnilega frjálsíþróttakona Þóranna Ósk Sigurjónsdóttir úr Tindastóli sem hlaut titilinn að þessu sinni.

Frá og með 1. janúar 2016 mun Sveitarfélagið Skagafjörður alla jafna ekki senda frá sér greiðsluseðla heim til gjaldenda. Krafan mun sem áður alltaf birtast í heimabönkum.

Varmahlíðarskóla barst góð gjöf frá versluninni Vélavali í Varmahlíð rétt fyrir jólin. Verslunarstjórinn Sigrún Guðlaugsdóttir kom færandi hendi með 30 endurskinsvesti í nokkrum stærðum merkt skólanum.