Fréttir

Sumardagurinn fyrsti skipar stóran sess í hugum margra sem gera sér gjarnan dagamun þann dag. Það er ýmislegt í boði til að lyfta sér upp í Skagafirði þennan fyrsta dag sumars sem er á morgun fimmtudaginn 23. apríl.

Þau leiðu mistök áttu sér stað við útgáfu reikninga fótboltaiðkenda í VetrarTím að það gleymdist að uppfæra textann. Á reikningunum stendur að tímabilið sé september til desember 2014 en á að vera janúar til maí 2015. Beðist er velvirðingar á þessu.

Sundlaugin í Varmahlíð lokar tímabundið mánudaginn 27. apríl vegna viðhalds. Tækjasalur og íþróttasalur verða samt opnir eins og vanalega.

Næsti fundur sveitarstjórnar verður haldinn miðvikudaginn 22. apríl kl. 16:15 í Ráðhúsinu á Sauðárkróki.

Fjölskyldusvið Sveitarfélagsins Skagafjarðar leitar að einstaklingi til að taka að sér starf sundlaugarvarðar við sundlaugina á Sólgörðum sumarið 2015.

Fram kemur á heimasíðu Skagafjarðarveitna að vegna viðgerðar á stofnæð þurfi að loka fyrir heita vatnið í neðri bænum sunnudaginn 19. apríl frá kl 8:00 Ekki verður heitavatnslaust í Hlíða- og Túnahverfi.

SMT hátíð var haldin nýlega í leikskólanum Birkilundi því skólinn er orðinn SMT sjálfstæður. Verið er að innleiða SMT skólafærni í leikskólum Skagafjarðar en hún felst í því að nota hrós og félagslega hvatningu til að styrkja jákvæða hegðun barnanna.

Það voru margir mættir í menntabúðir sem haldnar voru í Árskóla á Sauðárkróki síðastliðinn þriðjudag. Hægt var að velja á milli átta málstofa þar sem þátttakendum gafst kostur á að prófa, ræða og upplifa ýmsa tækni í kennslu.

Kvennakórinn Sóldís syngur fyrir dvalargesti á Heilbrigðisstofnun Norðurlands á Sauðárkróki laugardaginn 18. apríl kl. 16:30 á sjúkrahúsinu, deild 2 og kl. 17:00 á dvalarheimilinu. Ttónleikar verða um kvöldið í Höfðaborg á Hofsósi og hefjast kl. 20:30