Fréttir

Í dag, sunnudaginn 26. apríl, verður lista- og menningarhátíð Skagfirðinga sett í Húsi frítímans á Sauðárkróki kl 14. Flutt verður ávarp, tónlistaratriði og kynnt úrslit í vísnakeppni Héraðsskjalasafnsins.

Nú styttist í Sæluvikuna, lista- og menningarhátíð Skagfirðinga, en setning hennar verður næstkomandi sunnudag. Forsælan er samt komin á fullt og margir viðburðir í boði.

Í dag lætur Arna Kristjánsdóttir af störfum í Ráðhúsinu á Sauðárkróki eftir margra ára dygga þjónustu. Arna er búin að starfa í Ráðhúsinu síðan um mitt ár 2003 eða í tæp 12 ár en nú ætlar hún að flytja sig um set suður til Selfoss í námunda við systur sína.

Sumardagurinn fyrsti skipar stóran sess í hugum margra sem gera sér gjarnan dagamun þann dag. Það er ýmislegt í boði til að lyfta sér upp í Skagafirði þennan fyrsta dag sumars sem er á morgun fimmtudaginn 23. apríl.

Þau leiðu mistök áttu sér stað við útgáfu reikninga fótboltaiðkenda í VetrarTím að það gleymdist að uppfæra textann. Á reikningunum stendur að tímabilið sé september til desember 2014 en á að vera janúar til maí 2015. Beðist er velvirðingar á þessu.

Sundlaugin í Varmahlíð lokar tímabundið mánudaginn 27. apríl vegna viðhalds. Tækjasalur og íþróttasalur verða samt opnir eins og vanalega.

Næsti fundur sveitarstjórnar verður haldinn miðvikudaginn 22. apríl kl. 16:15 í Ráðhúsinu á Sauðárkróki.

Fjölskyldusvið Sveitarfélagsins Skagafjarðar leitar að einstaklingi til að taka að sér starf sundlaugarvarðar við sundlaugina á Sólgörðum sumarið 2015.

Fram kemur á heimasíðu Skagafjarðarveitna að vegna viðgerðar á stofnæð þurfi að loka fyrir heita vatnið í neðri bænum sunnudaginn 19. apríl frá kl 8:00 Ekki verður heitavatnslaust í Hlíða- og Túnahverfi.