Fréttir

Fjölskylduþjónusta Skagafjarðar óskar eftir að ráða stuðningsfulltrúa í 80% starf á dagvinnutíma. Í starfinu felst að sinna fötluðum einstaklingum. Hann sér um almenna umönnun þeirra vegna líkamlegra og félagslegra þarfa eftir því sem við á.

Nýjasta bindi Byggðasögu Skagafjarðar kemur út í dag og eru það byggðir Hofshrepps sem fjallað er um í bókinni.

Árshátíð 8. og 9. bekkjar Árskóla verður haldin í Bifröst miðvikudaginn 3. og fimmtudaginn 4. desember. Sýningar kl 17:00 og 20:00 báða dagana.

Dagur atvinnulífsins á Norðurlandi vestra verður haldinn í Miðgarði þriðjudaginn 2. desember kl 14:00. Dagskráin er á vegum SSNV og verða hvatningarverðlaun samtakanna afhent af þessu tilefni.

Kósý aðventukvöld í tali og tónum verður í húsi frítímans mánudaginn 1. des kl 20:00 Ýmsir flytjendur koma fólki í jólaskapið og Endurhæfingarstöð HSS verður færð gjöf Konfekt, piparkökur, jólat, kaffi og kósýheit. Allir velkomnir og frítt inn !

Útgáfu Byggðasögu Skagafjarðar verður fagnað þriðjudaginn 2. desember kl 20:00 í Höfðaborg Hofsósi. Upplestur verður úr nýju bókinni og flutt ávörp. Allir velkomnir !

Jólamarkaður verður í Húsi frítímans laugardaginn 29. nóvember frá kl 12-17. Fjölbreytt vöruúrval, heitt á könnunni og allir velkomnir !

Næstkomandi sunnudagur er sá fyrsti í aðventu og jólaundirbúningur skólanna í fullum gangi, friðarganga Árskóla, jólabingó Varmahlíðarskóla og kertasala hjá Grunnskólanum austan Vatna

Starfsmenn Skagafjarðarveitna eru þessa dagana að undirbúa borun á nýrri vinnsluholu í Fljótum til að fá meira heitt vatn fyrir íbúa svæðisins.