Fréttir

Heilsu- og hvatningarverkefnið Hjólað í vinnuna hefst 6. maí. Það er Íþrótta- og Ólympíusamband Íslands sem stendur fyrir verkefninu sem nú fer af stað í þrettánda sinn.

Leikskólinn Ársalir á Sauðárkróki óskar eftir að ráða starfsmenn til sumarafleysinga frá 1. júní - 14. ágúst 2015. Vakin er athygli á því að leikskólinn verður lokaður frá 20. júlí - 3. ágúst.

Árið 2014 hófu Skagafjarðarveitur mælavæðingu í þéttbýliskjörnum sveitarfélagsins. Búið er að skipta út eldri mælum á Hofsósi og Hólum og unnið er að uppsetningu mæla í Varmahlíð. Á næstu vikum hefst uppsetningin á Sauðárkróki.

Þótt sannkallaðri menningarveislu sé lokið með Sæluviku Skagfirðinga eru fjölmargir menningarviðburðir framundan í firðinum.

Í dag lýkur hinni árlegu lista- og menningarhátíð Skagfirðinga en í vikunni hafa verið í boði margir viðburðir og fjöldi manns sem hefur lagt hönd á plóginn til að gera Sæluvikuna sem fjölbreyttasta.

Það er óhætt að segja að laugardagurinn í Sæluviku sé langur því það er listinn yfir viðburði dagsins og því úr mörgu að velja. Frá morgunkaffi í Ljósheimum til trúbbakvölds á Kaffi-Krók.

Í dag eru stéttarfélögin í Skagafirði með hátíðardagskrá í bóknámshúsi FNV og björgunarsveitin Skagfirðingasveit fagnar 50 ára afmæli með opnu húsi í Sveinsbúð. Þetta er aðeins brot af því sem í boði er þennan föstudaginn.

Í dag er síðasti vinnudagur Steins Ástvaldssonar hjá Sveitarfélaginu Skagafirði þar sem þessi bráðungi maður lætur nú af störfum fyrir aldurs sakir.

Fjölskyldusvið Sveitarfélagsins Skagafjarðar auglýsir laust til umsóknar starf við heimaþjónustu á Hofsósi og í nágrenni. Um 30% starf er að ræða og viðkomandi þarf að geta hafið störf sem fyrst.