Fréttir

Fjöldi spennandi, skemmtilegra og krefjandi sumarstarfa í málefnum fatlaðs fólks hjá Sveitarfélaginu Skagafirði eru nú laus til umsóknar.

Nú er komið að vetrarfríi í skólunum í Skagafirði og breytist opnunartími sundlaugarinnar í Varmahlíð á meðan það stendur yfir. Fimmtudaginn 11. febrúar verður opið milli kl 14 og 21 og föstudaginn 12. febrúar verður lokað.

Síðustu árin hefur íbúum Sveitarfélagsins Skagafjarðar fækkað nokkuð og var fjöldinn kominn niður í 3910 íbúa 1. janúar 2015 samkvæmt opinberum tölum Hagstofu Íslands. Samkvæmt tölum úr þjóðskrá fór íbúafjöldinn lægst niður í 3884 íbúa í nóvember sl. en síðan hefur íbúum fjölgað talsvert á ný og eru þeir nú orðnir 3928.

Fjölskyldusvið Sveitarfélagsins Skagafjarðar óskar eftir að ráða karlmann til starfa í Sundlaug Sauðárkróks. Um eitt starf er að ræða í 92% starfshlutfalli. Æskilegt er að viðkomandi geti hafið störf sem fyrst.

Síðast liðin ár hefur Creditinfo unnið ítarlega greiningu sem sýnir hvaða íslensk fyrirtæki teljast til fyrirmyndar að teknu tilliti til ýmissa þátta sem varða rekstur og stöðu þeirra. Í ár eru það 682 fyrirtæki sem komust á listann af þeim 35.842 sem skráð eru í hlutafélagaskrá sem stóðust styrkleikamat Creditinfo og teljast því vera Framúrskarandi fyrirtæki 2015.

Kominn er upp leki í kalda vatninu sunnarlega á Hólavegi. Til að viðgerð geti farið fram þarf að loka fyrir rennsli á Hólavegi sunnan Öldustígs, Hólmagrund og Fornósi.

Nú standa yfir fjölmenningardagar í leikskólanum Ársölum sem hófust á bóndadaginn 22. janúar með árlegu þorrablóti. Þessa daga er þeim löndum sem börnin eru frá gert hátt undir höfði en börn af 13 þjóðernum, auk Íslands, eru í Ársölum þ.e.a.s. börnin eða foreldrar þeirra koma frá þessum löndum. Hverju landi fyrir sig er tileinkaður hádegismaturinn þessa daga.

Næstkomandi laugardag 6. febrúar er dagur leikskólans og ætla allir leikskólarnir í Skagafirði að gera eitthvað í tilefni dagsins.

Í gær var skrifað undir samning um sjúkraflutninga á starfssvæði Heilbrigðisstofnunar Norðurlands í Skagafirði. Heildarupphæð samningsins er 30.000.000 á ári. Tekur hann tillit til alls kostnaðar við mannahald, þjálfun og menntun ásamt eftirliti með búnaði greiningasveitar.