Fréttir

Nú er desember genginn í garð og fram undan önnur helgin í aðventu. Það verður mikið um að vera í Skagafirði um helgina og einnig sunnan heiða tengt héraðinu. Jólamarkaður verður í Húsi frítímans báða helgardagana og einnig heimboð í Gallerí Rúnalist á Stórhóli í gamla Lýtingsstaðahreppi.

Í kvöld er önnur umferð í Útsvari, spurningarkeppni sveitarfélaga, í beinni útsendingu á RÚV sem hefst kl 20:40. Lið Skagafjarðar mætir að þessu sinni liði Fljótsdalshéraðs en í fyrstu umferð unnu Skagfirðingar lið Ísfirðinga.

Minningarsjóður Svandísar Þulu færði leikskólanum Tröllaborg á Hofsósi bókagjöf í gær. Svandís Þula Ásgeirsdóttir lést í bílslysi þann 2. desember 2006 einungis fimm ára gömul. Hún var í bíl ásamt föður sínum og eldri bróður þegar slysið varð.

Ása Sóley Ásgeirsdóttir, nemandi í 10. bekk Varmahlíðarskóla, hlaut verðlaun síðastliðinn laugardag fyrir verkefni Forvarnardagsins. Af því tilefni var henni boðið til Bessastaða í síðdegisboð ásamt fjölskyldu og skólastjóra.

Í tilefni af Alþjóðadegi fatlaðs fólks þann 3. desember verður opið hús í Iðjunni í Aðalgötu 21 milli kl 10 og 15. Að venju verður ýmislegt handverk á boðstólum og jólate iðjusamra ásamt meðlæti.

Búast má við truflunum á rennsli í Varmahlíð og sunnan Varmahlíðar að Krithóli, Blönduhlíð, Langholti og Staðarsveit, Sæmundarhlíð, Hegranesi og Hofstaðaplássi. Viðgerð hefst kl. 13:00 og mun standa fram eftir degi. Beðist er velvirðingar á óþægindum sem þetta kann að valda.

Árshátíð 8. og 9. bekkja Árskóla verður í Bifröst 1. og 2. desember kl 17 og 20 báða dagana. Krakkarnir lofa gleði og gríni en þau setja á svið tvo leikþætti um endurfundi á ellheimili og nútímavæddan garlakarlinn í Oz.

Á laugardaginn verður kveikt á jólatrénu á Kirkjutorgi við hátíðlega athöfn enda aðventan að hefjast á sunnudaginn. Dagskráin hefst kl 15:30 en hún er fjölbreytt að vanda.

Árlega er gerð úttekt á vefjum opinberra stofnana og sveitarfélaga og að þessu sinni lenti skagafjordur.is í þriðja sæti ásamt tveimur öðrum með 87 stig. Það var vefurinn akranes.is sem var valinn besti sveitarfélagsvefurinn