Fréttir

Sveitarfélagið auglýsir til leigu fjögur tún á Nöfunum á Sauðárkróki ásamt aðstöðuhúsum, eftir því sem við á.

Kynning á tillögu á hættumati á ofanflóðum á Sauðárkróki verður í opnu húsi á Kaffi Krók fimmtudaginn 12. nóvember kl 16 - 18:30. Fulltrúar hættumatsnefndar verða á staðnum ásamt sérfræðingum frá Veðurstofu Íslands og kynna hættumatið. Tillagan var unnin af Veðurstofu Íslands og hættumatsnefndar Skagafjarðar

Næsti fundur sveitarstjórnar Sveitarfélagsins Skagafjarðar verður haldinn miðvikudaginn 11. nóvember 2015 kl. 16:15 í Ráðhúsinu á Sauðárkróki

Nú er búið að opna fyrir skráningar í VetrarTím fyrir börn sem æfa fótbolta, körfu, frjálsar og sund hjá Tindastóli. Öll börn skulu verða skráð inn í kerfið og er skráningin bindandi fyrir veturinn en hægt að afskrá og nýskrá börnin í byrjun janúar 2016

Það var mikið um að vera hjá nemendum og starfsfólki í Grunnskólanum austan Vatna í síðustu viku. Nemendur allra þriggja starfsstöðva skólans komu saman á Hofsósi í danskennslu og þemavinnu en þemað var vinátta.

Leikskólakennari óskast í 100% stöðu við Leikskólann Birkilund í Varmahlíð. Æskilegt er að viðkomandi geti hafið störf sem fyrst eða eftir samkomulagi.

Mánudaginn 26. október slíðastliðinn var heitu vatni hleypt á stofnlögn í Fljótum, frá dælustöð í landi Langhúsa og að dælustöð við Molastaði, samtals um 8 km leið segir á heimasíðu Skagafjarðarveitna.

Árskóladagurinn var haldinn 24. október síðastliðinn. Þá stóðu nemendur og kennarar fyrir opnu húsi í skólanum þar sem gestir voru boðnir velkomnir að skoða verkin sem nemendur unnu á þemadögunum sem voru dagana á undan. Nemendur voru einnig með til sölu ýmsar vörur sem þeir höfðu útbúið og seldu kaffi og meðlæti. Dagurinn heppnaðist mjög vel og komu margir í skólann þennan dag og krakkarnir náðu að safna umtalsveðri upphæð.

Safnahús Skagfirðinga var opnað í dag eftir miklar og gagngerar endurbætur á húsnæðinu. Var ný lyfta m.a. tekin formlega í notkun en það var dyggur gestur safnsins, Anna Þórðardóttir, sem fór fyrstu ferðina með henni. Er óhætt að segja að allt aðgengi að söfnum hússins aukist til muna við þær endurbætur sem fram hafa farið og um leið er húsið orðið hið glæsilegasta.