Fréttir

Vegna viðgerðar á stofnlögn í neðri bænum á Sauðárkróki verður heita vatnið tekið af kl 17 í dag 2. maí og þarf af leiðandi þarf að loka sundlaug Sauðárkróks kl 16:30. Sundlaugin opnar á venjulegum tíma í fyrramálið.

Vegna viðgerðar á stofnlögn verður heitavatnslaust í neðri bænum á Sauðárkróki frá kl. 17 í dag, miðvikudaginn 2. maí, og fram eftir kvöldi. Lokað verður frá Bárustíg og út á Eyri. Skagafjarðarveitur biðjast velvirðingar á þeim óþægindum sem þetta kann að valda.

Ingvi Hrannar Ómarsson, kennsluráðgjafi í Árskóla, hefur verið valinn einn af hundrað áhrifavöldum um menntamál í heiminum af hundred.org. Við óskum Ingva til hamingju með viðurkenninguna en horfa má á ítarlegt viðtal við hann sem tekið var af þessu tilefni.

Á verkalýðsdaginn þriðjudaginn 1. maí verður opið í sundlaug Sauðárkróks kl 10-16 og í sundlauginni á Hofsósi kl 11-15. Sundlaugin í Varmahlíð verður lokuð frá og með mánudeginum 30. apríl um óákveðinn tíma vegna framkvæmda við uppsetningu rennibrautar.

Sæluvika Skagfirðinga, hin árlega lista- og menningarhátíð, hefst um helgina. Í Sæluviku verður boðið upp á fjölbreytta menningardagskrá víðs vegar um fjörðinn. Sæluvika Skagfirðinga er ein elsta menningarhátíð landsins og nær saga hennar allt aftur til ársins 1874 þegar svonefndar sýslunefndarvikur hófu göngur sínar.

Sveitarstjórnarkosningar fara fram þann 26. maí n.k. Framboðsfrestur rennur út þann 5. maí kl. 12:00 á hádegi.

Forstöðumaður veitir forstöðu Dagdvöl aldraðra og hefur daglega umsjón með faglegu starfi og rekstri starfseminnar þ.m.t. starfsmannahaldi. Umsóknarfrestur er til og með 15. maí 2018.

Sveitarfélagið Skagafjörður vill vekja athygli á því að varptími fugla er hafinn og biður hunda- og kattaeigendur að taka tillit til þess. Þeim tilmælum er beint til kattaeigenda að halda köttum sínum innandyra á nóttunni og hengja bjöllur á hálsólar þeirra.

Aukafundur verður haldinn í Sveitarstjórn Sveitarfélagsins Skagafjarðar miðvikudaginn 25. apríl kl. 16:15 að Sæmundargötu 7