Fréttir

Starf sviðsstjóra veitu- og framkvæmdasviðs er laust til umsóknar hjá Sveitarfélaginu Skagafirði. Á veitu- og framkvæmdasviði starfa um 25 manns að fjölbreyttum verkefnum; hita- og vatnsveitu, viðhaldi- og nýbyggingu fasteigna, gatnagerð, fráveitu, umhverfis- og hreinlætismálum o. fl.

Félag ferðaþjónustunnar í Skagafirði stóð nýverið fyrir ljósmyndasamkeppninni Skagafjörður með þínum augum. Í keppnina barst fjöldi mynda og var myndefnið fjölbreytt. Veitt voru verðlaun í fimm flokkum og varð niðurstaðan eftirfarandi: 1. Mannlíf: Messa í Ábæjarkirkju, höfundur Katrín Magnúsdóttir. 2. Listrænt: Ernan úr lofti, höfundur Norbert Ferencson. 3. Ljós í myrkri: Grafarkirkja, höfundur Norbert Ferencson. 4. Hestar: Hestur að sprella, höfundur Christoph Dorsch. 5. Landslag: Sólsetur, höfundur Einar Gíslason.

Byggðasafn Skagfirðinga auglýsir starf deildastjóra fornleifadeildar laust til umsóknar.Óskað er eftir öflugum og metnaðarfullum einstaklingi sem er reiðubúinn að hafa yfirumsjón með rannsóknarstarfsemi Byggðasafns Skagfirðinga á sviði fornleifafræði, í samstarfi við safnstjóra og í samræmi við stofnskrá safnsins og samþykkta safnstefnu. Um er að...

Fyrsti sunnudagur í aðventu er um helgina og því verða ljósin tendruð á jólatrénu á Kirkjutorgi á laugardaginn kl 15:30. Jólatréð þetta árið kemur úr svokölluðum hátíðarreit í Skógarhlíðinni ofan við Sauðárkrók og verður dagskráin með hefðbundnum hætti, söngur, dans og jólasveinar.

Í næstu viku er komið að hinum árlega opna degi í Iðjunni við Sæmundarhlíð á Sauðárkróki. Tilefnið er Alþjóðadagur fatlaðs fólks þann 3. desember næstkomandi.

Á fundi sveitastjórnar Sveitarfélagsins Skagafjarðar þann 13. nóvember sl. var samþykkt viljayfirlýsing þar sem sveitarfélögin Skagafjörður og Akrahreppur samþykkja að stefna að uppbyggingu skólamannvirkja fyrir leik-, grunn- og tónlistarskóla á einum stað í núverandi húsnæði Varmahlíðarskóla. Áður hafði hreppsnefnd Akrahrepps samþykkt...

Ákveðið hefur verið að endurskoða aðalskipulagsáætlun sveitarfélagsins 2020-2035. Forsendur fyrir endurskoðun eru m.a. stefnumörkun varðandi íbúaþróun og atvinnustarfsemi, áherslur í landbúnaði, yfirbragð byggðar, loftlagsmál, náttúra og útivist ásamt stefnu um samfélagsþjónustu.

Í kvöld, þriðjudaginn 19. nóvember, verða nokkrir höfundar staddir í bókasafninu við Faxatorg á Sauðárkróki og munu lesa upp úr nýútkomnum bókum sínum. Samkoman hefst kl 20.

Einar Andri Gíslason hefur verið ráðinn í starf byggingarfulltrúa hjá sveitarfélaginu til eins árs. Einar Andri er menntaður byggingarfræðingur frá VIA University College í Horsens í Danmörku, ásamt því að vera með sveins- og meistarabréf í húsasmíði. Hann hefur starfað hjá sveitarfélaginu frá árinu 2010 sem starfsmaður skipulags- og...