Fréttir

Næsti fundur sveitarstjórnar Sveitarfélagsins Skagafjarðar verður haldinn miðvikudaginn 17. mars kl 16:15 að Sæmundargötu 7

Leikskólinn Ársalir verður opnaður kl. 13:00 í dag. Þótt veðrið sé að ganga niður er þó ennþá mikil ófærð í bænum og margar götur ófærar. Af þeim sökum eru þeir foreldrar sem geta vinsamlega beðnir um að hafa börnin sín heima í dag.

Kannski voru margir farnir að vona að vorið væri rétt handan við hornið eftir veðurblíðuna undanfarið. En þá ákvað vetur konungur heldur betur að minna á sig. Eðli málsins samkvæmt setur veður og færð ýmsa þjónustu sveitarfélagsins úr skorðum en reynt er eftir fremsta megni að láta hlutina ganga eins og hægt er. Allir grunnskólar í héraðinu eru lokaðir í dag. Leikskólinn Birkilundur í Varmahlíð er opinn en lokað er á Hólum og á Hofsósi til kl. 10:00 – þá verður staðan endurmetin. Leikskólinn Ársalir á Sauðárkróki er lokaður en ákveðið hefur verið að meta stöðuna kl. 11:00 og sjá hvort hægt verður að opna þá.

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Guðmundur Ingi Guðbrandsson, umhverfis- og auðlindaráðherra, gerðu í gær grein fyrir úthlutun fjármuna til uppbyggingu innviða, náttúruverndar og annarra verkefna á ferðamannastöðum árið 2021. Samtals er nú úthlutað 764 milljónum króna úr Landsáætlun um...

Nýsköpunarkeppni 5.bekkja í Skagafirði fór fram í síðustu viku. Allir nemendur í 5.bekk í Grunnskólanum austan Vatna, Árskóla og Varmahlíðarskóla fengu fræðslu um nýsköpun ásamt því að hanna og móta hugmyndir að nýjum uppfinningum. Nemendur hönnuðu sína hugmynd frá grunni, sumir einir og aðrir í hópum. Í framhaldi af hugmyndavinnnunni útbjuggu þeir myndband í Flipgrid sem þeir skiluðu svo inn til yfirferðar.

Frá og með mánudeginum 8. mars verða opnunartímar sorpmóttökustöðvanna Flokku og Förgu sem hér segir: Opnunartímar Flokku á Sauðárkóki: Mánudaga - föstudaga er opið frá kl. 8 - 17 Laugardaga er lokað Sunnudaga er opið frá kl. 15 - 18 Opnunartímar Förgu í Varmahlíð: Mánudaga, miðvikudaga, föstudaga og laugardaga er opið frá kl. 14 -...

Sundlaug Sauðárkróks verður opin lengur en vanalega laugardaginn 6. mars eða frá kl. 10-18. Kjörið tækifæri til þess að nýta daginn á skíðum eða til ýmiskonar útivistar og skella sér svo í sund. Hlökkum til að sjá ykkur! Kveðja, starfsfólk sundlaugarinnar.

Sveitarstjórn Sveitarfélagsins Skagafjarðar samþykkti á fundi  24. febrúar 2021 tillögu að deiliskipulagi fyrir nýja götu, Nestún, í Túnahverfinu svokallaða á Sauðárkróki. Á sama fundi var einnig samþykkt tillaga að deiluskipulagi fyrir Depla í Fljótum. Í Nestúni er gert ráð fyrir alls 14 nýjum byggingarlóðum fyrir einbýlishús.  Staðsetning...

Vegna viðgerðar í brunni við Skólastíg þarf að loka fyrir heita vatnið á Freyjugötu, Knarrarstíg og Sæmundargötu 1 a og b. Skrúfað verður fyrir rennsli um kl. 8:30 og mun lokunin vara fram eftir degi. Notendur á svæðinu eru beðnir velvirðingar á þeim óþægindum sem þetta kann að valda.