Fréttir

Auglýst er eftir fólki til starfa við málefni fatlaðs fólks - búsetu, skammtímavistun og dagþjónustu til sumarafleysinga og einnig í frekari liðveislu 50% framtíðarstarf

Fjölskylduþjónusta Skagafjarðar auglýsir eftir dagforeldri til að taka að sér daggæslu barna á einkaheimili á Sauðárkróki eða næsta nágrenni.

Um helgina var atvinnu- menningar- og mannlífssýningin Lífsins gæði og gleði haldin í íþróttahúsinu á Sauðárkróki. Óhætt er að segja að sýningin hafi heppnast vel og er áætlað að um fimm þúsund manns hafi heimsótt sýninguna báða dagana.

Hrefna Gerður Björnsdóttir hefur verið ráðin í stöðu mannauðstjóra hjá Sveitarfélaginu Skagafirði. Alls sóttu 33 umsækjendur um starfið og þar af drógu sjö umsókn sína til baka. Hrefna Gerður lauk BA prófi í lögfræði árið 2007 og meistaraprófi í lögfræði árið 2010. Lokaritgerð hennar til ML prófs fjallaði um áminningar starfsmanna ríkisins, skv. 21.gr. laga nr. 70/1996. Hún hefur einnig lokið fjölmörgum námskeiðum hjá Félagsmálaskóla Alþýðu og frá Fræðslusetri Starfsmenntar m.a. samningar sveitarfélaga og SGS.

Sunnudaginn 27. apríl verður Sæluvikan sett í íþróttahúsinu á Sauðárkróki á atvinnulífssýningunni Lífsins gæði og gleði. Margir fleiri viðburðir verða um helgina og því úr nógu að velja vilji menn gera sér glaðan dag.

Næstkomandi sunnudag verður Sæluvika Skagfirðinga formlega sett á atvinnulífssýningunni, Lífsins gæði og gleði. En Skagfirðingar eru þekktir fyrir að kunna að skemmta sér og því er ýmislegt um að vera áður en hin formlega Sæluvika hefst.

Þau leiðu mistök eru í auglýsingu fyrir dagskrána í Menningarhúsinu Miðgarði í Sæluvikudagskrá að sýning Möguleikhússins á Eldklerkinum, einleik um Jón Steingrímsson og Skaftárelda, er sögð verða miðvikudaginn 28. apríl. Hið rétta er að sýningin er á mánudegi, sem vissulega er 28. apríl.

Alls sóttu 33 umsækjendur um starf mannauðsstjóra hjá sveitarfélaginu, þar af drógu sjö umsókn sína til baka. Hér að neðan er nafnalisti umsækjenda í starfrófsröð.

Þessa dagana er unnið að uppsetningu skilta vegna lækkunar hámarkshraða í íbúagötum á Sauðárkróki. Nokkrar umræður hafa verið um þessi mál á síðustu árum og á fjárhagsáætlun fyrir árið 2013 voru lagðar 3 milljónir í verkefnið. Verkið tafðist af ýmsum ástæðum en nú er uppsetning skilta langt komin og stefnt að því að hraðatakmarkanir taki gildi 1. maí nk.