Fréttir

Á morgun sunnudaginn 30. apríl verður formleg setning Sæluviku Skagfirðinga í Safnahúsinu á Sauðárkróki. Sæluvikan er gamall menningarviðburður en upphaflega kallaðist vikan Sýslufundarvika og þá kom sýslunefnd Skagafjarðarsýslu saman til fundarhalda. Það er fjölbreytt dagskrá framundan næstu dagana enda um flotta lista- og menningarhátíð að ræða.

Nú er vorboðinn ljúfi, Sæluvika Skagfirðinga, að hefjast og verður mikið um að vera nú um helgina en setningin er á sunnudaginn. Nemendur 1.-4. bekkja Árskóla tóku forskot á sæluna og buðu eldri borgurum í sumarsælukaffi í skólann sinn í morgun.

5 sumarstörf eru laus til umsóknar á Leikskólanum Ársölum.

Næsti fundur Sveitarstjórnar Sveitarfélagsins Skagafjarðar verður haldinn mánudaginn 8. maí kl: 16.15

Starfsfólk Flokku fær oft fyrirspurnir um hvernig á að ganga frá því sem má fara í grænu tunnuna og hvað það er sem má fara þangað. Bæklingur Flokku sem gefinn var út þegar græna tunnan var tekin í notkun, er enn í gildi. Eina breytingin er sú að allt plast, stíft og lint, má fara saman og ekki skal setja pappír í plastpoka heldur fer hann laus í tunnuna.

Nú er vor í lofti og apríl að renna sitt skeið og 1. maí næstkomandi mánudag en þá verður sundlaugin í Varmahlíð opin kl 10-15. Laugin verður lokuð 9. - 14. maí en þá verður hún hreinsuð.

Leitað er að kvenkyns einstaklingi sem hefur áhuga á að starfa með fötluðu fólki og hefur til að bera lipurð í mannlegum samskiptum.

Leitað er eftir starfsmanni til að sinna félagslegum stuðningi við fatlaðan einstakling.

Í gær var keppt til úrslita í Ólafsfirði í stærðfræðikeppni Fjölbrautaskóla Norðurlands vestra, Menntaskólans á Tröllaskaga og nemendum 9. bekkja grunnskólanna á þessum svæðum. Úrslit urðu þau að Hildur Heba Einarsdóttir úr Árskóla á Sauðárkróki sigraði keppnina, í öðru sæti var Jódís Helga Káradóttir úr Varmahlíðarskóla og Styrmir Þeyr Traustason úr Dalvíkurskóla var þriðji.