Fréttir

Á síðasta fundi sveitarstjórnar Sveitarfélagsins Skagafjarðar, þann 12. apríl síðastliðinn, var samþykkt að auglýsa tillögu að deiliskipulagi fyrir sundlaugar- og íþróttasvæðið við Skagfirðingabraut á Sauðárkróki. Tillagan felur í sér gerð deiliskipulags fyrir svæðið og nánasta umhverfi þess með það að markmiði að fá fram heildstætt skipulag.

Allar líkur eru á því að næsti fundur sveitarstjórnar Sveitarfélagsins Skagafjarðar verði haldinn 3. maí nk.

Sveitarfélagið Skagafjörður óskar íbúum og landsmönnum öllum gleðilegra páska með von um að allir hafi það sem best yfir hátíðina og eigi ánægjulegar samverustundir.

Íbúðalánasjóður tilkynnti um niðurstöðu síðari úthlutunar stofnframlaga árið 2016 á hádegisverðarfundi þann 6. apríl sl. Er þar um að ræða framlög til kaupa eða bygginga á hagkvæmum byggingum, svokölluðum leiguheimilum, sem er nýtt og byltingarkennt kerfi að danskri fyrirmynd sem gerir meðaltekjufólki kleift að komast í langtímaleigu.

Það verður nóg um að vera í Skagafirði um páskana, hvort sem menn vilja fara á skíði, tónleika, leikhús, slaka á í sundlaugum Skagafjarðar eða fara til kirkju. Allir ættu að geta fundið eitthvað við sitt hæfi.

Fundur verður haldinn í Sveitarstjórn Sveitarfélagsins Skagafjarðar að Sæmundargötu 7B í dag, 12. apríl og hefst fundurinn kl. 16:15

Umsóknarfrestur vegna sumarstarfa í sundlaug Varmahlíðar hefur verið framlengdur til og með 23. apríl 2017.

Nú líður að páskum og nemendur grunnskólanna komnir í páskafrí og margir á ferð og flugi og vinsælt að fara í sund. Opnunartími sundlaugarinnar á Sauðárkróki er kl 10-17:30 alla páskahelgina, á Hofsósi kl 12-17:30 og í Varmahlíð kl 10-15 en lokað þar á föstudaginn langa og páskadag.

Vísnakeppni Safnahúss Skagfirðinga verður á sínum stað sem endranær í Sæluviku enda hefur hún notið mikilla vinsælda allt frá árinu 1976 er hún var haldin í fyrsta sinn. Reglurnar eru einfaldar; annars vegar botna vísnavinir fyrirfram gefna fyrriparta og eða semja vísu um ákveðið málefni. Ekki er nauðsynlegt að botna allt og einnig er í lagi að senda bara inn vísu.