Fréttir

Árshátíð Grunnskólans austan Vatna verður haldin hátíðleg um helgina í skólanum á Hólum og á Sólgörðum. Árshátíðin á Hólum verður í dag 16. mars kl 20 þar sem nemendur setja á svið (og á skjá) stutta leikþætti sem þeir hafa samið og að sýningu lokinni býður foreldrafélagið upp á kaffihlaðborð.

Dagdvöl aldraðra hefur framlengt umsóknarfrest vegna sumarstarfa til og með 2. apríl nk. Um er að ræða þrjú störf í 48-78% starfshlutfalli. Unnið er á dagvinnutíma.

Heimilið Fellstúni hefur framlengt umsóknarfrest vegna sumarstarfa. Um er að ræða 5 störf í 50-100% starfshlutfalli frá 17. maí til 25. ágúst 2018. Umsækjendur skulu hafa náð 18 ára aldri.

Garðyrkjudeildin hefur framlengt umsóknarfrest vegna sumarstarfa.

Lista- og menningarhátíð Skagfirðinga verður að þessu sinni haldin dagana 29. apríl til 5. maí 2018. Nú er verið að kalla eftir upplýsingum um viðburði í Sæluviku og tilnefningum fyrir Samfélagsverðlaun Skagafjarðar.

10. bekkur Árskóla setur upp leikritið Glanna glæp í Latabæ þetta árið og eru fyrstu sýningarnar miðvikudaginn 14. mars kl 17 og 20. Höfundur er Magnús Scheving en leikgerð ásamt honum er eftir Sigurð Sigurjónsson og leikstjóri er Guðbrandur Ægir Ásbjörnsson.

Þessa dagana fer fram í Safnahúsi Skagfirðinga sýningin Endurspeglun eftir listakonuna Ísabellu Leifsdóttur. Með sýningunni vill listakonan vekja athygli á ofgnóttinni í samfélagi okkar. Hún sýnir spegla sem hún hefur skreytt með smádóti úr plasti sem var á leið í endurvinnslu.

Byggðastofnun hefur fengið Orkustofnun til að reikna út kostnað við raforkunotkun og húshitun, á sömu fasteigninni á nokkrum þéttbýlisstöðum og nokkrum stöðum í dreifbýli, á ársgrundvelli frá árinu 2013. Viðmiðunareignin er einbýlishús, 140 m2 að grunnfleti og 350m3.

Umsóknarfrestur vegna sumarstarfa hefur verið framlengdur til og með 18. mars 2018.