Fréttir

Ákveðið hefur verið að framlengja umhverfisdaga Skagafjarðar 2025 til og með 25. maí. Íbúar eru hvattir til að hlúa að umhverfinu og er takmarkið,snyrtilegra og fegurra umhverfi. Mikilvægt er að íbúar, fyrirtæki, býli og félagasamtök taki höndum saman, tíni rusl, komi bílhræjum, vélhræjum og öðrum hræjum í endurvinnslu. Snyrti til í og við lóðir sínar og lönd, og á nærliggjandi opnum svæðum. Jafnframt minnum við á að einstaklingar geta losað sig við úrgang gjaldfrjálst á móttökustöðvum sveitarfélagsins.

Íbúar við Víðihlíð á Sauðárkróki athugið. Vegna endurnýjunar á heimæð verða truflanir á rennsli í hitaveitu og á köflum alveg heitavatnslaust í dag. 

Næstu daga verða framkvæmdir á Túngötu á Sauðárkróki. Gatan verður malbikuð og verður einstefna um götuna á meðan. Vegfarendur eru beðnir um að sýna vinnuflokknum tillitssemi meðan á framkvæmdum stendur.

Skagafjörður auglýsir til leigu alls 38 ha beitarhólf í Efri-Flóa ofan Hofsóss. Ársleiga á hvern ha eru 12.000 kr. en hægt er að óska eftir hluta hólfsins til beitar, þó ekki minna en 10 ha. Leigutaki sér um að girða landið búfjárheldri girðingu. Frekari upplýsingar veitir Kári Gunnarsson s.659 3970. Umsóknarfrestur er til 5. júní og sækja skal um skriflega með tölvupósti á kari@skagafjordur.is

Sundlaugin í Varmahlíð verður lokuð frá og með mánudeginum 19. maí vegna viðhaldsvinnu. Opnun verði auglýst síðar.

Vakin er athygli á því að vegna fráveituframkvæmda í Víðihlíð á Sauðárkróki í dag og  á morgun, megi búast við vegaþrengslum á framkvæmdasvæðinu. Beðist er velvirðingar á þeim óþægindum sem þetta kann að valda og eru vegfarendur beðnir um að sýna aðgát og tillitssemi.

38. fundur sveitarstjórnar verður haldinn að Sæmundargötu 7a, miðvikudaginn 14. maí 2025 og hefst kl. 16:15 Dagskrá:Fundargerð 1. 2504006F - Byggðarráð Skagafjarðar - 1411.1 2503329 - Bréf frá foreldraráði Ársala1.2 2504016 - Styrktarsjóður EBÍ1.3 2504029 - Aðalfundur Landskerfis bókasafna hf 20251.4 2503299 - Tilboð í hólf nr. 23 Hofsósi1.5...