Fréttir

Eftir yfirferð umsókna ákvað valnefnd EDEN verkefnisins á Íslandi að útnefna Sveitarfélagið Skagafjörð sem gæðaáfangastað Íslands 2015 fyrir verkefnið Matarkistan Skagafjörður.

Tónlistarskóli Skagafjarðar óskar eftir að ráða tvo fiðlukennara fyrir skólaárið 2015-16. Annan í 100% stöðu og hinn í 50% forfallakennslu vegna fæðingarorlofs, sem getur kennt á selló og kontrabassa.

Í síðustu viku hófst uppgröftur á 11. aldar kristnum grafreit í Keflavík í Hegranesi en á næstu vikum verða um 20 manns við fornleifa- og jarðfræðirannsóknir víða í Hegranesi. Rannsóknunum stýra Guðný Zoëga, John Steinberger og Douglas Bolender.

Í tilefni þess að 35 ár eru liðin frá því að Vigdís Finnbogadóttir var kjörin í embætti forseta Íslands, fyrst kvenna í heiminum sem þjóðkjörinn forseti, voru gróðursettar þrjár birkiplöntur í Þuríðarlundi henni til heiðurs.

Fjölskyldusvið Sveitarfélagsins Skagafjarðar óskar eftir að ráða tvo karlmenn í Sundlaug Sauðárkróks. Um tvö hlutastörf er að ræða og eru störfin laus frá og með miðjum ágúst.

Á 702. fundi byggðarráðs þann 13. júlí s.l. var eftirfarandi bókun gerð: Byggðarráð Sveitarfélagsins Skagafjarðar samþykkir að óska eftir við Atvinnuvega- og nýsköpunarráðuneytið að undanþága verði veitt frá löndunarskyldu á byggðakvóta tímabilið 1. júlí - 31. ágúst 2015.

Hægt er að kaupa gestakort sem gilda í söfn og sundlaugar á vegum sveitarfélagsins. Söfnin eru Glaumbær, Minjahúsið á Sauðárkróki og Sögusetur íslenska hestsins. Sundlaugarnar eru á Sauðárkróki, Hofsósi, Sólgörðum og Varmahlíð og er hægt að nálgast kortin á þessum stöðum.

Varmahlíðarskóli óskar eftir að ráða vélsmíða-, textíl-, smíða- og umsjónarkennara í 5. bekk. næsta skólaár.

Fjölskyldusvið Sveitarfélagsins Skagafjarðar óskar eftir að ráða kvenkyns starfsmann í búsetu fatlaðs fólks. Í starfinu felst að aðstoða fatlaðan einstakling við allar athafnir daglegs lífs, persónulegar og félagslegar. Þjónustan er veitt inni á heimili hans og eins utan þess þegar það á við.