Atvinnu-, menningar- og kynningarnefnd

Starfsmaður nefndarinnar fer yfir þau mál sem eru á döfinni frá síðasta fundi.

Skýrslan er flutt munnlega og til kynningar.

Nefndin þakkar fyrir yfirferðina.

Framlögð drög að auglýsingu eftir rekstraraðila félagsheimilisins.

Drög að auglýsingu samþykkt samhljóða og starfsmanni nefndarinnar falið að koma henni í birtingu á heimasíðu sveitarfélagsins, samfélagsmiðla og Sjónhorninu.

Umræður um viðburðinn.

Jólatrésskemmtunin í ár fer fram 29. nóvember nk., en venju samkvæmt fer hátíðin ávallt fram fyrsta laugardag í aðventu.

Nefndin fór yfir tillögur starfsmanns og felur viðkomandi að vinna áfram að dagskrá.

Framlagt erindi frá Ferðamálastofu dags. 7. október 2025 þar sem auglýst er eftir umsóknum um styrki fyrir árið 2026.

Opnað var fyrir umsóknir 7. október sl. og umsóknarfrestur er til kl. 13:00, þriðjudaginn 4. nóvember 2025.

Nefndin hvetur áhugasama aðila í Skagafirði til þess að kynna sér umsóknarferlið og sækja um styrk ef við á fyrir komandi ár.

Framlagt erindi frá Sigurjóni Friðjónssyni og Guðbjörgu Bjarnadóttur f.h. Norðursýnar dags. 22. september 2025 þar sem starfsemi fyrirtækisins er kynnt og óskað er eftir mögulegu samstarfi.

Markmið fyrirtækisins er að aðstoða fyrirtæki, stofnanir og aðra aðila á svæðinu með stafræna markaðssetningu.

Lagt fram til kynningar.

Matarkistan Skagafjörður snýst um samvinnu fjölbreyttra matvælaframleiðanda í Skagafirði að því að efla skagfirska matarmenningu og koma henni á framfæri.

Umræður um verkefnið.

Nefndin samþykkir samhljóða að tengiliður verkefnisins verði hér eftir verkefnastjóri matarupplifunar hjá Byggðarsafni Skagafjarðar.

Fjárhagsáætlun fyrir málaflokk nr. 5 - menningarmál lögð fram og tekin til seinni umræðu.

Atvinnu-, menningar- og kynningarnefnd samþykkir samhljóða framlagða fjárhagsáætlun fyrir árið 2026 með áorðnum breytingum og vísar henni til seinni umræðu í byggðarráði og sveitarstjórn.

Fjárhagsáætlun fyrir málaflokk nr. 13 - atvinnu- og kynningarmál lögð fram og tekin til seinni umræðu.

Atvinnu-, menningar- og kynningarnefnd samþykkir samhljóða framlagða fjárhagsáætlun fyrir árið 2026 og vísar henni til seinni umræðu í byggðarráði og sveitarstjórn.