Byggðarráð Skagafjarðar

Til fundarins mætti Sveinbjörg Rut Pétursdóttir, framkvæmdastjóri Samtaka sveitarfélaga á Norðurlandi vestra (SSNV), í gegnum fjarfundarbúnað. Kynnti hún drög og hugmyndir að áhersluverkefnum landshlutans.

Áhersluverkefni SSNV eru unnin á grundvelli gildandi samnings um Sóknaráætlun Norðurlands vestra og hafa beina skírskotun til markmiða hennar, auk þess að styðja við heimsmarkmið Sameinuðu þjóðanna. Er verkefnunum ætlað að styðja við markmið sóknaráætlunar með nánu samstarfi við sveitarfélögin á svæðinu, meðal annars með því að fjölga störfum og laða að fjárfestingar í landshlutanum.

Byggðarráð þakkar framkvæmdastjóra SSNV fyrir greinargóða kynningu og leggur áherslu á áframhaldandi gott samstarf við samtökin um framgang sóknaráætlunar og uppbyggingu atvinnulífs á svæðinu.

Lagt fram erindi frá stjórn Norðurár bs., dags. 24. ágúst 2026, þar sem óskað er eftir afstöðu sveitarfélaganna Skagafjarðar, Húnabyggðar og Skagastrandar til tilboðs ReSource um eftirlit með lokuðum urðunarstöðum á Skarðsmóum, í Draugagili og á Neðri-Harrastöðum.

Í erindinu kemur fram að aðalfundur Norðurár bs. hafi í mars 2026 beint því til stjórnar að kanna hagkvæmni þess að semja við ReSource um eftirlit með lokuðum urðunarstöðum fyrir hönd sveitarfélaganna. Fyrir liggur tilboð frá ReSource og er jafnframt óskað eftir afstöðu sveitarfélaganna til þess hvort Norðurá bs. geti verið samningsaðili fyrir þeirra hönd og annist síðan endurheimtu kostnaðar samkvæmt sundurliðun tilboðsins.

Byggðarráð tekur jákvætt í framlagt tilboð og samþykkir samhljóða að Norðurá bs. verði samningsaðili um eftirlit með lokuðum urðunarstöðum fyrir hönd aðildarsveitarfélaganna, enda verði kostnaði skipt samkvæmt fyrirliggjandi sundurliðun. Byggðarráð felur sveitarstjóra að koma afstöðu sveitarfélagsins á framfæri við stjórn Norðurár bs.

Máli vísað frá 48. fundi atvinnu-, menningar- og kynningarnefnd frá 25. ágúst sl., þannig bókað:
"Tekið fyrir erindi frá Berglindi Þorsteinsdóttur, safnstjóra Byggðasafns Skagfirðinga, dagsett 20. júlí 2026 um gjaldskrá byggðasafnsins fyrir árið 2027.

Atvinnu-, menningar- og kynningarnefnd samþykkir samhljóða fyrirlagða gjaldskrá fyrir árið 2027.

Erindinu vísað til byggðarráðs."

Byggðarráð samþykkir samhljóða framlagða gjaldskrá og vísar til afgreiðslu sveitarstjórnar.

Lagt er fram erindi frá Sýslumanninum á Norðurlandi vestra, dags. 4. september 2026, þar sem óskað er eftir umsögn sveitarfélagsins vegna umsóknar Austan Vatna ehf., kt. 440225-2170, um rekstrarleyfi í flokki II A (veitingahús) fyrir starfsstöðina Austan Vatna á Hólum (skólahús), fasteignanúmer F2142788, rýmisnúmer 090101. Sótt er um leyfi fyrir allt að 56 gesti og afgreiðslutíma áfengis virka daga frá kl. 11:30 - 23:30 og aðfaranætur frídaga frá kl. 11:00 - 00:00.

Byggðarráð gerir ekki athugasemd við veitingu rekstrarleyfisins og staðfestir, með vísan til 1. tölul. 4. mgr. 10. gr. laga nr. 85/2007 um veitingastaði, gististaði og skemmtanahald, að fyrirhuguð starfsemi, staðsetning og afgreiðslutími séu í samræmi við gildandi skipulag og reglur sveitarfélagsins, enda liggi fyrir jákvæðar umsagnir og samþykki annarra umsagnaraðila.

Vísað frá 50. fundi landbúnaðar- og innviðanefndar þann 19. ágúst sl., þannig bókað:
"Fjárhagsáætlun Skagafjarðar, málaflokkur 08_Hreinlætismál, fyrir rekstrárið 2027 lögð fram.
Sveinn Úlfarsson landbúnaðar- og umhverfisfulltrúi sat fundinn undir þessum lið.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 50. fundi landbúnaðar- og innviðanefndar þann 19. ágúst sl., þannig bókað:
"Fjárhagsáætlun 2027, málaflokkur 09_Samgöngumál, fyrir rekstrarárið 2027 lögð fram.
Gunnar Páll Ólafsson bæjarverkstjóri Þjónustumiðstöðvar sat fundinn undir þessum lið.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 50. fundi landbúnaðar- og innviðanefndar þann 19. ágúst sl., þannig bókað:
"Fjárhagsáætlun 2027, málaflokkur 11_Umhverfis- og landbúnaðarmál, fyrir rekstrarárið 2027 lögð fram.
Gunnar Páll Ólafsson bæjarverkstjóri Þjónustumiðstöðvar og Sveinn Úlfarsson landbúnaðar- og umhverfisfulltrúi sátu fundinn undir þessum lið.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 50. fundi landbúnaðar- og innviðanefndar þann 19. ágúst sl., þannig bókað:
"Fjárhagsáætlun Skagafjarðar, málaflokkur 69 fráveita, fyrir rekstrárið 2027 lögð fram.
Gunnar Páll Ólafsson bæjarverkstjóri Þjónustumiðstöðvar sat fundinn undir þessum lið.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 51. fundi landbúnaðar- og innviðanefndar þann 24. ágúst sl., þannig bókað:
"Fjárhagsáætlun Skagafjarðar, málaflokkur 67_SKV-hitaveita, fyrir rekstrarárið 2027 lögð fram.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 51. fundi landbúnaðar- og innviðanefndar þann 24. ágúst sl., þannig bókað:
"Fjárhagsáætlun Skagafjarðar, málaflokkur 65_SKV-sjóveita, fyrir rekstrarárið 2027 lögð fram.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 51. fundi landbúnaðar- og innviðanefndar þann 24. ágúst sl., þannig bókað:
"Fjárhagsáætlun Skagafjarðar, málaflokkur 63_SKV-vatnsveita, fyrir rekstrarárið 2027 lögð fram.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.

Vísað frá 51. fundi landbúnaðar- og innviðanefndar þann 24. ágúst sl., þannig bókað:
"Fjárhagsáætlun Skagafjarðar, málaflokkur 61_Hafnarsjóður Skagafjarðar, fyrir rekstrarárið 2027 lögð fram.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs."

Byggðarráð samþykkir samhljóða framlagða rammaáætlun og felur forstöðumönnum að hefja vinnu við vinnubækur.