Fréttir

Síðasti fundur núverandi sveitarstjórnar verður haldinn miðvikudaginn 11. júní kl. 16:15 í Safnahúsi við Faxatorg.

Nýsköpunarmiðstöð Íslands, ásamt Sveitarfélaginu Skagafirði og Kaupfélagi Skagfirðinga, efnir til samkeppni um góðar viðskiptahugmyndir í Skagafirði. Einstaklingum, hópum og fyrirtækjum er boðið að senda inn verkefni og sækja um þátttöku. Umsóknarfrestur er til 12. júní.

Miðvikudaginn 4. júní var undirritaður verksamningur milli Skagafjarðarveitna og Frumherja ehf. vegna mælaleigu. Samningurinn er til 12 ára sem er löggildingatími mælanna. Frumherji leigir Skagafjarðarveitum mælana og sér um viðhald og þjónustu.

Deildarstjóri Árvistar stýrir daglegu starfi í Árvist sem er heilsdagsskóli Árskóla. Um er að ræða 70% starf seinni hluta dags.

Sveitarfélagið Skagafjörður efnir til umhverfisdaga dagana 7. til 9. júní nk. Takmarkið er fegurra umhverfi og því skiptir miklu máli að íbúar taki höndum saman og tíni rusl og snyrti í kringum lóðir sínar og á nærliggjandi opnum svæðum.

Á heimasíðu Byggðasafns Skagfirðinga segir að starfsmenn Fornleifadeildar hafi unnið við fornleifauppgröft á Hamri í Hegranesi undanfarnar tvær vikur. Ábúendur eru að fara að byggja við íbúðarhúsið sem stendur á sama stað og húsin fyrr á öldum og í ljós kom 11. aldar skáli.

Starfið felur í sér allan daglegan rekstur, s.s. uppgjör, innkaup endursöluvara og þrif, sem og öryggisgæslu sundlaugar, eftirlit með öryggiskerfum og afgreiðslu sundlaugargesta.

Ársalir auglýsir lausar stöður deildarstjóra, leikskólakennara og starfsmanna í afleysingum.

Norðurlandamót unglingalandsliða í körfu fór fram í Svíþjóð í lok maí. Íslendingar telfdu fram fjórum liðum á mótinu og voru fjögur ungmenni úr Tindastóli þar á meðal. Einn Norðurlandameistaratitill vannst á mótinu þar sem U16 ára lið kvenna vann alla sína leiki. U18 ára lið karla hafnaði í 2. sæti, U16 ára lið karla hafnaði í 4. sæti og U18 ára lið kvenna hafnaði einnig í 4. sæti.