Veitunefnd Svf Skagafjarðar

Farið var yfir stöðu framkvæmda við ljósleiðaravæðingu í dreifbýli. Lagningu ljósleiðara er að mestu lokið í Lýtingsstaðahreppi hinum forna að frátöldu Steinsstaðahverfi þar sem unnið er að lagningu um þessar mundir. Lagningu er lokið á milli Marbælis og Sauðárkróks og ídrætti ljósleiðara í fyrirliggjandi ídráttarrör er lokið í Hegranesi. Unnið er að ídrætti ljósleiðara á Hofðaströnd og í Sléttuhlíð og gengur sú vinna vel. Unnið er að plægingu stofnstrengs ljósleiðara á Reykjaströnd og í beinu framhaldi verður farið í plægingu á strengjum í Efribyggð.
Míla vinnur að gerð tengimynda fyrir áðurnefnd svæði og mun fyrsti hluti þeirra liggja fyrir á næstu dögum og verður þá hafist handa við tengivinnu.

Lögð voru fyrir fundinn lokadrög að samningi við Mílu um uppbyggingu ljósleiðarakerfis í dreifbýli. Veitunefnd felur formanni og sviðstjóra að ganga frá samningi við Mílu á grundvelli fyrirliggjandi samningsdraga.

Farið var yfir hönnunardrög og kostnaðaráætlanir vegna hitaveituvæðingu svæða sem liggja utan 5 ára framkvæmdaáætlunar Skagafjarðarveitna.

Farið var yfir hönnunardrög og kostnaðaráætlanir vegna hitaveituvæðingar í Óslandshlíð, Viðvíkursveit og Hjaltadal.

Lögð voru fram drög að Borholureglum frá Orkustofnun til umsagnar.
Umsögn frestað til næsta fundar.