Félagsheimilið Bifröst - rekstur 2026-2028

Sveitarfélagið auglýsti í október sl. eftir umsóknum frá aðilum sem vildu taka að sér rekstur félagsheimilisins Bifrastar á Sauðárkróki. Umsóknarfresturinn rann út 24. nóvember sl. og alls bárust inn þrjár umsóknir.

Framlagðar umsóknir um rekstur félagsheimilisins Bifrastar.

Atvinnu-, menningar- og kynningarnefnd samþykkir samhljóða að fela starfsmönnum nefndarinnar að boða alla þrjá umsækjendur í viðtal.

Tinna Kristín Stefánsdóttir vék af fundi undir þessum fundarlið.

Á 40. fundi atvinnu-, menningar- og kynningarnefndar samþykkti nefndin samhljóða að fela starfsmönnum að boða alla þrjá umsækjendur sem sækjast eftir að vera rekstraraðilar félagsheimilisins Bifrastar á Sauðárkróki, í viðtal.

Fyrir fundinum lágu niðurstöður og samantektir viðtala.

Atvinnu-, menningar- og kynningarnefnd samþykkir samhljóða að fela starfsmönnum nefndarinnar að ganga til samninga við Sigurlaugu Vordísi Eysteinsdóttur og Sigfús Arnar Benediktsson til og með 31. desember 2027 með möguleika á árs framlengingu.

Nefndin þakkar fyrir góðar umsóknir og vill jafnframt koma á framfæri þökkum til Sigurbjarnar Björnssonar og Báru Jónsdóttur fyrir þeirra störf í þágu samfélagsins.

Lagður fram undirritaður samningur um rekstur á félagsheimilinu Bifröst.


Nefndin samþykkir samhljóða fyrirliggjandi samning og vísar honum til afgreiðslu sveitarstjórnar.

Vísað frá 42. fundi atvinnu-, menningar- og kynningarnefnd frá 16. janúar sl. til afgreiðslu sveitarstjórnar, þannig bókað:
"Lagður fram undirritaður samningur um rekstur á félagsheimilinu Bifröst.

Nefndin samþykkir samhljóða fyrirliggjandi samning og vísar honum til afgreiðslu sveitarstjórnar."

Álfhildur Leifsdóttir og Sigurlaug Vordís Eysteinsdóttir véku af fundi við afgreiðslu þessa máls.

Sveitarstjórn samþykkir með sjö atkvæðum framlagðan samning um rekstur á félagsheimilinu Bifröst.