Almenningssamgöngur á Sauðárkróki - útboð

Á fundinum var farið yfir fyrirliggjandi drög að útboðsgögnum sem unnin eru af fyrirtækinu Consensa fyrir Skagafjörð. Meginbreyting frá fyrra útboði er stytting á fyrirhuguðu aksturstímabili, sem verður frá 15. nóvember til og með 28. febrúar ár hvert.

Byggðarráð samþykkir samhljóða fyrirliggjandi útboðsgögn með breytingum. Byggðarráð samþykkir jafnframt samhljóða að fela sveitarstjóra að láta auglýsa útboðið.

Á 164. fundi byggðarráðs samþykkti byggðarráð samhljóða að láta auglýsa útboð á almenningssamgöngum á Sauðárkróki. Frestur til að skila inn tilboði var til 24. nóvember 2025 og barst eitt tilboð í verkið frá Suðurleiðum ehf. Tilboðið hljómar upp á 119% af kostnaðaráætlun.

Byggðarráð samþykkir samhljóða að taka tilboði Suðurleiða ehf. og vísar til afgreiðslu sveitarstjórnar.

Vísað frá 174. fundi byggðarráðs frá 10. desember sl. til afgreiðslu sveitarstjórnar, þannig bókað:
"Á 164. fundi byggðarráðs samþykkti byggðarráð samhljóða að láta auglýsa útboð á almenningssamgöngum á Sauðárkróki. Frestur til að skila inn tilboði var til 24. nóvember 2025 og barst eitt tilboð í verkið frá Suðurleiðum ehf. Tilboðið hljómar upp á 119% af kostnaðaráætlun.

Byggðarráð samþykkir samhljóða að taka tilboði Suðurleiða ehf. og vísar til afgreiðslu sveitarstjórnar."

Sveitarstjórn samþykkir með níu atkvæðum að taka tilboði Suðurleiða ehf.