Beiðni um viðræður varðandi landamerki að Sjávarborg 1, 2, og 3

Tekið fyrir erindi frá umboðsmanni erfingja Haraldar Árnasonar, Sjávarborg 2, og eigendum hluta Sjávarborgar 3, dags. 17. júlí 2019, þar sem óskað er eftir að fulltrúar frá Sveitarfélaginu Skagafirði og fulltrúar eigenda og erfingja Sjávarborgar 1, 2 og 3 fari yfir og kortleggi landamerki á milli sveitarfélagsins og Sjávarborgar 1, 2 og 3.
Byggðarráð felur sveitarstjóra og skipulags- og byggingarfulltrúa að afla upplýsinga frá eigendum Sjávarborgar 1, 2 og 3.

Málið áður tekið fyrir á 875. fundi byggðarráðs Sveitarfélagsins Skagafjarðar.
Skipulagsfulltrúi og starfsmenn hafa aflað margvíslegra gagna, m.a. frá eigendum Sjávarborgar 1, 2 og 3, og fyrir liggja nokkrar sviðsmyndir túlkana á kaupsamningi á milli Árna Daníelssonar og hreppsnefndar Sauðárkrókshrepps, dags. 8. mars 1934, um kaup hreppsins á hluta úr landi Sjávarborgar, og afmörkun hins selda lands. Sæunn Kolbrún Þórólfsdóttir skipulagsfulltrúi tók þátt í fundinum í gegnum fjarfundabúnað.
Byggðarráð felur sveitarstjóra, formanni byggðarráðs og skipulagsfulltrúa að eiga fund með fulltrúum Sjávarborgar 1, 2 og 3 um hinar ólíku sviðsmyndir til að fá fram afstöðu þeirra til málsins.

Lögð fram vinnuskrá, uppdrættir nr. S201, S202, S203, S204 og S205, skrá 729555, dags. 20.02 2024 unnin af Stoð ehf. verkfræðistofu, sem sýna landamerki á milli eignarlands Sjávarborgar I, II og III og sveitarfélagsins Skagafjarðar. Skráin er afrakstur vinnu og samtals á milli eigenda Sjávarborgar og fulltrúa Skagafjarðar og er ætlað að staðfesta landamerkin aðila á milli.

Byggðarráð Skagafjarðar samþykkir samhljóða þá tillögu að landamerkjum á milli sveitarfélagsins Skagafjarðar og Sjávarborgar I, II og III, eins og hún kemur fram í ofangreindum gögnum og leggur til við sveitarstjórn að gerð verði merkjalýsing sbr. gildandi lög og á grundvelli reglugerðar nr. 160/2024 um merki fasteigna.

Vísað frá 109. fundi byggðarráðs frá 21. ágúst sl. til afgreiðslu sveitarstjórnar, þannig bókað:
"Lögð fram vinnuskrá, uppdrættir nr. S201, S202, S203, S204 og S205, skrá 729555, dags. 20.02 2024 unnin af Stoð ehf. verkfræðistofu, sem sýna landamerki á milli eignarlands Sjávarborgar I, II og III og sveitarfélagsins Skagafjarðar. Skráin er afrakstur vinnu og samtals á milli eigenda Sjávarborgar og fulltrúa Skagafjarðar og er ætlað að staðfesta landamerkin aðila á milli.

Byggðarráð Skagafjarðar samþykkir samhljóða þá tillögu að landamerkjum á milli sveitarfélagsins Skagafjarðar og Sjávarborgar I, II og III, eins og hún kemur fram í ofangreindum gögnum og leggur til við sveitarstjórn að gerð verði merkjalýsing sbr. gildandi lög og á grundvelli reglugerðar nr. 160/2024 um merki fasteigna."

Sveitarstjórn samþykkir með níu atkvæðum að gerð verði merkjalýsing sbr. gildandi lög og á grundvelli reglugerðar nr. 160/2024 um merki fasteigna.

Lagt fram erindi vegna merkjalýsingar og afstöðuuppdráttar, dags. 7. júlí 2026, fyrir landamerki Sauðárkróks og Sauðárkróksflugvallar gagnvart Sjávarborg I, II og III.
Fram kemur að merkjalýsingin byggi á sáttalínu allra aðliggjandi landeigenda sem fengin hafi verið með yfirferð fyrirliggjandi gagna og fundum með landeigendum. Merkjalýsingin liggur fyrir með undirskriftum allra landeigenda Sjávarborgar I, II og III og er tilbúin til áritunar af hálfu Skagafjarðar sem landeiganda Sauðárkrókslands og Sauðárkróksflugvallar.

Byggðarráð samþykkir samhljóða framlagða merkjalýsingu og heimilar sveitarstjóra að undirrita hana fyrir hönd Skagafjarðar.

Magnús Barðdal sveitarstjóri Skagafjarðar, f.h. Sauðárkróks, landnr. 218097 og Sauðárkróksflugvallar, landnr. 143928, og þinglýstir eigendur Sjávarborgar I, landnr. 145953, Sjávarborgar II, landnr. 145955, og Sjávarborgar III, landnr. 145956 leggja fram sbr. lög nr. 6/2001 um skráningu, merki og mat fasteigna merkjalýsingu dags. 7. júlí 2026 sem unnin er á Stoð ehf. Verkfræðistofu af Birni Magnúsi Árnasyni.

Afstöðuppdráttur og merkjalýsing var unnin á Stoð ehf. verkfræðistofu af Birni Magnúsi Árnasyni, undirrituð af eigendum 15.07.2026.
Málsnúmer í landeignaskráningu HMS M004123.

Skipulagsnefnd samþykkir samhljóða að leggja til við sveitastjórn að staðfesta framlagða merkjalýsingu og afstöðuuppdrátt.

Vísað frá 103. fundi skipulagsnefndar frá 13. ágúst sl. til afgreiðslu sveitarstjórnar, þannig bókað:
"Magnús Barðdal sveitarstjóri Skagafjarðar, f.h. Sauðárkróks, landnr. 218097 og Sauðárkróksflugvallar, landnr. 143928, og þinglýstir eigendur Sjávarborgar I, landnr. 145953, Sjávarborgar II, landnr. 145955, og Sjávarborgar III, landnr. 145956 leggja fram sbr. lög nr. 6/2001 um skráningu, merki og mat fasteigna merkjalýsingu dags. 7. júlí 2026 sem unnin er á Stoð ehf. Verkfræðistofu af Birni Magnúsi Árnasyni.

Afstöðuppdráttur og merkjalýsing var unnin á Stoð ehf. verkfræðistofu af Birni Magnúsi Árnasyni, undirrituð af eigendum 15.07.2026.
Málsnúmer í landeignaskráningu HMS M004123.

Skipulagsnefnd samþykkir samhljóða að leggja til við sveitastjórn að staðfesta framlagða merkjalýsingu og afstöðuuppdrátt."

Sveitarstjórn samþykkir, með níu atkvæðum að staðfesta framlagða merkjalýsingu og afstöðuuppdrátt.