Afgreiðslufundur byggingarfulltrúa

Birkir Kúld Pétursson byggingafræðingur sækir f.h. Sonju S. Sigurgeirsdóttur og Höllu Sigurjónsdóttur um leyfi til að byggja frístundahús á lóðinni Ljónsstaðir, L230903 í Sæmundarhlíð. Framlagður aðaluppdráttur gerður á teiknistofunni BK hönnun ehf. af umsækjanda. Uppdráttur í verki 26-02, númer 110, dagsettur 25.02.2026. Einnig sótt um tímabundið stöðuleyfi fyrir ofangreindu húsi vestan við núverandi íbúðarhús. Byggingin fellur undir umfangsflokk 1. skv. gr. 1.3.2. í byggingarreglugerð. Stöðuleyfi veitt, byggingaráform samþykkt.

Hallgrímur Ingi Jónsson tæknifræðingur sækir f.h. Mannskaðahóls ehf. um leyfi til að byggja fjós á jörðinni Mannskaðahóli, L146558. Framlagðir aðaluppdrættir gerðir á Stoð ehf. verkfræðistofu af umsækjanda. Uppdrættir í verki 77410001, númer A100, A101, A102, A103 og A105, dagsettir 19.11.2025. Byggingin fellur undir umfangsflokk 1. skv. gr. 1.3.2. í byggingarreglugerð. Byggingaráform samþykkt.

Ívar Örn Guðmundsson arkitekt sækir f.h. Þórarins Magnússonar og Söru Regínu Valdimarsdóttur um leyfi til að byggja forstofu við fjöleignarhús sem stendur á lóðinni Frostastaðir 1-4, L146295. Fyrirhuguð forstofa byggist við íbúð með fasteignanúmerið F2519343. Einnig sótt um leyfi fyrir breytingum innangerðar sömu íbúðar. Framlagðir aðaluppdrættir gerðir hjá Studio Nexus slf. af umsækjanda. Uppdrættir númer 212-A-001, 212-A-002 og 212-A-003, dagsettir 13.02.2026, breytt 25.02.2026. Fyrir liggur samþykki allra eigenda séreigna í húsinu. Framkvæmdin fellur undir umfangsflokk 1. skv. gr. 1.3.2. í byggingarreglugerð. Byggingaráform samþykkt.

Þórir Guðmundsson byggingarfræðingur sækir f.h. Uppsteypu ehf. um leyfi til að setja upp milliloft í fjöleignarhúsi, geymsluhúsnæði með fasteignanúmerið F2533034, eining 01-0106 sem stendur á lóðinni númer 7 við Borgarflöt á Sauðárkróki. Einnig sótt um leyfi til að breyta útliti hússins, setja glugga á vesturstafn og suðurhlið. Framlagður aðaluppdráttur gerður af umsækjanda. Uppdráttur í verki 0012026, númer A-01, dagsettur 16.02.2026. Fyrir liggur samþykki allra eigenda séreigna í húsinu. Framkvæmdin fellur undir umfangsflokk 1. skv. gr. 1.3.2. í byggingarreglugerð. Byggingaráform samþykkt.

Þórir Guðmundsson byggingarfræðingur sækir f.h. HRÁ ehf. um leyfi til að setja upp milliloft í fjöleignarhúsi, geymsluhúsnæði með fasteignanúmerið F2533035, eining 01-0107 sem stendur á lóðinni númer 7 við Borgarflöt á Sauðárkróki. Einnig sótt um leyfi til að breyta útliti hússins, setja glugga á suðurhlið og breyta notkun hússins fyrir léttan iðnað. Framlagður aðaluppdráttur gerður af umsækjanda. Uppdráttur í verki 0012026, númer A-01, dagsettur 16.02.2026. Fyrir liggur samþykki allra eigenda séreigna í húsinu. Framkvæmdin fellur undir umfangsflokk 1. skv. gr. 1.3.2. í byggingarreglugerð. Byggingaráform samþykkt.

Sigurður Ingi Ragnarsson raflagnahönnuður leggur fram gögn er varðar tilkynnta framkvæmd f.h. Gunnars Sigurðssonar eiganda Stóru-Akra 1 L146342. Tilkynnt framkvæmd varðar uppsetningu á sólarsellum á fjósi, mhl. 19 og fjárhúsi mhl. 21 sem standa á jörðinni. Framlögð gögn, greinargerð dagsett 16.02.2026 gerð af Sigurði Inga Ragnarssyni. Tilkynning og gögn eru í samræmi við gr. 2.3.5 og 2.3.6. í byggingarreglugerð 112/2012 um tilkynntar framkvæmdir.

Sigurður Steingrímsson eiganda neðri hæðar fjöleignahúss með fasteignanúmerið F2132147, leggur fram gögn er varðar tilkynnta framkvæmd fyrir Skagfirðingabraut 41. Tilkynnt framkvæmd varðar breytingar á útliti húss, gluggar neðri hæðar. Framlögð gögn gerð af Þóri Guðmundssyni byggingarfræðingi. Uppdráttur í verki HA26159, númer A-101, dagsettur 15.02.2026. Fyrir liggur samþykki eiganda efri hæðar með fasteignanúmerið F2132148. Tilkynning og gögn eru í samræmi við gr. 2.3.5 og 2.3.6. í byggingarreglugerð 112/2012 um tilkynntar framkvæmdir.

Lagður fram tölvupóstur, dagsettur 17. febrúar 2026 frá sýslumannsembættinu á Norðurlandi vestra úr máli nr. 2026-012398. Með vísan til 4. mgr. 10. gr. laga nr. 85/2007 um veitingastaði, gististaði og skemmtanahald og 26. og 27. gr. reglugerðar nr. 1277/2016 þar sem óskað er umsagnar byggingarfulltrúa varðandi umsókn Berglindar Þorsteinsdóttur, f.h. Byggðasafns Skagfirðinga um veitingaleyfi í flokki II - E Kaffihús í Áshúsi, Glaumbæ lóð, L 146033, fasteignanúmer F2140444, mhl. 03. Byggingarfulltrúi gerir ekki athugasemd við umsóknina.