Veitunefnd Svf Skagafjarðar

Lögð var fyrir fundinn fundargerð vegna íbúafundar með íbúum og landeigendum á norðvestanverðu Hegranesi.
Fundurinn var haldin 19. sept sl. og voru 15 manns á fundinum. Bragi Þór frá verkfræðistofunni Stoð ehf. fór yfir ástæður þess að norðvestanvert Hegranes var ekki tengt við hitaveitulögn frá Varmahlíð og kynnti drög að hönnun á stofnlögn frá hesthúsahverfi að Hegranesi. Íbúar ítrekuðu þá ósk sína að framkvæmdum við norðvestanvert Hegranes yrði flýtt og þar með lokið hitaveituvæðingu Hegraness í heild.
Nefndin minnir á að vinna stendur nú yfir við að kortleggja svæði sem standa utan 5 ára áætlunar.

Lagt var fyrir fundinn tilboð Ræktunarsambands Flóa og Skeiða í borun nýrrar heitavatnsholu við Langhús í Fljótum. Gert er ráð fyrir borun verði lokið fyrir 15. nóvember.
Nefndin samþykkir tilboðið.

Lögð voru fyrir fundinn drög að nýjum samningi við landeigendur jarðarinnar Langhúsa. Samningurinn er byggður á eldri samningi frá 2011.
Nefndin samþykkir samningsdrögin og felur sviðsstjóra að ganga frá samningum við landeiganda.

Sækja þarf um nýtt nýtingarleyfi vegna borholu við Langhús. Eldra nýtingarleyfi er takmarkað við 2,5 l/s en áætlað rennsli úr holunni er a.m.k. 3 l/s miðað við núverandi hönnun. Sviðsstjóra falið að sækja um nýtt nýtingarleyfi til Orkustofnunnar.

Rekstraraðilar skíðahúss á Deplum hafa óskað eftir upplýsingum varðandi hitaveituframkvæmdir í Fljótum og mögulegrar tengingar hússins við hitaveitu.
Lögð voru fyrir fundinn frumdrög að hönnun og kostnaðaráætlun vegna hitaveitulagnar frá Skeiðsfossi að Deplum og Þrasastöðum.
Sviðsstjóra falið að boða rekstraraðila á fund nefndarinnar við fyrsta tækifæri.

Lagt var fyrir fundinn erindi frá FISK um mögulega notkun á sjóveitu vegna dælingar hráefnis úr fiskvinnslu að fiskþurrkunarstöð.
Nefndin tekur jákvætt í erindið og felur sviðsstjóra að vinna áfram að málinu.

Sviðsstjóra falið að taka saman framkvæmdalista fyrir árið 2015 fyrir næsta fund.