Hraðakstur í íbúðahverfum

Hraðakstur í íbúðagötum er vandamál í þéttbýlisstöðum Skagafjarðar. Landbúnaðar og innviðanefnd hefur fullan skilning á áhyggjum íbúa af gangandi börnum og ferðum gangandi vegfarenda. Það er mat Landbúnaðar og innviðanefndar að taka þurfi á rótum vandans sem er að hluta til hraðakstur innan íbúahverfa og að því er oft virðist þá oft hraði umfram þann hraða sem leyfður er í viðkomandi götu. Hvetur nefndin því íbúa til að fara gætilega og virða þær hraðatakmarkanir sem eru í gildi. Jafnframt eru lögregluyfirvöld hvött til að gera verulegt átak í hraðakstri innan þéttbýlismarka Skagafjarðar og tryggja þannig að gildandi reglum sé fylgt.
Jafnframt samþykkir Landbúnaðar og innviðanefnd samhljóða að fela Veitu- og framkvæmdasviði að hefja kortlagningu á helstu hættusvæðum, m.t.t. uppsetningu hraðahindrana og hugsanlegra hraðalækkana, í samvinnu við lögreglu.

Landbúnaðar og innviðanefnd bókaði þann 10 júlí sl. að grípa þyrfti til aðgerða vegna hraðaksturs í íbúagötum og fól starfsmönnum Veitu- og framkvæmdasviðs að leggja fram tillögur um úrbætur. Þær tillögur eru nú lagðar fyrir fundinn. Landbúnaðar- og innviðanefnd samþykkir samhljóða framlagða tillögu Veitu og framkvæmdasviðs um uppsetningu færanlegra götuþrenginga á Hólavegi, Hólmagrund og Sæmundargötu.