Afgreiðslufundur byggingarfulltrúa

Þórður Karl Gunnarsson tæknifræðingur sækir f.h. sveitarfélagsins Skagafjarðar um leyfi til að flytja aðstöðuhús sem stendur á tjaldsvæði við sundlaug Sauðárkróks. Húsið verður flutt og því komið fyrir á tjaldsvæði sem verið er að gera á Lóð 14 á Nöfum, L143946. Framlagðir aðaluppdrættir gerðir á Stoð ehf. verkfræðistofu af umsækjanda. Uppdrættir í verki 41520001, númer A-100, A-101 og A-102, dagsettir 22.04.2026. Framkvæmdin fellur undir umfangsflokk 1. skv. gr. 1.3.2. í byggingarreglugerð. Byggingaráform samþykkt.

Lagður fram tölvupóstur, dagsettur 21. apríl 2026 frá sýslumannsembættinu á Norðurlandi vestra úr máli nr. 2026-028981. Með vísan til 4. mgr. 10. gr. laga nr. 85/2007 um veitingastaði, gististaði og skemmtanahald, 26. og 27. gr. reglugerðar nr. 1277/2016 þar sem óskað er umsagnar byggingarfulltrúa varðandi umsókn Snorra Snorrasonar f.h. Tenors slf. um leyfi til reksturs gististaðar í flokki III - D Gistiskáli í Menningarhúsinu Miðgarði, Varmahlíð, fasteignanúmer F2140833. Byggingarfulltrúi gerir ekki athugasemd við umsóknina.