Skráning hafin í Vinnuskóla Skagafjarðar

Búið er að opna fyrir skráningar í Vinnuskóla Skagafjarðar sumarið 2023. Vinnuskólinn verður starfandi frá mánudeginum 5. júní til föstudagsins 11. ágúst að báðum dögum meðtöldum. Leitast er við að veita öllum 13 til 16 ára unglingum búsettum í Skagafirði aðgang í skólann. Árgangarnir sem í hlut eiga eru fæddir á árunum 2010, 2009, 2008, og 2007. Vinnutíminn er 40 klukkustundir eða 2 vinnuvikur hjá yngsta árgangi, 120 klukkustundir fyrir ungmenni fædd árið 2009 eða 4 heilar vinnuvikur, 180 klukkustundir fyrir ungmenni fædd árið 2008 eða 6 heilar vinnuvikur og 240 klukkustundir hjá elsta hópnum eða 8 vikna tímabil. Mæting er kl. 08:00 fyrsta vinnudag í bækistöð vinnuskólans að Sæmundargötu 7b (Hús frítímans). 

Nánari upplýsingar um fyrirkomulag vinnuskóla og skráningu má finna á hér.