Rökkurganga í Glaumbæ 30. nóvember

Sunnudaginn 30 . nóvember býður Byggðasafn Skagfirðinga til sinnar árlegu rökkugöngu í Glaumbæ. 

 

Félagar úr Kvæðamannafélaginu Gefjunni og þjóðháttafélaginu Handraðanum taka þátt í að skapa jólastemningu í bænum. Farið verður með kveðskap og hægt verður að sjá kertagerð, laufabrauðsgerð og tálgun og hver veit nema einhverjir jólasveinar kíki í bæinn.

 

Kaffistofan í Áshúsi verður opin og hægt verður að versla kræsingar frá Elínborgu í Breiðargerði, Amber hjá Ísponica og Völu í Korg. Það verður því sannur hátíðarbragur yfir svæðinu!

 

Ókeypis verður á safnið á meðan á viðburðinum stendur kl. 15-17.

 

Skagafjörður hvetur öll til þess að mæta með góða skapið og vasaljós og að njóta aðventunnar.