Hunda- og kattahreinsun á Sauðárkróki
14.02.2025
Fimmtudaginn 20. febrúar nk. býður dýralæknir skráðum hunda- og kattaeigendum upp á hreinsun gæludýra í Áhaldahúsinu, Borgarflöt 27 á Sauðárkróki.
Kattahreinsun verður frá kl. 16:00 - 17:00 og hundahreinsun verður frá kl. 17:00 - 18:00.
Hreinsunin er innifalin í verði gæludýraskráningar og stendur skilvísum gæludýraeigendum til boða.
Viljum við minna á að eigendum hunda í öllu sveitarfélaginu er skylt að láta hreinsa hunda sína einu sinni á ári, til að stemma stigu við útbreiðslu sníkjudýra. (Reglugerð um hollustuhætti, 57. gr. 941/2002.)
Umhverfis- og landbúnaðarfulltrúi.