Rósmundur Ingvarsson heiðraður fyrir vel unnin störf

Frá og með 1. mars nk. mun starfsstöð bókasafnins á Steinsstöðum sameinast starfsstöð bókasafnsins í Varmahlíð og Héraðsbókasafni Skagfirðinga á Sauðárkróki.

Rósmundur Ingvarsson hefur sinnt safninu á Steinsstöðum af einstakri natni og áhuga í marga áratugi.

Sigfús Ingi Sigfússon sveitarstjóri og Þórdís Friðbjörnsdóttir héraðsbókavörður heimsóttu Rósmund í gær og færðu honum þakkir fyrir mikið og gott starf í þágu lestrar- og menningarstarfsemi í sveitarfélaginu.