Tröllabrúðusmiðja á bókasafninu

Greta Clogh frá Hvammstanga heimsækir okkur með brúðusmiðju laugardaginn 7. febrúar kl. 11:00.

Þátttakendur búa til sína eigin tröllabrúðu úr endurnýtanlegu efni sem fellur til á heimilinu og efnum sem finnast í íslenskri náttúru.

Aðferðafræði safnamennsku og sjónlista er nýtt til að kynna leikbrúðuhönnun á skemmtilegan og skapandi hátt, fyrir fólk á öllum aldri, óháð reynslu.

Þessi spennandi vinnusmiðja hefur vakið áhuga fólks víða í Evrópu síðustu árin og verður nú í boði á Sauðárkróki.

Þar sem hámarksfjöldi þátttakenda er 20 þarf að skrá sig á netfanginu bokasafn@skagafjordur.is.

Börn 7 ára og yngri þurfa að vera í fylgd með fullorðnum.