17. júní hátíðarhöld

Í ár fögnum við því að 80 ár eru liðin frá stofnun lýðveldis á Íslandi. Hátíðar- og skemmtidagskrá Skagafjarðar mun fara fram sunnan við íþróttahúsið á Sauðárkróki, þar sem karnival stemning mun ríkja á Árskólalóðinni.
Skrúðganga fer frá Safnahúsi Skagfirðinga við Faxatorg kl. 13:30 og endar á hátíðarsvæðinu sunnan við íþróttahúsið.

 

8:00 Fánar dregnir að húni
Íbúar eru hvattir til að draga fána að húni á flaggstöngum sínum.

 

11:00 17. júní hjólatúr
Íbúar eru hvattir til að fá sér hjólatúr í tilefni dagsins. Tilvalið að skreyta hjólin með Íslenska fánanum.

 

13:30 Skrúðganga frá Safnahúsinu við Faxatorg að hátíðarsvæðinu

 

14:00 Karnival hátíðardagskrá sunnan við íþróttahús, á Árskólalóðinni

 

Karnivalstemning verður á Árskólalóðinni!
- Hvolpasveitin heilsar upp á börnin
- Grillaðar pylsur í boði sveitarfélagsins
- Lýðveldiskaka í boði fyrir gesti
- Skátarnir verða með fjölbreyttan söluvarning
- Hoppukastalar
- Teymt undir börnum á hestbaki
- Skemmtilegir leikir og þrautir

 

15:00 Götukörfuboltamót á körfuboltavellinum við Árskóla
Þrír á þrjá. Skráning á gotukorfubolti@gmail.com eða í spurningakönnun inn á viðburðinum á Facebook. Keppt verður í tveimur flokkum:
15 ára og yngri og 16 ára og eldri.